Orutuu rwa Jeremia kOvajuda mObabilon
1 Ami mba tjanga orutuu kovapristeri novaprofete novanane votjiwaṋa na kovandu avehe, mba twarerwe i Nebukadnesar otja ovahuurwa kObabilon okuza kOjerusalem. 2 Ami mbe ru tjanga indu ombara Jekonia na ina novahongore vondjuwo youhona, novanane va Juda nova Jerusalem, novahambure novaungure ozonongo tji va zire nokutwarewa kouhuura. 3 Orutuu ndwi mbe ru yandja ku Elasa, omuzandu wa Safan, na ku Gemarja, omuzandu wa Hilkija, mba tumwa i Sidkija, ombara ya Juda, ku Nebukadnesar, ombara ya Babilon. Norutuu rwa tja nai:
4 “Muhona Omunamasaaehe, Ndjambi wa Israel, ma tja nai kovandu avehe, mba twarewa i Nebukadnesar otja ovahuurwa okuza mOjerusalem nokuyenda kObabilon: 5 ‘Tungeye ozondjuwo mu ture mo. Kuneye ovikunino nu mu rye imbi mbi mavi hapa mu vyo. 6 Kupeye nu mu kwate ovanatje. Kupiseye ovanatje veṋu kutja owo wina ve kwate ovanatje. Takavareye, amu heṋuka motjivaro. 7 Ungurireye ouwa wehi ku mbe mu twara otja ovahuurwa. Kumbireye ro ku ami, orondu oro tji mari ṋingapara, eṋe wina mamu ṋingapara. 8 Ami, ngu mbi ri Muhona Omunamasaaehe, Ndjambi wa Israel, me mu rongo kutja amu ha wovisiwa i ovaprofete mbe tura mokati keṋu poo i ngamwa varwe mbe tja ve zuvarisa oviṋa vyoruveze ndu maru ya. Amu puratene ko ku ngamwa oturoto twawo. 9 Owo ve mu raera ovizeze mena randje, nu hi ve hindire. Ami, ngu, mbi ri Muhona, owami ngu mba hungire.’
10 “Muhona ma tja nai: ‘Ozombura omirongo hambombari zouhona wa Babilon tji za kapita, me rikendere eṋe nu me yenenisa omakwizikiro wandje wokumukotora konganda. 11 Ami me tjiwa omeripuriro ngu mbi na wo otja ku eṋe, omeripuriro wohange, nu nge he ri wotjiwonga, omeripuriro wokumupa oruveze ndu maru ya rwomaundjiro norwouṋingandu. 12 Tji mamu ku ku ami namu kumbu ku ami, ami me mu zuvire. 13 Nu tji mamu ndji paha, mamu ndji munu, tjinga amamu ndji paha nomitima vyeṋu avihe. 14 Ii, ami me tja mamu ndji munu, nami me mu yarura ko mehi reṋu. Me mu wongo moviwaṋa na movirongo avihe mu mbe mu rimba, nu me mu kotora kehi mu mbe mu rambera kouhuura. Ami, ngu mbi ri Muhona, owami ngu mba hungire.’
15 “Eṋe mamu tja Muhona we mu pendurira ovaprofete mObabilon wina. 16 Purateneye ku imbi Muhona mbi ma hungirire ombara, ndji mai honaparere ouhona wa David, na mbi ma hungirire ovandu votjihuro hi, okutja imba ovazamumwe veṋu mbe ha twarerwe otja ovahuurwa puna eṋe. 17 Muhona Omunamasaaehe ma tja nai: ‘Ami me eta ovita nondjara nomutjise omuzeu ku wo, nu meve sanisa komakuyu nga wora nga tji ye hi nokusora okuriwa. 18 Ami meve tezere novita nondjara nomutjise omuzeu, noviwaṋa avihe mouye mavi urumisiwa i imbi mbi mavi munu. Akuhe ami ku meve rimbire, ovandu mave handuka nu mave urumisiwa i imbi mbya tjitwa ku wo. Ovandu mave ve nyekerere, ave ve sengi nave ve hembe. 19 Ihi matji tjitwa ku wo tjinga ave ha karere nonḓuviro kombuze, ndji mba kara pokuhinda ku wo novinyo vyovakarere vandje, imba ovaprofete. Owo va panḓa okupuratena. 20 Amuhe mbu mba hinda kouhuura okuza kOjerusalem nokuyenda kObabilon, purateneye ku imbi ami, ngu mbi ri Muhona, mbi me hungire.’
21 “Muhona Omunamasaaehe, Ndjambi wa Israel, wa hungirira Ahab, omuzandu wa Kolaja, na Sidkija, omuzandu wa Maaseja, mbe mu ukira ovizeze mena re. Eye wa tja meve yandja mouvara wa Nebukadnesar, ombara ya Babilon, ngu meve zepere momeho weṋu. 22 Novandu mba mba twarewa otja ovahuurwa okuza kOjerusalem okuyenda kObabilon, tji mave vanga okusenga omundu ngamwa auhe, mave tja nai: ‘Muhona nge ku tjite otja tja tjita ku Sidkija na Ahab, mba ningiririsiwa nomuinyo i ombara ya Babilon!’ 23 Ihi matji rire otjiwonga tjawo, orondu owo va tura ondjo youvi ounene, owo va katuka otukupo, nu va hungira ovizeze mena ra Muhona. Inga kaya ri omarakiza wa Muhona; eye omuhongonone wawo. Muhona ongwa hungire.”
Orutuu rwa Semaja
24-25 Muhona Omunamasaaehe, Ndjambi wa Israel, we ndji pa ombuze ku Semaja, Omunehelam, ngwa hindire orutuu mena re omuini kovandu avehe va Jerusalem na komupristeri Sefanja, omuzandu wa Maaseja, na kovapristeri avehe ovakwao. Morutuu ndwi Semaja wa tjanga nai ku Sefanja: 26 “Muhona we ku zika omupristeri moruveze rwa Jojada, nu nambano oove ngu u ri omunane omunene otjiuru mondjuwo ya Muhona. Ihi otjiungura tjoye okongwi okumuna kutja omundu woviyoze ngamwa auhe ngu me ritjindi aayo omuprofete, a pandekwe nouketanga na tuwe ko otjipandeke tjotjitenda tjomosengo. 27 Okutjavi tji u ha tjitire nai ku Jeremia wa Anatot nguye ritjindi aayo omuprofete motjiwaṋa? 28 Eye ma sokutjaerwa tjinga a raera ovahuurwa mObabilon kutja owo mave kara mouhuura mo oruveze orure, nokutja mave sokutunga ozondjuwo, ave tura mo, ave kunu ovikunino nave ri imbi mbi mave kondo.”
29 Omupristeri Sefanja we ndji resera orutuu ndwi, 30 nu tjazumba Muhona we ndji raera 31-32 kutja mbi hinde ombuze ndji kovahuurwa avehe mObabilon, ndja hungirirwa Semaja, nu ndji mai tja nai: “Ami, ngu mbi ri Muhona, me vere Semaja nozondekurona ze azehe. Ami hi mu hindire, nungwari eye wa hungira ku eṋe aayo eye omuprofete, neye we mu pukisa kutja mu riyameke kovizeze. Eye ke nokukara nozondekurona mokati keṋu, nu ke nokuhupa kutja a mune oviṋa oviwa mbi me ka tjitira otjiwaṋa tjandje, orondu eye we tji raera kutja tji ndji pirukire. Ami, ngu mbi ri Muhona, owami ngu mba hungire.”
Orutuu rwa Jeremia kOvajuda mObabilon
1 Ami mba tjanga orutuu kovapristeri novaprofete novanane votjiwaṋa na kovandu avehe, mba twarerwe i Nebukadnesar otja ovahuurwa kObabilon okuza kOjerusalem. 2 Ami mbe ru tjanga indu ombara Jekonia na ina novahongore vondjuwo youhona, novanane va Juda nova Jerusalem, novahambure novaungure ozonongo tji va zire nokutwarewa kouhuura. 3 Orutuu ndwi mbe ru yandja ku Elasa, omuzandu wa Safan, na ku Gemarja, omuzandu wa Hilkija, mba tumwa i Sidkija, ombara ya Juda, ku Nebukadnesar, ombara ya Babilon. Norutuu rwa tja nai:
4 “Muhona Omunamasaaehe, Ndjambi wa Israel, ma tja nai kovandu avehe, mba twarewa i Nebukadnesar otja ovahuurwa okuza mOjerusalem nokuyenda kObabilon: 5 ‘Tungeye ozondjuwo mu ture mo. Kuneye ovikunino nu mu rye imbi mbi mavi hapa mu vyo. 6 Kupeye nu mu kwate ovanatje. Kupiseye ovanatje veṋu kutja owo wina ve kwate ovanatje. Takavareye, amu heṋuka motjivaro. 7 Ungurireye ouwa wehi ku mbe mu twara otja ovahuurwa. Kumbireye ro ku ami, orondu oro tji mari ṋingapara, eṋe wina mamu ṋingapara. 8 Ami, ngu mbi ri Muhona Omunamasaaehe, Ndjambi wa Israel, me mu rongo kutja amu ha wovisiwa i ovaprofete mbe tura mokati keṋu poo i ngamwa varwe mbe tja ve zuvarisa oviṋa vyoruveze ndu maru ya. Amu puratene ko ku ngamwa oturoto twawo. 9 Owo ve mu raera ovizeze mena randje, nu hi ve hindire. Ami, ngu, mbi ri Muhona, owami ngu mba hungire.’
10 “Muhona ma tja nai: ‘Ozombura omirongo hambombari zouhona wa Babilon tji za kapita, me rikendere eṋe nu me yenenisa omakwizikiro wandje wokumukotora konganda. 11 Ami me tjiwa omeripuriro ngu mbi na wo otja ku eṋe, omeripuriro wohange, nu nge he ri wotjiwonga, omeripuriro wokumupa oruveze ndu maru ya rwomaundjiro norwouṋingandu. 12 Tji mamu ku ku ami namu kumbu ku ami, ami me mu zuvire. 13 Nu tji mamu ndji paha, mamu ndji munu, tjinga amamu ndji paha nomitima vyeṋu avihe. 14 Ii, ami me tja mamu ndji munu, nami me mu yarura ko mehi reṋu. Me mu wongo moviwaṋa na movirongo avihe mu mbe mu rimba, nu me mu kotora kehi mu mbe mu rambera kouhuura. Ami, ngu mbi ri Muhona, owami ngu mba hungire.’
15 “Eṋe mamu tja Muhona we mu pendurira ovaprofete mObabilon wina. 16 Purateneye ku imbi Muhona mbi ma hungirire ombara, ndji mai honaparere ouhona wa David, na mbi ma hungirire ovandu votjihuro hi, okutja imba ovazamumwe veṋu mbe ha twarerwe otja ovahuurwa puna eṋe. 17 Muhona Omunamasaaehe ma tja nai: ‘Ami me eta ovita nondjara nomutjise omuzeu ku wo, nu meve sanisa komakuyu nga wora nga tji ye hi nokusora okuriwa. 18 Ami meve tezere novita nondjara nomutjise omuzeu, noviwaṋa avihe mouye mavi urumisiwa i imbi mbi mavi munu. Akuhe ami ku meve rimbire, ovandu mave handuka nu mave urumisiwa i imbi mbya tjitwa ku wo. Ovandu mave ve nyekerere, ave ve sengi nave ve hembe. 19 Ihi matji tjitwa ku wo tjinga ave ha karere nonḓuviro kombuze, ndji mba kara pokuhinda ku wo novinyo vyovakarere vandje, imba ovaprofete. Owo va panḓa okupuratena. 20 Amuhe mbu mba hinda kouhuura okuza kOjerusalem nokuyenda kObabilon, purateneye ku imbi ami, ngu mbi ri Muhona, mbi me hungire.’
21 “Muhona Omunamasaaehe, Ndjambi wa Israel, wa hungirira Ahab, omuzandu wa Kolaja, na Sidkija, omuzandu wa Maaseja, mbe mu ukira ovizeze mena re. Eye wa tja meve yandja mouvara wa Nebukadnesar, ombara ya Babilon, ngu meve zepere momeho weṋu. 22 Novandu mba mba twarewa otja ovahuurwa okuza kOjerusalem okuyenda kObabilon, tji mave vanga okusenga omundu ngamwa auhe, mave tja nai: ‘Muhona nge ku tjite otja tja tjita ku Sidkija na Ahab, mba ningiririsiwa nomuinyo i ombara ya Babilon!’ 23 Ihi matji rire otjiwonga tjawo, orondu owo va tura ondjo youvi ounene, owo va katuka otukupo, nu va hungira ovizeze mena ra Muhona. Inga kaya ri omarakiza wa Muhona; eye omuhongonone wawo. Muhona ongwa hungire.”
Orutuu rwa Semaja
24-25 Muhona Omunamasaaehe, Ndjambi wa Israel, we ndji pa ombuze ku Semaja, Omunehelam, ngwa hindire orutuu mena re omuini kovandu avehe va Jerusalem na komupristeri Sefanja, omuzandu wa Maaseja, na kovapristeri avehe ovakwao. Morutuu ndwi Semaja wa tjanga nai ku Sefanja: 26 “Muhona we ku zika omupristeri moruveze rwa Jojada, nu nambano oove ngu u ri omunane omunene otjiuru mondjuwo ya Muhona. Ihi otjiungura tjoye okongwi okumuna kutja omundu woviyoze ngamwa auhe ngu me ritjindi aayo omuprofete, a pandekwe nouketanga na tuwe ko otjipandeke tjotjitenda tjomosengo. 27 Okutjavi tji u ha tjitire nai ku Jeremia wa Anatot nguye ritjindi aayo omuprofete motjiwaṋa? 28 Eye ma sokutjaerwa tjinga a raera ovahuurwa mObabilon kutja owo mave kara mouhuura mo oruveze orure, nokutja mave sokutunga ozondjuwo, ave tura mo, ave kunu ovikunino nave ri imbi mbi mave kondo.”
29 Omupristeri Sefanja we ndji resera orutuu ndwi, 30 nu tjazumba Muhona we ndji raera 31-32 kutja mbi hinde ombuze ndji kovahuurwa avehe mObabilon, ndja hungirirwa Semaja, nu ndji mai tja nai: “Ami, ngu mbi ri Muhona, me vere Semaja nozondekurona ze azehe. Ami hi mu hindire, nungwari eye wa hungira ku eṋe aayo eye omuprofete, neye we mu pukisa kutja mu riyameke kovizeze. Eye ke nokukara nozondekurona mokati keṋu, nu ke nokuhupa kutja a mune oviṋa oviwa mbi me ka tjitira otjiwaṋa tjandje, orondu eye we tji raera kutja tji ndji pirukire. Ami, ngu mbi ri Muhona, owami ngu mba hungire.”
