Satan ma roro Job
1 Pa ri omurumendu wena Job ngwa turire mehi ra Us, neye ee rikotamene ku Ndjambi nu wa ri omuṱakame mu ye. Eye wa ri omurumendu omusemba ngwa ri nondira ku Ndjambi nu ngwee ritjevere kouvi ngamwa auhe. 2 Eye wa ri novanatje ovazandu hambombari novakazona vetatu, 3 nu wa ri nozonḓu 7,000, nozongamero 3,000, nozongombe 1,000, nousino 500. Nu wina wa ri novakarere ovengi, nu wa ri omutumbe tjinene povandu avehe vehi rokomuhuka.
4 Ovazandu va Job aave ryangerasana pozoyawo amave tjiti omikandi mozonganda zawo, nu aruhe aave ṋanga ovaṱena kwawo aveyetatu okuye kurya nokunwa pamwe. 5 Eyuva romukandi tjira kapita, Job aa penduka omuhuka omunene na punguhire omuatje auhe ombunguhiro kutja e ve kohore. Eye aruhe aa tjiti nao tjinga ee ripura kutja ngahino umwe wawo wa tjiti ourunde komurungu wa Ndjambi mokuhinokutjiwa.
6 Neyuva tji re ya kutja oviutwa vyeyuru vi munike komurungu wa Muhona, Satan tjandje u ri mokati kavyo. 7 Muhona wa pura Satan a tja: “Ove mo zu pi?” Satan wa zira a tja: “Ami mba ri ame ryanga akuhe, ame tapakaṋa mehi.”
8 Muhona arire tje mu pura a tja: “Ove hapo wa tara komukarere wandje Job? Kape na umwe kombanda yehi omuṱakame nomusemba otja ye. Eye u rikotamena ku ami, nu u ritjevera kouvi ngamwa auhe.”
9 Satan wa zira a tja: “Job etje rikotamena kove are, andakuzu ke notjiṋa tje muna mo? 10 Ove aruhe u mu yama puna eṱunḓu re na avihe mbye na vyo. Ove u sera ondaya koviṋa avihe mbye tjita, nu we mu pa orutumbo oruingi okuurisa ehi arihe. 11 Nungwari nambano ove tji wa tjitire wina o mu yeka oviṋa avihe mbye na vyo, eye me ku sengire momurungu woye!”
12 Muhona wa tja nai ku Satan: “Osemba, oviṋa avihe mbye na vyo vi ri mouvara woye, nungwari Job omuini o mu hihamisa ko.” Satan otja zapo pu Muhona na i.
Ovanatje va Job noutumbe we mave nyonwa
13 Eyuva rimwe ovanatje va Job ngunda averi momukandi monganda yerumbi rawo, 14 omuhindwa umwe otja yenda ama utuka ku Job a tja: “Eṱe aa tu taura ehi romakunino nozonduwombe, nousino wa ri momaryo popezu. 15 Mokamanga Ovaseba arire tji va kambura ozonduwombe nousino nave pundu avihe. Owo va zepa ovakarere voye avehe posi yaami. Owami erike ngu mba poṋa momake wawo okuyekukuraera.”
16 Ngunda e hiya mana okuhungira, omukarere warwe arire tje ya na tja: “Orutjeno rwombura rwa tono ozonḓu novarise nu rwa zepa avehe. Owami erike ngu mba hupu okuyekukuraera.”
17 Ngunda e hiya mana okuhungira, kwe ya omukarere omukwao warwe na tja: “Ovira vitatu vyovapunde vyOvakaldea vye tu rwisa nu vya huura ozongamero nu vya zepa ovakarere voye avehe posi yaami. Owami erike ngu mba poṋa momake wawo okuyekukuraera.”
18 Ngunda e hiya mana okuhungira, omukarere omukwao warwe arire tje ya na tja: “Ovanatje voye va ri momukandi mondjuwo yomuzandu woye otjiveri, 19 notjivepo otji tja hinga okuza mokuti onguza. Otjo tja wisa ondjuwo, narire tji tje ve zepa avehe. Owami erike ngu mba hupu okuyekukuraera.”
20 Job wa sekama na nyondorora ozombanda ze moruhoze. Eye wa kurura otjiuru tje ne riyumbu onḓurumika pehi. 21 Eye wa tja nai: “Ami mba kwatwa nokuhinotjiṋa, nu me koka nokuhinotjiṋa. Muhona we ndji pere, nu nambano wa yarura. Ena re ngari tangwe!”
22 Mu avihe mbi, Job katjitire ourunde nu ka yandjere ondjo ku Ndjambi.
Satan ma roro Job
1 Pa ri omurumendu wena Job ngwa turire mehi ra Us, neye ee rikotamene ku Ndjambi nu wa ri omuṱakame mu ye. Eye wa ri omurumendu omusemba ngwa ri nondira ku Ndjambi nu ngwee ritjevere kouvi ngamwa auhe. 2 Eye wa ri novanatje ovazandu hambombari novakazona vetatu, 3 nu wa ri nozonḓu 7,000, nozongamero 3,000, nozongombe 1,000, nousino 500. Nu wina wa ri novakarere ovengi, nu wa ri omutumbe tjinene povandu avehe vehi rokomuhuka.
4 Ovazandu va Job aave ryangerasana pozoyawo amave tjiti omikandi mozonganda zawo, nu aruhe aave ṋanga ovaṱena kwawo aveyetatu okuye kurya nokunwa pamwe. 5 Eyuva romukandi tjira kapita, Job aa penduka omuhuka omunene na punguhire omuatje auhe ombunguhiro kutja e ve kohore. Eye aruhe aa tjiti nao tjinga ee ripura kutja ngahino umwe wawo wa tjiti ourunde komurungu wa Ndjambi mokuhinokutjiwa.
6 Neyuva tji re ya kutja oviutwa vyeyuru vi munike komurungu wa Muhona, Satan tjandje u ri mokati kavyo. 7 Muhona wa pura Satan a tja: “Ove mo zu pi?” Satan wa zira a tja: “Ami mba ri ame ryanga akuhe, ame tapakaṋa mehi.”
8 Muhona arire tje mu pura a tja: “Ove hapo wa tara komukarere wandje Job? Kape na umwe kombanda yehi omuṱakame nomusemba otja ye. Eye u rikotamena ku ami, nu u ritjevera kouvi ngamwa auhe.”
9 Satan wa zira a tja: “Job etje rikotamena kove are, andakuzu ke notjiṋa tje muna mo? 10 Ove aruhe u mu yama puna eṱunḓu re na avihe mbye na vyo. Ove u sera ondaya koviṋa avihe mbye tjita, nu we mu pa orutumbo oruingi okuurisa ehi arihe. 11 Nungwari nambano ove tji wa tjitire wina o mu yeka oviṋa avihe mbye na vyo, eye me ku sengire momurungu woye!”
12 Muhona wa tja nai ku Satan: “Osemba, oviṋa avihe mbye na vyo vi ri mouvara woye, nungwari Job omuini o mu hihamisa ko.” Satan otja zapo pu Muhona na i.
Ovanatje va Job noutumbe we mave nyonwa
13 Eyuva rimwe ovanatje va Job ngunda averi momukandi monganda yerumbi rawo, 14 omuhindwa umwe otja yenda ama utuka ku Job a tja: “Eṱe aa tu taura ehi romakunino nozonduwombe, nousino wa ri momaryo popezu. 15 Mokamanga Ovaseba arire tji va kambura ozonduwombe nousino nave pundu avihe. Owo va zepa ovakarere voye avehe posi yaami. Owami erike ngu mba poṋa momake wawo okuyekukuraera.”
16 Ngunda e hiya mana okuhungira, omukarere warwe arire tje ya na tja: “Orutjeno rwombura rwa tono ozonḓu novarise nu rwa zepa avehe. Owami erike ngu mba hupu okuyekukuraera.”
17 Ngunda e hiya mana okuhungira, kwe ya omukarere omukwao warwe na tja: “Ovira vitatu vyovapunde vyOvakaldea vye tu rwisa nu vya huura ozongamero nu vya zepa ovakarere voye avehe posi yaami. Owami erike ngu mba poṋa momake wawo okuyekukuraera.”
18 Ngunda e hiya mana okuhungira, omukarere omukwao warwe arire tje ya na tja: “Ovanatje voye va ri momukandi mondjuwo yomuzandu woye otjiveri, 19 notjivepo otji tja hinga okuza mokuti onguza. Otjo tja wisa ondjuwo, narire tji tje ve zepa avehe. Owami erike ngu mba hupu okuyekukuraera.”
20 Job wa sekama na nyondorora ozombanda ze moruhoze. Eye wa kurura otjiuru tje ne riyumbu onḓurumika pehi. 21 Eye wa tja nai: “Ami mba kwatwa nokuhinotjiṋa, nu me koka nokuhinotjiṋa. Muhona we ndji pere, nu nambano wa yarura. Ena re ngari tangwe!”
22 Mu avihe mbi, Job katjitire ourunde nu ka yandjere ondjo ku Ndjambi.
