Ovapangure Tola na Jair
1 Kombunda yonḓiro ya Abimelek, Tola, omuzandu wa Pua, nu ngwa ri omuatje womuatje wa Dodo, wa sekama okukutura Ovaisrael. Eye wa ri owomuhoko wa Isakar, nu wa turire mOsamir mehi rozondundu ra Efraim. 2 Tola wa ri omunane wOvaisrael oure wozombura omirongo vivari nandatu. Tjazumba eye wa koka na pakwa mOsamir.
3 Kombunda ye pe ya Jair, ngwa zira kOgilead. Eye wa ri omunane wOvaisrael oure wozombura omirongo vivari na mbari. 4 Jair wa ri novazandu omirongo vitatu mbaa ve kavire kousino outwiyona omirongo vitatu. Owo va ri novihuro omirongo vitatu mehi ra Gilead mbya rukwa kutja: “Ovihuro vyozondanda za Jair,” nga ku ndinondi. 5 Jair wa koka na pakwa mOkamon.
Ovaamoni mave ṋiṋikiza Ovaisrael
6 Ovaisrael va tjita ourunde rukwao komurungu wa Muhona. Owo va karera ooBaal nooAstarte, noomukuru vovisenginina vOvasirie novOvasidon novOvaamoni novOvafilisti. Owo va isa Muhona nave he mu karere. 7 Muhona opa pindikira nOvaisrael ne ve yandja mouvara wOvafilisti nowOvaamoni. 8 Okuza mombura ndjo owo va ṋiṋikiza nave tatumisa Ovaisrael oure wozombura omurongo na hambondatu, okutja Ovaisrael avehe mba mba turire komuhuka wa Jordan mOgilead mu mwa turire Ovaamori. 9 Ovaamoni va konda onḓonḓu Jordan okukarwisa omuhoko wa Juda nowa Benjamin, nowa Efraim wina. Ovaisrael otji va ri mouzeu ounene tjinene.
10 Ovaisrael va ura ku Muhona ave tja: “Eṱe twa tjita ourunde komurungu woye, tjinga atwa isa ove, Ndjambi wetu, natu karere ooBaal.”
11 Muhona arire tja ziri a tja: “Ovaengipte nOvaamori nOvaamoni nOvafilisti, 12 nOvasidon nOvaamalek nOvamidian tji ve mu ṋiṋikizire, neṋe tji mwa kwire ombatero ku ami, indu hi mu kuturire momake wawo are? 13 Nungwari eṋe mwe ndji esa namu karere nokurikotamena kovisenginina; ami opu mbi hi nakumuyama rukwao. 14 Twendeye mu kakwe ombatero koomukuru vovisenginina mbu mwe ritoororera. Owo nga rire mbe mu yama tji mu ri mouzeu.”
15 Nungwari Ovaisrael va tja ku Muhona: “Eṱe twa tura ondjo; tjita ku eṱe otja tji movanga, nu, arikana, tu yama ndinondi.” 16 Owo arire tji va isa oomukuru vawo vovisenginina nave karere Muhona; neye we rikendera omauzeu wOvaisrael tjinene.
17 Notjimbumba tjOvaamoni tjovita tja worongana natji tono ozondanda mOgilead. NOvaisrael wina va worongana nave tono ozondanda mOmispa. 18 Ovanane va Gilead otji verihungirira oveni ave tja: “Owaṋi ngu ma hongorere ovita okukarwisa Ovaamoni? Ngamwa auhe ngu ma tjiti nai, ongu ma rire omunane omunene wovature avehe mOgilead.”
Ovapangure Tola na Jair
1 Kombunda yonḓiro ya Abimelek, Tola, omuzandu wa Pua, nu ngwa ri omuatje womuatje wa Dodo, wa sekama okukutura Ovaisrael. Eye wa ri owomuhoko wa Isakar, nu wa turire mOsamir mehi rozondundu ra Efraim. 2 Tola wa ri omunane wOvaisrael oure wozombura omirongo vivari nandatu. Tjazumba eye wa koka na pakwa mOsamir.
3 Kombunda ye pe ya Jair, ngwa zira kOgilead. Eye wa ri omunane wOvaisrael oure wozombura omirongo vivari na mbari. 4 Jair wa ri novazandu omirongo vitatu mbaa ve kavire kousino outwiyona omirongo vitatu. Owo va ri novihuro omirongo vitatu mehi ra Gilead mbya rukwa kutja: “Ovihuro vyozondanda za Jair,” nga ku ndinondi. 5 Jair wa koka na pakwa mOkamon.
Ovaamoni mave ṋiṋikiza Ovaisrael
6 Ovaisrael va tjita ourunde rukwao komurungu wa Muhona. Owo va karera ooBaal nooAstarte, noomukuru vovisenginina vOvasirie novOvasidon novOvaamoni novOvafilisti. Owo va isa Muhona nave he mu karere. 7 Muhona opa pindikira nOvaisrael ne ve yandja mouvara wOvafilisti nowOvaamoni. 8 Okuza mombura ndjo owo va ṋiṋikiza nave tatumisa Ovaisrael oure wozombura omurongo na hambondatu, okutja Ovaisrael avehe mba mba turire komuhuka wa Jordan mOgilead mu mwa turire Ovaamori. 9 Ovaamoni va konda onḓonḓu Jordan okukarwisa omuhoko wa Juda nowa Benjamin, nowa Efraim wina. Ovaisrael otji va ri mouzeu ounene tjinene.
10 Ovaisrael va ura ku Muhona ave tja: “Eṱe twa tjita ourunde komurungu woye, tjinga atwa isa ove, Ndjambi wetu, natu karere ooBaal.”
11 Muhona arire tja ziri a tja: “Ovaengipte nOvaamori nOvaamoni nOvafilisti, 12 nOvasidon nOvaamalek nOvamidian tji ve mu ṋiṋikizire, neṋe tji mwa kwire ombatero ku ami, indu hi mu kuturire momake wawo are? 13 Nungwari eṋe mwe ndji esa namu karere nokurikotamena kovisenginina; ami opu mbi hi nakumuyama rukwao. 14 Twendeye mu kakwe ombatero koomukuru vovisenginina mbu mwe ritoororera. Owo nga rire mbe mu yama tji mu ri mouzeu.”
15 Nungwari Ovaisrael va tja ku Muhona: “Eṱe twa tura ondjo; tjita ku eṱe otja tji movanga, nu, arikana, tu yama ndinondi.” 16 Owo arire tji va isa oomukuru vawo vovisenginina nave karere Muhona; neye we rikendera omauzeu wOvaisrael tjinene.
17 Notjimbumba tjOvaamoni tjovita tja worongana natji tono ozondanda mOgilead. NOvaisrael wina va worongana nave tono ozondanda mOmispa. 18 Ovanane va Gilead otji verihungirira oveni ave tja: “Owaṋi ngu ma hongorere ovita okukarwisa Ovaamoni? Ngamwa auhe ngu ma tjiti nai, ongu ma rire omunane omunene wovature avehe mOgilead.”
