Omuengeri wa Muhona ma verere Ovaisrael mObokim
1 Omuengeri wa Muhona wa sekama mOgilgal a i kObokim na katja nai kOvaisrael: “Ami mbe mu tjindisire mOengipte, ne mu eta mehi ndi ami ndi mba kwizikira ooiho mukururume noruyano, e tja: ‘Ami himee teya omerikutiropamwe wandje na eṋe nga aruhe. 2 Eṋe wina amu tjiti omerikutiropamwe novature vehi ndi, nungwari teyee ovipunguhiro vyawo. Nungwari eṋe kamu puratenene keraka randje.’ Nambano mwa tjitira tjike nai? 3 Ami opu me tjere nai wina: ‘Hi nokuveramba komurungu weṋu; owo mave karira ovanavita na eṋe, novisenginina vyawo mavi rire ongwehe ku eṋe.’ ” 4 Nomuengeri wa Muhona tja za nokuhungira omambo nga kOvaisrael avehe, otjiwaṋa otji tja ura tjinene natji riri. 5 Nu poṋa mbo opu ve pe rukira Bokim; nu va punguhira po ozombunguhiro ku Muhona.
Onḓiro ya Josua
6 Kombunda yanao Josua wa isa otjiwaṋa tjOvaisrael tji yende, nu auhe wa kakambura orukondwa rwehi ru rire ouini we. 7 Notjiwaṋa tja karera Ndjambi omayuva aehe Josua ngunda e nomuinyo. Nu kombunda yonḓiro ye otjo tja panḓera pokukarera Muhona; imba ovanane mba mwine oviungura avihe ovinene Muhona mbya tjitire kOvaisrael ngunda ave nomuinyo. 8 Nu Josua, omuzandu wa Nun, omukarere wa Muhona, wa koka e notjiwondo tjozombura esere rimwe nomurongo. 9 Nowo ve mu paka morukondwa rwehi re mOtimnat-Heres kozondundu za Efraim, komukuma wokeyuva kokunene kwondundu Gaas. 10 Nomuhoko auhe woruveze ndo wina wa koka, nozondekurona zawo kaza tjivirwe Muhona noviungura eye mbya tjitire kOvaisrael.
Ovaisrael mave poka ku Muhona
11 NOvaisrael va tjita imbi mbyaa vi ha tjata ku Muhona mokukarera ooBaal. 12 Owo va poka ku Muhona, Ndjambi wooihe mukururume, Ndjambi ngwe ve pitisire mehi ra Engipte, nave kongorere oomukuru varwe, imba oomukuru voviwaṋa mbya turire meṋe yawo kominda nominda. Owo ave rikotamene ku wo, notji va pindikisa Ndjambi. 13 Nungwari tji va za nokupoka ku Muhona mokukarera ooBaal nooAstarte, 14 omazenge wa Muhona otji ya surumukira Ovaisrael. Eye we ve yandja momake wovapunde mbe ve punda, na momake wovanavita, mba ri meṋe yawo kutja ave ha yenene okuvepirukira. 15 Ngamwa akuhe kaave hingire ovita, Muhona kee ve pe ko outoṋi otja eye pa hungirire na pa yanene. Komuhingo mbwi otji va kara mouzeu ounene tjinene.
16 Muhona wa toororera Ovaisrael ovanane mbe ve yama momake wovapunde. 17 Nungwari Ovaisrael kave puratenene kovanane mba. Owo kave karere ovaṱakame ku Muhona, nungwari ve rikotamene kovisenginina. Ooihe vari nonḓuviro komatwako wa Muhona nungwari owo kave tjitire otja ooihe. 18 Aruhe Muhona tja toororere Ovaisrael omunane, Muhona ee mu vatere, nu aa yama Ovaisrael kovanavita na wo omunane ngwi ngunda e nomuinyo. Muhona wa ri nounyaṋutima na wo mena rondjemeno yawo kovevetatumise na koveveṋiṋikize. 19 Nungwari omunane ngwi tja koka, Ovaisrael otjaave yaruka komuano wawo omukuru nu momuano mbo otjaave tjiti navi pooihe. Owo aave toorora okukarera nokurikotamena kovisenginina, nave panḓa okuisa ovitjitwa vyawo novikaro vyawo vyourangaranga. 20 Muhona otja ṱira Ovaisrael omazenge, na tja: “Otjiwaṋa hi tjinga atja katuka omerikutiropamwe wandje ngu mba rakizire kooihe mukururume natji ha puratenene keraka randje, 21 ami wina otji mbi hi na mee ramba ngamwa oviwaṋa mbi komurungu watjo Josua mbya sya mehi, indu tja koka. 22 Komuhingo mbwi otji me roro Ovaisrael kutja nani mave ṱakamisa ondjira ya Muhona okuryanga mu yo, otja ooihe mukururume tjaave tjiti.” 23 Muhona opa za okuisa oviwaṋa mbi vi kare mehi ndi nokuhinakuviramba tjimanga; wina ke vi yandjere meke ra Josua.
Omuengeri wa Muhona ma verere Ovaisrael mObokim
1 Omuengeri wa Muhona wa sekama mOgilgal a i kObokim na katja nai kOvaisrael: “Ami mbe mu tjindisire mOengipte, ne mu eta mehi ndi ami ndi mba kwizikira ooiho mukururume noruyano, e tja: ‘Ami himee teya omerikutiropamwe wandje na eṋe nga aruhe. 2 Eṋe wina amu tjiti omerikutiropamwe novature vehi ndi, nungwari teyee ovipunguhiro vyawo. Nungwari eṋe kamu puratenene keraka randje.’ Nambano mwa tjitira tjike nai? 3 Ami opu me tjere nai wina: ‘Hi nokuveramba komurungu weṋu; owo mave karira ovanavita na eṋe, novisenginina vyawo mavi rire ongwehe ku eṋe.’ ” 4 Nomuengeri wa Muhona tja za nokuhungira omambo nga kOvaisrael avehe, otjiwaṋa otji tja ura tjinene natji riri. 5 Nu poṋa mbo opu ve pe rukira Bokim; nu va punguhira po ozombunguhiro ku Muhona.
Onḓiro ya Josua
6 Kombunda yanao Josua wa isa otjiwaṋa tjOvaisrael tji yende, nu auhe wa kakambura orukondwa rwehi ru rire ouini we. 7 Notjiwaṋa tja karera Ndjambi omayuva aehe Josua ngunda e nomuinyo. Nu kombunda yonḓiro ye otjo tja panḓera pokukarera Muhona; imba ovanane mba mwine oviungura avihe ovinene Muhona mbya tjitire kOvaisrael ngunda ave nomuinyo. 8 Nu Josua, omuzandu wa Nun, omukarere wa Muhona, wa koka e notjiwondo tjozombura esere rimwe nomurongo. 9 Nowo ve mu paka morukondwa rwehi re mOtimnat-Heres kozondundu za Efraim, komukuma wokeyuva kokunene kwondundu Gaas. 10 Nomuhoko auhe woruveze ndo wina wa koka, nozondekurona zawo kaza tjivirwe Muhona noviungura eye mbya tjitire kOvaisrael.
Ovaisrael mave poka ku Muhona
11 NOvaisrael va tjita imbi mbyaa vi ha tjata ku Muhona mokukarera ooBaal. 12 Owo va poka ku Muhona, Ndjambi wooihe mukururume, Ndjambi ngwe ve pitisire mehi ra Engipte, nave kongorere oomukuru varwe, imba oomukuru voviwaṋa mbya turire meṋe yawo kominda nominda. Owo ave rikotamene ku wo, notji va pindikisa Ndjambi. 13 Nungwari tji va za nokupoka ku Muhona mokukarera ooBaal nooAstarte, 14 omazenge wa Muhona otji ya surumukira Ovaisrael. Eye we ve yandja momake wovapunde mbe ve punda, na momake wovanavita, mba ri meṋe yawo kutja ave ha yenene okuvepirukira. 15 Ngamwa akuhe kaave hingire ovita, Muhona kee ve pe ko outoṋi otja eye pa hungirire na pa yanene. Komuhingo mbwi otji va kara mouzeu ounene tjinene.
16 Muhona wa toororera Ovaisrael ovanane mbe ve yama momake wovapunde. 17 Nungwari Ovaisrael kave puratenene kovanane mba. Owo kave karere ovaṱakame ku Muhona, nungwari ve rikotamene kovisenginina. Ooihe vari nonḓuviro komatwako wa Muhona nungwari owo kave tjitire otja ooihe. 18 Aruhe Muhona tja toororere Ovaisrael omunane, Muhona ee mu vatere, nu aa yama Ovaisrael kovanavita na wo omunane ngwi ngunda e nomuinyo. Muhona wa ri nounyaṋutima na wo mena rondjemeno yawo kovevetatumise na koveveṋiṋikize. 19 Nungwari omunane ngwi tja koka, Ovaisrael otjaave yaruka komuano wawo omukuru nu momuano mbo otjaave tjiti navi pooihe. Owo aave toorora okukarera nokurikotamena kovisenginina, nave panḓa okuisa ovitjitwa vyawo novikaro vyawo vyourangaranga. 20 Muhona otja ṱira Ovaisrael omazenge, na tja: “Otjiwaṋa hi tjinga atja katuka omerikutiropamwe wandje ngu mba rakizire kooihe mukururume natji ha puratenene keraka randje, 21 ami wina otji mbi hi na mee ramba ngamwa oviwaṋa mbi komurungu watjo Josua mbya sya mehi, indu tja koka. 22 Komuhingo mbwi otji me roro Ovaisrael kutja nani mave ṱakamisa ondjira ya Muhona okuryanga mu yo, otja ooihe mukururume tjaave tjiti.” 23 Muhona opa za okuisa oviwaṋa mbi vi kare mehi ndi nokuhinakuviramba tjimanga; wina ke vi yandjere meke ra Josua.
