Omuhoko wa Manasse wokongurova
1 Orukondwa rwehi rokongurova kwa Jordan rwa yandjewa komaṱunḓu tjiva wozondekurona za Manasse, everi ra Josef. Makir, ihe ya Gilead, wa ri everi ra Manasse, nu wa ri omurwe wovita; nehi ra Gilead nora Basan, komukuma wokomuhuka wa Jordan, ya yandjewa ku ye. 2 Ehi rokongurova kwa Jordan ra yandjewa kovihupe vyomaṱunḓu wa Manasse: OoAbieser na Helek na Asriel na Sekem na Hefer na Semida. Imba omba ri ovavena ozondekurona za Manasse, omuzandu wa Josef; nowo va ri oviuru vyomaṱunḓu. 3 Selofhad, omuzandu wa Hefer, omuzandu wa Gilead, omuzandu wa Makir, omuzandu wa Manasse, ka ri novanatje ovazandu, nungwari wa ri novakazona porwe. Omana wovanatje ovakazona mba owo nga: OoMakla na Noa na Hogla na Milka na Tirsa. 4 Owo va ya komupristeri Eleasar na ku Josua, omuzandu wa Nun, na kovanane, nave katja: “Muhona wa rakiza ku Moses e tu pe orukondwa rwehi ru rire ouini wetu pamwe momuhoko vetu ovavena.” Otja Muhona pa rakizire owo otji va pewa ehi pamwe momuhoko vawo ovavena. 5 Manasse opa perwa otukondwa omurongo twehi tu twa weziwa kOgilead na kObasan, komukuma wokomuhuka wa Jordan, 6 ozondekurona ze ovakazona na inḓa ovavena tjinga aza pewa ehi. Ehi ra Gilead otji ra yandjewa kotjihupe tjozondekurona za Manasse.
7 Ehi ra Manasse ra tandavara okuza komukuro wehi ra Aser nga kOmikmetat, komukuma wokomuhuka wa Sikem, okuzambo omuruko wa ya keyuva kokumuho, nau kondoroka ovature va En-Tapuah. 8 Ehi nda kondoroka otjirongo Tapuah ra ri ora Manasse, nungwari ihi otjihuro tja Tapuah, tji tji ri komukuro wehi ra Manasse, tja ri otjozondekurona za Efraim. 9 Omuruko mbwi wa ṱuruka nga komupupo wa Kana. Ovihuro mbya ri kuṱa keyuva kokumuho kwomupupo mbwi vya ri ovya Efraim, nangarire kutja ovyo vya ri mehi ra Manasse. Imbwi omuruko wehi ra Manasse wa varama meṋe yomupupo komukuma wokeyuva kokunene, nau kayandera mOmuronga Mediterania. 10 Ehi ra Efraim ra ri komukuma wokeyuva kokumuho, nungwari indi ora Manasse ra ri komukuma wokeyuva kokunene; nOmuronga Mediterania oku kwa ri omuruko wawo wokongurova. Omahi wawo ya vaza nga kehi ra Aser komukuma wokeyuva kokunene, na kehi ra Isakar komukuma wokomuhuka. 11 Nu momahi woo Isakar na Aser, Manasse wa ri novihuro mbi puna ovirongo vyavyo: OoBet-Sean na Jibleam na En-Dor na Taanak na Megido na Dor, tji tji ri komukuro wOmuronga Mediterania. 12 Ozondekurona za Manasse kaza yenene okuramba ovature vovihuro mbyo. Ovakanaan opu va karerera mo. 13 Nangarire kutja Ovaisrael va rira ovanamasa kave rambere Ovakanaan avehe, nungwari ve ve ṋiṋikiza kutja ve ve ungurire.
Omuhoko wa Efraim nowa Manasse wokongurova mavi ningire ehi enyingi
14 Ozondekurona za Josef za pura nai ku Josua: “Okutjavi tji we tu pe orukondwa rumwe rwehi porwarwo ru rire ouini wetu? Eṱe oweṱe ovengi tjinene, Muhona tjinga e tu sera ondaya.”
15 Josua wa zira a tja: “Tji mu ri ovengi tjinene nai, nehi rozondundu ra Efraim tji ri ri okaṱiṱi ku eṋe, twendeye kehi rOvaperesi norOvarefai nu mu kerikere omahwa kutja mu kamune oruveze rwomaturiro.”
16 Nu inḓa ozondekurona za Josef za zira aze tja: “Indi ehi rozondundu kari nokuyenena ku eṱe, nungwari Ovakanaan mbe tura motutjandja ve nomatemba wovita, nangarire imba mbe tura mObet-Sean novirongo vyatjo, nangarire imba mbe tura momukutu wa Jesreel.”
17 Josua wa zira nai komuhoko wa Efraim nowa Manasse wokongurova: “Tjiri, oweṋe ovengi novanamasa tjinene. Eṋe mamu wezirwa orukondwa rumwe rwehi komurungu. 18 Indi ehi rozondundu mari rire oreṋu. Nu tjinga ari ri ehi romahwa, rutenga mamu sokuka wo namu isa po oreṋu okuza kotjikoro nga kotjikoro. Ovakanaan mamu ve ramba, nangarire kutja ve nomatemba wovita wovitenda, nangarire kutja ovanamasa.”
Omuhoko wa Manasse wokongurova
1 Orukondwa rwehi rokongurova kwa Jordan rwa yandjewa komaṱunḓu tjiva wozondekurona za Manasse, everi ra Josef. Makir, ihe ya Gilead, wa ri everi ra Manasse, nu wa ri omurwe wovita; nehi ra Gilead nora Basan, komukuma wokomuhuka wa Jordan, ya yandjewa ku ye. 2 Ehi rokongurova kwa Jordan ra yandjewa kovihupe vyomaṱunḓu wa Manasse: OoAbieser na Helek na Asriel na Sekem na Hefer na Semida. Imba omba ri ovavena ozondekurona za Manasse, omuzandu wa Josef; nowo va ri oviuru vyomaṱunḓu. 3 Selofhad, omuzandu wa Hefer, omuzandu wa Gilead, omuzandu wa Makir, omuzandu wa Manasse, ka ri novanatje ovazandu, nungwari wa ri novakazona porwe. Omana wovanatje ovakazona mba owo nga: OoMakla na Noa na Hogla na Milka na Tirsa. 4 Owo va ya komupristeri Eleasar na ku Josua, omuzandu wa Nun, na kovanane, nave katja: “Muhona wa rakiza ku Moses e tu pe orukondwa rwehi ru rire ouini wetu pamwe momuhoko vetu ovavena.” Otja Muhona pa rakizire owo otji va pewa ehi pamwe momuhoko vawo ovavena. 5 Manasse opa perwa otukondwa omurongo twehi tu twa weziwa kOgilead na kObasan, komukuma wokomuhuka wa Jordan, 6 ozondekurona ze ovakazona na inḓa ovavena tjinga aza pewa ehi. Ehi ra Gilead otji ra yandjewa kotjihupe tjozondekurona za Manasse.
7 Ehi ra Manasse ra tandavara okuza komukuro wehi ra Aser nga kOmikmetat, komukuma wokomuhuka wa Sikem, okuzambo omuruko wa ya keyuva kokumuho, nau kondoroka ovature va En-Tapuah. 8 Ehi nda kondoroka otjirongo Tapuah ra ri ora Manasse, nungwari ihi otjihuro tja Tapuah, tji tji ri komukuro wehi ra Manasse, tja ri otjozondekurona za Efraim. 9 Omuruko mbwi wa ṱuruka nga komupupo wa Kana. Ovihuro mbya ri kuṱa keyuva kokumuho kwomupupo mbwi vya ri ovya Efraim, nangarire kutja ovyo vya ri mehi ra Manasse. Imbwi omuruko wehi ra Manasse wa varama meṋe yomupupo komukuma wokeyuva kokunene, nau kayandera mOmuronga Mediterania. 10 Ehi ra Efraim ra ri komukuma wokeyuva kokumuho, nungwari indi ora Manasse ra ri komukuma wokeyuva kokunene; nOmuronga Mediterania oku kwa ri omuruko wawo wokongurova. Omahi wawo ya vaza nga kehi ra Aser komukuma wokeyuva kokunene, na kehi ra Isakar komukuma wokomuhuka. 11 Nu momahi woo Isakar na Aser, Manasse wa ri novihuro mbi puna ovirongo vyavyo: OoBet-Sean na Jibleam na En-Dor na Taanak na Megido na Dor, tji tji ri komukuro wOmuronga Mediterania. 12 Ozondekurona za Manasse kaza yenene okuramba ovature vovihuro mbyo. Ovakanaan opu va karerera mo. 13 Nangarire kutja Ovaisrael va rira ovanamasa kave rambere Ovakanaan avehe, nungwari ve ve ṋiṋikiza kutja ve ve ungurire.
Omuhoko wa Efraim nowa Manasse wokongurova mavi ningire ehi enyingi
14 Ozondekurona za Josef za pura nai ku Josua: “Okutjavi tji we tu pe orukondwa rumwe rwehi porwarwo ru rire ouini wetu? Eṱe oweṱe ovengi tjinene, Muhona tjinga e tu sera ondaya.”
15 Josua wa zira a tja: “Tji mu ri ovengi tjinene nai, nehi rozondundu ra Efraim tji ri ri okaṱiṱi ku eṋe, twendeye kehi rOvaperesi norOvarefai nu mu kerikere omahwa kutja mu kamune oruveze rwomaturiro.”
16 Nu inḓa ozondekurona za Josef za zira aze tja: “Indi ehi rozondundu kari nokuyenena ku eṱe, nungwari Ovakanaan mbe tura motutjandja ve nomatemba wovita, nangarire imba mbe tura mObet-Sean novirongo vyatjo, nangarire imba mbe tura momukutu wa Jesreel.”
17 Josua wa zira nai komuhoko wa Efraim nowa Manasse wokongurova: “Tjiri, oweṋe ovengi novanamasa tjinene. Eṋe mamu wezirwa orukondwa rumwe rwehi komurungu. 18 Indi ehi rozondundu mari rire oreṋu. Nu tjinga ari ri ehi romahwa, rutenga mamu sokuka wo namu isa po oreṋu okuza kotjikoro nga kotjikoro. Ovakanaan mamu ve ramba, nangarire kutja ve nomatemba wovita wovitenda, nangarire kutja ovanamasa.”
