Ondjivisiro ya Esra komakupasaneno kuna ovandu mbe he ri Ovajuda
1 Avihe mbi tji vya za nokutjitwa, ovanane tjiva votjiwaṋa tja Israel otji ve ya nave ndji raere kutja otjiwaṋa novapristeri nOvalevi kave yapukire peke noviwaṋa vyomahi omararanganda wOvaamoni nOvamoab nOvaengipte nOvakanaan nOvahetite nOvaperesi nOvajebusi nOvaamori. Owo ve tjita oviṋa oviyaukise tjingevyo mbi mbi tjitwa i oviwaṋa mbi. 2 Ovarumendu Ovajuda ve kupa ovakazendu wozonganda, notjiwaṋa tja Ndjambi otjiyapuke tja hovekasanena noviwaṋa mbi. Ovanane novahongore omba tenga po okutjita nai. 3 Tji mba zuva otjiṋa hi, otji mba nyondorora ozombanda zandje moruhoze, e pora ozondjise noruyezu rwandje ne kara pehi amba temwa. 4 Ami mba kara pehi mbo amba temwa nao, nga oruveze rwokupunguha ombunguhiro yongurova; novandu avehe mba mumaparere mena romambo Ndjambi wa Israel nga hungira ohunga nourunde wa imba mba kotokere okuza kouhuura, ve ndji woronganena.
5 Oruveze ndwi rwombunguhiro youngurova tji rweya, mba sekama poṋa pu mba karere pehi momburuma yandje, nu ngunda ambi nozombanda nḓa nyondoroka nao, otji mba wora ozongoro mongumbiro ne yere omake wandje ku Muhona, Ndjambi wandje, 6 e kumbu e tja: “Ndjambi, ami mba ṱohoṋi tjinene okuyera otjiuru tjandje komurungu woye. Ozondataiziro zetu maye riwezire ko nga tji maze kapita oviuru vyetu; ozo za kavaza nga keyuru. 7 Eṱe, otjiwaṋa tjoye, twa tura ondjo tjinene okuza komayuva wootate mukururume nga ku ndinondi. Mena romauvi wetu eṱe nozombara zetu novapristeri vetu twa wira momake wozombara zozonganda, nu twa ṱa atu pundwa natu twarewa mouhuura. Eṱe twa yamburuka oparukaze otja tji tu ri ndinondi. 8 Nambano moruveze orusupi, ove, Muhona, Ndjambi wetu, we tu ṱirotjari no henisa tjiva vetu mouhuura no tu turisa nokuhinatjipo moṋa momuyapuke mwi. Ove we tu pa omuinyo omupe mouhuura wetu. 9 Eṱe twa ri ovahuurwa, nungwari ove ko tu zembire ko mouhuura. Ove wa tjita kutja ozombara za Persie ze kare nondjingonekero mu eṱe, nokutja ze tu ese tu hupe komurungu nu tu tungurure ondjuwo ya Muhona, ndja ri otjitambatundu, nokutja tu kare nokuhinatjipo muno mOjuda na mOjerusalem.
10 “Nambano, Ndjambi, ngatu tje vi koviṋa avihe mbi mbya tjitwa? Eṱe rukwao twa kara nokuhinonḓuviro komarakiza 11 ngu we tu pa notjinyo tjovakarere voye, imba ovaprofete. Owo ve tu raera kutja ehi, ndi matu kakambura ra zunḓaka, orondu otjiwaṋa tji tja turire mu ro, tje urisa ehi ndo novitjitwa oviyaukise novinandova okuza kotjikoro nga kotjikoro. 12 Owo ve tu raera kutja atu ha roro okukupasana noviwaṋa mbyo, nokutja atu ha ningi ko na tja nohange nouṋingandu wawo, kokutja eṱe oveni tu kare nomasa, tu rye ovihape oviwaviwa vyehi, nu tu isire ozondekurona zetu ehi ndi ri rire otjirumatwa tjawo nga aruhe. 13 Nandarire kutja otjiṋa ngamwa atjihe tja tjitwa ku eṱe mena romauvi nozondataiziro zetu, eṱe matu tjiwa kutja oove, ngu u ri Ndjambi wetu, we tu vera kehi yaindu pu twa sokuverwa, nu we tu esa kutja tu hupe. 14 Nambano matu yenene vi okunyengwa omatwako woye rukwao mokukupasana noviwaṋa ovirunde mbi? Tji twa tjiti nai, mo ṱomazenge nga tji mo tu yandeke okumana, nu ko nakuhupisa po omundu nangarire umwe. 15 Muhona, Ndjambi wa Israel, oove omusemba; nungwari we tu hupisa. Matu rihepura ozondjo zetu kove; katu pwire okukurama komurungu woye.”
Ondjivisiro ya Esra komakupasaneno kuna ovandu mbe he ri Ovajuda
1 Avihe mbi tji vya za nokutjitwa, ovanane tjiva votjiwaṋa tja Israel otji ve ya nave ndji raere kutja otjiwaṋa novapristeri nOvalevi kave yapukire peke noviwaṋa vyomahi omararanganda wOvaamoni nOvamoab nOvaengipte nOvakanaan nOvahetite nOvaperesi nOvajebusi nOvaamori. Owo ve tjita oviṋa oviyaukise tjingevyo mbi mbi tjitwa i oviwaṋa mbi. 2 Ovarumendu Ovajuda ve kupa ovakazendu wozonganda, notjiwaṋa tja Ndjambi otjiyapuke tja hovekasanena noviwaṋa mbi. Ovanane novahongore omba tenga po okutjita nai. 3 Tji mba zuva otjiṋa hi, otji mba nyondorora ozombanda zandje moruhoze, e pora ozondjise noruyezu rwandje ne kara pehi amba temwa. 4 Ami mba kara pehi mbo amba temwa nao, nga oruveze rwokupunguha ombunguhiro yongurova; novandu avehe mba mumaparere mena romambo Ndjambi wa Israel nga hungira ohunga nourunde wa imba mba kotokere okuza kouhuura, ve ndji woronganena.
5 Oruveze ndwi rwombunguhiro youngurova tji rweya, mba sekama poṋa pu mba karere pehi momburuma yandje, nu ngunda ambi nozombanda nḓa nyondoroka nao, otji mba wora ozongoro mongumbiro ne yere omake wandje ku Muhona, Ndjambi wandje, 6 e kumbu e tja: “Ndjambi, ami mba ṱohoṋi tjinene okuyera otjiuru tjandje komurungu woye. Ozondataiziro zetu maye riwezire ko nga tji maze kapita oviuru vyetu; ozo za kavaza nga keyuru. 7 Eṱe, otjiwaṋa tjoye, twa tura ondjo tjinene okuza komayuva wootate mukururume nga ku ndinondi. Mena romauvi wetu eṱe nozombara zetu novapristeri vetu twa wira momake wozombara zozonganda, nu twa ṱa atu pundwa natu twarewa mouhuura. Eṱe twa yamburuka oparukaze otja tji tu ri ndinondi. 8 Nambano moruveze orusupi, ove, Muhona, Ndjambi wetu, we tu ṱirotjari no henisa tjiva vetu mouhuura no tu turisa nokuhinatjipo moṋa momuyapuke mwi. Ove we tu pa omuinyo omupe mouhuura wetu. 9 Eṱe twa ri ovahuurwa, nungwari ove ko tu zembire ko mouhuura. Ove wa tjita kutja ozombara za Persie ze kare nondjingonekero mu eṱe, nokutja ze tu ese tu hupe komurungu nu tu tungurure ondjuwo ya Muhona, ndja ri otjitambatundu, nokutja tu kare nokuhinatjipo muno mOjuda na mOjerusalem.
10 “Nambano, Ndjambi, ngatu tje vi koviṋa avihe mbi mbya tjitwa? Eṱe rukwao twa kara nokuhinonḓuviro komarakiza 11 ngu we tu pa notjinyo tjovakarere voye, imba ovaprofete. Owo ve tu raera kutja ehi, ndi matu kakambura ra zunḓaka, orondu otjiwaṋa tji tja turire mu ro, tje urisa ehi ndo novitjitwa oviyaukise novinandova okuza kotjikoro nga kotjikoro. 12 Owo ve tu raera kutja atu ha roro okukupasana noviwaṋa mbyo, nokutja atu ha ningi ko na tja nohange nouṋingandu wawo, kokutja eṱe oveni tu kare nomasa, tu rye ovihape oviwaviwa vyehi, nu tu isire ozondekurona zetu ehi ndi ri rire otjirumatwa tjawo nga aruhe. 13 Nandarire kutja otjiṋa ngamwa atjihe tja tjitwa ku eṱe mena romauvi nozondataiziro zetu, eṱe matu tjiwa kutja oove, ngu u ri Ndjambi wetu, we tu vera kehi yaindu pu twa sokuverwa, nu we tu esa kutja tu hupe. 14 Nambano matu yenene vi okunyengwa omatwako woye rukwao mokukupasana noviwaṋa ovirunde mbi? Tji twa tjiti nai, mo ṱomazenge nga tji mo tu yandeke okumana, nu ko nakuhupisa po omundu nangarire umwe. 15 Muhona, Ndjambi wa Israel, oove omusemba; nungwari we tu hupisa. Matu rihepura ozondjo zetu kove; katu pwire okukurama komurungu woye.”
