Ehungi oritjaine ra Elihu
1 Elihu wa zira komurungu a tja:
2 “Kara nomuretima nu u puratene kaṱiṱi
ku imbi mbi me hungire
mena ra Muhona.
3 Ondjiviro yandje onyingi tjinene
moviṋa vyoruveze ndwa kapita,
ami me raisa na imbi mbi me
tjiwa kutja Ndjambi,
Omuute wandje, eye omusemba.
4 Kape notjiṋa tji me hungire
kove tji tji ri posyo,
nove, tjiri, mo munu omurumendu
onongo komurungu woye.
5 “Ndjambi eye omunamasa,
nungwari ka nyengura omundu;
kape notjiṋa eye tje ha tjiwa.
6 Eye ka hupisa ovanauvi komeho,
nu aruhe u tjita ousemba ku
imba mbe ri mombamisiro.
7 Eye u yama imba mbe ri ovasemba,
neve ve yandjere okunana
otja ozombara kovihavero vyouhona,
nu u ve tjita kutja ve
pewe ondjozikiro aruhe.
8 Posi, tji veri kehi yomapando nombamisiro,
amave tatumisirwa ihi tjiva tjiti,
9 Ndjambi meve raisire ouvi
nomeritongamisiro wawo.
10 Eye ma tjiti kutja ve puratene komaronga we
wokutja ve ise ouvi.
11 Tji mave kara nonḓuviro ku
Ndjambi nave mu karere,
mave hupu mohange nave ṋingapara.
12 Nungwari tji pe he ri nao,
owo mave koka otja ovahatjiwa,
nave pundu motjovakoke.
13 “Ovehina Ndjambi ve kara pokupindika,
nu nangarire Ndjambi tje ve vere,
owo kave kumbu okuningira ombatero.
14 Ve koka ngunda averi omitanda,
ve hupa ehupiro rovandu mba yamburuka.
15 Nungwari Ndjambi u twa ovandu
mondatumisiro yomihihamo
vyawo e ve yame,
nu a paturura omeho wawo mombamisiro.
16 “Ndjambi wina we ku pitisa moumba,
ne ku pe enyando nouṋingandu;
otjiriro tjoye tje urisiwa novikurya ovingi.
17 Nungwari Ndjambi we ku
pangura otja omurunde,
nove ka moo taurire
ombanguriro ndji ndje ku pa.
18 Ṱakamisa kutja omapopero
wovandu ayehe ku wovisa,
poo omautumbe kutja ayehe ku pukisa.
19 Outumbe woye kau nombatero mau eta;
nomasa woye aehe nambano kaye nokukuvatera.
20 O ha zeri kutja ouṱuku weyuva rombanguriro u ye,
indwi oruveze omihoko mu mavi yandekwa.
21 Ṱakamisa kutja o ha rundurukire kouvi;
omihihamo vyoye vya hindwa
kutja vi ku tjaere ku wo.
22 “Zemburuka kutja ouvara wa
Ndjambi ounene pu pe ṱeki pi;
eye onguri omuhonge omunenenene pu avehe.
23 Kape nomundu ngu ma yenene okuraera
Ndjambi imbi eye mbi ma sokutjita,
poo okumukuminina kutja eye u tjita ouhasemba.
24 Eye aruhe u tangerwa oviṋa mbye tjita;
ove wina mo sokumutanga.
25 Ovandu avehe ve muna
oviṋa Ndjambi mbya tjita,
nangarire kutja mave vi munine kokure.
26 Tara, ounene wa Ndjambi wa
kapita ozondunge zetu,
nozombura ze kaze sora okuvarwa.
27 “Ndjambi ongu nana omeva mehi,
nu ongu ye tanaurira momata wombura.
28 Eye u rokisa ombura movikamba,
kutja i ningenise ovandu avehe.
29 Kape na ngu ma tjiwa kutja
ovikamba vi kayenda vi,
nokutja oruṱuṱumo ru ṱuṱuma
vi meyuru Ndjambi ma tura.
30 Eye u hinda orutjeno
rwombura mevaverwa arihe,
nungwari imbwi ourekoto
wokuvare u kara monḓorera.
31 Imbwi owo omuhingo
eye mbwe parura nawo ovandu,
nu mbwe yandja na wo ovikurya ovingi.
32 Eye u kambura orutjeno
rwombura nomake we,
ne ru rakiza kutja ru vete
omuhunga mbwa tye.
33 Oruṱuṱumo maru tjiukisa omeero we,
eye tja ṱomazenge nourunde wovandu.
Ehungi oritjaine ra Elihu
1 Elihu wa zira komurungu a tja:
2 “Kara nomuretima nu u puratene kaṱiṱi
ku imbi mbi me hungire
mena ra Muhona.
3 Ondjiviro yandje onyingi tjinene
moviṋa vyoruveze ndwa kapita,
ami me raisa na imbi mbi me
tjiwa kutja Ndjambi,
Omuute wandje, eye omusemba.
4 Kape notjiṋa tji me hungire
kove tji tji ri posyo,
nove, tjiri, mo munu omurumendu
onongo komurungu woye.
5 “Ndjambi eye omunamasa,
nungwari ka nyengura omundu;
kape notjiṋa eye tje ha tjiwa.
6 Eye ka hupisa ovanauvi komeho,
nu aruhe u tjita ousemba ku
imba mbe ri mombamisiro.
7 Eye u yama imba mbe ri ovasemba,
neve ve yandjere okunana
otja ozombara kovihavero vyouhona,
nu u ve tjita kutja ve
pewe ondjozikiro aruhe.
8 Posi, tji veri kehi yomapando nombamisiro,
amave tatumisirwa ihi tjiva tjiti,
9 Ndjambi meve raisire ouvi
nomeritongamisiro wawo.
10 Eye ma tjiti kutja ve puratene komaronga we
wokutja ve ise ouvi.
11 Tji mave kara nonḓuviro ku
Ndjambi nave mu karere,
mave hupu mohange nave ṋingapara.
12 Nungwari tji pe he ri nao,
owo mave koka otja ovahatjiwa,
nave pundu motjovakoke.
13 “Ovehina Ndjambi ve kara pokupindika,
nu nangarire Ndjambi tje ve vere,
owo kave kumbu okuningira ombatero.
14 Ve koka ngunda averi omitanda,
ve hupa ehupiro rovandu mba yamburuka.
15 Nungwari Ndjambi u twa ovandu
mondatumisiro yomihihamo
vyawo e ve yame,
nu a paturura omeho wawo mombamisiro.
16 “Ndjambi wina we ku pitisa moumba,
ne ku pe enyando nouṋingandu;
otjiriro tjoye tje urisiwa novikurya ovingi.
17 Nungwari Ndjambi we ku
pangura otja omurunde,
nove ka moo taurire
ombanguriro ndji ndje ku pa.
18 Ṱakamisa kutja omapopero
wovandu ayehe ku wovisa,
poo omautumbe kutja ayehe ku pukisa.
19 Outumbe woye kau nombatero mau eta;
nomasa woye aehe nambano kaye nokukuvatera.
20 O ha zeri kutja ouṱuku weyuva rombanguriro u ye,
indwi oruveze omihoko mu mavi yandekwa.
21 Ṱakamisa kutja o ha rundurukire kouvi;
omihihamo vyoye vya hindwa
kutja vi ku tjaere ku wo.
22 “Zemburuka kutja ouvara wa
Ndjambi ounene pu pe ṱeki pi;
eye onguri omuhonge omunenenene pu avehe.
23 Kape nomundu ngu ma yenene okuraera
Ndjambi imbi eye mbi ma sokutjita,
poo okumukuminina kutja eye u tjita ouhasemba.
24 Eye aruhe u tangerwa oviṋa mbye tjita;
ove wina mo sokumutanga.
25 Ovandu avehe ve muna
oviṋa Ndjambi mbya tjita,
nangarire kutja mave vi munine kokure.
26 Tara, ounene wa Ndjambi wa
kapita ozondunge zetu,
nozombura ze kaze sora okuvarwa.
27 “Ndjambi ongu nana omeva mehi,
nu ongu ye tanaurira momata wombura.
28 Eye u rokisa ombura movikamba,
kutja i ningenise ovandu avehe.
29 Kape na ngu ma tjiwa kutja
ovikamba vi kayenda vi,
nokutja oruṱuṱumo ru ṱuṱuma
vi meyuru Ndjambi ma tura.
30 Eye u hinda orutjeno
rwombura mevaverwa arihe,
nungwari imbwi ourekoto
wokuvare u kara monḓorera.
31 Imbwi owo omuhingo
eye mbwe parura nawo ovandu,
nu mbwe yandja na wo ovikurya ovingi.
32 Eye u kambura orutjeno
rwombura nomake we,
ne ru rakiza kutja ru vete
omuhunga mbwa tye.
33 Oruṱuṱumo maru tjiukisa omeero we,
eye tja ṱomazenge nourunde wovandu.
