Omakoverero wa Jerusalem maye tjivisiwa
1 Ndjambi wa tja nai: “Muatje womundu, toora ohima, twa pehi momurungu woye nu u nane ko omikoka, mbi mavi sasaneke otjihuro tja Jerusalem. 2 Tjazumba sasaneka omakoverero amo twa po oturora nondunduvahi nozondanda noviteye vyorumbo okutjikondorokisa. 3 Toora otjitenda otjipapi nu u tji zike otja orumbo rwotjitenda pokati koye notjihuro. Tara kotjihuro. Otjo nambano tja koverwa, noove ngu we tji kovere. Ihi matji rire otjiraisiro kotjiwaṋa tja Israel.
4-5 “Okuzambo rangavara komunda woye wokumuho, nami me twa ondjo yotjiwaṋa tja Israel kombanda yoye. Ove mo kara mbo oure womayuva omasere yetatu nomirongo muvyu, nu mo hihamisirwa ondjo yatjo. Ami mbe ku vera eyuva rimwe mombura aihe peke ngunda omberero yatjo ai ri po. 6 Nu tji wa mana nao, tanauka komunda woye wokunene nu u hihamisirwe ondjo yotjiwaṋa tja Juda oure womayuva omirongo vine, eyuva rimwe mombura aihe peke yomberero yatjo.
7 “Siririka omeho woye momakoverero wa Jerusalem. Takatakisira otjihuro ongomi yoye, nu u tji ukire ouvi. 8 Ami me ku pandeke kutja o ha tanauka okuza komunda umwe nokutanaukira ku warwe, nga omayuva womakoverero tji ya kapita.
9 “Nambano toora ovikokotwa novirya nomakunde noupapitjenga nomuhwi nomahangu. Runga avihe mumwe u tereke po omboroto. Indji ondji mo ri oure womayuva omasere yetatu nomirongo muvyu awa rarere korupati rwoye rwokumuho. 10 Ove mo yandjerwa omboroto yonḓengu yozograma omasere yevari nomirongo vitano meyuva, noyo mai vaza nga komuhuka weyuva rarwe. 11 Mo pewa wina omeva ouṱiṱi okunwa nge ṱeki porita imwe meyuva. 12 Ove mo yakisa omuriro pombonḓi yomundu ndja kukuta, mo tereke omboroto momuriro mbwi nu mo i rire poṋa omundu auhe pu me ku munu.”
13 Muhona wa tja nai: “Ihi matji hee omuhingo Ovaisrael mbu mave ri ovikurya mbya zerikwa i omatwako, ami tji meve rimbi momahi wovandu wozonganda.”
14 Nungwari ami mba zira e tja: “Ayee kako, Muhona Ndjambi! Ami hi riyambururire omuini. Okuza kouṱiṱi wandje hi na pu mba rya onyama yotjipuka tji tje rikokere poo tji tja ṱu i ovipuka ovinyondorore. Hi na pu mba rya ovikurya mbyaa vi varwa otja ovihakohoke.”
15 Ndjambi otja tja nai: “Osemba tjinene. Me ku esa u tereke omboroto novikenga vyongombe moruveze rwombonḓi yomundu.”
16 Nu eye wa hungira komurungu a tja: “Muatje womundu, ami me timbura ko ovihepwa vyomboroto kOjerusalem. Ovandu mo mave rikende nave kara nongurunguse tji mave saneke ovikurya mbi mave ri, nomeva ngu mave nu. 17 Mave kaere omboroto nomeva; mave rihahiza nu mave munu ouzeu mena romauvi wawo.”
Omakoverero wa Jerusalem maye tjivisiwa
1 Ndjambi wa tja nai: “Muatje womundu, toora ohima, twa pehi momurungu woye nu u nane ko omikoka, mbi mavi sasaneke otjihuro tja Jerusalem. 2 Tjazumba sasaneka omakoverero amo twa po oturora nondunduvahi nozondanda noviteye vyorumbo okutjikondorokisa. 3 Toora otjitenda otjipapi nu u tji zike otja orumbo rwotjitenda pokati koye notjihuro. Tara kotjihuro. Otjo nambano tja koverwa, noove ngu we tji kovere. Ihi matji rire otjiraisiro kotjiwaṋa tja Israel.
4-5 “Okuzambo rangavara komunda woye wokumuho, nami me twa ondjo yotjiwaṋa tja Israel kombanda yoye. Ove mo kara mbo oure womayuva omasere yetatu nomirongo muvyu, nu mo hihamisirwa ondjo yatjo. Ami mbe ku vera eyuva rimwe mombura aihe peke ngunda omberero yatjo ai ri po. 6 Nu tji wa mana nao, tanauka komunda woye wokunene nu u hihamisirwe ondjo yotjiwaṋa tja Juda oure womayuva omirongo vine, eyuva rimwe mombura aihe peke yomberero yatjo.
7 “Siririka omeho woye momakoverero wa Jerusalem. Takatakisira otjihuro ongomi yoye, nu u tji ukire ouvi. 8 Ami me ku pandeke kutja o ha tanauka okuza komunda umwe nokutanaukira ku warwe, nga omayuva womakoverero tji ya kapita.
9 “Nambano toora ovikokotwa novirya nomakunde noupapitjenga nomuhwi nomahangu. Runga avihe mumwe u tereke po omboroto. Indji ondji mo ri oure womayuva omasere yetatu nomirongo muvyu awa rarere korupati rwoye rwokumuho. 10 Ove mo yandjerwa omboroto yonḓengu yozograma omasere yevari nomirongo vitano meyuva, noyo mai vaza nga komuhuka weyuva rarwe. 11 Mo pewa wina omeva ouṱiṱi okunwa nge ṱeki porita imwe meyuva. 12 Ove mo yakisa omuriro pombonḓi yomundu ndja kukuta, mo tereke omboroto momuriro mbwi nu mo i rire poṋa omundu auhe pu me ku munu.”
13 Muhona wa tja nai: “Ihi matji hee omuhingo Ovaisrael mbu mave ri ovikurya mbya zerikwa i omatwako, ami tji meve rimbi momahi wovandu wozonganda.”
14 Nungwari ami mba zira e tja: “Ayee kako, Muhona Ndjambi! Ami hi riyambururire omuini. Okuza kouṱiṱi wandje hi na pu mba rya onyama yotjipuka tji tje rikokere poo tji tja ṱu i ovipuka ovinyondorore. Hi na pu mba rya ovikurya mbyaa vi varwa otja ovihakohoke.”
15 Ndjambi otja tja nai: “Osemba tjinene. Me ku esa u tereke omboroto novikenga vyongombe moruveze rwombonḓi yomundu.”
16 Nu eye wa hungira komurungu a tja: “Muatje womundu, ami me timbura ko ovihepwa vyomboroto kOjerusalem. Ovandu mo mave rikende nave kara nongurunguse tji mave saneke ovikurya mbi mave ri, nomeva ngu mave nu. 17 Mave kaere omboroto nomeva; mave rihahiza nu mave munu ouzeu mena romauvi wawo.”
