1 Momueze outjahambombari wombura ndjo, Ismael, omuzandu wa Netanja, omuzandu wa Elisama, weṱunḓu rouhona, nu ngwa ri umwe wovahongore ovanene vombara, wa ya kOmispa puna ovarumendu omurongo okukahakaena na Gedalja, omuzandu wa Ahikam. Avehe ngunda amave ri pamwe, 2 Ismael novarumendu omurongo mba ri puna ye va nana omangaruvyo wawo nave zepa Gedalja. 3 Ismael wina wa zepa Ovaisrael avehe, mba ri puna Gedalja mOmispa, novarwe vOvababilon wovita, mba ri mbo.
4 Mependukirwa, ngamwa omundu ngunda e hiya tjiwa onḓiro ya Gedalja, 5 ovarumendu omirongo hambondatu ve ya okuza kOsikem na Silo na Samaria. Owo va kururire otuyezu twawo, ave nyondorora ozombanda zawo, nave ritjanga ozondja motutu twawo. Va toorere ovikokotwa novyomoro omuwa okukevipunguhira mondjuwo ya Muhona. 6 Ismael wa pita mOmispa okukevetjakanena, ama yenda ama riri. Eye tje ya pu wo, wa tja nai: “Arikaneye, hiteye, mu tare Gedalja.” 7 Kamanga owo tji va za nokuhita motjihuro, Ismael novarwe ve wovita ve ve zepa, narire tji va yumbu oturova twawo mondjombo.
8 Nungwari pa ri ovarumendu omurongo motjimbumba hi, mba tja nai ku Ismael: “Arikana, o tu zepa! Eṱe twa horeka ovikokotwa novirya, nomaze womiṋinga, nouitji wozonyutji mokuti.” Komuhingo mbwi eye otje ve yama ne he ve zepa pamwe novakwao. 9 Ondjombo ndji Ismael ma yumba oturova twovarumendu mba zepere, ya ri onene; oyo ya hupurirwe i ombara Asa, indu eye tja rwisiwa i Basa, ombara ya Israel. Ismael we urisa ondjombo ndji noturova twi. 10 Neye a huura ovasuko vombara, novandu ovakwao mba serwe po mOmispa, nu Nebusaradan, omuhongore omunene, mba twire kehi yondjeverero ya Gedalja, Ismael we ve twara kouhuura, nu wa kumuka okukakonda omuruko wehi ra Amon.
11 Johanan novahongore vovimbumba vyovita mba ri puna ye va zuvire ozondjito azehe ozondjaukise nḓa tjitirwe i Ismael. 12 Owo otji ve mu tezera puna ovarwe vawo wovita avehe okukemurwisa nave kemuvaza popezu noruharwi orunene mOgibeon. 13 Ovahuurwa va Ismael tji va muna Johanan novahongore avehe vovimbumba vyovita otji va yoroka, 14 ave tanauka nave kondo ku Johanan. 15 Nungwari Ismael novarumendu hambondatu va hena pu Johanan nave taurire kehi ra Amon.
16 Johanan novahongore avehe vovimbumba vyovita mba ri puna ye va kambura ovandu Ismael mba twarere otja ovahuurwa kOmispa, indu tja zire nokuzepa Gedalja, okutja ovarwe wovita novakazendu novanatje novakarere. 17-18 Owo ave tira Ovababilon, Ismael tjinga a zepere Gedalja, ombara ya Babilon ngu ya zikire okurira ongooneya yehi. Owo otji va ya kOengipte, kokutja ve ze mo mOvababilon. Mondjira va kurama mOkimham, popezu na Betlehem.
1 Momueze outjahambombari wombura ndjo, Ismael, omuzandu wa Netanja, omuzandu wa Elisama, weṱunḓu rouhona, nu ngwa ri umwe wovahongore ovanene vombara, wa ya kOmispa puna ovarumendu omurongo okukahakaena na Gedalja, omuzandu wa Ahikam. Avehe ngunda amave ri pamwe, 2 Ismael novarumendu omurongo mba ri puna ye va nana omangaruvyo wawo nave zepa Gedalja. 3 Ismael wina wa zepa Ovaisrael avehe, mba ri puna Gedalja mOmispa, novarwe vOvababilon wovita, mba ri mbo.
4 Mependukirwa, ngamwa omundu ngunda e hiya tjiwa onḓiro ya Gedalja, 5 ovarumendu omirongo hambondatu ve ya okuza kOsikem na Silo na Samaria. Owo va kururire otuyezu twawo, ave nyondorora ozombanda zawo, nave ritjanga ozondja motutu twawo. Va toorere ovikokotwa novyomoro omuwa okukevipunguhira mondjuwo ya Muhona. 6 Ismael wa pita mOmispa okukevetjakanena, ama yenda ama riri. Eye tje ya pu wo, wa tja nai: “Arikaneye, hiteye, mu tare Gedalja.” 7 Kamanga owo tji va za nokuhita motjihuro, Ismael novarwe ve wovita ve ve zepa, narire tji va yumbu oturova twawo mondjombo.
8 Nungwari pa ri ovarumendu omurongo motjimbumba hi, mba tja nai ku Ismael: “Arikana, o tu zepa! Eṱe twa horeka ovikokotwa novirya, nomaze womiṋinga, nouitji wozonyutji mokuti.” Komuhingo mbwi eye otje ve yama ne he ve zepa pamwe novakwao. 9 Ondjombo ndji Ismael ma yumba oturova twovarumendu mba zepere, ya ri onene; oyo ya hupurirwe i ombara Asa, indu eye tja rwisiwa i Basa, ombara ya Israel. Ismael we urisa ondjombo ndji noturova twi. 10 Neye a huura ovasuko vombara, novandu ovakwao mba serwe po mOmispa, nu Nebusaradan, omuhongore omunene, mba twire kehi yondjeverero ya Gedalja, Ismael we ve twara kouhuura, nu wa kumuka okukakonda omuruko wehi ra Amon.
11 Johanan novahongore vovimbumba vyovita mba ri puna ye va zuvire ozondjito azehe ozondjaukise nḓa tjitirwe i Ismael. 12 Owo otji ve mu tezera puna ovarwe vawo wovita avehe okukemurwisa nave kemuvaza popezu noruharwi orunene mOgibeon. 13 Ovahuurwa va Ismael tji va muna Johanan novahongore avehe vovimbumba vyovita otji va yoroka, 14 ave tanauka nave kondo ku Johanan. 15 Nungwari Ismael novarumendu hambondatu va hena pu Johanan nave taurire kehi ra Amon.
16 Johanan novahongore avehe vovimbumba vyovita mba ri puna ye va kambura ovandu Ismael mba twarere otja ovahuurwa kOmispa, indu tja zire nokuzepa Gedalja, okutja ovarwe wovita novakazendu novanatje novakarere. 17-18 Owo ave tira Ovababilon, Ismael tjinga a zepere Gedalja, ombara ya Babilon ngu ya zikire okurira ongooneya yehi. Owo otji va ya kOengipte, kokutja ve ze mo mOvababilon. Mondjira va kurama mOkimham, popezu na Betlehem.
