Omambo womaundjiro
1 Ndjambi wetu ma tja:
“Huhumiṋeye otjiwaṋa tjandje; tji huhumiṋeye!”
2 “Yanḓipariseye otjiwaṋa tja Jerusalem!
Tji raereye kutja oruveze rondatumisiro yatjo rwa kapita,
nomauvi watjo nambano tja isirwa.
Ami mbe tji verera ourunde watjo auhe potuingi tjinene.”
3 Maku ravaere eraka ndi mari tja:
“Ṱunineye Muhona ondjira mokuti ongaango!
Sembamisireye Ndjambi wetu ondjira mokuti onguza!
4 Sireye otupoko atuhe,
ozondundu azehe novivanda ngaze ṱekisiwe pamwe!
Ozondjira ozongoto ngaze sembamisiwe,
nehi rovitumbehi nga ri serurwe!
5 Ouvara wa Muhona mau vandururwa,
nomundu auhe e u munu.
Muhona omuini otja kwizika nao.”
6 Eraka mari ravaere nai: “Zuvarisa ombuze!”
Ami e pura e tja: “Me zuvarisa onge mbuze?”
“Zuvarisa kutja ovandu avehe ve ri otja ehozu;
nouwa wawo auhe u ri otja owozongara zokuti.
7 Ehozu ri kukuta, nozongara ze kata,
Muhona tji ma hingi ombepo kombanda yazo.
Tjiri, ovandu ve ri otja ehozu.
8 Ii, ehozu ri kukuta, nozongara ze kata,
nungwari embo ra Ndjambi
wetu ri karerera nga aruhe.”
9 Jerusalem, ronda kondundu onde
u kazuvarise ombuze ombwa!
Ravaera neraka enene, Sion;
tjivisa ombuze ombwa!
Hungira nu o tira!
Raera ovihuro vya Juda
kutja Ndjambi wavyo meya!
10 Muhona Ndjambi
meya okuhonapara nouvara,
ama yende puna ovandu eye mba yama.
11 Eye ma ṱakamisa orupanda
rwe tjimuna omurise;
ma woronganisa ozondjona
ne ze tjindi momaoko we;
eye ma hongorere ozoina nozongama zomukwate.
Ounene wa Ndjambi wa Israel
12 Pena omundu ngu ma yenene
okusaneka okuvare meke okuura poo
ngu ma yenene okusaneka evaverwa momake we are?
Pena omundu ngu ma sora
okuwotera oruuma rwouye motjinwino poo
ngu ma sora okusaneka ozondundu
novivanda kotjisanekero are?
13 Pena omundu ngu ma yenene
okuraera Muhona ihi tji ma sokutjita are?
Owaṋi ngu ma sora okumuhonga
poo okumupa ondunge?
14 Ndjambi u pura uṋe
kutja a tjiwe na zuve ne rihonge
omuhingo oviṋa mbu mavi sokutjitwa?
15 Ku Muhona oviwaṋa kaviṋa,
vi ṱeki peta romeva
na pokaruuma ku ke ri kotjisanekero;
omakoverwa hi wokokure
owo omapupu tjimuna oruuma.
16 Ovipuka avihe vyokuti kwa Libanon nomiti vyakwo
kavi nonḓengu kokupunguhira Muhona ombunguhiro.
17 Oviwaṋa avihe ku ye kaviṋa oparukaze, ovyo opouriri.
18 Ndjambi ma sasanekwa kuna uṋe?
Mamu sora okuserekarera kutja eye wa sana pi are?
19 Eye ka sanene kotjiserekarera
tji tja ungurwa i omuungure onongo,
omuhambure tje vandeka ko ongoldo,
nu tje twako ouketanga wosilveri.
20 Omundu ngu hi nokuyenena
okumuna osilveri nongoldo,
u toorora omuti mbu ha romotoka.
Eye u paha omuungure onongo
okuungura otjiserekarera tji tji hi nakuwira pehi.
21 Kamu nokutjiwa are?
Kamu na indu mwa zuvire are?
Kamu raererwe okuza kombutiro are?
Kamu na pu mwa zuvire kutja ouye wa utirwe vi are?
22 Owo wa ungurirwe i ingwi
ngu haama kotjihavero tje tjouhona,
kombanda yehi na kongotwe yevaverwa;
ovature wokombanda yehi ve
munika ouṱiṱi tjimuna ozombahu.
Eye wa nyaturura evaverwa tjimuna ewiwiri,
tjimuna Ondanda yOmahakaeneno.
23 Eye u yarura ouhonapare kehi,
nu u ṱikonaparisa ovanane wouye ve rire pouriri.
24 Owo va sana novihape mbi hiye kura,
mbi mbiri pokunyomoka,
nu mbi hiya nangananisa omize mehi.
Nu Muhona tja hindi ombepo,
ovyo tjandje vya kukuta,
navi hingwa i ombepo tjimuna oviyaya.
25 Mamu ndji sasaneke kuna uṋe?
Nowaṋi ngu ma yenene okuṱeka pu ami?
Omuyapuke ongwa hungire.
26 Yereye omeho weṋu nu mu tare kevaverwa!
Owaṋi ngwa mema ozonyose ndu mamu munu?
Eye onguri ingwi ngu ze
hongorera tjimuna otjimbumba tjovita.
Eye u ze tjiwa kutja ingapi,
nu u isana aihe kena rayo.
Ouvara we ounene tjinene,
kape na imwe yazo ndji mai pandjara!
27 Israel, okutjavi ove tji u unauna amo tja:
“Muhona ke nokutjiwa omauzeu wandje,
nu ke rikendere ami, tji me tjitwa ouhasemba?”
28 Ko nokutjiwa are?
Ko zuvire are?
Muhona eye onguri Ndjambi waaruhe,
nu wa mema ouye auhe.
Eye ka urwa nu ka ngundipara;
omeripura we kaye tjiukwa i omundu.
29 Eye u zeuparisa ingwi ngwa wotama,
nu u yandja omasa ku ingwi ngwa ngundipara.
30 Andarire omitanda vi urwa nu vi ngundipara;
ovarumendu omitanda ve putara nave u,
31 nungwari imba mbe riyameka ku Muhona
amave ku ombatero ku ye
mave pewa omasa omape;
owo mave yere ovivava tjimuna ozonguvi;
mave tupuka nu kave nokuurwa,
mave ryanga nu kave nokuwotama.
Omambo womaundjiro
1 Ndjambi wetu ma tja:
“Huhumiṋeye otjiwaṋa tjandje; tji huhumiṋeye!”
2 “Yanḓipariseye otjiwaṋa tja Jerusalem!
Tji raereye kutja oruveze rondatumisiro yatjo rwa kapita,
nomauvi watjo nambano tja isirwa.
Ami mbe tji verera ourunde watjo auhe potuingi tjinene.”
3 Maku ravaere eraka ndi mari tja:
“Ṱunineye Muhona ondjira mokuti ongaango!
Sembamisireye Ndjambi wetu ondjira mokuti onguza!
4 Sireye otupoko atuhe,
ozondundu azehe novivanda ngaze ṱekisiwe pamwe!
Ozondjira ozongoto ngaze sembamisiwe,
nehi rovitumbehi nga ri serurwe!
5 Ouvara wa Muhona mau vandururwa,
nomundu auhe e u munu.
Muhona omuini otja kwizika nao.”
6 Eraka mari ravaere nai: “Zuvarisa ombuze!”
Ami e pura e tja: “Me zuvarisa onge mbuze?”
“Zuvarisa kutja ovandu avehe ve ri otja ehozu;
nouwa wawo auhe u ri otja owozongara zokuti.
7 Ehozu ri kukuta, nozongara ze kata,
Muhona tji ma hingi ombepo kombanda yazo.
Tjiri, ovandu ve ri otja ehozu.
8 Ii, ehozu ri kukuta, nozongara ze kata,
nungwari embo ra Ndjambi
wetu ri karerera nga aruhe.”
9 Jerusalem, ronda kondundu onde
u kazuvarise ombuze ombwa!
Ravaera neraka enene, Sion;
tjivisa ombuze ombwa!
Hungira nu o tira!
Raera ovihuro vya Juda
kutja Ndjambi wavyo meya!
10 Muhona Ndjambi
meya okuhonapara nouvara,
ama yende puna ovandu eye mba yama.
11 Eye ma ṱakamisa orupanda
rwe tjimuna omurise;
ma woronganisa ozondjona
ne ze tjindi momaoko we;
eye ma hongorere ozoina nozongama zomukwate.
Ounene wa Ndjambi wa Israel
12 Pena omundu ngu ma yenene
okusaneka okuvare meke okuura poo
ngu ma yenene okusaneka evaverwa momake we are?
Pena omundu ngu ma sora
okuwotera oruuma rwouye motjinwino poo
ngu ma sora okusaneka ozondundu
novivanda kotjisanekero are?
13 Pena omundu ngu ma yenene
okuraera Muhona ihi tji ma sokutjita are?
Owaṋi ngu ma sora okumuhonga
poo okumupa ondunge?
14 Ndjambi u pura uṋe
kutja a tjiwe na zuve ne rihonge
omuhingo oviṋa mbu mavi sokutjitwa?
15 Ku Muhona oviwaṋa kaviṋa,
vi ṱeki peta romeva
na pokaruuma ku ke ri kotjisanekero;
omakoverwa hi wokokure
owo omapupu tjimuna oruuma.
16 Ovipuka avihe vyokuti kwa Libanon nomiti vyakwo
kavi nonḓengu kokupunguhira Muhona ombunguhiro.
17 Oviwaṋa avihe ku ye kaviṋa oparukaze, ovyo opouriri.
18 Ndjambi ma sasanekwa kuna uṋe?
Mamu sora okuserekarera kutja eye wa sana pi are?
19 Eye ka sanene kotjiserekarera
tji tja ungurwa i omuungure onongo,
omuhambure tje vandeka ko ongoldo,
nu tje twako ouketanga wosilveri.
20 Omundu ngu hi nokuyenena
okumuna osilveri nongoldo,
u toorora omuti mbu ha romotoka.
Eye u paha omuungure onongo
okuungura otjiserekarera tji tji hi nakuwira pehi.
21 Kamu nokutjiwa are?
Kamu na indu mwa zuvire are?
Kamu raererwe okuza kombutiro are?
Kamu na pu mwa zuvire kutja ouye wa utirwe vi are?
22 Owo wa ungurirwe i ingwi
ngu haama kotjihavero tje tjouhona,
kombanda yehi na kongotwe yevaverwa;
ovature wokombanda yehi ve
munika ouṱiṱi tjimuna ozombahu.
Eye wa nyaturura evaverwa tjimuna ewiwiri,
tjimuna Ondanda yOmahakaeneno.
23 Eye u yarura ouhonapare kehi,
nu u ṱikonaparisa ovanane wouye ve rire pouriri.
24 Owo va sana novihape mbi hiye kura,
mbi mbiri pokunyomoka,
nu mbi hiya nangananisa omize mehi.
Nu Muhona tja hindi ombepo,
ovyo tjandje vya kukuta,
navi hingwa i ombepo tjimuna oviyaya.
25 Mamu ndji sasaneke kuna uṋe?
Nowaṋi ngu ma yenene okuṱeka pu ami?
Omuyapuke ongwa hungire.
26 Yereye omeho weṋu nu mu tare kevaverwa!
Owaṋi ngwa mema ozonyose ndu mamu munu?
Eye onguri ingwi ngu ze
hongorera tjimuna otjimbumba tjovita.
Eye u ze tjiwa kutja ingapi,
nu u isana aihe kena rayo.
Ouvara we ounene tjinene,
kape na imwe yazo ndji mai pandjara!
27 Israel, okutjavi ove tji u unauna amo tja:
“Muhona ke nokutjiwa omauzeu wandje,
nu ke rikendere ami, tji me tjitwa ouhasemba?”
28 Ko nokutjiwa are?
Ko zuvire are?
Muhona eye onguri Ndjambi waaruhe,
nu wa mema ouye auhe.
Eye ka urwa nu ka ngundipara;
omeripura we kaye tjiukwa i omundu.
29 Eye u zeuparisa ingwi ngwa wotama,
nu u yandja omasa ku ingwi ngwa ngundipara.
30 Andarire omitanda vi urwa nu vi ngundipara;
ovarumendu omitanda ve putara nave u,
31 nungwari imba mbe riyameka ku Muhona
amave ku ombatero ku ye
mave pewa omasa omape;
owo mave yere ovivava tjimuna ozonguvi;
mave tupuka nu kave nokuurwa,
mave ryanga nu kave nokuwotama.
