1 “Ravaera, Job! Pena ngu ma itavere,
nu pena omuengeri umwe
ku mo sora okuningira ombatero?
2 Omazenge ye nyona eyova,
eruru ri zepa omuhinanḓengu
3 Ami mba muna omayova nge
munika aayo ovazikame,
nungwari mba senga
ozonganda zawo tjimanga.
4 Ovanatje vawo ovazandu
kamaave munu ouṋingandu;
kape na ngu meve yeura mombanguriro.
5 Ovanandjara mave ri ovikunwa vyomayova,
nangarire ovikokotwa mbya
hapa mokati komakuiya,
novananyota mave zeri outumbe wawo.
6 Ouvi kau hapa moruuma,
noumba kau hapa mehi.
7 Kako! Omundu u riyetera omuini oumba
tjimuna ozohanḓe tji
maze yeruruka momuriro.
8 “Andakuzu owami ove,
etje riyarikaṋa ku Ndjambi,
ne yandja otjiposa tjandje ku ye.
9 Eṱe katu nokusora okuzuva
oviṋa ovinene eye mbye tjita,
novihimise vye kamaavi yanda ko.
10 Eye u rokisa ombura kombanda yehi,
nu u tjatja ehi rokuti.
11 Ii, Ndjambi u tongamisa overisusuparise,
nongu yandja enyando
ku avehe mbe noruhoze.
12 Eye u piza omeripuriro wovanavineya,
13 na pata ozonongo
moviripurwa vyawo oveni,
kokutja imbi mbi mave tjiti avi ha toṋa;
14 nangarire mutenya owo
ve ṋuṋunga aayo ku nonḓorera.
15 Nungwari Ndjambi u yama omusyona konḓiro;
na yama omuhepe komaṋiṋikiziro.
16 Eye u yandja omaundjiro komusyona,
na mwinisa omurunde.
17 “Omuṋingandu omundu ngu vyurwa i Ndjambi!
O nyengwa eye tji me ku vere.
18 Eye ongwe ndji pitisa ovirwaro,
wina ongu me vi manga nokuviverura;
19 Motuvezeveze eye me ku yama komihihamo;
20 ourumbu tji weya, eye me ku hupisa,
nu movita eye me ku yama konḓiro.
21 Ndjambi me ku yama komayambururiro;
eye me ku yama omanyoneno tji ye ya.
22 Ove mo yoro outwe nondjara,
nu ko nokutira ovipuka vyokuti.
23 Ehi romakunino ndi mo taura,
kari nokukara nomawe;
ovipuka ovinyondorore kamaavi ku rwisa.
24 Mo tura mohange mondanda yoye;
tji mo tara kozonḓu zoye,
mo ze munu aze hi notjipo.
25 Mo kara novanatje ovengi
pu pe ṱeki omahozu momaryo.
26 Ove mo hupu nga koukurupe woye,
tjimuna ovikokotwa mbi mavi
horo nga koruveze rwomakondero.
27 Job, eṱe twe rihongo oviṋa
mbi mokukonḓonona orure.
Imbi ouatjiri, ove nambano vi yakura.”
1 “Ravaera, Job! Pena ngu ma itavere,
nu pena omuengeri umwe
ku mo sora okuningira ombatero?
2 Omazenge ye nyona eyova,
eruru ri zepa omuhinanḓengu
3 Ami mba muna omayova nge
munika aayo ovazikame,
nungwari mba senga
ozonganda zawo tjimanga.
4 Ovanatje vawo ovazandu
kamaave munu ouṋingandu;
kape na ngu meve yeura mombanguriro.
5 Ovanandjara mave ri ovikunwa vyomayova,
nangarire ovikokotwa mbya
hapa mokati komakuiya,
novananyota mave zeri outumbe wawo.
6 Ouvi kau hapa moruuma,
noumba kau hapa mehi.
7 Kako! Omundu u riyetera omuini oumba
tjimuna ozohanḓe tji
maze yeruruka momuriro.
8 “Andakuzu owami ove,
etje riyarikaṋa ku Ndjambi,
ne yandja otjiposa tjandje ku ye.
9 Eṱe katu nokusora okuzuva
oviṋa ovinene eye mbye tjita,
novihimise vye kamaavi yanda ko.
10 Eye u rokisa ombura kombanda yehi,
nu u tjatja ehi rokuti.
11 Ii, Ndjambi u tongamisa overisusuparise,
nongu yandja enyando
ku avehe mbe noruhoze.
12 Eye u piza omeripuriro wovanavineya,
13 na pata ozonongo
moviripurwa vyawo oveni,
kokutja imbi mbi mave tjiti avi ha toṋa;
14 nangarire mutenya owo
ve ṋuṋunga aayo ku nonḓorera.
15 Nungwari Ndjambi u yama omusyona konḓiro;
na yama omuhepe komaṋiṋikiziro.
16 Eye u yandja omaundjiro komusyona,
na mwinisa omurunde.
17 “Omuṋingandu omundu ngu vyurwa i Ndjambi!
O nyengwa eye tji me ku vere.
18 Eye ongwe ndji pitisa ovirwaro,
wina ongu me vi manga nokuviverura;
19 Motuvezeveze eye me ku yama komihihamo;
20 ourumbu tji weya, eye me ku hupisa,
nu movita eye me ku yama konḓiro.
21 Ndjambi me ku yama komayambururiro;
eye me ku yama omanyoneno tji ye ya.
22 Ove mo yoro outwe nondjara,
nu ko nokutira ovipuka vyokuti.
23 Ehi romakunino ndi mo taura,
kari nokukara nomawe;
ovipuka ovinyondorore kamaavi ku rwisa.
24 Mo tura mohange mondanda yoye;
tji mo tara kozonḓu zoye,
mo ze munu aze hi notjipo.
25 Mo kara novanatje ovengi
pu pe ṱeki omahozu momaryo.
26 Ove mo hupu nga koukurupe woye,
tjimuna ovikokotwa mbi mavi
horo nga koruveze rwomakondero.
27 Job, eṱe twe rihongo oviṋa
mbi mokukonḓonona orure.
Imbi ouatjiri, ove nambano vi yakura.”
