Jesus eye Omupristeri wetu Otjiuru
1 Nepu enanḓengu tjinene, ndi matu hungire oro ndi: Eṱe tu nOmupristeri Otjiuru ngwa kakara pehi kokunene kwotjihavero tjouhona wounenenene wa Ndjambi meyuru. 2 Eye u karera otja Omupristeri Otjiuru mOtjouyapukeyapuke, okutja mOndanda yatjiri yOmaturiro, ndja tungwa i Muhona, nu ndi ha tungirwe i omundu.
3 Omupristeri auhe Otjiuru u zikirwa okupunguhira Ndjambi oviyandjewa nozombunguhiro zovinamuinyo. Omupristeri wetu Otjiuru wina ope sokukarera notjiṋa okupunguha. 4 Neye andakuzu u ri kombanda yehi, katja rira omupristeri oparukaze, tjinga ape novapristeri mbe punguha oviyandjewa otja kOmatwako wOvajuda. 5 Otjiungura tji ve ungura otja ovapristeri otjo otjisanekero notjizire uriri tjaimbi vyomeyuru. Moses tja rakizirwe i Ndjambi okutunga Ondanda yOmahakaeneno, Ndjambi wa tjere ku ye: “Tjevera nawa kutja u i tunge otja kotjisanekero tji wa raisirwa kondundu.” 6 Nungwari nambano Jesus wa pewa otjiungura tjoupristeri otjinene komeho pu ihi otjawo, otja omerikutiropamwe eye nga tjita pokati ka Ndjambi notjiwaṋa tje punga aye ri omasemba komeho, owo tjinga aya zikamisiwa kombanda yomakwizikiro omawa komeho.
7 Omerikutiropamwe inga omatenga andakuzu kaya ri notjipo, inga oyetjavari katjaye rira ohepero. 8 Nungwari Ndjambi wa tena otjiwaṋa tje na tja ku tjo:
“Tara, omayuva maye ya, Muhona ma tja nai,
ami mu me tjiti omerikutiropamwe omape notjiwaṋa tja Israel notja Juda.
9 Owo kaye nokusana nomerikutiropamwe ngu mba tjitire nooihe mukururume,
meyuva ndi ndi mbe ve kamburire pomake ne ve pitisa mehi ra Engipte.
Owo va teyere omerikutiropamwe wandje,
nami otji mbe ve imbirahi.
10 Nambano inga onge ri omerikutiropamwe ngu me tjiti notjiwaṋa tja Israel
momayuva ngu maye ya, Muhona ma tja nai:
Ami me twa mo omatwako wandje momeripura wawo,
nu me ye tjanga momitima vyawo.
Ami me rire Ndjambi wawo,
nowo mave rire otjiwaṋa tjandje.
11 Kape na umwe wawo ngu ma hongo omuraranganda
poo omuzamumwe we ama tja:
‘Tjiwa Muhona!’
Orondu owo avehe maave kendjitjiwa,
okuza kouṱiṱi nga kovanene.
12 Meve isire ouhasemba wawo,
nu hi nokuuhara ame rizemburuka nozongatukiro zawo.”
13 Ndjambi tji ma hungire omerikutiropamwe omape okutja wa hahiza inga omakuru, nu atjihe tji tja kurupa natji rire ovinyaze matji zengi tjimanga.
Jesus eye Omupristeri wetu Otjiuru
1 Nepu enanḓengu tjinene, ndi matu hungire oro ndi: Eṱe tu nOmupristeri Otjiuru ngwa kakara pehi kokunene kwotjihavero tjouhona wounenenene wa Ndjambi meyuru. 2 Eye u karera otja Omupristeri Otjiuru mOtjouyapukeyapuke, okutja mOndanda yatjiri yOmaturiro, ndja tungwa i Muhona, nu ndi ha tungirwe i omundu.
3 Omupristeri auhe Otjiuru u zikirwa okupunguhira Ndjambi oviyandjewa nozombunguhiro zovinamuinyo. Omupristeri wetu Otjiuru wina ope sokukarera notjiṋa okupunguha. 4 Neye andakuzu u ri kombanda yehi, katja rira omupristeri oparukaze, tjinga ape novapristeri mbe punguha oviyandjewa otja kOmatwako wOvajuda. 5 Otjiungura tji ve ungura otja ovapristeri otjo otjisanekero notjizire uriri tjaimbi vyomeyuru. Moses tja rakizirwe i Ndjambi okutunga Ondanda yOmahakaeneno, Ndjambi wa tjere ku ye: “Tjevera nawa kutja u i tunge otja kotjisanekero tji wa raisirwa kondundu.” 6 Nungwari nambano Jesus wa pewa otjiungura tjoupristeri otjinene komeho pu ihi otjawo, otja omerikutiropamwe eye nga tjita pokati ka Ndjambi notjiwaṋa tje punga aye ri omasemba komeho, owo tjinga aya zikamisiwa kombanda yomakwizikiro omawa komeho.
7 Omerikutiropamwe inga omatenga andakuzu kaya ri notjipo, inga oyetjavari katjaye rira ohepero. 8 Nungwari Ndjambi wa tena otjiwaṋa tje na tja ku tjo:
“Tara, omayuva maye ya, Muhona ma tja nai,
ami mu me tjiti omerikutiropamwe omape notjiwaṋa tja Israel notja Juda.
9 Owo kaye nokusana nomerikutiropamwe ngu mba tjitire nooihe mukururume,
meyuva ndi ndi mbe ve kamburire pomake ne ve pitisa mehi ra Engipte.
Owo va teyere omerikutiropamwe wandje,
nami otji mbe ve imbirahi.
10 Nambano inga onge ri omerikutiropamwe ngu me tjiti notjiwaṋa tja Israel
momayuva ngu maye ya, Muhona ma tja nai:
Ami me twa mo omatwako wandje momeripura wawo,
nu me ye tjanga momitima vyawo.
Ami me rire Ndjambi wawo,
nowo mave rire otjiwaṋa tjandje.
11 Kape na umwe wawo ngu ma hongo omuraranganda
poo omuzamumwe we ama tja:
‘Tjiwa Muhona!’
Orondu owo avehe maave kendjitjiwa,
okuza kouṱiṱi nga kovanene.
12 Meve isire ouhasemba wawo,
nu hi nokuuhara ame rizemburuka nozongatukiro zawo.”
13 Ndjambi tji ma hungire omerikutiropamwe omape okutja wa hahiza inga omakuru, nu atjihe tji tja kurupa natji rire ovinyaze matji zengi tjimanga.
