1 “Nungwari ovarumendu omitanda pu ami
nambano ve ndji nyekerera!
Ooihe aruhe va ri oviporoporo uriri,
nga ami tji mbi he ve varere otja ovandu mbe
sokuvatera ozombwa zandje okurisa ozonḓu.
2 Owo va ri ovandu vakauriri,
mba mana omasa,
ovingundi tjinene nga tjaave ha sora
okundjiungurira ngamwa otjiungura.
3 Va ngundipara nai mena rouhepe nondjara,
nga tji va ṱaṱuna omize mbya kukuta
momakuti nge ri tjo nongaango.
4 Aave nikora ovihape vyokuti onguza ave ri,
nangarire omize vyomunḓumba,
mbi hi norutjato.
5 Avehe ve ve ramba amave ve rokohere
aayo mave rokohere omarunga.
6 Owo va turire motupoko, na momina
mbya sewa mehi na motuuwa.
7 Owo va vandara otja ovipuka
momakuti nave rinyutire momahwa.
8 Tjiri, owo va ri ovandu
vakauriri mbe hi nomasa!
Owo va rambwa mehi.
9 “Nambano ve ya okundjiyora,
ami hitjiṋa ku wo posi
yokundjiyamba porwako.
10 Owo ve ndji tara nonyengo,
nu ve ripura kutja owo
ovasemba tjinene pu ami,
nu wina kave nokuivaiva
okundjitjekera omate momurungu.
11 Mena rokutja Ndjambi we ndji
ngundiparisa ne he ndji vatere,
owo otji mave ndji sekamene
noundandi wawo auhe.
12 Ovandu vakauriri
mba mave ndji sekamene;
owo mave ndji ramba nomawe,
nave ndji twa mozondjira zoumba.
13 Owo va tjaere omatauriro wandje
na ve kondjo okundjiyandeka;
nu kape na umwe ngwee ve tjurura.
14 Owo va tuurungira mondovi
okuteya omasa wandje,
nave raukire kombanda yandje.
15 Ami mba kamburwa i omburuma;
omeritjiviro wandje ya zenga,
aayo ma e hingwa i otjivepo,
nouṋingandu wandje mau
kapita tjimuna otjikamba.
16 “Nambano ami mbi ri pokukoka,
ka penongutukiro komihihamo vyandje.
17 Ouṱuku omaṱupa wandje aehe ye hihamwa,
nomihihamo mbi ndji korokoha,
kavi roro okupora.
18 Ndjambi me ndji kambura kombanda
yandje nomasa tjinene,
nu me ndji sina tjimuna osengo
yombanda yandje tji i ndji sina.
19 Eye we ndji yumbu motjinoko,
nami mba rire ondova porwayo.
20 “Ami me ku kove, Ndjambi,
nungwari ove ko nokundjizira oparukaze;
me kurama komurungu woye,
nu ove ko na ko na tja na ami.
21 Ove u ndji tjita outwe,
nu u ndji tatumisa nomasa woye aehe.
22 Ove u tjita kutja otjivepo tji ndji hinge,
nu u ndji zunga motjivepo otjinamasa.
23 Me tjiwa kutja ove mo
ndji twara konḓiro yandje,
koṋa ku ku woronganena ovanamuinyo avehe.
24 Okutjavi tji u rwisa omundu
ngwa ningisa ondjenda nai,
omundu ngu hi notjiṋa tji ma tjiti posi
yokuriyarikaṋa ombatero porwako?
25 Ami himba ri noruhoze puna
ovandu mbe ri moumba,
nu hi ṱire ondjenda na
imba mbe nouhepe are?
26 Ami mba ri nonḓero yokumuna
ouwa nondjerera,
nungwari mba muna ouvi nonḓorera.
27 Ami mba zunganisiwa moukoto
nokuhinokumuna orusuvo,
eyuva arihe tjinga aa ri
ndji etere omihihamo.
28 Ami me tambatamba moruhoze,
nokuhinomundu ngu
me ndji huhumiṋa;
me kurama mokati kovandu
ame riyarikaṋa ombatero.
29 Eraka randje ra ningisa
ondjenda nu ri ri ariyerike
tjimuna omavandarero
wombandje poo wombo.
30 Omukova wandje wa tanauka
okurira omuzorondu,
nomaṱupa wandje maye
nyosiwa i otjindjumba.
31 Otjiharpe tjandje tja rira omutambo,
nohiva yandje ya rira ombosiro yovarire.
1 “Nungwari ovarumendu omitanda pu ami
nambano ve ndji nyekerera!
Ooihe aruhe va ri oviporoporo uriri,
nga ami tji mbi he ve varere otja ovandu mbe
sokuvatera ozombwa zandje okurisa ozonḓu.
2 Owo va ri ovandu vakauriri,
mba mana omasa,
ovingundi tjinene nga tjaave ha sora
okundjiungurira ngamwa otjiungura.
3 Va ngundipara nai mena rouhepe nondjara,
nga tji va ṱaṱuna omize mbya kukuta
momakuti nge ri tjo nongaango.
4 Aave nikora ovihape vyokuti onguza ave ri,
nangarire omize vyomunḓumba,
mbi hi norutjato.
5 Avehe ve ve ramba amave ve rokohere
aayo mave rokohere omarunga.
6 Owo va turire motupoko, na momina
mbya sewa mehi na motuuwa.
7 Owo va vandara otja ovipuka
momakuti nave rinyutire momahwa.
8 Tjiri, owo va ri ovandu
vakauriri mbe hi nomasa!
Owo va rambwa mehi.
9 “Nambano ve ya okundjiyora,
ami hitjiṋa ku wo posi
yokundjiyamba porwako.
10 Owo ve ndji tara nonyengo,
nu ve ripura kutja owo
ovasemba tjinene pu ami,
nu wina kave nokuivaiva
okundjitjekera omate momurungu.
11 Mena rokutja Ndjambi we ndji
ngundiparisa ne he ndji vatere,
owo otji mave ndji sekamene
noundandi wawo auhe.
12 Ovandu vakauriri
mba mave ndji sekamene;
owo mave ndji ramba nomawe,
nave ndji twa mozondjira zoumba.
13 Owo va tjaere omatauriro wandje
na ve kondjo okundjiyandeka;
nu kape na umwe ngwee ve tjurura.
14 Owo va tuurungira mondovi
okuteya omasa wandje,
nave raukire kombanda yandje.
15 Ami mba kamburwa i omburuma;
omeritjiviro wandje ya zenga,
aayo ma e hingwa i otjivepo,
nouṋingandu wandje mau
kapita tjimuna otjikamba.
16 “Nambano ami mbi ri pokukoka,
ka penongutukiro komihihamo vyandje.
17 Ouṱuku omaṱupa wandje aehe ye hihamwa,
nomihihamo mbi ndji korokoha,
kavi roro okupora.
18 Ndjambi me ndji kambura kombanda
yandje nomasa tjinene,
nu me ndji sina tjimuna osengo
yombanda yandje tji i ndji sina.
19 Eye we ndji yumbu motjinoko,
nami mba rire ondova porwayo.
20 “Ami me ku kove, Ndjambi,
nungwari ove ko nokundjizira oparukaze;
me kurama komurungu woye,
nu ove ko na ko na tja na ami.
21 Ove u ndji tjita outwe,
nu u ndji tatumisa nomasa woye aehe.
22 Ove u tjita kutja otjivepo tji ndji hinge,
nu u ndji zunga motjivepo otjinamasa.
23 Me tjiwa kutja ove mo
ndji twara konḓiro yandje,
koṋa ku ku woronganena ovanamuinyo avehe.
24 Okutjavi tji u rwisa omundu
ngwa ningisa ondjenda nai,
omundu ngu hi notjiṋa tji ma tjiti posi
yokuriyarikaṋa ombatero porwako?
25 Ami himba ri noruhoze puna
ovandu mbe ri moumba,
nu hi ṱire ondjenda na
imba mbe nouhepe are?
26 Ami mba ri nonḓero yokumuna
ouwa nondjerera,
nungwari mba muna ouvi nonḓorera.
27 Ami mba zunganisiwa moukoto
nokuhinokumuna orusuvo,
eyuva arihe tjinga aa ri
ndji etere omihihamo.
28 Ami me tambatamba moruhoze,
nokuhinomundu ngu
me ndji huhumiṋa;
me kurama mokati kovandu
ame riyarikaṋa ombatero.
29 Eraka randje ra ningisa
ondjenda nu ri ri ariyerike
tjimuna omavandarero
wombandje poo wombo.
30 Omukova wandje wa tanauka
okurira omuzorondu,
nomaṱupa wandje maye
nyosiwa i otjindjumba.
31 Otjiharpe tjandje tja rira omutambo,
nohiva yandje ya rira ombosiro yovarire.
