Babilon mari pangurwa komurungu
1 Muhona ma tja nai: “Tara, ami me pendurire ehi ra Babilon novature varo ombepo onyone. 2 Me hindi ovandu wozonganda okukanyona Babilon tjimuna ombepo, ndji mai hingi ovisisiro vyovikokotwa. Eyuva ndo romanyoneno tji re ya, owo mave rwisa ehi okuza kominda avihe, nu mave isa ro ari ri tjo. 3 Amu yandjere ovarwe varo wovita kutja ve yumbe oviku poo kutja ve zare ozombanda zawo zovita. Amu yama ovazandu varo omitanda! Yandekeye otjimbumba tjaro atjihe tjovita! 4 Owo mave tendwa mehi arihe nave ṱire momivanda vyovihuro vyawo. 5 Ami, ngu mbi ri Muhona, Ndjambi Omunamasaaehe, hiya isa Israel na Juda otja omuhepundu, nandarire kutja owo va tura ondjo komurungu wandje, ngu mbi ri Omuyapuke wa Israel. 6 Tupukeye mu ze mo mObabilon! Tauriseye ominyo vyeṋu! Amu ṱire ouvi wa Babilon. Ami nambano me sutisa ehi ra Babilon, nu me vere ro otja pu ra sokuverwa. 7 Babilon ra ri otja otjinwino otjingoldo meke randje, noro ra purukisa ouye auhe Oviwaṋa vya nwa omavinu waro navi puruka ozondunge. 8 Babilon ra wa tjimanga nari nyanyaurwa! Ririreye ro! Eteye omiti omipange kutja ovirwaro vyaro vi pangwe, novyo ngahino mavi veruka. 9 Ovozonganda mba tura mu ro, va tja nai: ‘Eṱe twa kondja okuvatera Babilon, nungwari tjandje oruveze rwa kapita rukuru. Nambano ngatu ri ese tu yaruke kozoyetu. Ndjambi wa vere Babilon nomasa we aehe, nu wa nyono ro okumana.’ ”
10 Muhona ma tja nai: “Ovandu votjiwaṋa tjandje mave ravaere ave tja: ‘Muhona wa raisa kutja eṱe tu ri osemba. Ngatu yende tu kaserekarerere ovature va Jerusalem imbi Muhona, Ndjambi wetu, mbya tjita.’ ”
11 Muhona wa hohiza ozombara za Medie, tjinga e ritye okunyona ehi ra Babilon. Eye otji ma sutisa ro mena romanyoneno wondjuwo ye.
Ovahongore wovita mave rakiza nai: “Upikeye oviku vyeṋu! Rirongereye notuvao tweṋu! 12 Turikeye erapi rotjihako yokurwisa orumbo rwa Babilon. Zeupariseye ovatjevere! Zikamiseye omatjeverero! Horekeye ovarumendu motutatwa!”
Muhona wa tjita imbi mbya tja ma tjiti kovature va Babilon. 13 Ehi ndi ri nozonḓonḓu ozengi noutumbe wovihuze, nungwari oruveze rwaro rwa kapita, nondjandero yaro ye ya. 14 Muhona Omunamasaaehe wa yana ku ye omuini na tja: “Nandi mbe urisa ove, Babilon, novarumendu ovengi tjimuna ehapu rozombahu, ombimbi yondoṋeno ingee i ri kombanda yoye.”
Eimburiro rondangero ku Ndjambi
15 Muhona wa utire ehi momasa we; eye wa utire ouye mounongo we, nu wa tandavarisire omayuru mondjiviro ye. 16 Otja komarakiza we omeva mevaverwa ye ṱuṱuma; eye u eta ovikamba okuza komaandero wehi. Eye u tjenisa orutjeno kutja ombura i roke, nu u hinda ombepo kutja i hinge okuza mozondjuwo ze zomapwikiro. 17 Mokumuna oviṋa mbi omundu auhe u rimuna kutja eye eyova, nu auhe ngu hambura oviserekarera vyovisenginina u ṱisiwa ohoṋi, orondu oviserekarera vyovisenginina mbye ungura, ovyo otjiwova, nu kavi nomuinyo. 18 Ovyo oviporoporo nu vya sokuṋeṋunwa; ovyo mavi yandekwa Muhona tji meya okuvivera. 19 Ndjambi wa Jakob ka sanene ku vyo; eye onguri Ngwi ngwa uta oviṋa avihe. Neye wa toorora Israel okurira otjiwaṋa tje omuini. Ena re oMuhona Omunamasaaehe.
Ongowa ya Muhona
20 Muhona ma tja nai: “Babilon, oove ongowa yandje, otjirwise tjandje tjovita. Ami mbe ku ungurisa kutja u nyanyaure oviwaṋa nomauhona, 21 nokutja u hahaure oukambe novakavire, nomatemba wovita novahinge vawo, 22 nokutja u zepe ovarumendu novakazendu, nokuzepa ovakurundu nomitanda, nokuzepa ovazandu novakazona, nokuzepa ovakurundu nomitanda, nokuzepa ovazandu novakazona, 23 nokutja u zepe ovarise nozonḓu zawo, novataure vehi nozonduwombe zawo, nokunyanyaura ovanane novahongore.”
Omberero ya Babilon
24 Muhona ma tja nai: “Eṋe mamu ndji munu ame sutisa ehi ra Babilon novature varo mena romaurunde aehe ngu va tjita kOjerusalem. 25 Babilon, ove u ri otja ondundu, ndji nyona ouye auhe, nungwari ami, Muhona, owami omunavita na ove. Ami me ku toora, e ku saravareke pehi ne ku esa awa rire ondundu yomutwe. 26 Kape newe nangarire rimwe romaṱunḓu woye, ndi mari ungurisiwa rukwao okutunga na ro. Nungwari ove mo karerere otja okuti onguza. Ami, ngu mbi ri Muhona, owami ngu mba hungire.
27 “Turikeye erapi rotjihako yokurwa! Posiseye ohiva kutja oviwaṋa vi zuve! Rongeriseye oviwaṋa kutja vi hange ovita kuna Babilon! Raereye ouhona wa Ararat nowa Mini nowa Askenas kutja ye rwe. Toororeye omuhongore ngu ma hongorere otjirwa. Eteye oukambe ouingi tjimuna ehapu rozombahu. 28 Rongeriseye oviwaṋa kutja vi hange ovita kuna Babilon. Raereye ozombara za Medie kutja ze ye, na wina ovanane novahongore vazo, novimbumba avihe vyovita vyomahi aehe nge ri kehi youhona wazo. 29 Ehi mari zezera nokunyinganyinga, Muhona tjinga ama yenenisa omeripuriro we wokutjita kutja otjihuro Babilon tji rire ongaango, moṋa mu mu hi nokutura omundu. 30 Ovarwe va Babilon wovita ozombanḓe va isa okurwa, nu ve ri moviṱunga vyawo uriri. Owo va mumapara nu ve ri otja ovakazendu. Omivero vyotjihuro mavi haṋewa, nozondjuwo maze pi. 31 Ovatumwa mave tupuka povikando pekepeke okukaraera ombara kutja otjihuro tjayo tja taurirwa okuza kominda avihe, 32 nokutja omunavita wa kambura omakondero wonḓonḓu nu wa nyosa oviṱunga, nokutja ovarwe va Babilon wovita va mumapara. 33 Otjihuro tja Babilon tji ri otja otjitondero tji matji tombwa okupamisiwa; nu kombunda yoruveze orusupi indwi oruveze rwomakondero tjandje rweya. Ami, ngu mbi ri Muhona Omunamasaaehe, Ndjambi wa Israel, owami ngu mba hungire.”
34 Nebukadnesar, ombara ya Babilon, wa nyondorora Jerusalem narire tje tji ri. Eye wa kareka otjihuro uriri tjimuna eho ndi ri tjo; nu we tji ṋiṋa tjimuna ohwa tji i ṋiṋa oviṋa. Eye wa toora imbi mbya vanga, na imbirahi imbi mbya sewa po. 35 Ovature va Sion ngave tje nai: “Ehi ra Babilon ondi nomerizirira woutwe mbwa tjitwa ku eṱe!” Ovature va Jerusalem ngave tje nai: “Babilon ondi nomerizirira womahihamisiro wetu.”
Muhona ma vatere Ovaisrael
36 Muhona otji ma tja nai kovature va Jerusalem: “Tareye, ami me yeura otjiposa tjeṋu, nu me sutisa ovanavita na eṋe mena raimbi mbi va tjita ku eṋe. Ami me kahisa ozombu zomeva za Babilon, nu me pwirisa ozonḓonḓu zaro. 37 Ehi ndi mari rire etundu mu mamu tura ovipuka vyokuti. Mari rire ombunikiro ondirise, kape na umwe ngu ma tura mu ro navehe mbu mave munu oviṋa mbi mave kumwa. 38 Ovababilon avehe mave tye ovimboro tjimuna ozongeyama, nu mave wenene tjimuna oungeyamona. 39 Owo ve neraru are? Ami meve zepere omukandi nu meve purukisa nomavinu ne ve vorokisa. Owo mave karara, nu kamaave penduka rukwao. 40 Ami meve twara ve kaṱe tjimuna ozondjona, tjimuna ozondwezu zozonḓu nozozongombo. Ami, ngu mbi ri Muhona, owami ngu mba hungire.”
Oumba wa Babilon
41 Muhona ma hungirire Babilon nai: “Otjihuro hi tji tji hiwa i ouye auhe, tja kamburwa! Tjiri, Babilon tja rira ombunikiro ondirise koviwaṋa! 42 Ozongazona zokuvare za pupira kombanda ya Babilon atjihe naze tji vandeke ngunda amaze hwaara. 43 Ovirongo vya rira ombunikiro ondirise, nu vi ri otja okuti onguza ku ku hi nomeva, moṋa mu mu ha tura omundu poo mu mu ha ryanga omundu. 44 Ami me vere Bel, omukuru wotjisenginina wa Babilon, nu me mu imbirahisa oviṋa imbi eye mbya vaka; oviwaṋa kamaavi rikotamene ku ye rukwao.
“Orumbo rwa Babilon rwa u. 45 Vaisrael, tupukeye mu ze po mba! Tauriseye ominyo vyeṋu komazenge wandje omanene. 46 Amu rihahiza nu amu tira mena rOmbuze, ndji mai handjauka mehi. Ombura aihe pe handjauka ombuze yarwe peke, ombuze yozondjito zoutwe mehi na indji yozombara nḓe rwisasana. 47 Tara, omayuva maye ya ami mu me vere oomukuru vovisenginina va Babilon. Ehi arihe mari ṱisiwa ohoṋi, novandu varo avehe mave ṱu. 48 Neyuru nehi na avihe mbi ri mu vyo mavi tono otukwise, ehi ra Babilon tji mari haverwa i ovandu mbu mave zu komukuma wokokunene kweyuva okuyekunyona ro. 49 Babilon ra zepaisisa ovandu mouye auhe, nambano mari u, tjinga ara zepaisisa Ovaisrael ovengi nai. Ami, ngu mbi ri Muhona, owami ngu mba hungire.”
Ombuze ya Muhona kOvaisrael mObabilon
50 Muhona ma tja nai kotjiwaṋa tje mehi ra Babilon: “Eṋe mwa taura onḓiro! Nambano twendeye! Amu wombo! Nandarire kutja mu ri kokure nozonganda zeṋu, ripureye na ami, ngu mbi ri Muhona weṋu, nu mu zemburuke Jerusalem. 51 Eṋe mu tja nai: ‘Eṱe twa yambururwa, nu twa ṱisiwa ohoṋi; kaatu tjiwa oparukaze kutja ngatu tjite vi, ovandu wozonganda tjinga ava taurira moṋa momuyapuke mondjuwo ya Muhona.’ 52 Otji me tja omayuva yeya ami mu me vere oomukuru vovisenginina va Babilon, nu imba ozondjahe mave pose omunono mehi arihe. 53 Nandarire kutja otjihuro tja Babilon itjatji rondo kombanda mevaverwa natji katunga otjiṱunga otjinamasa koṋa ngo, ami ingee etje hinda ovandu okuketjinyona. Ami, ngu mbi ri Muhona, owami ngu mba hungire.”
Babilon matji nyonwa komurungu
54 Muhona ma tja nai:
“Purateneye kombosiro yomaririro motjihuro tja Babilon
na ku indji yoruhoze mena romanyoneno mehi ra Babilon.
55 Ami me nyono Babilon,
nu me mwinisa indji ondokohero onene.
Ovimbumba vyovita mavi taurire mu tjo
tjimuna ozongazona nḓu maze hwaara,
nu mavi rwisa otjihuro nondokohero onene.
56 Ovyo vye ya okunyona Babilon;
ovarwe vatjo wovita ozombangaṋe va huurwa,
nomauta wawo ya teyewa.
Ami, owami Ndjambi, ngu mbi vera ouvi,
nami, tjiri, me sutisa Babilon.
57 Ami me purukisa ovahongore vatjo nomavinu,
okutja imba ovarumendu ozonongo novanane,
novarwe wovita ozombangaṋe.
Owo mave karara ozomboṱu ozonḓeu
nu ave ha penduka rukwao.
Ami, ngu mbi ri Ombara,
owami ngu mba hungire.
Ena randje owami Muhona Omunamasaaehe.
58 “Orumbo rwotjihuro otjinamasa Babilon maru teyerwa pehi,
nomivero vyatjo omitonga mavi nyosiwa.
Oviungura vyoviwaṋa avihe opouriri;
ongondjero yavyo mai zengi owandja pi motururumo twomuriro.
Ami, ngu mbi ri Muhona Omunamasaaehe,
owami ngu mba hungire.”
Ombuze ya Jeremia mai hindwa kObabilon
59 Omunane omunene wokehi yombara Sidkija wa ri Seraja, omuzandu wa Nerija, omuzandu wa Makseja. Mombura oitjaine youhona wa Sidkija, ombara ya Juda, Seraja wa ya kObabilon puna Sidkija, nami mbe mu pa omaraerero tjiva. 60 Ami, Jeremia, mba tjangere membo emangwa imbi oviwonga avihe mbya sere okuya kombanda ya Babilon, na wina omambo aehe warwe, nga hungirirwa Babilon. 61 Ami mba tja nai ku Seraja: “Tji wa kavaza kObabilon, kerizemburuke nawa kutja u karese omambo nga aehe neraka enene. 62 Tjazumba kumba nai: ‘Muhona, ove wa tanda okunyona otjirongo hi, kokutja amu ha kara otjiutwa mu tjo, omundu poo otjipuka, nungwari otjo matji rire okuti onguza nga aruhe.’ 63 Seraja, tji wa mana okuresera otjiwaṋa embo emangwa ndi, kuta ro kewe, nu i yumbe monḓonḓu Eufrat, 64 amo tja: ‘Ihi otji matji tjitwa kotjihuro Babilon, otjo matji ṱomwine nu kamaatji ya kombanda rukwao mena rotjiwonga Muhona tji ma eta kehi ndi arihe.’ ”
Omambo wa Jeremia otji ya yandera mba.
Babilon mari pangurwa komurungu
1 Muhona ma tja nai: “Tara, ami me pendurire ehi ra Babilon novature varo ombepo onyone. 2 Me hindi ovandu wozonganda okukanyona Babilon tjimuna ombepo, ndji mai hingi ovisisiro vyovikokotwa. Eyuva ndo romanyoneno tji re ya, owo mave rwisa ehi okuza kominda avihe, nu mave isa ro ari ri tjo. 3 Amu yandjere ovarwe varo wovita kutja ve yumbe oviku poo kutja ve zare ozombanda zawo zovita. Amu yama ovazandu varo omitanda! Yandekeye otjimbumba tjaro atjihe tjovita! 4 Owo mave tendwa mehi arihe nave ṱire momivanda vyovihuro vyawo. 5 Ami, ngu mbi ri Muhona, Ndjambi Omunamasaaehe, hiya isa Israel na Juda otja omuhepundu, nandarire kutja owo va tura ondjo komurungu wandje, ngu mbi ri Omuyapuke wa Israel. 6 Tupukeye mu ze mo mObabilon! Tauriseye ominyo vyeṋu! Amu ṱire ouvi wa Babilon. Ami nambano me sutisa ehi ra Babilon, nu me vere ro otja pu ra sokuverwa. 7 Babilon ra ri otja otjinwino otjingoldo meke randje, noro ra purukisa ouye auhe Oviwaṋa vya nwa omavinu waro navi puruka ozondunge. 8 Babilon ra wa tjimanga nari nyanyaurwa! Ririreye ro! Eteye omiti omipange kutja ovirwaro vyaro vi pangwe, novyo ngahino mavi veruka. 9 Ovozonganda mba tura mu ro, va tja nai: ‘Eṱe twa kondja okuvatera Babilon, nungwari tjandje oruveze rwa kapita rukuru. Nambano ngatu ri ese tu yaruke kozoyetu. Ndjambi wa vere Babilon nomasa we aehe, nu wa nyono ro okumana.’ ”
10 Muhona ma tja nai: “Ovandu votjiwaṋa tjandje mave ravaere ave tja: ‘Muhona wa raisa kutja eṱe tu ri osemba. Ngatu yende tu kaserekarerere ovature va Jerusalem imbi Muhona, Ndjambi wetu, mbya tjita.’ ”
11 Muhona wa hohiza ozombara za Medie, tjinga e ritye okunyona ehi ra Babilon. Eye otji ma sutisa ro mena romanyoneno wondjuwo ye.
Ovahongore wovita mave rakiza nai: “Upikeye oviku vyeṋu! Rirongereye notuvao tweṋu! 12 Turikeye erapi rotjihako yokurwisa orumbo rwa Babilon. Zeupariseye ovatjevere! Zikamiseye omatjeverero! Horekeye ovarumendu motutatwa!”
Muhona wa tjita imbi mbya tja ma tjiti kovature va Babilon. 13 Ehi ndi ri nozonḓonḓu ozengi noutumbe wovihuze, nungwari oruveze rwaro rwa kapita, nondjandero yaro ye ya. 14 Muhona Omunamasaaehe wa yana ku ye omuini na tja: “Nandi mbe urisa ove, Babilon, novarumendu ovengi tjimuna ehapu rozombahu, ombimbi yondoṋeno ingee i ri kombanda yoye.”
Eimburiro rondangero ku Ndjambi
15 Muhona wa utire ehi momasa we; eye wa utire ouye mounongo we, nu wa tandavarisire omayuru mondjiviro ye. 16 Otja komarakiza we omeva mevaverwa ye ṱuṱuma; eye u eta ovikamba okuza komaandero wehi. Eye u tjenisa orutjeno kutja ombura i roke, nu u hinda ombepo kutja i hinge okuza mozondjuwo ze zomapwikiro. 17 Mokumuna oviṋa mbi omundu auhe u rimuna kutja eye eyova, nu auhe ngu hambura oviserekarera vyovisenginina u ṱisiwa ohoṋi, orondu oviserekarera vyovisenginina mbye ungura, ovyo otjiwova, nu kavi nomuinyo. 18 Ovyo oviporoporo nu vya sokuṋeṋunwa; ovyo mavi yandekwa Muhona tji meya okuvivera. 19 Ndjambi wa Jakob ka sanene ku vyo; eye onguri Ngwi ngwa uta oviṋa avihe. Neye wa toorora Israel okurira otjiwaṋa tje omuini. Ena re oMuhona Omunamasaaehe.
Ongowa ya Muhona
20 Muhona ma tja nai: “Babilon, oove ongowa yandje, otjirwise tjandje tjovita. Ami mbe ku ungurisa kutja u nyanyaure oviwaṋa nomauhona, 21 nokutja u hahaure oukambe novakavire, nomatemba wovita novahinge vawo, 22 nokutja u zepe ovarumendu novakazendu, nokuzepa ovakurundu nomitanda, nokuzepa ovazandu novakazona, nokuzepa ovakurundu nomitanda, nokuzepa ovazandu novakazona, 23 nokutja u zepe ovarise nozonḓu zawo, novataure vehi nozonduwombe zawo, nokunyanyaura ovanane novahongore.”
Omberero ya Babilon
24 Muhona ma tja nai: “Eṋe mamu ndji munu ame sutisa ehi ra Babilon novature varo mena romaurunde aehe ngu va tjita kOjerusalem. 25 Babilon, ove u ri otja ondundu, ndji nyona ouye auhe, nungwari ami, Muhona, owami omunavita na ove. Ami me ku toora, e ku saravareke pehi ne ku esa awa rire ondundu yomutwe. 26 Kape newe nangarire rimwe romaṱunḓu woye, ndi mari ungurisiwa rukwao okutunga na ro. Nungwari ove mo karerere otja okuti onguza. Ami, ngu mbi ri Muhona, owami ngu mba hungire.
27 “Turikeye erapi rotjihako yokurwa! Posiseye ohiva kutja oviwaṋa vi zuve! Rongeriseye oviwaṋa kutja vi hange ovita kuna Babilon! Raereye ouhona wa Ararat nowa Mini nowa Askenas kutja ye rwe. Toororeye omuhongore ngu ma hongorere otjirwa. Eteye oukambe ouingi tjimuna ehapu rozombahu. 28 Rongeriseye oviwaṋa kutja vi hange ovita kuna Babilon. Raereye ozombara za Medie kutja ze ye, na wina ovanane novahongore vazo, novimbumba avihe vyovita vyomahi aehe nge ri kehi youhona wazo. 29 Ehi mari zezera nokunyinganyinga, Muhona tjinga ama yenenisa omeripuriro we wokutjita kutja otjihuro Babilon tji rire ongaango, moṋa mu mu hi nokutura omundu. 30 Ovarwe va Babilon wovita ozombanḓe va isa okurwa, nu ve ri moviṱunga vyawo uriri. Owo va mumapara nu ve ri otja ovakazendu. Omivero vyotjihuro mavi haṋewa, nozondjuwo maze pi. 31 Ovatumwa mave tupuka povikando pekepeke okukaraera ombara kutja otjihuro tjayo tja taurirwa okuza kominda avihe, 32 nokutja omunavita wa kambura omakondero wonḓonḓu nu wa nyosa oviṱunga, nokutja ovarwe va Babilon wovita va mumapara. 33 Otjihuro tja Babilon tji ri otja otjitondero tji matji tombwa okupamisiwa; nu kombunda yoruveze orusupi indwi oruveze rwomakondero tjandje rweya. Ami, ngu mbi ri Muhona Omunamasaaehe, Ndjambi wa Israel, owami ngu mba hungire.”
34 Nebukadnesar, ombara ya Babilon, wa nyondorora Jerusalem narire tje tji ri. Eye wa kareka otjihuro uriri tjimuna eho ndi ri tjo; nu we tji ṋiṋa tjimuna ohwa tji i ṋiṋa oviṋa. Eye wa toora imbi mbya vanga, na imbirahi imbi mbya sewa po. 35 Ovature va Sion ngave tje nai: “Ehi ra Babilon ondi nomerizirira woutwe mbwa tjitwa ku eṱe!” Ovature va Jerusalem ngave tje nai: “Babilon ondi nomerizirira womahihamisiro wetu.”
Muhona ma vatere Ovaisrael
36 Muhona otji ma tja nai kovature va Jerusalem: “Tareye, ami me yeura otjiposa tjeṋu, nu me sutisa ovanavita na eṋe mena raimbi mbi va tjita ku eṋe. Ami me kahisa ozombu zomeva za Babilon, nu me pwirisa ozonḓonḓu zaro. 37 Ehi ndi mari rire etundu mu mamu tura ovipuka vyokuti. Mari rire ombunikiro ondirise, kape na umwe ngu ma tura mu ro navehe mbu mave munu oviṋa mbi mave kumwa. 38 Ovababilon avehe mave tye ovimboro tjimuna ozongeyama, nu mave wenene tjimuna oungeyamona. 39 Owo ve neraru are? Ami meve zepere omukandi nu meve purukisa nomavinu ne ve vorokisa. Owo mave karara, nu kamaave penduka rukwao. 40 Ami meve twara ve kaṱe tjimuna ozondjona, tjimuna ozondwezu zozonḓu nozozongombo. Ami, ngu mbi ri Muhona, owami ngu mba hungire.”
Oumba wa Babilon
41 Muhona ma hungirire Babilon nai: “Otjihuro hi tji tji hiwa i ouye auhe, tja kamburwa! Tjiri, Babilon tja rira ombunikiro ondirise koviwaṋa! 42 Ozongazona zokuvare za pupira kombanda ya Babilon atjihe naze tji vandeke ngunda amaze hwaara. 43 Ovirongo vya rira ombunikiro ondirise, nu vi ri otja okuti onguza ku ku hi nomeva, moṋa mu mu ha tura omundu poo mu mu ha ryanga omundu. 44 Ami me vere Bel, omukuru wotjisenginina wa Babilon, nu me mu imbirahisa oviṋa imbi eye mbya vaka; oviwaṋa kamaavi rikotamene ku ye rukwao.
“Orumbo rwa Babilon rwa u. 45 Vaisrael, tupukeye mu ze po mba! Tauriseye ominyo vyeṋu komazenge wandje omanene. 46 Amu rihahiza nu amu tira mena rOmbuze, ndji mai handjauka mehi. Ombura aihe pe handjauka ombuze yarwe peke, ombuze yozondjito zoutwe mehi na indji yozombara nḓe rwisasana. 47 Tara, omayuva maye ya ami mu me vere oomukuru vovisenginina va Babilon. Ehi arihe mari ṱisiwa ohoṋi, novandu varo avehe mave ṱu. 48 Neyuru nehi na avihe mbi ri mu vyo mavi tono otukwise, ehi ra Babilon tji mari haverwa i ovandu mbu mave zu komukuma wokokunene kweyuva okuyekunyona ro. 49 Babilon ra zepaisisa ovandu mouye auhe, nambano mari u, tjinga ara zepaisisa Ovaisrael ovengi nai. Ami, ngu mbi ri Muhona, owami ngu mba hungire.”
Ombuze ya Muhona kOvaisrael mObabilon
50 Muhona ma tja nai kotjiwaṋa tje mehi ra Babilon: “Eṋe mwa taura onḓiro! Nambano twendeye! Amu wombo! Nandarire kutja mu ri kokure nozonganda zeṋu, ripureye na ami, ngu mbi ri Muhona weṋu, nu mu zemburuke Jerusalem. 51 Eṋe mu tja nai: ‘Eṱe twa yambururwa, nu twa ṱisiwa ohoṋi; kaatu tjiwa oparukaze kutja ngatu tjite vi, ovandu wozonganda tjinga ava taurira moṋa momuyapuke mondjuwo ya Muhona.’ 52 Otji me tja omayuva yeya ami mu me vere oomukuru vovisenginina va Babilon, nu imba ozondjahe mave pose omunono mehi arihe. 53 Nandarire kutja otjihuro tja Babilon itjatji rondo kombanda mevaverwa natji katunga otjiṱunga otjinamasa koṋa ngo, ami ingee etje hinda ovandu okuketjinyona. Ami, ngu mbi ri Muhona, owami ngu mba hungire.”
Babilon matji nyonwa komurungu
54 Muhona ma tja nai:
“Purateneye kombosiro yomaririro motjihuro tja Babilon
na ku indji yoruhoze mena romanyoneno mehi ra Babilon.
55 Ami me nyono Babilon,
nu me mwinisa indji ondokohero onene.
Ovimbumba vyovita mavi taurire mu tjo
tjimuna ozongazona nḓu maze hwaara,
nu mavi rwisa otjihuro nondokohero onene.
56 Ovyo vye ya okunyona Babilon;
ovarwe vatjo wovita ozombangaṋe va huurwa,
nomauta wawo ya teyewa.
Ami, owami Ndjambi, ngu mbi vera ouvi,
nami, tjiri, me sutisa Babilon.
57 Ami me purukisa ovahongore vatjo nomavinu,
okutja imba ovarumendu ozonongo novanane,
novarwe wovita ozombangaṋe.
Owo mave karara ozomboṱu ozonḓeu
nu ave ha penduka rukwao.
Ami, ngu mbi ri Ombara,
owami ngu mba hungire.
Ena randje owami Muhona Omunamasaaehe.
58 “Orumbo rwotjihuro otjinamasa Babilon maru teyerwa pehi,
nomivero vyatjo omitonga mavi nyosiwa.
Oviungura vyoviwaṋa avihe opouriri;
ongondjero yavyo mai zengi owandja pi motururumo twomuriro.
Ami, ngu mbi ri Muhona Omunamasaaehe,
owami ngu mba hungire.”
Ombuze ya Jeremia mai hindwa kObabilon
59 Omunane omunene wokehi yombara Sidkija wa ri Seraja, omuzandu wa Nerija, omuzandu wa Makseja. Mombura oitjaine youhona wa Sidkija, ombara ya Juda, Seraja wa ya kObabilon puna Sidkija, nami mbe mu pa omaraerero tjiva. 60 Ami, Jeremia, mba tjangere membo emangwa imbi oviwonga avihe mbya sere okuya kombanda ya Babilon, na wina omambo aehe warwe, nga hungirirwa Babilon. 61 Ami mba tja nai ku Seraja: “Tji wa kavaza kObabilon, kerizemburuke nawa kutja u karese omambo nga aehe neraka enene. 62 Tjazumba kumba nai: ‘Muhona, ove wa tanda okunyona otjirongo hi, kokutja amu ha kara otjiutwa mu tjo, omundu poo otjipuka, nungwari otjo matji rire okuti onguza nga aruhe.’ 63 Seraja, tji wa mana okuresera otjiwaṋa embo emangwa ndi, kuta ro kewe, nu i yumbe monḓonḓu Eufrat, 64 amo tja: ‘Ihi otji matji tjitwa kotjihuro Babilon, otjo matji ṱomwine nu kamaatji ya kombanda rukwao mena rotjiwonga Muhona tji ma eta kehi ndi arihe.’ ”
Omambo wa Jeremia otji ya yandera mba.
