Omaisaneno wa Moses
1 Moses aa risa ozonyanda zomukwe we ihe Jitro, ngwa ri omupristeri wa Midian. Eye wa karisa ozonyanda ne ze twara mouparanga wokuti onguza nga kondundu ya Ndjambi yena Horeb. 2 Nomuengeri wa Muhona we rimunikisa ku ye morururumo rwomuriro mbuyau yaka motjihwa tjomakuiya. Ngunda ama tara, wa muna otjihwa hi ama tji pi nokuhinokuningiria. 3 Nu Moses we rihungirira a tja: “Ami me vanga okuryama kaṱiṱi popezu okukatara omamunikiro nga omahimise wotjihwa tji matji pi nokuhinokuningirira.”
4 Muhona Ndjambi tje mu muna kutja ma ryama popezu okutara, arire tja ravaere ku ye okuza motjihwa hi ama tja: “Moses, Moses!”
Neye wa zira a tja: “Owami ngwi!”
5 Muhona wa tja ku ye: “O ryamene ko komeho! Hukura ozongaku zoye, orondu poṋa pu wa kurama mbo opopayapuke!” 6 Nu wina wa tja: “Owami Ndjambi wooiho, Ndjambi wa Abraham na Ndjambi wa Isak na Ndjambi wa Jakob!” Moses arire tja kutjire omurungu we, orondu tja tira okutara mu Ndjambi.
7 Nu kombunda yaimbi Muhona wa tja: “Ami mba munu nawanawa ouzeu wotjiwaṋa tjandje mOengipte, nu mba zuu ondjuriro yatjo kovevetatumise. Ii, ami me tjiwa omihihamo vyatjo. 8 Komuano mbwi otji mba rauka okuvekutura kouvara wOvaengipte nokuvetjindisira kehi ewa neparanga; ehi nde ura nomaihi nouitji wokuti, ndi ri omaturiro wOvakanaan nOvahetite nOvaamori nOvaperesi nOvahevi nOvajebusi. 9 Ii, ondjuriro yOvaisrael ya vaza ku ami, nu wina mba munu oukukutu woṋiṋikizire yOvaengipte. 10 Indjo nambano, mbi ku tume ku Farao kutja u kakuture otjiwaṋa tjandje tjOvaisrael mOengipte.”
11 Nu Moses wa tja ku Ndjambi: “Owami aṋi okuyenda ku Farao, nokutja me kakutura Ovaisrael nokuvepitisa mOengipte?”
12 Ndjambi wa zira a tja ku Moses: “Ami me kara puna ove, nu ihi matji rire otjiraisiro tjokutja owami ngu mbe ku hindi: Tji wa pitisa otjiwaṋa mOengipte, mamu karere Ndjambi kondundu ndji.”
13 Kombunda yaimbi Moses arire tja tja ku Ndjambi: “Tji mbe ya kOvaisrael ne tja ku wo: ‘Ndjambi wooiho mukururume we ndji tumu ku eṋe,’ nowo tji va pura ku ami kutja ena re owaṋi, hi zire vi ku wo?”
14 Ndjambi arire tja tja: “Ami owami ngwi ngu mbi ri ami. Ihi otji mo sokuraera kuwo: ‘Ingwi ngu isanewa kutja ami ngu mbi ri ami ongwe ndji tumu ku eṋe.’ 15 Raera Ovaisrael kutja ami, Muhona, Ndjambi wooiho mukururume, Ndjambi wa Abraham na Ndjambi wa Isak na Ndjambi wa Jakob we ndji hindi ku eṋe. Ena randje ri ri nai nga aruhe, noro ngari zemburukwe okuza komihoko nga komihoko. 16 Twende, kaworonganise ovanane wOvaisrael nu u ve raere kutja, ami, Muhona, Ndjambi wooiho mukururume, Ndjambi wa Abraham na Ndjambi wa Isak na Ndjambi wa Jakob we riraisa ku ami na tja: ‘Ami me tjiwa eṋe na imbi avihe wina mbya tjitwa ku eṋe mOengipte. 17 Nu ami mbe rimana okumutjindisa nokumupitisa mouzeu wa Engipte nokumutwara kehi rOvakanaan nOvahetite nOvaamori nOvaperesi nOvahevi nOvajebusi, ehi nde ura nomaihi nouitji wokuti.’
18 “Ovandu vandje mave puratene ku imbi mbi move raere. Punao twende puna ovanane va Israel kombara yOvaengipte, u katje nai ku yo: ‘Muhona, Ndjambi wOvaheberi, we riraisa ku eṱe. Arikana, tu esa tu tjinde ouyenda womayuva yetatu mokuti onguza okukapunguhira Muhona, Ndjambi wetu.’ 19 Nu vari ami me tjiwa uri kutja ombara ya Engipte kamaai mu esa mu tjinde, tji i ha ṋiṋikizirwe i eke ezeu. 20 Nu komuhingo mbwi otji me roporora eke randje ne vere otjiwaṋa tjOvaengipte novihimise vyandje avihe, mbi me tjiti mokati kawo. Kombunda yanao Farao me mu esa mu tjinde.
21 “Notjiwaṋa tjandje me tji ingonekisa kOvaengipte kutja momatjindiro weṋu amu ha kayenda nomake nge ri tjo. 22 Omukazendu auhe ma sokuningira oviwerawere ovisilveri novingoldo nga komarapi, komuraranganda na ye Omuengipte na ku ingwi wondjuwo pe kara; neṋe mamu vi zarisa movazandu na movasuko veṋu, nu komuhingo mbwi otji mamu huura Ovaengipte oviṋa.”
Omaisaneno wa Moses
1 Moses aa risa ozonyanda zomukwe we ihe Jitro, ngwa ri omupristeri wa Midian. Eye wa karisa ozonyanda ne ze twara mouparanga wokuti onguza nga kondundu ya Ndjambi yena Horeb. 2 Nomuengeri wa Muhona we rimunikisa ku ye morururumo rwomuriro mbuyau yaka motjihwa tjomakuiya. Ngunda ama tara, wa muna otjihwa hi ama tji pi nokuhinokuningiria. 3 Nu Moses we rihungirira a tja: “Ami me vanga okuryama kaṱiṱi popezu okukatara omamunikiro nga omahimise wotjihwa tji matji pi nokuhinokuningirira.”
4 Muhona Ndjambi tje mu muna kutja ma ryama popezu okutara, arire tja ravaere ku ye okuza motjihwa hi ama tja: “Moses, Moses!”
Neye wa zira a tja: “Owami ngwi!”
5 Muhona wa tja ku ye: “O ryamene ko komeho! Hukura ozongaku zoye, orondu poṋa pu wa kurama mbo opopayapuke!” 6 Nu wina wa tja: “Owami Ndjambi wooiho, Ndjambi wa Abraham na Ndjambi wa Isak na Ndjambi wa Jakob!” Moses arire tja kutjire omurungu we, orondu tja tira okutara mu Ndjambi.
7 Nu kombunda yaimbi Muhona wa tja: “Ami mba munu nawanawa ouzeu wotjiwaṋa tjandje mOengipte, nu mba zuu ondjuriro yatjo kovevetatumise. Ii, ami me tjiwa omihihamo vyatjo. 8 Komuano mbwi otji mba rauka okuvekutura kouvara wOvaengipte nokuvetjindisira kehi ewa neparanga; ehi nde ura nomaihi nouitji wokuti, ndi ri omaturiro wOvakanaan nOvahetite nOvaamori nOvaperesi nOvahevi nOvajebusi. 9 Ii, ondjuriro yOvaisrael ya vaza ku ami, nu wina mba munu oukukutu woṋiṋikizire yOvaengipte. 10 Indjo nambano, mbi ku tume ku Farao kutja u kakuture otjiwaṋa tjandje tjOvaisrael mOengipte.”
11 Nu Moses wa tja ku Ndjambi: “Owami aṋi okuyenda ku Farao, nokutja me kakutura Ovaisrael nokuvepitisa mOengipte?”
12 Ndjambi wa zira a tja ku Moses: “Ami me kara puna ove, nu ihi matji rire otjiraisiro tjokutja owami ngu mbe ku hindi: Tji wa pitisa otjiwaṋa mOengipte, mamu karere Ndjambi kondundu ndji.”
13 Kombunda yaimbi Moses arire tja tja ku Ndjambi: “Tji mbe ya kOvaisrael ne tja ku wo: ‘Ndjambi wooiho mukururume we ndji tumu ku eṋe,’ nowo tji va pura ku ami kutja ena re owaṋi, hi zire vi ku wo?”
14 Ndjambi arire tja tja: “Ami owami ngwi ngu mbi ri ami. Ihi otji mo sokuraera kuwo: ‘Ingwi ngu isanewa kutja ami ngu mbi ri ami ongwe ndji tumu ku eṋe.’ 15 Raera Ovaisrael kutja ami, Muhona, Ndjambi wooiho mukururume, Ndjambi wa Abraham na Ndjambi wa Isak na Ndjambi wa Jakob we ndji hindi ku eṋe. Ena randje ri ri nai nga aruhe, noro ngari zemburukwe okuza komihoko nga komihoko. 16 Twende, kaworonganise ovanane wOvaisrael nu u ve raere kutja, ami, Muhona, Ndjambi wooiho mukururume, Ndjambi wa Abraham na Ndjambi wa Isak na Ndjambi wa Jakob we riraisa ku ami na tja: ‘Ami me tjiwa eṋe na imbi avihe wina mbya tjitwa ku eṋe mOengipte. 17 Nu ami mbe rimana okumutjindisa nokumupitisa mouzeu wa Engipte nokumutwara kehi rOvakanaan nOvahetite nOvaamori nOvaperesi nOvahevi nOvajebusi, ehi nde ura nomaihi nouitji wokuti.’
18 “Ovandu vandje mave puratene ku imbi mbi move raere. Punao twende puna ovanane va Israel kombara yOvaengipte, u katje nai ku yo: ‘Muhona, Ndjambi wOvaheberi, we riraisa ku eṱe. Arikana, tu esa tu tjinde ouyenda womayuva yetatu mokuti onguza okukapunguhira Muhona, Ndjambi wetu.’ 19 Nu vari ami me tjiwa uri kutja ombara ya Engipte kamaai mu esa mu tjinde, tji i ha ṋiṋikizirwe i eke ezeu. 20 Nu komuhingo mbwi otji me roporora eke randje ne vere otjiwaṋa tjOvaengipte novihimise vyandje avihe, mbi me tjiti mokati kawo. Kombunda yanao Farao me mu esa mu tjinde.
21 “Notjiwaṋa tjandje me tji ingonekisa kOvaengipte kutja momatjindiro weṋu amu ha kayenda nomake nge ri tjo. 22 Omukazendu auhe ma sokuningira oviwerawere ovisilveri novingoldo nga komarapi, komuraranganda na ye Omuengipte na ku ingwi wondjuwo pe kara; neṋe mamu vi zarisa movazandu na movasuko veṋu, nu komuhingo mbwi otji mamu huura Ovaengipte oviṋa.”
