Ovahindwa mba zire kObabilon
(2Ozo 20:12-19)1 Momayuva ngo, Merodak-Baladan, ombara ya Babilon, omuzandu wa Baladan, wa zuvire kutja ombara Hiskija wa verere nu wa veruka, notje mu hindira orutuu notjiyandjewa. 2 Hiskija wa yakura ovahindwa mba nondjoroka, narire tje ve raisire outumbe we, okutja osilveri nongoldo, novyomoro omuwa nomaze omahuze, novirwise vye avihe vyovita. Kapa ri otjiṋa momatuwo we womapwikiro na ngamwa akuhe mouhona we tje ha raisire ku wo. 3 Omuprofete Jesaja otja ya kombara Hiskija ne kemupura a tja: “Ovarumendu mba va zu pi, nowo ve ku raere tjike?”
Hiskija wa zira a tja: “Owo va zire kehi rokokure kObabilon.”
4 Jesaja wa pura komurungu na tja: “Owo va munu tjike mondjuwo yoye youhona?”
Nu Hiskija wa zira nai: “Va munu oviṋa avihe. Kape notjiṋa momatuwo womapwikiro tji mbi ha raisire ku wo.”
5 Jesaja wa tja kombara: “Muhona Omunamasaaehe ma tja nai: 6 ‘Omayuva maye ya, oviṋa avihe mondjuwo yoye youhona, oviṋa avihe ooiho mukururume mbi va pwika nga ku ndinondi, mu mavi huurwa nokutwarewa kObabilon. Kape nokusewa otjiṋa nangarire tjimwe. 7 Ozondekurona zoye omuini tjiva maze isiwa po ovakarere, nu maze kaungurira ombara ya Babilon mondjuwo yayo youhona.’ ”
8 Ombara Hiskija wa zuva kutja ombuze ndji mai hee ohange nouṋingandu eye ngunda e nomuinyo; neye otja zira a tja: “Ombuze ya Muhona, ndji we ndji etere, ombwa.”
Ovahindwa mba zire kObabilon
(2Ozo 20:12-19)1 Momayuva ngo, Merodak-Baladan, ombara ya Babilon, omuzandu wa Baladan, wa zuvire kutja ombara Hiskija wa verere nu wa veruka, notje mu hindira orutuu notjiyandjewa. 2 Hiskija wa yakura ovahindwa mba nondjoroka, narire tje ve raisire outumbe we, okutja osilveri nongoldo, novyomoro omuwa nomaze omahuze, novirwise vye avihe vyovita. Kapa ri otjiṋa momatuwo we womapwikiro na ngamwa akuhe mouhona we tje ha raisire ku wo. 3 Omuprofete Jesaja otja ya kombara Hiskija ne kemupura a tja: “Ovarumendu mba va zu pi, nowo ve ku raere tjike?”
Hiskija wa zira a tja: “Owo va zire kehi rokokure kObabilon.”
4 Jesaja wa pura komurungu na tja: “Owo va munu tjike mondjuwo yoye youhona?”
Nu Hiskija wa zira nai: “Va munu oviṋa avihe. Kape notjiṋa momatuwo womapwikiro tji mbi ha raisire ku wo.”
5 Jesaja wa tja kombara: “Muhona Omunamasaaehe ma tja nai: 6 ‘Omayuva maye ya, oviṋa avihe mondjuwo yoye youhona, oviṋa avihe ooiho mukururume mbi va pwika nga ku ndinondi, mu mavi huurwa nokutwarewa kObabilon. Kape nokusewa otjiṋa nangarire tjimwe. 7 Ozondekurona zoye omuini tjiva maze isiwa po ovakarere, nu maze kaungurira ombara ya Babilon mondjuwo yayo youhona.’ ”
8 Ombara Hiskija wa zuva kutja ombuze ndji mai hee ohange nouṋingandu eye ngunda e nomuinyo; neye otja zira a tja: “Ombuze ya Muhona, ndji we ndji etere, ombwa.”
