Ondana Ondume yongoldo
(Deu 9:6-29)1 Otjiwaṋa tji tja muna kutja Moses wa kawomba okuheruka kondundu, otji tja woronganena pu Aron natji tja ku ye: “Indjo u tu ungurire otjiserekarera tjotjisenginina tji matji tu hongorere; orondu katu nokutjiwa kutja Moses, ngwe tu tjindisa mOengipte, wa katjitwa vi.”
2 Nu Aron wa tja ku wo: “Homoneye ozomburi zongoldo momatwi wovakazendu nowovazandu nowovasuko veṋu nu mu ze ete ku ami.” 3 Otjiwaṋa atjihe otji tja homona ozomburi nḓa ri momatwi wawo, nave ze eta ku Aron. 4 Neye wa kambura inḓa ozomburi ne ze zuzura momuriro na ungura po ondana ondume yongoldo.
Novandu va tja: “Ingwi eye omukuru woye, Israel, ngwe ku tjindisa mOengipte.”
5 Nu Aron tja muna otjiṋa hi, otja tunga otjipunguhiro momurungu wondana ondume yongoldo na ravaere a tja: “Muhuka mape kara omukandi wondjozikiro ya Muhona!” 6 Nowo ve rirongera omuhuka omunene wependukirwa raindo nave tjiti ozombunguhiro ozoningiririsiwa nozohange. Novandu va kara pehi, ave ri ave nu nave sekama okunyanda nokupunda omuhingo wongaro yomararerero wapamwe.
7 Muhona arire tja tja ku Moses: “Hakahana, twende, heruka pehi orondu otjiwaṋa tji wa tjindisa mOengipte tja tjiti ourunde nu tje ndji imbirahi. 8 Owo va hakahana okuyepa mondjira, ndji mbe ve rakiza. Ve riungurire ondana ondume yongoldo, nave rikotamene ku yo amave i tjitire ozombunguhiro nave tja: ‘Israel, ingwi eye mukuru woye ngwe ku tjindisa mOengipte!’ ” 9 Norukwao Muhona wa hungira ku Moses a tja: “Ami mba muna otjiwaṋa hi kutja otjirangaranga. 10 Ndji esa nambano mbi ve yandeke momazenge wandje. Tjazumba ami me ku tjiti u rire otjiwaṋa otjinene.”
11 Nungwari Moses we riheka ku Muhona, Ndjambi we, ama tja: “Arikana, Muhona, okutjavi tji mo ṱomazenge tjinene nai notjiwaṋa tjoye tji wa pitisa mehi ra Engipte nomasa woye omanene? 12 Okutjavi Ovaengipte tji mave tja: ‘Eye we ve pitisa momazenge we kutja e kevezepere mozondundu nokukevenyona avehe oparukaze?’ Za ko komazenge woye, nu ṱondjenda nouhasemba wotjiwaṋa tjoye! 13 Rizemburuka novakarere voye Abraham na Isak na Israel mbu we ve yanena no tja ku wo: ‘Ami me takavarisa orukwato rweṋu otja ozonyose nḓe ri keyuru. Ami me yandja ehi ndi arihe ndi mba kwizikira ozondekurona zeṋu azehe ri rire ouini wazo nga aruhe.’ ” 14 Muhona otja ṱondjenda na ha eta omanyoneno nga heya kotjiwaṋa tje.
15 Nu Moses wa tanauka na heruka kondundu ama tjindi imbi ovitjangero vyomatwako vivari vyomawe mbya tjangwa kominda aviyevari. 16 Ndjambi omuini ongwa ungura ovitjangero nakorora mo omatwako. 17 Josua tja zuva ombosiro yotjiwaṋa tjaa tji rokoha, wa tja ku Moses: “Ami me zuu ombosiro yovita mozondanda.”
18 Nu Moses wa zira a tja: “Indji kambosiro yetangero rondoṋeno, nu kandjuriro yaindu tji va haverwa, indji ombosiro yeimburiro ndi me zuu.”
19 Moses tjeya popezu nozondanda na munu ondana ondume na imba mbaa ve pundu, arire tja ṱomazenge na nakaura imbi ovitjangero mbya tjindi, ne vi nyanyaurire pehi meṋe yondundu. 20 Neye wa kambura indji ondana ondume, ndji va ungura, e i nyosa nomuriro ne i kweye nga tji ya rire orunḓunḓura. Tjazumba e ru tirire momeva na hire Ovaisrael omeva nga. 21 Nu Moses wa tja ku Aron: “Otjiwaṋa hi tje ku tjiti tjike tji we tji tjitisa ourunde mbu ṱa mba?”
22 Aron opa zirira a tja: “Muhona wandje, o ndji pindikire. Ove omuini mo tjiwa kutja otjiwaṋa hi tji nonḓero yokutjita ouvi. 23 Owo va tja ku ami: ‘Tu ungurira mukuru wetu wotjisenginina ngu me tu hongorere: Orondu tji tu hi nokutjiwa kutja ingwi Moses, ngwe tu tjindisa mOengipte, wa katjitwa vi.’ 24 Ami opu mbe ve zirira nai: ‘Auhe ngu nongoldo nge i homone nu nge i ete ku ami,’ nu ami otji mbe i yumba momuriro; nondana ondume ndji omu ya pitira.”
25 Nu Moses wa muna kutja Aron otjiwaṋa wa pitisa mongaro nu we tji tjiti kutja tjiungure oviṋa vyouyova komurungu wovanavita nawo. 26 Moses otja kurama pomuvero worumbo rwozondanda na ravaere a tja: “Auhe ngu ri komukuma wa Muhona, nge ye ku ami!” NOvalevi avehe va woronganena pu ye. 27 Neye wa tja ku wo: “Muhona, Ndjambi wa Israel, ma rakiza auhe weṋu kutja a toore engaruvyo re a katuurunge ondanda ngamwa aihe, nu auhe nga zepe erumbi re nepanga re nomuzamumwe we!” 28 NOvalevi va tjita otja Moses pe ve raera. Nu meyuva ndo mwa ṱa ovarumendu mangara omayovi yetatu. 29 Nu Moses otja tja kOvalevi: “Ndino eṋe mwe riyapura oveni otja ovapristeri motjiungura tja Muhona, tjinga amwa zepa ovazandu veṋu nomarumbi weṋu; Muhona ope mu pere ondaya ndino.”
30 Mependukirwa, Moses wa tja kotjiwaṋa: “Eṋe mwa tjiti ourunde ounene; nungwari ami nambano me rondo kondundu ku Muhona, ngahino ami me kemutjitira ondjesiro yourunde weṋu.” 31 Nu Moses wa yaruka ku Muhona a katja: “Arikana! Otjiwaṋa hi tja tjita ourunde ounene tji tje riungurira otjiserekarera tjotjisenginina tjongoldo. 32 Nambano, arikana, ve isira ourunde wawo. Nu tji u hi nokuvanga, ṱokuzemisa ena randje membo roye, ndi wa tjanga.”
33 Muhona otja zira nai ku Moses: “Ingwi ngwa tjiti ourunde komurungu wandje ongu me zemisa ena re membo randje. 34 Nungwari nambano twende kaṱike otjiwaṋa koṋa ngo ku mbe ku raera. Tara, omuengeri wandje me ku hongorere. Nungwari eyuva, ndi meya okupangura, ami meve verere ourunde wawo.”
35 Muhona otja hinda omberero kotjiwaṋa mena rotjiserekarera tjondana ondume yongoldo, ndji va ungurisa ku Aron.
Ondana Ondume yongoldo
(Deu 9:6-29)1 Otjiwaṋa tji tja muna kutja Moses wa kawomba okuheruka kondundu, otji tja woronganena pu Aron natji tja ku ye: “Indjo u tu ungurire otjiserekarera tjotjisenginina tji matji tu hongorere; orondu katu nokutjiwa kutja Moses, ngwe tu tjindisa mOengipte, wa katjitwa vi.”
2 Nu Aron wa tja ku wo: “Homoneye ozomburi zongoldo momatwi wovakazendu nowovazandu nowovasuko veṋu nu mu ze ete ku ami.” 3 Otjiwaṋa atjihe otji tja homona ozomburi nḓa ri momatwi wawo, nave ze eta ku Aron. 4 Neye wa kambura inḓa ozomburi ne ze zuzura momuriro na ungura po ondana ondume yongoldo.
Novandu va tja: “Ingwi eye omukuru woye, Israel, ngwe ku tjindisa mOengipte.”
5 Nu Aron tja muna otjiṋa hi, otja tunga otjipunguhiro momurungu wondana ondume yongoldo na ravaere a tja: “Muhuka mape kara omukandi wondjozikiro ya Muhona!” 6 Nowo ve rirongera omuhuka omunene wependukirwa raindo nave tjiti ozombunguhiro ozoningiririsiwa nozohange. Novandu va kara pehi, ave ri ave nu nave sekama okunyanda nokupunda omuhingo wongaro yomararerero wapamwe.
7 Muhona arire tja tja ku Moses: “Hakahana, twende, heruka pehi orondu otjiwaṋa tji wa tjindisa mOengipte tja tjiti ourunde nu tje ndji imbirahi. 8 Owo va hakahana okuyepa mondjira, ndji mbe ve rakiza. Ve riungurire ondana ondume yongoldo, nave rikotamene ku yo amave i tjitire ozombunguhiro nave tja: ‘Israel, ingwi eye mukuru woye ngwe ku tjindisa mOengipte!’ ” 9 Norukwao Muhona wa hungira ku Moses a tja: “Ami mba muna otjiwaṋa hi kutja otjirangaranga. 10 Ndji esa nambano mbi ve yandeke momazenge wandje. Tjazumba ami me ku tjiti u rire otjiwaṋa otjinene.”
11 Nungwari Moses we riheka ku Muhona, Ndjambi we, ama tja: “Arikana, Muhona, okutjavi tji mo ṱomazenge tjinene nai notjiwaṋa tjoye tji wa pitisa mehi ra Engipte nomasa woye omanene? 12 Okutjavi Ovaengipte tji mave tja: ‘Eye we ve pitisa momazenge we kutja e kevezepere mozondundu nokukevenyona avehe oparukaze?’ Za ko komazenge woye, nu ṱondjenda nouhasemba wotjiwaṋa tjoye! 13 Rizemburuka novakarere voye Abraham na Isak na Israel mbu we ve yanena no tja ku wo: ‘Ami me takavarisa orukwato rweṋu otja ozonyose nḓe ri keyuru. Ami me yandja ehi ndi arihe ndi mba kwizikira ozondekurona zeṋu azehe ri rire ouini wazo nga aruhe.’ ” 14 Muhona otja ṱondjenda na ha eta omanyoneno nga heya kotjiwaṋa tje.
15 Nu Moses wa tanauka na heruka kondundu ama tjindi imbi ovitjangero vyomatwako vivari vyomawe mbya tjangwa kominda aviyevari. 16 Ndjambi omuini ongwa ungura ovitjangero nakorora mo omatwako. 17 Josua tja zuva ombosiro yotjiwaṋa tjaa tji rokoha, wa tja ku Moses: “Ami me zuu ombosiro yovita mozondanda.”
18 Nu Moses wa zira a tja: “Indji kambosiro yetangero rondoṋeno, nu kandjuriro yaindu tji va haverwa, indji ombosiro yeimburiro ndi me zuu.”
19 Moses tjeya popezu nozondanda na munu ondana ondume na imba mbaa ve pundu, arire tja ṱomazenge na nakaura imbi ovitjangero mbya tjindi, ne vi nyanyaurire pehi meṋe yondundu. 20 Neye wa kambura indji ondana ondume, ndji va ungura, e i nyosa nomuriro ne i kweye nga tji ya rire orunḓunḓura. Tjazumba e ru tirire momeva na hire Ovaisrael omeva nga. 21 Nu Moses wa tja ku Aron: “Otjiwaṋa hi tje ku tjiti tjike tji we tji tjitisa ourunde mbu ṱa mba?”
22 Aron opa zirira a tja: “Muhona wandje, o ndji pindikire. Ove omuini mo tjiwa kutja otjiwaṋa hi tji nonḓero yokutjita ouvi. 23 Owo va tja ku ami: ‘Tu ungurira mukuru wetu wotjisenginina ngu me tu hongorere: Orondu tji tu hi nokutjiwa kutja ingwi Moses, ngwe tu tjindisa mOengipte, wa katjitwa vi.’ 24 Ami opu mbe ve zirira nai: ‘Auhe ngu nongoldo nge i homone nu nge i ete ku ami,’ nu ami otji mbe i yumba momuriro; nondana ondume ndji omu ya pitira.”
25 Nu Moses wa muna kutja Aron otjiwaṋa wa pitisa mongaro nu we tji tjiti kutja tjiungure oviṋa vyouyova komurungu wovanavita nawo. 26 Moses otja kurama pomuvero worumbo rwozondanda na ravaere a tja: “Auhe ngu ri komukuma wa Muhona, nge ye ku ami!” NOvalevi avehe va woronganena pu ye. 27 Neye wa tja ku wo: “Muhona, Ndjambi wa Israel, ma rakiza auhe weṋu kutja a toore engaruvyo re a katuurunge ondanda ngamwa aihe, nu auhe nga zepe erumbi re nepanga re nomuzamumwe we!” 28 NOvalevi va tjita otja Moses pe ve raera. Nu meyuva ndo mwa ṱa ovarumendu mangara omayovi yetatu. 29 Nu Moses otja tja kOvalevi: “Ndino eṋe mwe riyapura oveni otja ovapristeri motjiungura tja Muhona, tjinga amwa zepa ovazandu veṋu nomarumbi weṋu; Muhona ope mu pere ondaya ndino.”
30 Mependukirwa, Moses wa tja kotjiwaṋa: “Eṋe mwa tjiti ourunde ounene; nungwari ami nambano me rondo kondundu ku Muhona, ngahino ami me kemutjitira ondjesiro yourunde weṋu.” 31 Nu Moses wa yaruka ku Muhona a katja: “Arikana! Otjiwaṋa hi tja tjita ourunde ounene tji tje riungurira otjiserekarera tjotjisenginina tjongoldo. 32 Nambano, arikana, ve isira ourunde wawo. Nu tji u hi nokuvanga, ṱokuzemisa ena randje membo roye, ndi wa tjanga.”
33 Muhona otja zira nai ku Moses: “Ingwi ngwa tjiti ourunde komurungu wandje ongu me zemisa ena re membo randje. 34 Nungwari nambano twende kaṱike otjiwaṋa koṋa ngo ku mbe ku raera. Tara, omuengeri wandje me ku hongorere. Nungwari eyuva, ndi meya okupangura, ami meve verere ourunde wawo.”
35 Muhona otja hinda omberero kotjiwaṋa mena rotjiserekarera tjondana ondume yongoldo, ndji va ungurisa ku Aron.
