Ongwatero ya Moses
1 Pa ri omurumendu wotjiwaṋa tja Levi, ngwa kakupa omusuko Omulevi. 2 Omusuko ngwi wa rira otjingundi na panduka okanatje okazandu. Nu ina tja muna kutja omuatje we omuwa, arire tje mu horeke oure womieze vitatu. 3 Nungwari eye tjinga e ha sorere okumuhoreka orure rukwao, we mu pahera otjimbamba tji tja ungurwa potuu, ne tji rombo nawa nomunoko nondombo kutja amu ha hiti omeva. Korusenina okanatje ke we ke rareka motjimbamba ne tji twa mokati kotuu komukuro wonḓonḓu Nil. 4 Nomuṱena wako wa kakurama kokure kaṱiṱi kutja a tarere tji matji tjitwa ku ko.
5 Omusuko wa Farao wa punda konḓonḓu Nil okukerikoha; nu imba ovakarere mbe mu ṱika aave wondjo meṋe yonḓonḓu ndjo. Nu tjimanga eye wa muna okambamba nga mokati kotuu na hindi omukazona omumuungurire a kaete okambamba ngo. 6 Omusuko wombara tja paturura okambamba arire tja munu okandu okazandu ku ma ke riri. Narire tja ṱondjenda na ko ne ripura nai: “Make sokurira kemwe kounatje wOvaheberi.”
7 Omuṱena wako opa tjera nai komusuko wa Farao: “Hi kekuisanene omukazendu Omuheberi ngwa panduka nambano kutja e ku nyamisisire okanatje?”
8 Nomusuko wa Farao we mu zira a tja: “Ii, osemba! Twende!” Omukazona wa ya na kaisana ina yokanatje. 9 Nomusuko wa Farao wa raera ingwi ina a tja: “Kambura okanatje nga, u kendjinyamisisire nami me ku sutu.” Omukazendu wa kambura okanatje na kanyamisisa. 10 Kombunda okanatje tji ke kura, eye we ke twara komusuko wa Farao; ingwi omusuko wombara we ke yakura ne ke kurisa otja omuatje we omuini, ne ke ruku ena Moses. Orondu eye wa tja: “Ami mbe mu nana momeva.”
Moses ma taurire kOmidian
11 Moses tje kura, otjikando tjimwe otja ya kovandu ve omuini, narire tja munu kutja owo ve ungurisiwa oviungura vyondatumisire. Wina wa muna Omuengipte ama tono umwe womuhoko we, Omuheberi omukwao. 12 Eye wa yevayeva munda na munda na ha munu ko omundu, otja tona Omuengipte ngwi nga tja zepa, ne mu sire meheke. 13 Nu mependukirwa Moses wa ya rukwao, na munu ovarumendu vevari Ovaheberi amave ru, na pura ku ingwi ngwa uta okutona omukwao na tja: “Omukweṋu Omuheberi mo mu tonene tjike?”
14 Neye wa tja: “Owaṋi ngwe ku pa ouhona noupangure kombanda yetu? Mo vanga kutja u ndji zepe wina tjimuna tji wa zepa Omuengipte are?” Nu Moses wa uruma ne ripura nai: “Tjiri, otjiṋa hi tja tjiukwa!”
15 Farao tja zuva otjiṋa hi otja vanga okuzepa Moses. Nungwari Moses wa hena, a i kOmidian na katura ngo. Neye tja kavaza, wa kahaama pondjombo.
16 Pondjombo ndjo pe ya ovasuko hambombari wOmupristeri wa Midian okuteka omeva nokuurisa omatemba nokuhira ozonyanda zaihe. 17 Nu ovarise tjiva ve ya mbo nave ve ramba, Moses wa sekama okuvevatera nokuvehirira ozonyanda zawo. 18 Nowo tji va kotoka ku ihe yawo Reuel, eye wa pura ku wo a tja: “Okutjavi ndino tji mwa kotoka rukuru?”
19 Nowo va zira nai: “Omuengipte worive we tu yama kovarise vozonyanda. Kombanda yanao we tu vatere okututekera omeva nokutuhirira ovinamuinyo vyetu.”
20 Neye wa pura kovasuko ve a tja: “Eye u ri pi? Mwe mu esire tjike mbo? Kemuṋangeye e ye okurya puna eṱe.”
21 Nu Moses wa ri nombango okutura pomurumendu ngo, nu kombunda Jetro we mu pa omusuko we Sipora a rire omukazendu we. 22 Kombunda omukazendu we wa panduka okazandu, nu Moses we ke ruka Gersom, orondu tja tja: “Owami owozonganda mehi rozonganda.”
23 Kombunda yoruveze orure ombara ya Engipte ya koka, nungwari imba Ovaisrael aave tjemisiwa i oviungura vyondatumisire nu amave paha ombatero, nowo va kwa ombatero ku Ndjambi. 24 Nu Ndjambi tja zuva ondjuriro yawo, arire tja zemburuka omerikutiropamwe we nooAbraham na Isak na Jakob. 25 Ndjambi wa tara kOvaisrael nu e rikendere wo.
Ongwatero ya Moses
1 Pa ri omurumendu wotjiwaṋa tja Levi, ngwa kakupa omusuko Omulevi. 2 Omusuko ngwi wa rira otjingundi na panduka okanatje okazandu. Nu ina tja muna kutja omuatje we omuwa, arire tje mu horeke oure womieze vitatu. 3 Nungwari eye tjinga e ha sorere okumuhoreka orure rukwao, we mu pahera otjimbamba tji tja ungurwa potuu, ne tji rombo nawa nomunoko nondombo kutja amu ha hiti omeva. Korusenina okanatje ke we ke rareka motjimbamba ne tji twa mokati kotuu komukuro wonḓonḓu Nil. 4 Nomuṱena wako wa kakurama kokure kaṱiṱi kutja a tarere tji matji tjitwa ku ko.
5 Omusuko wa Farao wa punda konḓonḓu Nil okukerikoha; nu imba ovakarere mbe mu ṱika aave wondjo meṋe yonḓonḓu ndjo. Nu tjimanga eye wa muna okambamba nga mokati kotuu na hindi omukazona omumuungurire a kaete okambamba ngo. 6 Omusuko wombara tja paturura okambamba arire tja munu okandu okazandu ku ma ke riri. Narire tja ṱondjenda na ko ne ripura nai: “Make sokurira kemwe kounatje wOvaheberi.”
7 Omuṱena wako opa tjera nai komusuko wa Farao: “Hi kekuisanene omukazendu Omuheberi ngwa panduka nambano kutja e ku nyamisisire okanatje?”
8 Nomusuko wa Farao we mu zira a tja: “Ii, osemba! Twende!” Omukazona wa ya na kaisana ina yokanatje. 9 Nomusuko wa Farao wa raera ingwi ina a tja: “Kambura okanatje nga, u kendjinyamisisire nami me ku sutu.” Omukazendu wa kambura okanatje na kanyamisisa. 10 Kombunda okanatje tji ke kura, eye we ke twara komusuko wa Farao; ingwi omusuko wombara we ke yakura ne ke kurisa otja omuatje we omuini, ne ke ruku ena Moses. Orondu eye wa tja: “Ami mbe mu nana momeva.”
Moses ma taurire kOmidian
11 Moses tje kura, otjikando tjimwe otja ya kovandu ve omuini, narire tja munu kutja owo ve ungurisiwa oviungura vyondatumisire. Wina wa muna Omuengipte ama tono umwe womuhoko we, Omuheberi omukwao. 12 Eye wa yevayeva munda na munda na ha munu ko omundu, otja tona Omuengipte ngwi nga tja zepa, ne mu sire meheke. 13 Nu mependukirwa Moses wa ya rukwao, na munu ovarumendu vevari Ovaheberi amave ru, na pura ku ingwi ngwa uta okutona omukwao na tja: “Omukweṋu Omuheberi mo mu tonene tjike?”
14 Neye wa tja: “Owaṋi ngwe ku pa ouhona noupangure kombanda yetu? Mo vanga kutja u ndji zepe wina tjimuna tji wa zepa Omuengipte are?” Nu Moses wa uruma ne ripura nai: “Tjiri, otjiṋa hi tja tjiukwa!”
15 Farao tja zuva otjiṋa hi otja vanga okuzepa Moses. Nungwari Moses wa hena, a i kOmidian na katura ngo. Neye tja kavaza, wa kahaama pondjombo.
16 Pondjombo ndjo pe ya ovasuko hambombari wOmupristeri wa Midian okuteka omeva nokuurisa omatemba nokuhira ozonyanda zaihe. 17 Nu ovarise tjiva ve ya mbo nave ve ramba, Moses wa sekama okuvevatera nokuvehirira ozonyanda zawo. 18 Nowo tji va kotoka ku ihe yawo Reuel, eye wa pura ku wo a tja: “Okutjavi ndino tji mwa kotoka rukuru?”
19 Nowo va zira nai: “Omuengipte worive we tu yama kovarise vozonyanda. Kombanda yanao we tu vatere okututekera omeva nokutuhirira ovinamuinyo vyetu.”
20 Neye wa pura kovasuko ve a tja: “Eye u ri pi? Mwe mu esire tjike mbo? Kemuṋangeye e ye okurya puna eṱe.”
21 Nu Moses wa ri nombango okutura pomurumendu ngo, nu kombunda Jetro we mu pa omusuko we Sipora a rire omukazendu we. 22 Kombunda omukazendu we wa panduka okazandu, nu Moses we ke ruka Gersom, orondu tja tja: “Owami owozonganda mehi rozonganda.”
23 Kombunda yoruveze orure ombara ya Engipte ya koka, nungwari imba Ovaisrael aave tjemisiwa i oviungura vyondatumisire nu amave paha ombatero, nowo va kwa ombatero ku Ndjambi. 24 Nu Ndjambi tja zuva ondjuriro yawo, arire tja zemburuka omerikutiropamwe we nooAbraham na Isak na Jakob. 25 Ndjambi wa tara kOvaisrael nu e rikendere wo.
