Debora na Barak
1 Kombunda yonḓiro ya Ehud Ovaisrael va tura ondjo rukwao komurungu wa Muhona. 2 Muhona ope ve yandjera meke ra Jabin, ombara ya Kanaan, ngwa honapara motjihuro Hasor; nu omuhongore we omunene wovita wa ri Sisera, omuture wa Haroset-tjaimba mbe he ri Ovajuda. 3 NOvaisrael va kwa ombatero ku Muhona, Jabin tjinga a ri nomatemba wovitenda wovita omasere muvyu, na ṋiṋikiza Ovaisrael nomasa oure wozombura omirongo vivari.
4 Nu Debora, omuprofete omukazendu wa Lapidot, ongwa ri omunane mOisrael moruveze ndo. 5 Debora aa haama kehi yevare pokati ka Rama na Betel, kozondundu za Efraim; nOvaisrael aave i ku ye e ve pangurire oviposa vyawo. 6 Eyuva rimwe Debora wa isana Barak, omuzandu wa Abinoam, okuza kOkedes mehi ra Naftali, na tja ku ye: “Muhona, Ndjambi wa Israel, wa yandja omarakiza nga kove: ‘Sekama, twende nu u twaerere ovarumendu omayovi omurongo okuza momuhoko wa Naftali nowa Sebulon kondundu Tabor. 7 Ami me hingire Sisera, omuhongore omunene wovita vya Jabin puna omatemba we wovita notjimbumba tje kove poruronḓu Kison, nu me mu yandja meke roye.’ ”
8 Nu Barak wa tja ku Debora: “Ove tji mo i puna ami, ami me i; nungwari tji u hi nakuyenda puna ami, ami wina hi nokuyenda.”
9 Debora arire tja ziri a tja: “Ami me i puna ove. Nungwari ohiviro youtoṋi movita mbi kai nokurira oyoye, Muhona tjinga ama yandja Sisera meke romukazendu.” Debora otja sekama na i puna Barak kOkedes. 10 Barak opa woronganisira omuhoko wa Sebulon nowa Naftali mOkedes, na hongorere ovarumendu omayovi omurongo; nu Debora wa ya puna ye.
11 Nu Heber, Omukeni, wa haṋikire nOvakeni ovakwao, ozondekurona za Hobab, ihe omukwe wa Moses, na ziki ozondanda ze nga komumbonde mOsaananim popezu na Kedes.
12 Sisera wa eterwa ombuze yokutja Barak, omuzandu wa Abinoam, wa i kondundu Tabor. 13 Sisera wa woronganisira omatemba we aehe wovita omasere muvyu, notjimbumba atjihe tjovita tji tja ri pu ye poruronḓu Kison okuza mOharoset tjaimba mbe he ri Ovajuda.
14 Nu Debora wa tja ku Barak: “Twende! Indi oro eyuva Muhona ndi ma yandja Sisera meke roye. Muhona omuini me ku hongorere.” Barak wa heruka kondundu Tabor puna ovarumendu omayovi omurongo mbe mu kongorera. 15 Muhona wa purukisa Sisera puna omatemba we aehe notjimbumba tje atjihe tjovita momurungu wa Barak; nu Sisera wa heruka metemba re na tupuka pehi. 16 Nungwari Barak wa ramba omatemba notjimbumba tjovita nga kOharoset-tjaimba mbe he ri Ovajuda, notjimbumba tjovita tja Sisera atjihe tja ṱa, nu kape ningire omundu ngwa hupa.
17 Sisera wa tupukire pehi kondanda ya Jael, omukazendu wOmukeni Heber, tjinga apa ri ohange pokati ka Jabin, ombara ya Hasor, neṱunḓu rOmukeni Heber. 18 Nu Jael wa pita okukatjakanena Sisera na tja ku ye: “Hita, muhona wandje, sekira moyandje! O tira ko!” Neye wa hita mondanda ndjo, nu Jael we mu kutjira notjirare. 19 Sisera wina wa tja nai ku Jael: “Arikana, ndji pao ouvya mbi nwe, orondu mba ṱonyota.” Jael otja kutura ondjaṱu yomaihi, narire tje mu pe okunwa ne mu kutjire rukwao. 20 Tjazumba Sisera a tja nai ku ye: “Kakurame momuvero wondanda, nu tjinangara mape ya omundu ne ku pura a tja: ‘Imwi mu nomundu?’ Ove itja: ‘Kako!’ ”
21 Sisera wa urirwe tjinene, notja rara ozomboṱu ozonḓeu. Nu Jael, omukazendu wa Heber, arire tja toora omboha yondanda nongowa, e mu honine na tonene mo omboha ndji mongwikiro yotjiuru okutuvakaṋisa nga tji ya kahita mehi. Nu Sisera arire tja koka. 22 Nu Barak ngwa teza Sisera weya. Nu Jael wa pita okukemutjakanena na tja ku ye: “Indjo, mbi kekuraisire omurumendu ngu mo paha.” Neye tja hita moye, tjandje Sisera wa saravara mbo a koka, nomboha mongwikiro yotjiuru. 23 Meyuva ndo Ndjambi otja susuparisa Jabin, ombara ya Kanaan, komurungu wOvaisrael. 24 NOvaisrael va ṋiṋikiza Jabin, ombara ya Kanaan, tjinene, nga tji ve mu yandeke.
Debora na Barak
1 Kombunda yonḓiro ya Ehud Ovaisrael va tura ondjo rukwao komurungu wa Muhona. 2 Muhona ope ve yandjera meke ra Jabin, ombara ya Kanaan, ngwa honapara motjihuro Hasor; nu omuhongore we omunene wovita wa ri Sisera, omuture wa Haroset-tjaimba mbe he ri Ovajuda. 3 NOvaisrael va kwa ombatero ku Muhona, Jabin tjinga a ri nomatemba wovitenda wovita omasere muvyu, na ṋiṋikiza Ovaisrael nomasa oure wozombura omirongo vivari.
4 Nu Debora, omuprofete omukazendu wa Lapidot, ongwa ri omunane mOisrael moruveze ndo. 5 Debora aa haama kehi yevare pokati ka Rama na Betel, kozondundu za Efraim; nOvaisrael aave i ku ye e ve pangurire oviposa vyawo. 6 Eyuva rimwe Debora wa isana Barak, omuzandu wa Abinoam, okuza kOkedes mehi ra Naftali, na tja ku ye: “Muhona, Ndjambi wa Israel, wa yandja omarakiza nga kove: ‘Sekama, twende nu u twaerere ovarumendu omayovi omurongo okuza momuhoko wa Naftali nowa Sebulon kondundu Tabor. 7 Ami me hingire Sisera, omuhongore omunene wovita vya Jabin puna omatemba we wovita notjimbumba tje kove poruronḓu Kison, nu me mu yandja meke roye.’ ”
8 Nu Barak wa tja ku Debora: “Ove tji mo i puna ami, ami me i; nungwari tji u hi nakuyenda puna ami, ami wina hi nokuyenda.”
9 Debora arire tja ziri a tja: “Ami me i puna ove. Nungwari ohiviro youtoṋi movita mbi kai nokurira oyoye, Muhona tjinga ama yandja Sisera meke romukazendu.” Debora otja sekama na i puna Barak kOkedes. 10 Barak opa woronganisira omuhoko wa Sebulon nowa Naftali mOkedes, na hongorere ovarumendu omayovi omurongo; nu Debora wa ya puna ye.
11 Nu Heber, Omukeni, wa haṋikire nOvakeni ovakwao, ozondekurona za Hobab, ihe omukwe wa Moses, na ziki ozondanda ze nga komumbonde mOsaananim popezu na Kedes.
12 Sisera wa eterwa ombuze yokutja Barak, omuzandu wa Abinoam, wa i kondundu Tabor. 13 Sisera wa woronganisira omatemba we aehe wovita omasere muvyu, notjimbumba atjihe tjovita tji tja ri pu ye poruronḓu Kison okuza mOharoset tjaimba mbe he ri Ovajuda.
14 Nu Debora wa tja ku Barak: “Twende! Indi oro eyuva Muhona ndi ma yandja Sisera meke roye. Muhona omuini me ku hongorere.” Barak wa heruka kondundu Tabor puna ovarumendu omayovi omurongo mbe mu kongorera. 15 Muhona wa purukisa Sisera puna omatemba we aehe notjimbumba tje atjihe tjovita momurungu wa Barak; nu Sisera wa heruka metemba re na tupuka pehi. 16 Nungwari Barak wa ramba omatemba notjimbumba tjovita nga kOharoset-tjaimba mbe he ri Ovajuda, notjimbumba tjovita tja Sisera atjihe tja ṱa, nu kape ningire omundu ngwa hupa.
17 Sisera wa tupukire pehi kondanda ya Jael, omukazendu wOmukeni Heber, tjinga apa ri ohange pokati ka Jabin, ombara ya Hasor, neṱunḓu rOmukeni Heber. 18 Nu Jael wa pita okukatjakanena Sisera na tja ku ye: “Hita, muhona wandje, sekira moyandje! O tira ko!” Neye wa hita mondanda ndjo, nu Jael we mu kutjira notjirare. 19 Sisera wina wa tja nai ku Jael: “Arikana, ndji pao ouvya mbi nwe, orondu mba ṱonyota.” Jael otja kutura ondjaṱu yomaihi, narire tje mu pe okunwa ne mu kutjire rukwao. 20 Tjazumba Sisera a tja nai ku ye: “Kakurame momuvero wondanda, nu tjinangara mape ya omundu ne ku pura a tja: ‘Imwi mu nomundu?’ Ove itja: ‘Kako!’ ”
21 Sisera wa urirwe tjinene, notja rara ozomboṱu ozonḓeu. Nu Jael, omukazendu wa Heber, arire tja toora omboha yondanda nongowa, e mu honine na tonene mo omboha ndji mongwikiro yotjiuru okutuvakaṋisa nga tji ya kahita mehi. Nu Sisera arire tja koka. 22 Nu Barak ngwa teza Sisera weya. Nu Jael wa pita okukemutjakanena na tja ku ye: “Indjo, mbi kekuraisire omurumendu ngu mo paha.” Neye tja hita moye, tjandje Sisera wa saravara mbo a koka, nomboha mongwikiro yotjiuru. 23 Meyuva ndo Ndjambi otja susuparisa Jabin, ombara ya Kanaan, komurungu wOvaisrael. 24 NOvaisrael va ṋiṋikiza Jabin, ombara ya Kanaan, tjinene, nga tji ve mu yandeke.
