Josef nomukazendu wa Potifar
1 Josef wa etwa kOengipte. Nu Ovaismael ve mu randisa ku Potifar, Omuengipte ngwa ri omunane omunene wondjuwo youhona wa Farao. 2 Nu Muhona wa ri puna Josef ne mu ṋingaparisa moviṋa vye avihe. Neye wa kara mondjuwo yomuhona we, ingwi Omuengipte. 3 Nomuhona we wa muna kutja Muhona u ri puna Josef, nu we mu ṋingaparisa mu atjihe tja tjita. 4 Nu Josef wa muna ondjingonekero mu Potifar, na rire omumuungurire; eye otje mu twa moutjevere wondjuwo ye nowaavihe mbya ri na vyo. 5 Nokuza koruveze ndo Potifar ndwa zika Josef okurira omutjevere wondjuwo nowouini we auhe, Muhona opa serera ondjuwo yOmuengipte ondaya mena ra Josef. Nondaya ya Muhona ya ri kombanda yaavihe mbya ri na vyo mondjuwo ye na movikunino vye. 6 Potifar wa yandja oviṋa avihe mbya ri na vyo okutjeverwa i Josef, na ha ningi ko na tja notjiṋa ngamwa atjihe posi yotjikurya tji ma ri porwatjo.
Josef wa tungirwe nawa, nu wa ri omuwa. 7 Kombunda yoruveze rworive omukazendu womuhona we arire tja utu okutara ku Josef noruhuro, na tja ku ye: “Indjo u karare pu ami.” 8 Nu Josef wa panḓa na tja ku ye: “Omuhona wandje ke na ko na tja notjiṋa atjihe mondjuwo ye mena randje. Eye we ndji pa okutjevera otjiṋa ngamwa atjihe tje na tjo. 9 Ami mbi nousemba mondjuwo ndji tjimuna ye; neye ka tjaerere otjiṋa ku ami posi ya ove, ngu u ri omukazendu we. Me sokutjitira tjike otjiṋa tjourunde ounene mbu ṱa mba, nokukatuka komurungu wa Ndjambi?” 10 Nu nangarire kutja aa kara pokuningira ku Josef ngamwa eyuva arihe a rare pu ye, Josef ka zuvire ko ku ye.
11 Nungwari eyuva rimwe Josef ngunda a hiti mondjuwo okuungura oviungura vye, tjandje kapa ri ovandu varwe mondjuwo. 12 Omukazendu arire tje mu kambura kombanda ye na tja ku ye: “Indjo u rare pu ami.” Nungwari eye we isa indji ombanda ye meke romukazendu, na purukutire pendje. 13 Neye tja muna kutja Josef wa isa ombanda ye nu wa purukutire pendje, 14 arire tja isana imba ovandu vondjuwo ye na tja: “Tareye hi, omurumendu wandje wa eta Omuheberi ngwi kondjuwo yetu; nambano eye me tu yamburura; eye wa hiti metuwo randje, notje ndji ningire a rare pu ami. Nu ami otji mba uru nomasa. 15 Neye tja zuu, ami tji me uru, otja isa ombanda ye meṋe yandje na purukutire pendje.”
16 Nomukazendu wa ṱiza indji ombanda ya Josef nga omuhona we tja kotoka konganda. 17 Neye we mu serekarerera ehungi tjingero na tja: “Omukarere ngwi Omuheberi, ngu wa eta ku eṱe wa hiti metuwo randje okundjiyamburura 18 Nungwari ami tji mba uru nomasa, eye otja isa indji ombanda ye meṋe yandje na purukutire pendje.”
19 Omuhona wa Josef arire tja ṱomazenge tjinene, tja za nokuzuva omukazendu we tje mu serekarere omambo ama tja: “Omukarere woye we ndji tjiti nao.” 20 Eye arire tja kambura Josef ne mu twa motjovakamburwa mu mu kara ovapandekwa vombara; neye wa kara mu yo. 21 Nungwari Muhona wa kara puna Josef na kara notjari na ye nga ingwi omutjevere wotjovakamburwa tja kara nonyuṋe mu ye. 22 Nu omutjevere omunene wotjovakamburwa we mu zika kombanda yovapandekwa varwe avehe, neye wa ri omuzirirepo wangamwa atjihe tji tja tjitwa motjovakamburwa. 23 Ingwi omutjevere omunene wotjovakamburwa kaa tara kotjiṋa ngamwa atjihe, Josef tja ri nomaziriro na tjo, orondu Muhona tjinga a ri puna Josef na tjiti kutja otjiṋa ngamwa atjihe tji ma tjiti, tji pwe.
Josef nomukazendu wa Potifar
1 Josef wa etwa kOengipte. Nu Ovaismael ve mu randisa ku Potifar, Omuengipte ngwa ri omunane omunene wondjuwo youhona wa Farao. 2 Nu Muhona wa ri puna Josef ne mu ṋingaparisa moviṋa vye avihe. Neye wa kara mondjuwo yomuhona we, ingwi Omuengipte. 3 Nomuhona we wa muna kutja Muhona u ri puna Josef, nu we mu ṋingaparisa mu atjihe tja tjita. 4 Nu Josef wa muna ondjingonekero mu Potifar, na rire omumuungurire; eye otje mu twa moutjevere wondjuwo ye nowaavihe mbya ri na vyo. 5 Nokuza koruveze ndo Potifar ndwa zika Josef okurira omutjevere wondjuwo nowouini we auhe, Muhona opa serera ondjuwo yOmuengipte ondaya mena ra Josef. Nondaya ya Muhona ya ri kombanda yaavihe mbya ri na vyo mondjuwo ye na movikunino vye. 6 Potifar wa yandja oviṋa avihe mbya ri na vyo okutjeverwa i Josef, na ha ningi ko na tja notjiṋa ngamwa atjihe posi yotjikurya tji ma ri porwatjo.
Josef wa tungirwe nawa, nu wa ri omuwa. 7 Kombunda yoruveze rworive omukazendu womuhona we arire tja utu okutara ku Josef noruhuro, na tja ku ye: “Indjo u karare pu ami.” 8 Nu Josef wa panḓa na tja ku ye: “Omuhona wandje ke na ko na tja notjiṋa atjihe mondjuwo ye mena randje. Eye we ndji pa okutjevera otjiṋa ngamwa atjihe tje na tjo. 9 Ami mbi nousemba mondjuwo ndji tjimuna ye; neye ka tjaerere otjiṋa ku ami posi ya ove, ngu u ri omukazendu we. Me sokutjitira tjike otjiṋa tjourunde ounene mbu ṱa mba, nokukatuka komurungu wa Ndjambi?” 10 Nu nangarire kutja aa kara pokuningira ku Josef ngamwa eyuva arihe a rare pu ye, Josef ka zuvire ko ku ye.
11 Nungwari eyuva rimwe Josef ngunda a hiti mondjuwo okuungura oviungura vye, tjandje kapa ri ovandu varwe mondjuwo. 12 Omukazendu arire tje mu kambura kombanda ye na tja ku ye: “Indjo u rare pu ami.” Nungwari eye we isa indji ombanda ye meke romukazendu, na purukutire pendje. 13 Neye tja muna kutja Josef wa isa ombanda ye nu wa purukutire pendje, 14 arire tja isana imba ovandu vondjuwo ye na tja: “Tareye hi, omurumendu wandje wa eta Omuheberi ngwi kondjuwo yetu; nambano eye me tu yamburura; eye wa hiti metuwo randje, notje ndji ningire a rare pu ami. Nu ami otji mba uru nomasa. 15 Neye tja zuu, ami tji me uru, otja isa ombanda ye meṋe yandje na purukutire pendje.”
16 Nomukazendu wa ṱiza indji ombanda ya Josef nga omuhona we tja kotoka konganda. 17 Neye we mu serekarerera ehungi tjingero na tja: “Omukarere ngwi Omuheberi, ngu wa eta ku eṱe wa hiti metuwo randje okundjiyamburura 18 Nungwari ami tji mba uru nomasa, eye otja isa indji ombanda ye meṋe yandje na purukutire pendje.”
19 Omuhona wa Josef arire tja ṱomazenge tjinene, tja za nokuzuva omukazendu we tje mu serekarere omambo ama tja: “Omukarere woye we ndji tjiti nao.” 20 Eye arire tja kambura Josef ne mu twa motjovakamburwa mu mu kara ovapandekwa vombara; neye wa kara mu yo. 21 Nungwari Muhona wa kara puna Josef na kara notjari na ye nga ingwi omutjevere wotjovakamburwa tja kara nonyuṋe mu ye. 22 Nu omutjevere omunene wotjovakamburwa we mu zika kombanda yovapandekwa varwe avehe, neye wa ri omuzirirepo wangamwa atjihe tji tja tjitwa motjovakamburwa. 23 Ingwi omutjevere omunene wotjovakamburwa kaa tara kotjiṋa ngamwa atjihe, Josef tja ri nomaziriro na tjo, orondu Muhona tjinga a ri puna Josef na tjiti kutja otjiṋa ngamwa atjihe tji ma tjiti, tji pwe.
