Moses na Aron komurungu wa Farao
1 Nu kombunda yanao ooMoses na Aron otji va ya ku Farao nave katja: “Muhona, Ndjambi wa Israel, ma tja nai: ‘Tji esa otjiwaṋa tjandje tji tjinde, tji kendjitjitire omukandi mokuti onguza okundjiyozika.’”
2 Nu Farao a tja: “Muhona ouṋe? Okutjavi tji mbi sokuzuva ku ye nokuisa Ovaisrael ve yende? Omuhona ngo hi mu i, nami hi nokuisa Ovaisrael ve yende.”
3 Nowo va tja: “Ndjambi wOvaheberi wa hakaene na eṱe. Tu yandjera okuyenda ouyenda woure womayuva yetatu, kokure mokuti onguza okukapunguhira Muhona Ndjambi wetu kutja e he tu zepa nomutjise poo nengaruvyo.”
4 Nombara ya Engipte ye ve zira ai tja: “Hapo Moses na Aron, eṋe tji mamu vanga okutjaera otjiwaṋa koviungura vyatjo mwa hapa vi? Twendeye koviungura vyeṋu vyouhuura!” 5 Noyo ya ryama komurungu ai tja ku wo: “Tara, nambano otjiwaṋa hi tja takavarera ko, neṋe mamu tji tjaerere tjike okuungura?”
6 Eyuva tjingero ndo Farao otja rakiza kovatatumise novatjevere mokati kotjiwaṋa, a tja: 7 “Otjiwaṋa amu tji pe omahozu rukwao okuungura na wo ozohima, tjimuna erero nererona. Ngave yende, ve kawonge oveni! 8 Nungwari otjivaro tjozohima nḓu va ungurire erero nererona nga rire tji mwe ve zikamisire, nokuhinakuisa ko, orondu ve notjirweyo. Opu mave zu okurokoha, amave tja: ‘Tu esa tu kapunguhire Ndjambi wetu.’ 9 Oviungura ngavi rire ovizeuzeu kovarumendu mba kutja ve ha munu oruveze rokupuratene komambo omanavizeze.”
10 Novatatumise votjiwaṋa novatjevere vatjo arire tji va i, nave katja kotjiwaṋa: “Ombara mai tja kai nokumupa omahozu rukwao. 11 Twendeye, mu keripahereye ehozu oveni ngamwa akuhe ku mamu ke rimuna, nungwari eṋe ungureye otjivarero tjingetjo tjozohima.” 12 Notjiwaṋa tja rimbara mehi ra Engipte arihe okuwonga oviyaya vyehozu. 13 Imba ovevetatumise ve ve hinga nave tja: “Yeneneiseye oviungura vyeṋu otja pu mape vangwa eyuva arihe tjimuna otja tjiyamu pewa omahozu.” 14 Novatjevere vOvaisrael, mba zikwa i ovatatumise va Farao kombanda yOvaisrael ovakwao otjaave ve tono nouti, amave tja: “Okutjavi, erero na ndino tji mu ha yenenisire otjivaro tjozohima tjimuna ndi rukuru?”
15 Ovatjevere vOvaisrael opu va ira ku Farao nozondjemeno, nave katja: “Okutjavi tji mo tjiti nao kovakarere voye? 16 Eṱe katu pewa ehozu, nu tu rakiziwa kutja tu ungure ozohima. Nu noho tu tonwa. Indji kandjo ye tu nungwari ondjo yovandu woye.”
17 Nungwari Ombara ya zira ai tja: “Oweṋe ovanatjirweyo nu kamu vanga okuungura, opu mu za okundjiningira kutja mbi mu ese mu yende okukapunguhira Muhona ozombunguhiro. 18 Nambano twendeye koviungura! Indi ehozu kamaamu pewa. Nungwari yeneniseye otjivaro tjozohima tji tja tuwa po!”
19 Ovatjevere imba vOvaisrael va muna kutja owo ve ri moumba indu tji va raerwa kutja nga ve ungure otjivarero tjozohima tjingetjo otja tji tja tuwa po eyuva arihe. 20 Nu tji va za ku Farao, va hakaena nooMoses na Aron, ava kurama mbo amave undju, 21 nave tja ku wo: “Muhona nge mu mune nu nge mu pangure, orondu eṋe mwe tu tondisa ku Farao na kovatarere ve; pa sana aayo tjimuna mwa yandja engaruvyo momake wawo okutuzepa.”
Ndjambi ma raere onguturiro
22 Tjazumba Moses wa yaruka rukwao ku Muhona na tja: “Muhona, okutjavi tji wa tjiti navi nai kotjiwaṋa hi? Okutjavi, arikana, tji wa tuma ami? 23 Tji mba za nokuyenda ku Farao okukahungira mena roye, eye opa utira okutatumisira ko otjiwaṋa hi, nu vari ove ko kuturire otjiwaṋa tjoye.” 24 Nu Muhona wa zira Moses nai: “Nambano mo munu ihi tji me tjiti ku Farao. Eye meve tjindisa, e ri kehi yeke enamasa. Ii, eye ma ṋiṋikiziwa i eke enamasa okuveramba kutja ve pite mehi.”
Moses na Aron komurungu wa Farao
1 Nu kombunda yanao ooMoses na Aron otji va ya ku Farao nave katja: “Muhona, Ndjambi wa Israel, ma tja nai: ‘Tji esa otjiwaṋa tjandje tji tjinde, tji kendjitjitire omukandi mokuti onguza okundjiyozika.’”
2 Nu Farao a tja: “Muhona ouṋe? Okutjavi tji mbi sokuzuva ku ye nokuisa Ovaisrael ve yende? Omuhona ngo hi mu i, nami hi nokuisa Ovaisrael ve yende.”
3 Nowo va tja: “Ndjambi wOvaheberi wa hakaene na eṱe. Tu yandjera okuyenda ouyenda woure womayuva yetatu, kokure mokuti onguza okukapunguhira Muhona Ndjambi wetu kutja e he tu zepa nomutjise poo nengaruvyo.”
4 Nombara ya Engipte ye ve zira ai tja: “Hapo Moses na Aron, eṋe tji mamu vanga okutjaera otjiwaṋa koviungura vyatjo mwa hapa vi? Twendeye koviungura vyeṋu vyouhuura!” 5 Noyo ya ryama komurungu ai tja ku wo: “Tara, nambano otjiwaṋa hi tja takavarera ko, neṋe mamu tji tjaerere tjike okuungura?”
6 Eyuva tjingero ndo Farao otja rakiza kovatatumise novatjevere mokati kotjiwaṋa, a tja: 7 “Otjiwaṋa amu tji pe omahozu rukwao okuungura na wo ozohima, tjimuna erero nererona. Ngave yende, ve kawonge oveni! 8 Nungwari otjivaro tjozohima nḓu va ungurire erero nererona nga rire tji mwe ve zikamisire, nokuhinakuisa ko, orondu ve notjirweyo. Opu mave zu okurokoha, amave tja: ‘Tu esa tu kapunguhire Ndjambi wetu.’ 9 Oviungura ngavi rire ovizeuzeu kovarumendu mba kutja ve ha munu oruveze rokupuratene komambo omanavizeze.”
10 Novatatumise votjiwaṋa novatjevere vatjo arire tji va i, nave katja kotjiwaṋa: “Ombara mai tja kai nokumupa omahozu rukwao. 11 Twendeye, mu keripahereye ehozu oveni ngamwa akuhe ku mamu ke rimuna, nungwari eṋe ungureye otjivarero tjingetjo tjozohima.” 12 Notjiwaṋa tja rimbara mehi ra Engipte arihe okuwonga oviyaya vyehozu. 13 Imba ovevetatumise ve ve hinga nave tja: “Yeneneiseye oviungura vyeṋu otja pu mape vangwa eyuva arihe tjimuna otja tjiyamu pewa omahozu.” 14 Novatjevere vOvaisrael, mba zikwa i ovatatumise va Farao kombanda yOvaisrael ovakwao otjaave ve tono nouti, amave tja: “Okutjavi, erero na ndino tji mu ha yenenisire otjivaro tjozohima tjimuna ndi rukuru?”
15 Ovatjevere vOvaisrael opu va ira ku Farao nozondjemeno, nave katja: “Okutjavi tji mo tjiti nao kovakarere voye? 16 Eṱe katu pewa ehozu, nu tu rakiziwa kutja tu ungure ozohima. Nu noho tu tonwa. Indji kandjo ye tu nungwari ondjo yovandu woye.”
17 Nungwari Ombara ya zira ai tja: “Oweṋe ovanatjirweyo nu kamu vanga okuungura, opu mu za okundjiningira kutja mbi mu ese mu yende okukapunguhira Muhona ozombunguhiro. 18 Nambano twendeye koviungura! Indi ehozu kamaamu pewa. Nungwari yeneniseye otjivaro tjozohima tji tja tuwa po!”
19 Ovatjevere imba vOvaisrael va muna kutja owo ve ri moumba indu tji va raerwa kutja nga ve ungure otjivarero tjozohima tjingetjo otja tji tja tuwa po eyuva arihe. 20 Nu tji va za ku Farao, va hakaena nooMoses na Aron, ava kurama mbo amave undju, 21 nave tja ku wo: “Muhona nge mu mune nu nge mu pangure, orondu eṋe mwe tu tondisa ku Farao na kovatarere ve; pa sana aayo tjimuna mwa yandja engaruvyo momake wawo okutuzepa.”
Ndjambi ma raere onguturiro
22 Tjazumba Moses wa yaruka rukwao ku Muhona na tja: “Muhona, okutjavi tji wa tjiti navi nai kotjiwaṋa hi? Okutjavi, arikana, tji wa tuma ami? 23 Tji mba za nokuyenda ku Farao okukahungira mena roye, eye opa utira okutatumisira ko otjiwaṋa hi, nu vari ove ko kuturire otjiwaṋa tjoye.” 24 Nu Muhona wa zira Moses nai: “Nambano mo munu ihi tji me tjiti ku Farao. Eye meve tjindisa, e ri kehi yeke enamasa. Ii, eye ma ṋiṋikiziwa i eke enamasa okuveramba kutja ve pite mehi.”
