Abram ma kutura Lot
1 Momayuva nga Amrafel, ombara ya Sinar, na Arjok, ombara ya Elasar, na Kedor-Laomer, ombara ya Elam, na Tidal, 2 otji va sekamisa ovita kuna Bera, ombara ya Sodom, na Birsa, ombara ya Gomora, na Sanib, ombara ya Adma, na Semeber, ombara ya Seboim, nombara ya Bela, tji tji ri Soar. 3 Ozombara ndano nḓa, va woronganisira ovarwe vawo motjana tja Sidim, okutja Omuronga wOmongwa. 4 Owo va ri kehi youkarere wa Kedor-Laomer oure wozombura omurongo na mbari; nungwari mombura oitjamurongo nandatu owo ve mu pirukira. 5 Nu mombura oitjamurongo na ine Kedor-Laomer, nozombara nḓe rikuta kumwe na ye, ze ere novarwe vazo naze ramba Ovarefai mOasterot-Karnajim, nOvasusi mOham, nOvaemi motjana tja Kiriataim, 6 nOvahori mozondundu za Seir nga kOel-Paran, tji tja ri komukuro wokuti onguza. 7 Tjazumba arire tji va kotoka nave ya kOenmispat, tji tji ri Kades, nave huura ehi arihe rOvaamalek norOvaamori, mba tura mOhaseson-Tamar.
8 Nu inḓa ozombara, ooya Sodom noya Gomora noya Adma noya Seboim noya Bela, tji tji ri Soar, za kakurama motjana tja Sidim naze rwisa 9 ozombara nḓa ooKedor-Laomer, ombara ya Elam, na Tidal, na Amrafel, ombara ya Sinar, na Arjok, ombara ya Elasar: Ozombara ine nḓa za rwisa inḓa ozombara ndano. 10 Nungwari ihi otjana tja Sidim tja ri novitoto ovingi vyomunoko. Nozombara ooya Sodom noya Gomora tji za tupuka za wira mo; nungwari ozombara nḓa zarwe ndatu za taurira kozondundu. 11 Ozombara ine nḓa za huura oviṋa avihe vya Sodom na Gomora novikurya avihe, narire tji za i. 12 Wina za huura Lot, omuzandu womuangu wa Abram, noviṋa vye avihe, naze i. Orondu eye tjinga a turire mOsodom.
13 Nu pa hena omurumendu umwe na kahepura avihe mbi ku Abram, Omuheberi. Moruveze ndo Abram wa turire meṋe yomimbonde vyOmuaamori wena Mamre, ngwa ri omuangu wooEskol na Aner, mbe rikutire kuna Abram. 14 Nu Abram tja zuva kutja Lot wa huurwa arire tja woronganisa ovarumendu vonganda ye, imba ovatjiwe vokurwa, omasere yetatu nomurongo na hambondatu, nave teza ozombara nḓa nga kOdan. 15 Imbo eye novandu ve va haṋika movimbumba pekepeke, nave ve rwisa ouṱuku nave ve ramba nga kOhoba, tji tja ri keyuva kokunene kwa Damaskus. 16 Neye wa kotora Lot nouini we auhe puna ovakazendu novandu ve avehe.
Melkisedek ma sere Abram ondaya
17 Nu Abram tja kotoka indu tja za nokutaara Kedor-Laomer nozombara nḓa ri puna ye, ombara ya Sodom ya ya okukemutjakanenena korutjandja rwa Sawe, wina ndu i isanewa kutja “Orutjandjarwombara”. 18 Nu Melkisedek, ombara ya Salem, ngwa ri omupristeri wa Ndjambi wOkombandambanda, wa eta omboroto nomavinu ku Abram. 19 Neye we mu sera ondaya na tja: “Abram nga serwe ondaya i Ndjambi wOkombandambanda, Omuute weyuru nehi. 20 Nu Ndjambi wOkombandambanda ngwa yandja ovanavita na ove momake woye, nga tangwe!” Nu Abram wa yandja otjitjamurongo tjoviṋa avihe ku Melkisedek.
21 Nu ombara ya Sodom ya tja ku Abram: “Ndji pa imba ovandu vandje avehe, nungwari imbi oviṋa avihe mbi wa huura kara na vyo.”
22 Abram wa zira a tja: “Ami me yana oruyano komurungu wa Muhona Ndjambi wOkombandambanda, ngwa uta eyuru nehi, 23 kokutja ami himee kambura ngamwa tji tji ri otjoye, nangarire orusepa poo orukute rworukaku kutja o ha katja: ‘Owami ngu mba tumbisa Abram.’ 24 Ami omuini hi nakurikamburira ko otjiṋa! Pendje, yaimbi mbya riwa i ovakarere vandje, nungwari imba mbe rikuta kuna ami, ooAner na Eskol na Mamre, owo nga rire mba kambura orupa rwawo.”
Abram ma kutura Lot
1 Momayuva nga Amrafel, ombara ya Sinar, na Arjok, ombara ya Elasar, na Kedor-Laomer, ombara ya Elam, na Tidal, 2 otji va sekamisa ovita kuna Bera, ombara ya Sodom, na Birsa, ombara ya Gomora, na Sanib, ombara ya Adma, na Semeber, ombara ya Seboim, nombara ya Bela, tji tji ri Soar. 3 Ozombara ndano nḓa, va woronganisira ovarwe vawo motjana tja Sidim, okutja Omuronga wOmongwa. 4 Owo va ri kehi youkarere wa Kedor-Laomer oure wozombura omurongo na mbari; nungwari mombura oitjamurongo nandatu owo ve mu pirukira. 5 Nu mombura oitjamurongo na ine Kedor-Laomer, nozombara nḓe rikuta kumwe na ye, ze ere novarwe vazo naze ramba Ovarefai mOasterot-Karnajim, nOvasusi mOham, nOvaemi motjana tja Kiriataim, 6 nOvahori mozondundu za Seir nga kOel-Paran, tji tja ri komukuro wokuti onguza. 7 Tjazumba arire tji va kotoka nave ya kOenmispat, tji tji ri Kades, nave huura ehi arihe rOvaamalek norOvaamori, mba tura mOhaseson-Tamar.
8 Nu inḓa ozombara, ooya Sodom noya Gomora noya Adma noya Seboim noya Bela, tji tji ri Soar, za kakurama motjana tja Sidim naze rwisa 9 ozombara nḓa ooKedor-Laomer, ombara ya Elam, na Tidal, na Amrafel, ombara ya Sinar, na Arjok, ombara ya Elasar: Ozombara ine nḓa za rwisa inḓa ozombara ndano. 10 Nungwari ihi otjana tja Sidim tja ri novitoto ovingi vyomunoko. Nozombara ooya Sodom noya Gomora tji za tupuka za wira mo; nungwari ozombara nḓa zarwe ndatu za taurira kozondundu. 11 Ozombara ine nḓa za huura oviṋa avihe vya Sodom na Gomora novikurya avihe, narire tji za i. 12 Wina za huura Lot, omuzandu womuangu wa Abram, noviṋa vye avihe, naze i. Orondu eye tjinga a turire mOsodom.
13 Nu pa hena omurumendu umwe na kahepura avihe mbi ku Abram, Omuheberi. Moruveze ndo Abram wa turire meṋe yomimbonde vyOmuaamori wena Mamre, ngwa ri omuangu wooEskol na Aner, mbe rikutire kuna Abram. 14 Nu Abram tja zuva kutja Lot wa huurwa arire tja woronganisa ovarumendu vonganda ye, imba ovatjiwe vokurwa, omasere yetatu nomurongo na hambondatu, nave teza ozombara nḓa nga kOdan. 15 Imbo eye novandu ve va haṋika movimbumba pekepeke, nave ve rwisa ouṱuku nave ve ramba nga kOhoba, tji tja ri keyuva kokunene kwa Damaskus. 16 Neye wa kotora Lot nouini we auhe puna ovakazendu novandu ve avehe.
Melkisedek ma sere Abram ondaya
17 Nu Abram tja kotoka indu tja za nokutaara Kedor-Laomer nozombara nḓa ri puna ye, ombara ya Sodom ya ya okukemutjakanenena korutjandja rwa Sawe, wina ndu i isanewa kutja “Orutjandjarwombara”. 18 Nu Melkisedek, ombara ya Salem, ngwa ri omupristeri wa Ndjambi wOkombandambanda, wa eta omboroto nomavinu ku Abram. 19 Neye we mu sera ondaya na tja: “Abram nga serwe ondaya i Ndjambi wOkombandambanda, Omuute weyuru nehi. 20 Nu Ndjambi wOkombandambanda ngwa yandja ovanavita na ove momake woye, nga tangwe!” Nu Abram wa yandja otjitjamurongo tjoviṋa avihe ku Melkisedek.
21 Nu ombara ya Sodom ya tja ku Abram: “Ndji pa imba ovandu vandje avehe, nungwari imbi oviṋa avihe mbi wa huura kara na vyo.”
22 Abram wa zira a tja: “Ami me yana oruyano komurungu wa Muhona Ndjambi wOkombandambanda, ngwa uta eyuru nehi, 23 kokutja ami himee kambura ngamwa tji tji ri otjoye, nangarire orusepa poo orukute rworukaku kutja o ha katja: ‘Owami ngu mba tumbisa Abram.’ 24 Ami omuini hi nakurikamburira ko otjiṋa! Pendje, yaimbi mbya riwa i ovakarere vandje, nungwari imba mbe rikuta kuna ami, ooAner na Eskol na Mamre, owo nga rire mba kambura orupa rwawo.”
