Muhona ma vere omerikotameneno kovisenginina
1 Muhona wa hungira ku ami, 2 a tja: “Muatje womundu, tara kuṱa kozondundu za Israel nu u keze zuvarisire ombuze yandje. 3 Raera ozondundu za Israel kutja ze zuve embo ra Muhona Ndjambi, ze zuve imbi ami, ngu mbi ri Muhona Ndjambi, mbi me raere kozondundu na kovivanda na kotupoko na komikutu: Me hindi engaruvyo okukanyona poṋa apehe kozondunda ovandu pu ve rikotamenena koviserekarera vyovisenginina. 4 Ovipunguhiro mavi haṋewa nu imbi vyomatwimisiro mavi teyewa. Ovandu avehe poṋa mbo mave ṱire momurungu woviserekarera vyovisenginina vyawo. 5 Ami me rimbi oturova twOvaisrael; me rimbi omaṱupa wawo okukondorokisa ovipunguhiro avihe. 6 Ovihuro avihe vya Israel mavi nyanyaurwa, novipunguhiro novisenginina vyawo avihe vyokozondunda mavi ṱukuṱurwa, novipunguhiro vyawo vyomatwimisiro mavi hahaurwa, noviṋa avihe, mbi ve ungura, mavi yandekwa. 7 Ovandu koṋa akuhe mave ṱu, nu imba mbu mave hupu mave zemburuka kutja owami ngu mbi ri Muhona.
8 “Ami me tjaere kutja tjiva ave ha ṱu nokutja ve rimbwe mokati koviwaṋa, 9 mu mave tura otja ovahuurwa. Ingo mave ndji zemburuka, nu mave tjiwa kutja ami mbe ve vera ne ve yamburura, orondu omitima vyawo omihaṱakama vye ndji imbirahi, nowo ve rivangera ovisenginina pu ami. Nowo mave ritjiti oveni ovayaukise mena rozondjito zawo azehe zourunde nozondjaukise wina. 10 Owo mave tjiwa kutja owami, ngu mbi ri Muhona, nokutja omaronga wandje wokueta otjiwonga ku wo kaya ri omatandero womungandjo.”
11 Muhona Ndjambi wa tja nai: “Tona otukwise! Haha ozombaze pehi! Nu ravaera itja: ‘Owee,’ mena romaurunde aehe noviṋa avihe oviyaukise Ovaisrael mbi va tjita. Owo mave ṱu movita nu mave ṱu i ondjara nomutjise omuzeu. 12 Imba mbe ri kokure mave ṱomutjise omuzeu, imba mbe ri popezu mave ṱu movita, nu imba mbu mave hupu po mave ṱu i ondjara. Owo mave rimwine omasa aehe womazenge wandje. 13 Oturova twawo matu rimbwa mokati kovisenginina nokukondorokisiwa ovipunguhiro, wina matu rimbwa kozondunda azehe ozonde na kozondomba zozondundu azehe, na kehi yomiti mbya hapuka avihe na kehi yomimbonde avihe omipote, na poṋa apehe pu ve punguhira ozombunguhiro ozoningiririsiwa koomukuru vawo vovisenginina. Novandu avehe otji mave tjiwa kutja owami ngu mbi ri Muhona. 14 Ii, ami me roporora eke randje nu e nyono ehi rawo. Me ri ririsa ongaango okuza kokuti onguza kwokokumuho kweyuva nga kotjihuro Ribla kokunene kweyuva, nokuhinokuisa poṋa apehe Ovaisrael pu va tura. Ovandu avehe otji mave tjiwa kutja owami, ngu mbi ri Muhona.”
Muhona ma vere omerikotameneno kovisenginina
1 Muhona wa hungira ku ami, 2 a tja: “Muatje womundu, tara kuṱa kozondundu za Israel nu u keze zuvarisire ombuze yandje. 3 Raera ozondundu za Israel kutja ze zuve embo ra Muhona Ndjambi, ze zuve imbi ami, ngu mbi ri Muhona Ndjambi, mbi me raere kozondundu na kovivanda na kotupoko na komikutu: Me hindi engaruvyo okukanyona poṋa apehe kozondunda ovandu pu ve rikotamenena koviserekarera vyovisenginina. 4 Ovipunguhiro mavi haṋewa nu imbi vyomatwimisiro mavi teyewa. Ovandu avehe poṋa mbo mave ṱire momurungu woviserekarera vyovisenginina vyawo. 5 Ami me rimbi oturova twOvaisrael; me rimbi omaṱupa wawo okukondorokisa ovipunguhiro avihe. 6 Ovihuro avihe vya Israel mavi nyanyaurwa, novipunguhiro novisenginina vyawo avihe vyokozondunda mavi ṱukuṱurwa, novipunguhiro vyawo vyomatwimisiro mavi hahaurwa, noviṋa avihe, mbi ve ungura, mavi yandekwa. 7 Ovandu koṋa akuhe mave ṱu, nu imba mbu mave hupu mave zemburuka kutja owami ngu mbi ri Muhona.
8 “Ami me tjaere kutja tjiva ave ha ṱu nokutja ve rimbwe mokati koviwaṋa, 9 mu mave tura otja ovahuurwa. Ingo mave ndji zemburuka, nu mave tjiwa kutja ami mbe ve vera ne ve yamburura, orondu omitima vyawo omihaṱakama vye ndji imbirahi, nowo ve rivangera ovisenginina pu ami. Nowo mave ritjiti oveni ovayaukise mena rozondjito zawo azehe zourunde nozondjaukise wina. 10 Owo mave tjiwa kutja owami, ngu mbi ri Muhona, nokutja omaronga wandje wokueta otjiwonga ku wo kaya ri omatandero womungandjo.”
11 Muhona Ndjambi wa tja nai: “Tona otukwise! Haha ozombaze pehi! Nu ravaera itja: ‘Owee,’ mena romaurunde aehe noviṋa avihe oviyaukise Ovaisrael mbi va tjita. Owo mave ṱu movita nu mave ṱu i ondjara nomutjise omuzeu. 12 Imba mbe ri kokure mave ṱomutjise omuzeu, imba mbe ri popezu mave ṱu movita, nu imba mbu mave hupu po mave ṱu i ondjara. Owo mave rimwine omasa aehe womazenge wandje. 13 Oturova twawo matu rimbwa mokati kovisenginina nokukondorokisiwa ovipunguhiro, wina matu rimbwa kozondunda azehe ozonde na kozondomba zozondundu azehe, na kehi yomiti mbya hapuka avihe na kehi yomimbonde avihe omipote, na poṋa apehe pu ve punguhira ozombunguhiro ozoningiririsiwa koomukuru vawo vovisenginina. Novandu avehe otji mave tjiwa kutja owami ngu mbi ri Muhona. 14 Ii, ami me roporora eke randje nu e nyono ehi rawo. Me ri ririsa ongaango okuza kokuti onguza kwokokumuho kweyuva nga kotjihuro Ribla kokunene kweyuva, nokuhinokuisa poṋa apehe Ovaisrael pu va tura. Ovandu avehe otji mave tjiwa kutja owami, ngu mbi ri Muhona.”
