Orukupo rwa Simson
1 Eyuva rimwe Simson wa ya kOtimna, na kahura ko omusuko Omufilisti. 2 Eye wa yaruka konganda na karaera ooihe na ina a tja: “Ami mba munu omusuko mokati kovasuko Ovafilisti mOtimna. Kendjiningirireye a rire omukazendu wandje.”
3 Nu ihe na ina va tja ku ye: “Nangwari kape na omusuko mokati komuhoko woye poo motjiwaṋa tjetu atjihe, tji we keripahera omusuko wOvafilisti mbe ha sukara are?”
Nungwari Simson wa zira ihe a tja: “Eye ongu me vanga kutja u kendjiningirire, tjinga e ri ngu mba huru.”
4 Ooihe na ina kave tjivirwe kutja ihi tja zire mu Muhona ngwa paha otjiwonga tjokurwisira po Ovafilisti. Orondu moruveze ndo Ovafilisti aave honaparere Ovaisrael.
5 Simson otja ya puna ihe na ina kOtimna; nu tji va kavaza kovikunino vyomivite vya Timna, ongeyama omutanda otji ye mu tjakanena mondjira amai tye ovimboro. 6 Nungwari kamanga ombepo ya Muhona ya yandja omasa ku Simson; nu eye wa nyondorora ongeyama ndji nokuhinotjiṋa meke otja omundu tji ma nyondorora okangombona. Neye ka serekarerere ku ihe na ina ihi tja tjita.
7 Tjazumba Simson wa ya na kahungira kuna omusuko nu Simson we mu hura. 8 Kombunda yomayuva tjiva Simson wa kotoka okuyekumukupa. Eye wa yepa mondjira okukatara ongeyama ndja zepere neye wa humisire i okuvaza mo ehapu rozonyutji nouitji momutundu wayo. 9 Eye wa tapera ouitji wozonyutji mbwi momake we na kayenda ama ri. Nu tje ya kooihe na ina arire tje ve pe, nowo va rya; nungwari eye ke ve tjivisire kutja ouitji mbwi wa isa momutundu wongeyama.
10 Ihe wa ya konganda ya ihe yomusuko ngwi omukupwa, nu Simson wa tjita omukandi koṋa ngo. Imbwi ombwa ri omuhingo wovazandu omitanda. 11 NOvafilisti tji ve mu muna va eta ovazandu omirongo vitatu okukara puna ye. 12 Simson wa tja nai ku wo: “Me mu pe otjihakwa okuhaka; tji mamu yenene okutjihaka moure womayuva hambombari nga womukandi, ami me mu pe omarapi omawa omirongo vitatu, notupera otuwa omirongo vitatu. 13 Nungwari eṋe tji mu hi nokusora okundji raera otjihakwa hi, mamu sokundjipa omarapi omawa omirongo vitatu, notupera otuwa omirongo vitatu.”
Nowo arire tji va tja nai ku ye: “Tu pa otjihakwa tjoye tu tji zuve.”
14 Neye wa tja nai ku wo: “Ovikurya vya pita momuvirye, nomuzeze wa pita momunamasa.” Oure womayuva yetatu kave na pu va mangurura otjihakwa hi.
15 Nu meyuva oritjaine owo va tja nai komukazendu wa Simson: “Popa omurumendu woye kutja e tu handjaurire otjihakwa; tji pe he ri nao, eṱe matu ku nyosa puna onganda yaiho aihe. Eṋe mwe tu ṋangere kutja mu yekutuhuura are?”
16 Omukazendu wa Simson opa ira komurumendu we ama riri na tja: “Ove we ndji tonda uriri, ko ndji suverere; wa yandja otjihakwa kovandu womuhoko wandje, nu ko ndji handjaurire omaheero watjo.”
Nu Simson wa zira ku ye a tja: “Tara, nandarire ootate na mama hi ve handjaurire omaheero watjo, nove me sokukuraerera tjike?” 17 Nomukazendu wa kara pokurira oure womayuva inga hambombari womukandi. Nu meyuva oritjahambombari Simson otje mu handjaurira omaheero watjo, tjinga e he mu pere orusuvo. Nomukazendu wa karaera omaheero wotjihakwa hi kovandu vomuhoko we. 18 Nu meyuva oritjahambombari, eyuva ngunda ari hiya hita, ovarumendu votjihuro otji va tja nai ku Simson:
“Otjikeṋa tji tji nomuzeze pouitji wozonyutji? Notjikeṋa tji tji nomasa pongeyama?” Nu Simson we ve zira a tja: “Andakuzu kamu taurire ehi nondana ondume yandje, katjamu haka otjihakwa tjandje.”
19 Kamanga ombepo ya Muhona ye mu pa omasa; neye wa ya kOaskelon, a kazepa ovarumendu omirongo vitatu, a kapunda oviṋa vyawo na kayandja ozombanda ku imba mba yandja omaziriro kotjihakwa. Tjazumba mokuṱomazenge otja yaruka konganda ya ihe. 20 Nungwari omukazendu wa Simson wa yandjwa kepanga re ngwe mu ṱikire morukupo kutja a rire omukazendu we.
Orukupo rwa Simson
1 Eyuva rimwe Simson wa ya kOtimna, na kahura ko omusuko Omufilisti. 2 Eye wa yaruka konganda na karaera ooihe na ina a tja: “Ami mba munu omusuko mokati kovasuko Ovafilisti mOtimna. Kendjiningirireye a rire omukazendu wandje.”
3 Nu ihe na ina va tja ku ye: “Nangwari kape na omusuko mokati komuhoko woye poo motjiwaṋa tjetu atjihe, tji we keripahera omusuko wOvafilisti mbe ha sukara are?”
Nungwari Simson wa zira ihe a tja: “Eye ongu me vanga kutja u kendjiningirire, tjinga e ri ngu mba huru.”
4 Ooihe na ina kave tjivirwe kutja ihi tja zire mu Muhona ngwa paha otjiwonga tjokurwisira po Ovafilisti. Orondu moruveze ndo Ovafilisti aave honaparere Ovaisrael.
5 Simson otja ya puna ihe na ina kOtimna; nu tji va kavaza kovikunino vyomivite vya Timna, ongeyama omutanda otji ye mu tjakanena mondjira amai tye ovimboro. 6 Nungwari kamanga ombepo ya Muhona ya yandja omasa ku Simson; nu eye wa nyondorora ongeyama ndji nokuhinotjiṋa meke otja omundu tji ma nyondorora okangombona. Neye ka serekarerere ku ihe na ina ihi tja tjita.
7 Tjazumba Simson wa ya na kahungira kuna omusuko nu Simson we mu hura. 8 Kombunda yomayuva tjiva Simson wa kotoka okuyekumukupa. Eye wa yepa mondjira okukatara ongeyama ndja zepere neye wa humisire i okuvaza mo ehapu rozonyutji nouitji momutundu wayo. 9 Eye wa tapera ouitji wozonyutji mbwi momake we na kayenda ama ri. Nu tje ya kooihe na ina arire tje ve pe, nowo va rya; nungwari eye ke ve tjivisire kutja ouitji mbwi wa isa momutundu wongeyama.
10 Ihe wa ya konganda ya ihe yomusuko ngwi omukupwa, nu Simson wa tjita omukandi koṋa ngo. Imbwi ombwa ri omuhingo wovazandu omitanda. 11 NOvafilisti tji ve mu muna va eta ovazandu omirongo vitatu okukara puna ye. 12 Simson wa tja nai ku wo: “Me mu pe otjihakwa okuhaka; tji mamu yenene okutjihaka moure womayuva hambombari nga womukandi, ami me mu pe omarapi omawa omirongo vitatu, notupera otuwa omirongo vitatu. 13 Nungwari eṋe tji mu hi nokusora okundji raera otjihakwa hi, mamu sokundjipa omarapi omawa omirongo vitatu, notupera otuwa omirongo vitatu.”
Nowo arire tji va tja nai ku ye: “Tu pa otjihakwa tjoye tu tji zuve.”
14 Neye wa tja nai ku wo: “Ovikurya vya pita momuvirye, nomuzeze wa pita momunamasa.” Oure womayuva yetatu kave na pu va mangurura otjihakwa hi.
15 Nu meyuva oritjaine owo va tja nai komukazendu wa Simson: “Popa omurumendu woye kutja e tu handjaurire otjihakwa; tji pe he ri nao, eṱe matu ku nyosa puna onganda yaiho aihe. Eṋe mwe tu ṋangere kutja mu yekutuhuura are?”
16 Omukazendu wa Simson opa ira komurumendu we ama riri na tja: “Ove we ndji tonda uriri, ko ndji suverere; wa yandja otjihakwa kovandu womuhoko wandje, nu ko ndji handjaurire omaheero watjo.”
Nu Simson wa zira ku ye a tja: “Tara, nandarire ootate na mama hi ve handjaurire omaheero watjo, nove me sokukuraerera tjike?” 17 Nomukazendu wa kara pokurira oure womayuva inga hambombari womukandi. Nu meyuva oritjahambombari Simson otje mu handjaurira omaheero watjo, tjinga e he mu pere orusuvo. Nomukazendu wa karaera omaheero wotjihakwa hi kovandu vomuhoko we. 18 Nu meyuva oritjahambombari, eyuva ngunda ari hiya hita, ovarumendu votjihuro otji va tja nai ku Simson:
“Otjikeṋa tji tji nomuzeze pouitji wozonyutji? Notjikeṋa tji tji nomasa pongeyama?” Nu Simson we ve zira a tja: “Andakuzu kamu taurire ehi nondana ondume yandje, katjamu haka otjihakwa tjandje.”
19 Kamanga ombepo ya Muhona ye mu pa omasa; neye wa ya kOaskelon, a kazepa ovarumendu omirongo vitatu, a kapunda oviṋa vyawo na kayandja ozombanda ku imba mba yandja omaziriro kotjihakwa. Tjazumba mokuṱomazenge otja yaruka konganda ya ihe. 20 Nungwari omukazendu wa Simson wa yandjwa kepanga re ngwe mu ṱikire morukupo kutja a rire omukazendu we.
