Hosea ma tjivisa omberero yOvaisrael
1 Tjiwaṋa tja Israel, iseye okunyanda omikandi tjimuna ovanavisenginina. Eṋe mwa poka ku Ndjambi weṋu nu amu ha ṱakama mu ye. Mehi arihe eṋe mwe rirandisa oveni okurira ovakorondu komukuru wotjisenginina Baal, nu mwa suvera ovikokotwa mbi mwa tjangovasi Baal we mu suta na vyo! 2 Nungwari moruveze orusupi kamaamu kara novikokotwa nomaze womiṋinga mbya yenena, nu kape nokukara omavinu. 3 Otjiwaṋa tja Israel katji nokukara mehi ra Muhona, nungwari matji sokuyaruka kehi ra Engipte, nu kOasirie matji sokukarya ovikurya ovihakohoke. 4 Momahi wozonganda ngo kave nokuyenena okupunguhira Muhona ozombunguhiro zomavinu nokumuetera oviyandjewa vyozombunguhiro zawo zovinamuinyo. Ovikurya vyawo mavi zunḓa avehe mbu mave vi ri tjimuna ovikurya mbi riwa pozombakero. Ovyo mavi rirwa okuvekutisa porwako; kape novikurya mbi mavi zu ku imbyo okurira oviyambo vyombunguhiro mondjuwo ya Muhona. 5 Nu oruveze rwomayuva omanene omatoororwa womikandi kondjozikiro ya Muhona tji rweya, owo mave tjiti tjike? 6 Otjiwonga tji tje ya, notjiwaṋa tji tja rimbara, Ovaengipte mave tji wongo, mave tji wongere okutjipaka mOmemfis! Ovihuze vyawo vyosilveri mavi rire ozohongwe, nu poṋa pu pa kuramene ozondjuwo zawo ongongo rutenga, mape hapa omahwa womakuiya.
7 Oruveze rwomberero rweya, indwi oruveze ovandu mu mave munu imbi mbi va pwa okupewa. Otjiṋa hi tji matji tjitwa, Israel tjandje me tji tjiwa! Eṋe mu tja nai: “Omuprofete ngwi eyova. Omurumendu wombepo ngwi u noviyoze.” Eṋe, tjiwaṋa, mwe ndji tonda tjinene, orondu ourunde weṋu ounene tjinene. 8 Ndjambi we ndji hinda otja omuprofete kutja mbi yekuronga otjiwaṋa tje tja Israel. Nungwari akuhe ku me i, eṋe mu kondja okundjipata mongwehe tjimuna onḓera. Mondjuwo ya Muhona oini ovandu omu ve ri ovanavita nomuprofete. 9 Owo ovarunde tjinene mu avihe mbi ve tjita tjimuna tji va ri mOgibea. Ndjambi ma zemburuka ourunde wawo, nu meve verere wo.
Ouvi wa Israel nOvihape vyouvi wawo
10 Muhona ma tja nai: “Ami rutenga tji mba mwine Israel, a ri tjimuna okumuna omandjembere nga hapa mokuti onguza. Rutenga tji mba mwine ooiho mukururume, a ri tjimuna okumuna omakuyu omatengakuhora moruveze rwomanikorero. Nungwari owo tji ve ya kondundu Baal-Peor, otji va uta okurikotamena ku Baal, nu mokamanga ave rire ovayaukise tjimuna ingwi omukuru ngu va suverere. 11 Ounene wa Israel mau tuka au i tjimuna onḓera, nu kape tji nokukara ovanatje mbu mave kwaterwa wo rukwao, kape tji nokukara ovakazendu ovingundi, nu kape tji nokukara ovakazendu ovaṱumba rukwao. 12 Nandarire kutja owo mave kwata ovanatje, ami meve isa po, nu hi nokuisa nangarire umwe nomuinyo. Ami tji mba isa otjiwaṋa hi, oviṋa ovitirise mavi tjitwa ku tjo.”
13 Muhona, ami me munu ovanatje vOvaisrael tji mave tjerewa nokuṱa. 14 Ami hi ningire tjike, ihi tji mo tjiti kotjiwaṋa hi? Tjita kutja ovakazendu vatjo ve rire ozongandji. Tjita kutja ave ha sora okunyamisisa ounatje wawo!
Ombanguriro ya Muhona kOvaisrael
15 Muhona ma tja nai: “Ozondjito azehe zourunde wOvaisrael za utira mOgilgal. Mu tjo omu mba utira okuvetonda. Nu mena rourunde mbu va tjita, ami meve ramba mehi randje. Hi nokuuhara ame ve suvere rukwao; ovanane vawo avehe ve ndji pirukira. 16 Ovaisrael ve ri otja otjikunwa tjomize mbya kukuta nu tji tji ha eta ovihape. Owo kave nokukara novanatje, nu tji va panduka ovanatje, ami me zepa ovanatje vawo ovasuverwa mba.”
Omuprofete ma hungire Ovaisrael
17 Ndjambi ami ngu mbi karera ma nakaura otjiwaṋa tje otja tjinga atji ha puratene ku ye. Otjo otji matji tambauka mokati koviwaṋa.
Hosea ma tjivisa omberero yOvaisrael
1 Tjiwaṋa tja Israel, iseye okunyanda omikandi tjimuna ovanavisenginina. Eṋe mwa poka ku Ndjambi weṋu nu amu ha ṱakama mu ye. Mehi arihe eṋe mwe rirandisa oveni okurira ovakorondu komukuru wotjisenginina Baal, nu mwa suvera ovikokotwa mbi mwa tjangovasi Baal we mu suta na vyo! 2 Nungwari moruveze orusupi kamaamu kara novikokotwa nomaze womiṋinga mbya yenena, nu kape nokukara omavinu. 3 Otjiwaṋa tja Israel katji nokukara mehi ra Muhona, nungwari matji sokuyaruka kehi ra Engipte, nu kOasirie matji sokukarya ovikurya ovihakohoke. 4 Momahi wozonganda ngo kave nokuyenena okupunguhira Muhona ozombunguhiro zomavinu nokumuetera oviyandjewa vyozombunguhiro zawo zovinamuinyo. Ovikurya vyawo mavi zunḓa avehe mbu mave vi ri tjimuna ovikurya mbi riwa pozombakero. Ovyo mavi rirwa okuvekutisa porwako; kape novikurya mbi mavi zu ku imbyo okurira oviyambo vyombunguhiro mondjuwo ya Muhona. 5 Nu oruveze rwomayuva omanene omatoororwa womikandi kondjozikiro ya Muhona tji rweya, owo mave tjiti tjike? 6 Otjiwonga tji tje ya, notjiwaṋa tji tja rimbara, Ovaengipte mave tji wongo, mave tji wongere okutjipaka mOmemfis! Ovihuze vyawo vyosilveri mavi rire ozohongwe, nu poṋa pu pa kuramene ozondjuwo zawo ongongo rutenga, mape hapa omahwa womakuiya.
7 Oruveze rwomberero rweya, indwi oruveze ovandu mu mave munu imbi mbi va pwa okupewa. Otjiṋa hi tji matji tjitwa, Israel tjandje me tji tjiwa! Eṋe mu tja nai: “Omuprofete ngwi eyova. Omurumendu wombepo ngwi u noviyoze.” Eṋe, tjiwaṋa, mwe ndji tonda tjinene, orondu ourunde weṋu ounene tjinene. 8 Ndjambi we ndji hinda otja omuprofete kutja mbi yekuronga otjiwaṋa tje tja Israel. Nungwari akuhe ku me i, eṋe mu kondja okundjipata mongwehe tjimuna onḓera. Mondjuwo ya Muhona oini ovandu omu ve ri ovanavita nomuprofete. 9 Owo ovarunde tjinene mu avihe mbi ve tjita tjimuna tji va ri mOgibea. Ndjambi ma zemburuka ourunde wawo, nu meve verere wo.
Ouvi wa Israel nOvihape vyouvi wawo
10 Muhona ma tja nai: “Ami rutenga tji mba mwine Israel, a ri tjimuna okumuna omandjembere nga hapa mokuti onguza. Rutenga tji mba mwine ooiho mukururume, a ri tjimuna okumuna omakuyu omatengakuhora moruveze rwomanikorero. Nungwari owo tji ve ya kondundu Baal-Peor, otji va uta okurikotamena ku Baal, nu mokamanga ave rire ovayaukise tjimuna ingwi omukuru ngu va suverere. 11 Ounene wa Israel mau tuka au i tjimuna onḓera, nu kape tji nokukara ovanatje mbu mave kwaterwa wo rukwao, kape tji nokukara ovakazendu ovingundi, nu kape tji nokukara ovakazendu ovaṱumba rukwao. 12 Nandarire kutja owo mave kwata ovanatje, ami meve isa po, nu hi nokuisa nangarire umwe nomuinyo. Ami tji mba isa otjiwaṋa hi, oviṋa ovitirise mavi tjitwa ku tjo.”
13 Muhona, ami me munu ovanatje vOvaisrael tji mave tjerewa nokuṱa. 14 Ami hi ningire tjike, ihi tji mo tjiti kotjiwaṋa hi? Tjita kutja ovakazendu vatjo ve rire ozongandji. Tjita kutja ave ha sora okunyamisisa ounatje wawo!
Ombanguriro ya Muhona kOvaisrael
15 Muhona ma tja nai: “Ozondjito azehe zourunde wOvaisrael za utira mOgilgal. Mu tjo omu mba utira okuvetonda. Nu mena rourunde mbu va tjita, ami meve ramba mehi randje. Hi nokuuhara ame ve suvere rukwao; ovanane vawo avehe ve ndji pirukira. 16 Ovaisrael ve ri otja otjikunwa tjomize mbya kukuta nu tji tji ha eta ovihape. Owo kave nokukara novanatje, nu tji va panduka ovanatje, ami me zepa ovanatje vawo ovasuverwa mba.”
Omuprofete ma hungire Ovaisrael
17 Ndjambi ami ngu mbi karera ma nakaura otjiwaṋa tje otja tjinga atji ha puratene ku ye. Otjo otji matji tambauka mokati koviwaṋa.
