1 Nambano ngatu ise ovirihongwa ovitenga ohunga na Kristus, nu tu ryame komurungu kovirihongwa vyovandu mbe kura. Katu nokuvanga okuyarukira okutwa ko omazikameno amatu hungire ondanaukiro ndji za mongarero ndji twara konḓiro, namatu hungire ongamburiro mu Ndjambi, 2 nomahongero womihingo vyombapitisimo, nomayambekero womake, nombendukiro yovaṱi, nombanguriro yaaruhe. 3 Ngatu ryame komurungu ndoovazu Ndjambi me tu yandjere.
4 Ovandu rumwe Ndjambi tje ve pe ondjerera nave roro otjiyandjewa tjeyuru nave kara norupa mOmbepo Ondjapuke, 5 nave tjiwa embo ewa ra Ndjambi, nave munu omasa woruveze Ndjambi ndu ma utu okuhonapara, 6 nu tjazumba ave poka kongamburiro yawo, ma rire ouzeu okuvekotora kondanaukiro. Orondu owo tjinga amave papere rukwao Omuna wa Ndjambi kotjikoroise nave mu nyekererisa kovandu.
7 Ndjambi ma sere ondaya kehi, ndi nwa omeva wombura ndji roka aruhe kombanda yaro, nu ndi hapisira imba mbe kuna mu ro ovikurya. 8 Nungwari oro tji mari hapisa omakuiya nozohongwe, oro opouriri. Oro ri ri moumba wokuverwa i Ndjambi, nokuningiririsiwa momuriro.
9 Nungwari, vakwetu ovasuverwa, eṱe tu nomeriyamekero watjiri ku eṋe, nangarire kutja matu hungire nao noukukutu. Neṱe matu tjiwa kutja tjiri mwa ṱuninwa ozondaya zoviṋa oviwa, oviṋa mbi notjiṋa nondjamo yeṋu. 10 Ndjambi eye omunausemba. Eye ke nokuzemba otjiungura tjeṋu, norusuvero ndu mwa raisa ku ye mokukarera ovakambure ovakweṋu, nu nga mba mu ve karera. 11 Nu onḓero yetu tjinene oyokutja auhe weṋu a panḓere pongondjero ye nga komaandero, kokutja oviṋa, mbi mamu undju vi yenenisiwe. 12 Eṱe katu nokuvanga kutja mu hare otjirweyo, nungwari matu vanga kutja mu horere ku imba mbe nongamburiro nomuretima, kokutja mu rumate imbi Ndjambi mbya kwizika.
Omakwizikiro watjiri wa Ndjambi
13 Ndjambi tja tjitire omakwizikiro we ku Abraham wa yanene okutjita imbi mbya kwizikire. Nu tjinga ape ha ri omundu omunene komeho ye, eye wa yanene kena re omuini, 14 na tja: “Ami me ku kwizikire kutja, tjiri, me ku sere ondaya nu me ku pe ozondekurona ozengi.” 15 Abraham wa undjire nomuretima, nu komuhingo mbwi otja perwe imbi Ndjambi mbya kwizikire. 16 Ovandu tji mave yana, ve yana kena romundu omunene pu wo kutja ve zeuparise omambo wawo, noruyano ru isa po omapatasaṋeno aehe. 17 Nu Ndjambi tjinga a vanga okuzeuparisa kovarumate womakwizikiro kutja ombango ye, tjiri, kai runduruka, otjinga a weza ko omayaneno we komakwizikiro. 18 Oviṋa vivari mbi, omakwizikiro nomayaneno, kavi runduruka, nu mu vyo Ndjambi ka wovisa. Neṱe mbu twa muna ondjamo mu ye twa panḓiparisiwa okuriyameka komaundjiro ngu twa kwizikirwa. 19 Omaundjiro nga tu na wo otja otjihande tjomuinyo wetu; otjo otjizikame nu katji nyinganyinga nu tji kavaza mOtjouyapukeyapuke kongotwe yerapi etjizikize rondjuwo ya Ndjambi. 20 Nu motjimbe tjetu Jesus wa hita mo otja omuhongore wetu, nu a rire Omupristeri Otjiuru nga aruhe otja komuhingo woupristeri wa Melkisedek.
1 Nambano ngatu ise ovirihongwa ovitenga ohunga na Kristus, nu tu ryame komurungu kovirihongwa vyovandu mbe kura. Katu nokuvanga okuyarukira okutwa ko omazikameno amatu hungire ondanaukiro ndji za mongarero ndji twara konḓiro, namatu hungire ongamburiro mu Ndjambi, 2 nomahongero womihingo vyombapitisimo, nomayambekero womake, nombendukiro yovaṱi, nombanguriro yaaruhe. 3 Ngatu ryame komurungu ndoovazu Ndjambi me tu yandjere.
4 Ovandu rumwe Ndjambi tje ve pe ondjerera nave roro otjiyandjewa tjeyuru nave kara norupa mOmbepo Ondjapuke, 5 nave tjiwa embo ewa ra Ndjambi, nave munu omasa woruveze Ndjambi ndu ma utu okuhonapara, 6 nu tjazumba ave poka kongamburiro yawo, ma rire ouzeu okuvekotora kondanaukiro. Orondu owo tjinga amave papere rukwao Omuna wa Ndjambi kotjikoroise nave mu nyekererisa kovandu.
7 Ndjambi ma sere ondaya kehi, ndi nwa omeva wombura ndji roka aruhe kombanda yaro, nu ndi hapisira imba mbe kuna mu ro ovikurya. 8 Nungwari oro tji mari hapisa omakuiya nozohongwe, oro opouriri. Oro ri ri moumba wokuverwa i Ndjambi, nokuningiririsiwa momuriro.
9 Nungwari, vakwetu ovasuverwa, eṱe tu nomeriyamekero watjiri ku eṋe, nangarire kutja matu hungire nao noukukutu. Neṱe matu tjiwa kutja tjiri mwa ṱuninwa ozondaya zoviṋa oviwa, oviṋa mbi notjiṋa nondjamo yeṋu. 10 Ndjambi eye omunausemba. Eye ke nokuzemba otjiungura tjeṋu, norusuvero ndu mwa raisa ku ye mokukarera ovakambure ovakweṋu, nu nga mba mu ve karera. 11 Nu onḓero yetu tjinene oyokutja auhe weṋu a panḓere pongondjero ye nga komaandero, kokutja oviṋa, mbi mamu undju vi yenenisiwe. 12 Eṱe katu nokuvanga kutja mu hare otjirweyo, nungwari matu vanga kutja mu horere ku imba mbe nongamburiro nomuretima, kokutja mu rumate imbi Ndjambi mbya kwizika.
Omakwizikiro watjiri wa Ndjambi
13 Ndjambi tja tjitire omakwizikiro we ku Abraham wa yanene okutjita imbi mbya kwizikire. Nu tjinga ape ha ri omundu omunene komeho ye, eye wa yanene kena re omuini, 14 na tja: “Ami me ku kwizikire kutja, tjiri, me ku sere ondaya nu me ku pe ozondekurona ozengi.” 15 Abraham wa undjire nomuretima, nu komuhingo mbwi otja perwe imbi Ndjambi mbya kwizikire. 16 Ovandu tji mave yana, ve yana kena romundu omunene pu wo kutja ve zeuparise omambo wawo, noruyano ru isa po omapatasaṋeno aehe. 17 Nu Ndjambi tjinga a vanga okuzeuparisa kovarumate womakwizikiro kutja ombango ye, tjiri, kai runduruka, otjinga a weza ko omayaneno we komakwizikiro. 18 Oviṋa vivari mbi, omakwizikiro nomayaneno, kavi runduruka, nu mu vyo Ndjambi ka wovisa. Neṱe mbu twa muna ondjamo mu ye twa panḓiparisiwa okuriyameka komaundjiro ngu twa kwizikirwa. 19 Omaundjiro nga tu na wo otja otjihande tjomuinyo wetu; otjo otjizikame nu katji nyinganyinga nu tji kavaza mOtjouyapukeyapuke kongotwe yerapi etjizikize rondjuwo ya Ndjambi. 20 Nu motjimbe tjetu Jesus wa hita mo otja omuhongore wetu, nu a rire Omupristeri Otjiuru nga aruhe otja komuhingo woupristeri wa Melkisedek.
