Eyuva rOmbunguhiro yOhanganisiro
1 Muhona wa hungira ku Moses kombunda yonḓiro yovazandu vevari va Aron, mba ṱa mena rokupunguhira Muhona ombunguhiro ohasemba yomuriro, 2 na tja: “Raera erumbi roye Aron kutja a ha hiti ngamwa oruveze aruhe mOtjouyapukeyapuke, kongotwe yerapi etjizikize, komurungu wotjikamo tji tji ri kOtjipwikiro tjOmerikutiropamwe kutja a ha ṱu; orondu ami me rimunikisa motjikamba kombanda yotjikamo. 3 Aron tji ma hiti mOtjouyapukeyapuke nga tenge okueta ondwiyona yongombe i rire ombunguhiro yokuisapo ourunde, nondwezu yonḓu i rire ombunguhiro oningiririsiwa.”
4 Nu Muhona wa yandja omarakiza nga: “Aron ngunda e hiya hita mOtjouyapukeyapuke nge rikohe morutu nu nge ri zarise ozombanda zoupristeri, okutja ombanda yokehi yorupera oruheze, nomburukweva ondimbu yerapi, nekwamo okurivaranga na ro, nekori.
5 “Nu ombongo yOvaisrael nga i yandje ozondwezu mbari zozongombo ze rire ombunguhiro yokuisapo ourunde, nondwezu imwe yonḓu i rire ombunguhiro oningiririsiwa. 6 Tjazumba Aron nga punguhe ondwezu yongombe i rire ombunguhiro yokuisapo ourunde ndja tyerwa ye, nu nge ritjitire omuini neṱunḓu re ombunguhiro yomakohororero. 7 Kombunda yanao nga ete ozongombo nḓa mbari komurungu wa Muhona pomahitiro wOndanda yOmahakaeneno. 8 Nu Aron nga umbe ozohanga kutja a toorore pokati kozongombo mbari nḓa, kutja oiṋe ndji mai rire oya Muhona nu oiṋe ndji mai rire ya Asasel. 9 Aron nga punguhe ongombo ndji ndja toororerwa Muhona i rire ombunguhiro yokuisapo ourunde. 10 Nongombo ndji ndja toororerwa Asasel ngai etwe nomuinyo komurungu wa Muhona, nu ngai hingirwe mokuti onguza ku Asasel i tware ourunde wovandu mokuti onguza.
11 “Tjazumba Aron nga punguhe ondwezu yongombe i rire ombunguhiro yokuisapo ourunde ndja tyerwa ye, nu nge ritjitire omuini neṱunḓu re ombunguhiro yomakohororero. 12 Neye nga ise ko otjikangero tji tje ura nomakara womuriro kotjipunguhiro komurungu wa Muhona; nu wina nga ete omake yevari okuura wovyomoro omuwa mbya tondwa nawa, e vi hitise moukoto wOtjouyapukeyapuke, kongotwe yerapi etjizikize. 13 Eye nga twe ko imbi ovyomoro omuwa komakara womuriro komurungu wa Muhona, ihi otjikamba tjomuise wovyomoro omuwa kutja tji kutjire otjikamo tji tji ri kOtjipwikiro tjOmerikutiropamwe; tja tjiti nai ke nokuṱa.Omupristeri Otjiuru kotjipunguhiro tjovyomoro omuwa 14 Nu nga wote ko ombinḓu yondwezu ne i pemenene nomunwe we komurungu wotjikamo potuhambombari.
15 “Tjazumba nga zepe ongombo yomauvi ndja tyerwa otjiwaṋa, nu nga hitise ombinḓu yayo kongotwe yerapi etjizikize mOtjouyapukeyapuke, nu nge i pemenene kotjikamo tjOtjipwikiro tjOmatwako na komurungu wOtjipwikiro otja tja tjita nombinḓu yondwezu yongombe. 16 Komuhingo mbwi eye otji ma tjitire ihi Otjouyapukeyapuke omakohororero otja kouhakohoke wOvaisrael notja kozongatukiro zawo na ku ngamwa ourunde wawo auhe; neye nga tjite nao wina kOndanda yOmahakaeneno, ndji ri mokati komaturiro wawo omahakohoke. 17 Nu amu kara omundu mOndanda yOmahakaeneno oruveze ndwi Aron ngunda a hiti mOtjouyapukeyapuke okutjita ombunguhiro yomakohororero nga tja piti. Tja zu nokuritjitira omuini neṱunḓu re nombongo aihe yOvaisrael ombunguhiro yomakohororero, 18 nga pite a yende kotjipunguhiro tji tji ri komurungu wa Muhona na katjitire tjo wina omakohororero. 19 Nga pemenene ombinḓu onḓiṱi nomunwe we kotjipunguhiro potuhambombari. Komuhingo mbwi eye otji me tji kohorora ne tji yapura kourunde wOvaisrael.
Ongombo ondjinde yomauvi
20 “Aron tja zu nokutjita ombunguhiro yomakohororero wOtjouyapukeyapuke nowOndanda yOmahakaeneno nowotjipunguhiro, nga ete ongombo ndji onamuinyo. 21 Eye nga twe omake we ayeyevari kotjiuru tjongombo ndji na hepurire ko omauvi aehe wOvaisrael, nourunde auhe, nouhasemba wawo ngamwa auhe; nu avihe mbi nge vi twe kotjiuru tjongombo ndji. Tjazumba nge i yandje komurumendu ngwe rirongerere okuitwara mokuti onguza. 22 Komuhingo mbwi ongombo ndji mai twara ourunde wawo auhe mokuti onguza; nomurumendu ngwi nge keyese ngo.
23 “Nu Aron nga hite mOndanda yOmahakaeneno, nu nga hukure ozombanda inḓa nḓa hwikikire tja hitire mOtjouyapukeyapuke ne ze ese mo. 24 Neye nge rikohere poṋa popayapuke morutu ne ri zarisa ozombanda ze omuini. Tjazumba nga pite a katjite ombunguhiro oningiririsiwa yokuisapo ourunde we omuini na imbwi owotjiwaṋa. 25 Wina nga ningiririsire inḓa ozonḓura zombunguhiro yokuisapo ourunde kotjipunguhiro. 26 Nomurumendu ngwa twarere ongombo ku Asasel nga kohe ozombanda ze, nu nge rikohe morutu; okuzambo eye otji ma yenene okuhita mozondanda. 27 Nungwari indji ondwezu yongombe na indji ongombo nḓa ṱira ombunguhiro yokuisapo ourunde, zombinḓu ndja hitisiwa mOtjouyapukeyapuke okuisapo ourunde, ngave ze pitise pendje yozondanda; nomikova nonyama noviandja vyazo ngavi ningiririsiwe. 28 Nu ingwi ngu me vi ningiririsa nga kohe ozombanda ze nu nge rikohe morutu; tjazumba otji ma yenene okukotoka kozondanda.
Okuṱakamisa Eyuva rOmbunguhiro yOmakohororero
29 “Inga ngaye rire omazikamisiro omakarerere ku eṋe: Momueze outjahambombari, meyuva oritjamurongo romueze mbo, ritjaereye kovikurya, nu amu ungura otjiungura ngamwa nandarire omuatje wotjiwaṋa poo owozonganda ngu ri mokati keṋu. 30 Orondu meyuva ndo mamu tjitirwa ombunguhiro yomakohororero; nu mamu kohororwa kourunde weṋu auhe kokutja eṋe mu rire ovakohoke komurungu wa Muhona. 31 Eyuva ndo ngari rire orokusuva kwakatjotjiri ku eṋe, mu mamu sokuritjaera kovikurya. Inga owo omazikamisiro omakarerere. 32 NOmupristeri Otjiuru ngu ma twirisiwa nokuzikwa moruveze rwa ihe motjiungura tjoupristeri nga rire ngu ma tjiti omakohororero. Eye nga zare ozombanda ozondjapuke, 33 na tjitire Otjouyapukeyapuke, nOndanda yOmahakaeneno, notjipunguhiro, novapristeri, notjiwaṋa atjihe omakohororero. 34 Omazikamisiro nga ngaye rire omakarerere okutjitira Ovaisrael omakohororero mena rourunde wawo auhe, rumwe mombura.”
Nu Aron wa tjita otja Muhona pa rakiza ku Moses.
Eyuva rOmbunguhiro yOhanganisiro
1 Muhona wa hungira ku Moses kombunda yonḓiro yovazandu vevari va Aron, mba ṱa mena rokupunguhira Muhona ombunguhiro ohasemba yomuriro, 2 na tja: “Raera erumbi roye Aron kutja a ha hiti ngamwa oruveze aruhe mOtjouyapukeyapuke, kongotwe yerapi etjizikize, komurungu wotjikamo tji tji ri kOtjipwikiro tjOmerikutiropamwe kutja a ha ṱu; orondu ami me rimunikisa motjikamba kombanda yotjikamo. 3 Aron tji ma hiti mOtjouyapukeyapuke nga tenge okueta ondwiyona yongombe i rire ombunguhiro yokuisapo ourunde, nondwezu yonḓu i rire ombunguhiro oningiririsiwa.”
4 Nu Muhona wa yandja omarakiza nga: “Aron ngunda e hiya hita mOtjouyapukeyapuke nge rikohe morutu nu nge ri zarise ozombanda zoupristeri, okutja ombanda yokehi yorupera oruheze, nomburukweva ondimbu yerapi, nekwamo okurivaranga na ro, nekori.
5 “Nu ombongo yOvaisrael nga i yandje ozondwezu mbari zozongombo ze rire ombunguhiro yokuisapo ourunde, nondwezu imwe yonḓu i rire ombunguhiro oningiririsiwa. 6 Tjazumba Aron nga punguhe ondwezu yongombe i rire ombunguhiro yokuisapo ourunde ndja tyerwa ye, nu nge ritjitire omuini neṱunḓu re ombunguhiro yomakohororero. 7 Kombunda yanao nga ete ozongombo nḓa mbari komurungu wa Muhona pomahitiro wOndanda yOmahakaeneno. 8 Nu Aron nga umbe ozohanga kutja a toorore pokati kozongombo mbari nḓa, kutja oiṋe ndji mai rire oya Muhona nu oiṋe ndji mai rire ya Asasel. 9 Aron nga punguhe ongombo ndji ndja toororerwa Muhona i rire ombunguhiro yokuisapo ourunde. 10 Nongombo ndji ndja toororerwa Asasel ngai etwe nomuinyo komurungu wa Muhona, nu ngai hingirwe mokuti onguza ku Asasel i tware ourunde wovandu mokuti onguza.
11 “Tjazumba Aron nga punguhe ondwezu yongombe i rire ombunguhiro yokuisapo ourunde ndja tyerwa ye, nu nge ritjitire omuini neṱunḓu re ombunguhiro yomakohororero. 12 Neye nga ise ko otjikangero tji tje ura nomakara womuriro kotjipunguhiro komurungu wa Muhona; nu wina nga ete omake yevari okuura wovyomoro omuwa mbya tondwa nawa, e vi hitise moukoto wOtjouyapukeyapuke, kongotwe yerapi etjizikize. 13 Eye nga twe ko imbi ovyomoro omuwa komakara womuriro komurungu wa Muhona, ihi otjikamba tjomuise wovyomoro omuwa kutja tji kutjire otjikamo tji tji ri kOtjipwikiro tjOmerikutiropamwe; tja tjiti nai ke nokuṱa.Omupristeri Otjiuru kotjipunguhiro tjovyomoro omuwa 14 Nu nga wote ko ombinḓu yondwezu ne i pemenene nomunwe we komurungu wotjikamo potuhambombari.
15 “Tjazumba nga zepe ongombo yomauvi ndja tyerwa otjiwaṋa, nu nga hitise ombinḓu yayo kongotwe yerapi etjizikize mOtjouyapukeyapuke, nu nge i pemenene kotjikamo tjOtjipwikiro tjOmatwako na komurungu wOtjipwikiro otja tja tjita nombinḓu yondwezu yongombe. 16 Komuhingo mbwi eye otji ma tjitire ihi Otjouyapukeyapuke omakohororero otja kouhakohoke wOvaisrael notja kozongatukiro zawo na ku ngamwa ourunde wawo auhe; neye nga tjite nao wina kOndanda yOmahakaeneno, ndji ri mokati komaturiro wawo omahakohoke. 17 Nu amu kara omundu mOndanda yOmahakaeneno oruveze ndwi Aron ngunda a hiti mOtjouyapukeyapuke okutjita ombunguhiro yomakohororero nga tja piti. Tja zu nokuritjitira omuini neṱunḓu re nombongo aihe yOvaisrael ombunguhiro yomakohororero, 18 nga pite a yende kotjipunguhiro tji tji ri komurungu wa Muhona na katjitire tjo wina omakohororero. 19 Nga pemenene ombinḓu onḓiṱi nomunwe we kotjipunguhiro potuhambombari. Komuhingo mbwi eye otji me tji kohorora ne tji yapura kourunde wOvaisrael.
Ongombo ondjinde yomauvi
20 “Aron tja zu nokutjita ombunguhiro yomakohororero wOtjouyapukeyapuke nowOndanda yOmahakaeneno nowotjipunguhiro, nga ete ongombo ndji onamuinyo. 21 Eye nga twe omake we ayeyevari kotjiuru tjongombo ndji na hepurire ko omauvi aehe wOvaisrael, nourunde auhe, nouhasemba wawo ngamwa auhe; nu avihe mbi nge vi twe kotjiuru tjongombo ndji. Tjazumba nge i yandje komurumendu ngwe rirongerere okuitwara mokuti onguza. 22 Komuhingo mbwi ongombo ndji mai twara ourunde wawo auhe mokuti onguza; nomurumendu ngwi nge keyese ngo.
23 “Nu Aron nga hite mOndanda yOmahakaeneno, nu nga hukure ozombanda inḓa nḓa hwikikire tja hitire mOtjouyapukeyapuke ne ze ese mo. 24 Neye nge rikohere poṋa popayapuke morutu ne ri zarisa ozombanda ze omuini. Tjazumba nga pite a katjite ombunguhiro oningiririsiwa yokuisapo ourunde we omuini na imbwi owotjiwaṋa. 25 Wina nga ningiririsire inḓa ozonḓura zombunguhiro yokuisapo ourunde kotjipunguhiro. 26 Nomurumendu ngwa twarere ongombo ku Asasel nga kohe ozombanda ze, nu nge rikohe morutu; okuzambo eye otji ma yenene okuhita mozondanda. 27 Nungwari indji ondwezu yongombe na indji ongombo nḓa ṱira ombunguhiro yokuisapo ourunde, zombinḓu ndja hitisiwa mOtjouyapukeyapuke okuisapo ourunde, ngave ze pitise pendje yozondanda; nomikova nonyama noviandja vyazo ngavi ningiririsiwe. 28 Nu ingwi ngu me vi ningiririsa nga kohe ozombanda ze nu nge rikohe morutu; tjazumba otji ma yenene okukotoka kozondanda.
Okuṱakamisa Eyuva rOmbunguhiro yOmakohororero
29 “Inga ngaye rire omazikamisiro omakarerere ku eṋe: Momueze outjahambombari, meyuva oritjamurongo romueze mbo, ritjaereye kovikurya, nu amu ungura otjiungura ngamwa nandarire omuatje wotjiwaṋa poo owozonganda ngu ri mokati keṋu. 30 Orondu meyuva ndo mamu tjitirwa ombunguhiro yomakohororero; nu mamu kohororwa kourunde weṋu auhe kokutja eṋe mu rire ovakohoke komurungu wa Muhona. 31 Eyuva ndo ngari rire orokusuva kwakatjotjiri ku eṋe, mu mamu sokuritjaera kovikurya. Inga owo omazikamisiro omakarerere. 32 NOmupristeri Otjiuru ngu ma twirisiwa nokuzikwa moruveze rwa ihe motjiungura tjoupristeri nga rire ngu ma tjiti omakohororero. Eye nga zare ozombanda ozondjapuke, 33 na tjitire Otjouyapukeyapuke, nOndanda yOmahakaeneno, notjipunguhiro, novapristeri, notjiwaṋa atjihe omakohororero. 34 Omazikamisiro nga ngaye rire omakarerere okutjitira Ovaisrael omakohororero mena rourunde wawo auhe, rumwe mombura.”
Nu Aron wa tjita otja Muhona pa rakiza ku Moses.
