Ondoro ya Debora na Barak youtoṋi
1 Meyuva ndo Debora na Barak, omuzandu wa Abinoam, va tona ondoro ndji:
2 Tangeye Muhona,
Ovaisrael tjinga ave rimana okurwa,
notjiwaṋa atja ri nombango ombwa.
3 Zuveye, eṋe zombara!
Purateneye, eṋe vahona!
Ami, ii, ami me vanga okuimburira
Muhona ondangero,
me vanga okunyandera Muhona,
Ndjambi wa Israel, ongoma.
4 Muhona, ove tji wa kumuka mOseir,
tji wa ka wondja mokuti kwa Edom,
ehi ra nyinganyinga, neyuru ra totisa omata,
novikamba vya rokisa ombura.
5 Ozondundu za teratera
komurungu wa Muhona,
ingwi Muhona wa Sinai,
komurungu wa Muhona,
Ndjambi wa Israel.
6 Momayuva wa Samgar, omuzandu wa Anat,
momayuva wa Jael,
ozondjira za ri nguruhu,
novaryange va twara ozondjira zoposyo.
7 Ovaungure vehi va hirimana,
va hirimana mOisrael nga ove,
Debora, tji wa sekama otja ina yOvaisarel.
8 Ovaisrael tji ve ritoororera ovisenginina,
ovita tjandje vi ri pomivero;
indu pa munika oruvao poo enga mokati
kaimba omayovi omirongo vine mOisrael are?
9 Omutima wandje u ri kovahongore va Israel
mbaa ve raisa ombango
ombwa yokuyenda kovita,
mokati kotjiwaṋa.
Tangeye Muhona!
10 Eṋe mbu mu kavira kousino ouzenḓu ouvapa,
mbu mu haama kovisara,
na mbu mu kayenda pehi, imbureye!
11 Purateneye! Otjimbumba tji
matji rokoha pozondjombo
matji serekarere ozondjito
ozosemba za Muhona zondaarero,
nondaarero yotjiwaṋa tja Israel.
Notjiwaṋa tja Muhona otji tja ya komivero.
12 Penduka, Debora, penduka,
Penduka! Imbura eimburiro! Penduka!
Sekama, Barak! Muna wa Abinoam,
hongorera ovakamburwa woye neimburiro!
13 Imba mba hupa va rauka
okuya kovanane votjiwaṋa,
notjiwaṋa tja Muhona
tje ya ku ye atje rirongerere okurwa.
14 Va za kehi ra Efraim, nave ya momukutu;
owo ve ku kongorera,
Benjamin, mokati kovarumendu voye;
okuza kehi ra Makir kwa rauka ovahongore,
nokuza kehi ra Sebulon kwa
zira imba mbe tjinga okati kouhongore;
15 novanane vomuhoko wa Isakar ve ya puna Debora;
ii, Isakar weya na Barak wina.
Owo ve mu kongorera nga korutjandja.
Omuhoko wa Ruben wa ri nozombata;
owo kau zuvasanene okuya.
16 Okutjavi tji wa haama pehi mokati koviunda
nokupuratena kombosiro
yozohiva motupanda twozonḓu?
Omuhoko wa Ruben wa ri nozombata;
owo kave zuvasanene kutja mave ya.
17 Omuhoko wa Gad wa kara
uriri koutjiro wa Jordan;
nu imbwi wa Dan wa kara
uriri pozondjuwozomomeva.
Omuhoko wa Aser
wa haama komukuro wokuvare
nowo wa suva mbo uriri.
18 Omuhoko wa Sebulon nowa Naftali
vya yandja ominyo vyavyo
movita kozondundu mehi eparanga.
19 MOtaanak poruronḓu rwa Megido,
ozombara ze ya, naze ru;
ozombara za Kanaan za rwire
nu kaza ri nosilveri ndji za huura.
20 Ozonyose aaze rwire okuza keyuru,
ozo aaze ru na Sisera okuza komivanda vyazo.
21 Okaruronḓu Kison ke ve twarere,
okaruronḓu komahakaeneno Kison!
Sekama, muinyo wandje,
karwe nomasa aehe!
22 Oukambe wa yenda amau tupuka
amau tono ovikoti pehi.
23 Omuengeri wa Muhona ma tja nai:
“Senga otjihuro Meros,
Senga, ii, senga ovature vatjo,
owo tjinga ave he ere okuvatera Muhona,
okuvatera Muhona puna ozombanḓe.”
24 Jael, omukazendu wOmukeni Heber,
nga hivirikwe povakazendu avehe,
mokati kovakazendu avehe
mozondanda eye nga hivirikwe!
25 Sisera wa ningira omeva,
nu Jael e mu pe omaihi;
motjinwino otjihuze eye
we mu etera omaere.
26 Eke re wa ropororera komboha yondanda,
neke re rokunene wa
toora ongowa yomuungure;
nongowa eye wa tona na yo
Sisera na ṱukuṱura otjiuru tje,
e tji nyanyaura na tuvakanisa
omboha mongwikiro ye.
27 Pokati kozombaze za Jael eye wa seuka,
a u na saravara mbo!
Pokati kozombaze ze eye wa seuka na u;
pa seukira opa saravara na kokerere.
28 Ina ya Sisera wa tarera moruiho
pendje na ravaerere
motuvindina tworuiho ama tja:
“Etemba re rovita ra kawomba
pu tjike tji ri hiya kotoka?
Okutjavi okutona kwovikoti
vyoukambe we tji ku hiya posa?”
29 Ingwi onongo tjinene povakazendu
ve ovahivirikwa we mu ziri,
nandarire ina ya Sisera omuini
wa kamburira komambo nga, a tja:
30 “Owo, katjotjiri, va kamuna ovihuurwa,
nave vi haṋa nai:
Omukazona umwe omukarere poo
ovakazona vevari ovakarere komurumendu umwe;
notjihuura tjozombanda zovivara ku Sisera,
notjihuura tjozombanda zovivaravara;
nonḓuru yovivara,
nomarapi yevari womosengo
yoserekaze wovivara mbya hovekwa.”
31 Ovanavita na ove avehe, Muhona,
ngave ṱe nao!
Nungwari imba mbe ku suvera
ngave kare otja eyuva
tji ri ri pokupita nomasa waro aehe!
Tjazumba ehi ra kara nohange oure wozombura omirongo vine.
Ondoro ya Debora na Barak youtoṋi
1 Meyuva ndo Debora na Barak, omuzandu wa Abinoam, va tona ondoro ndji:
2 Tangeye Muhona,
Ovaisrael tjinga ave rimana okurwa,
notjiwaṋa atja ri nombango ombwa.
3 Zuveye, eṋe zombara!
Purateneye, eṋe vahona!
Ami, ii, ami me vanga okuimburira
Muhona ondangero,
me vanga okunyandera Muhona,
Ndjambi wa Israel, ongoma.
4 Muhona, ove tji wa kumuka mOseir,
tji wa ka wondja mokuti kwa Edom,
ehi ra nyinganyinga, neyuru ra totisa omata,
novikamba vya rokisa ombura.
5 Ozondundu za teratera
komurungu wa Muhona,
ingwi Muhona wa Sinai,
komurungu wa Muhona,
Ndjambi wa Israel.
6 Momayuva wa Samgar, omuzandu wa Anat,
momayuva wa Jael,
ozondjira za ri nguruhu,
novaryange va twara ozondjira zoposyo.
7 Ovaungure vehi va hirimana,
va hirimana mOisrael nga ove,
Debora, tji wa sekama otja ina yOvaisarel.
8 Ovaisrael tji ve ritoororera ovisenginina,
ovita tjandje vi ri pomivero;
indu pa munika oruvao poo enga mokati
kaimba omayovi omirongo vine mOisrael are?
9 Omutima wandje u ri kovahongore va Israel
mbaa ve raisa ombango
ombwa yokuyenda kovita,
mokati kotjiwaṋa.
Tangeye Muhona!
10 Eṋe mbu mu kavira kousino ouzenḓu ouvapa,
mbu mu haama kovisara,
na mbu mu kayenda pehi, imbureye!
11 Purateneye! Otjimbumba tji
matji rokoha pozondjombo
matji serekarere ozondjito
ozosemba za Muhona zondaarero,
nondaarero yotjiwaṋa tja Israel.
Notjiwaṋa tja Muhona otji tja ya komivero.
12 Penduka, Debora, penduka,
Penduka! Imbura eimburiro! Penduka!
Sekama, Barak! Muna wa Abinoam,
hongorera ovakamburwa woye neimburiro!
13 Imba mba hupa va rauka
okuya kovanane votjiwaṋa,
notjiwaṋa tja Muhona
tje ya ku ye atje rirongerere okurwa.
14 Va za kehi ra Efraim, nave ya momukutu;
owo ve ku kongorera,
Benjamin, mokati kovarumendu voye;
okuza kehi ra Makir kwa rauka ovahongore,
nokuza kehi ra Sebulon kwa
zira imba mbe tjinga okati kouhongore;
15 novanane vomuhoko wa Isakar ve ya puna Debora;
ii, Isakar weya na Barak wina.
Owo ve mu kongorera nga korutjandja.
Omuhoko wa Ruben wa ri nozombata;
owo kau zuvasanene okuya.
16 Okutjavi tji wa haama pehi mokati koviunda
nokupuratena kombosiro
yozohiva motupanda twozonḓu?
Omuhoko wa Ruben wa ri nozombata;
owo kave zuvasanene kutja mave ya.
17 Omuhoko wa Gad wa kara
uriri koutjiro wa Jordan;
nu imbwi wa Dan wa kara
uriri pozondjuwozomomeva.
Omuhoko wa Aser
wa haama komukuro wokuvare
nowo wa suva mbo uriri.
18 Omuhoko wa Sebulon nowa Naftali
vya yandja ominyo vyavyo
movita kozondundu mehi eparanga.
19 MOtaanak poruronḓu rwa Megido,
ozombara ze ya, naze ru;
ozombara za Kanaan za rwire
nu kaza ri nosilveri ndji za huura.
20 Ozonyose aaze rwire okuza keyuru,
ozo aaze ru na Sisera okuza komivanda vyazo.
21 Okaruronḓu Kison ke ve twarere,
okaruronḓu komahakaeneno Kison!
Sekama, muinyo wandje,
karwe nomasa aehe!
22 Oukambe wa yenda amau tupuka
amau tono ovikoti pehi.
23 Omuengeri wa Muhona ma tja nai:
“Senga otjihuro Meros,
Senga, ii, senga ovature vatjo,
owo tjinga ave he ere okuvatera Muhona,
okuvatera Muhona puna ozombanḓe.”
24 Jael, omukazendu wOmukeni Heber,
nga hivirikwe povakazendu avehe,
mokati kovakazendu avehe
mozondanda eye nga hivirikwe!
25 Sisera wa ningira omeva,
nu Jael e mu pe omaihi;
motjinwino otjihuze eye
we mu etera omaere.
26 Eke re wa ropororera komboha yondanda,
neke re rokunene wa
toora ongowa yomuungure;
nongowa eye wa tona na yo
Sisera na ṱukuṱura otjiuru tje,
e tji nyanyaura na tuvakanisa
omboha mongwikiro ye.
27 Pokati kozombaze za Jael eye wa seuka,
a u na saravara mbo!
Pokati kozombaze ze eye wa seuka na u;
pa seukira opa saravara na kokerere.
28 Ina ya Sisera wa tarera moruiho
pendje na ravaerere
motuvindina tworuiho ama tja:
“Etemba re rovita ra kawomba
pu tjike tji ri hiya kotoka?
Okutjavi okutona kwovikoti
vyoukambe we tji ku hiya posa?”
29 Ingwi onongo tjinene povakazendu
ve ovahivirikwa we mu ziri,
nandarire ina ya Sisera omuini
wa kamburira komambo nga, a tja:
30 “Owo, katjotjiri, va kamuna ovihuurwa,
nave vi haṋa nai:
Omukazona umwe omukarere poo
ovakazona vevari ovakarere komurumendu umwe;
notjihuura tjozombanda zovivara ku Sisera,
notjihuura tjozombanda zovivaravara;
nonḓuru yovivara,
nomarapi yevari womosengo
yoserekaze wovivara mbya hovekwa.”
31 Ovanavita na ove avehe, Muhona,
ngave ṱe nao!
Nungwari imba mbe ku suvera
ngave kare otja eyuva
tji ri ri pokupita nomasa waro aehe!
Tjazumba ehi ra kara nohange oure wozombura omirongo vine.
