Otjimana nouzera
1 Notjimbumba atjihe tjOvaisrael tja za mOelim, nu tje ya mokuti onguza Sin, ku kwa ri pokati ka Elim nondundu Sinai, meyuva oritjamurongo na yetano komueze outjavari, kombunda yokupita kwawo mOengipte. 2 Nu ihi otjimbumba atjihe tjOvaisrael tja unaunina ooMoses na Aron mokuti onguza. 3 NOvaisrael va tja ku wo: “Andakuzu twa ṱa i eke ra Muhona mOengipte, ingo eṱe atja tu haamene okurya ozonyama novikurya vyarwe natu ri okukuta otja pu matu vanga. Nungwari eṋe mwe tu eta mokuti ngwi onguza kutja otjimbumba atjihe hi tji ye okuṱa ondjara.”
4 Muhona arire tja tja ku Moses: “Tara, ami me mu rokisire ozomboroto okuza meyuru, otjiwaṋa matji piti okukawonga pu pe ṱeki otja keyuva arihe. Komuano mbwi ami otji meve roro kutja mave ṱakamisa etwako randje. 5 Nu meyuva oritjahamboumwe, tji mave ṱunu inḓa nḓu mave wongo, ozo maze rire potuvari komurungu wainḓa nḓu ve wonga eyuva arihe.”
6 OoMoses na Aron arire tji va tja kOvaisrael avehe: “Ngurova ndinondi mamu tjiwa kutja Muhona ongwe mu pitisa mOengipte. 7 Nu muhuka omunene mamu munu ongeṋangeṋeno youkarepo wa Muhona, orondu eye tja zuva, tji mwe mu unaunina. Eṱe oweṱe ovakwatjike kutja mamu tu unaunine?” 8 Kombunda yanao Moses wa tja: “Ihi matji tjitwa, Muhona tje mu pe onyama ongurova okurya, nozomboroto omuhuka okukuta, orondu Muhona tja zuva, tji mwe mu unaunina. Eṱe oweṱe ovakwatjike? Omaunaunino weṋu kaye ri ku eṱe, nungwari ye ri ku Muhona.”
9 Norukwao Moses wa hungira ku Aron a tja: “Raera kotjiwaṋa atjihe tjOvaisrael nu itja: ‘Ryameye popezu komurungu wa Muhona, orondu eye wa zuva omaunaunino weṋu.’ ” 10 Nu ngunda Aron ama hungire kotjimbumba atjihe tjOvaisrael, owo va tanauka okutara mokuti onguza, nu mokamanga ongeṋangeṋeno youkarepo wa Muhona ya munika motjikamba. 11 Nu Muhona wa hungira ku Moses a tja: 12 “Ami mba zuva omaunaunino wOvaisrael; keveraere kutja kuṱa kongurova mamu ri onyama, nu omuhuka mamu kutisiwa nozomboroto; neṋe mamu tjiwa kutja owami ngu mbi ri Muhona, Ndjambi weṋu.”
13 Nu mongurova kweya ouzera mbu kuza ozongwiririmba, nowo wa wirire pozondanda; nu omuhuka kwa ri omueme mbwa kondoroka ozondanda. Ozongwiririmba 14 Nomueme tji wa za ko, mokuti onguza mwa rimbara ouṋa ouṱiṱi ounyanyawe tjimuna omakende wombepera pehi. 15 NOvaisrael tji va muna imbi, verihungirire oveni ave tja: “Imbi ovikeṋa.”
Moses opa tjera ku wo: “Inḓa ozomboroto Muhona nḓe mu pe okurya. 16 Muhona wa rakiza kutja mu ze wonge auhe otja puma hepa okurya, otjikuve tjimwe okuura tjozorita mbari komundu otja potjivaro tjeṋu. Auhe nga wongere imba mbe kara mondanda ye.”
17 Ovaisrael va tjita nao: Owo va wonga, umwe ovingi na warwe oviṱiṱi. 18 Nungwari owo tji va saneka notjikuve tjozorita mbari, ingwi ngwa wonga ovingi, ka hupisire otjiṋa, nu ingwi ngwa wonga oviṱiṱi, wa yenena. Auhe wa wonga otja kouhepe we. 19 Nu Moses wa tja ku wo: “Amu turike otjiṋa tjamuhuka warwe, kako!” 20 Nungwari owo kave puratenene ku Moses; tjiva va turika ouṋa wamuhuka. Nu muhuka otji mwa hita omativa, nau woro; Moses otje ve pindikira tjinene. 21 Nowo va wonga omuhuka auhe, auhe otja puma hepa. Nomutenya tji wa tu, aavi zuzuka.
22 Nu meyuva oritjahamboumwe va wonga ozomboroto potuvari, okutja ovikuve vivari komundu auhe. Nu imba ovanane votjimbumba ve ya nave serekarere ku Moses. 23 Neye wa tja ku wo: “Muhona wa rakiza kutja muhuka oro eyuva rokusuva, esabata, eyuva eyapuke ra Muhona. Tji mamu vanga okutereka ozomboroto, terekeye, nu mbi mamu vanga okuyareka, yarekeye. Nu avihe, mbi mwa hupisa, turikeye nga ku muhuka.” 24 Nowo ve vi turika nga ku muhuka otja Moses pe ve raera. Nu kavi zunḓakere, nu kamwa ri omativa. 25 Nu Moses wa tja: “Vi ryee ndino! Orondu ndino ondi ri esabata ra Muhona. Ndinondi kamu nokukamuna ovikurya mokuti. 26 Oure womayuva hamboumwe mamu sokuviwonga; nungwari eyuva oritjahambombari oro esabata, nu kavi nokukara ko.”
27 Nu meyuva oritjahambombari ovandu tjiva va ya okukawonga ovikurya, nu kave kevimunine ko. 28 Muhona opa tjera ku Moses: “Mamu panḓa nga ruṋe okuṱakamisa omatwako nomazikamisiro wandje? 29 Tareye, Muhona tjinga e mu pa esabata, eye opu me mu pere ozomboroto zomayuva yevari meyuva oritjahamboumwe, Auhe nga kare poṋa pe ri; ape ningi omundu ngu ma zu po pomaturiro we meyuva ndi oritjahambombari.” 30 Otjiwaṋa otji tja suva meyuva ndi oritjahombombari.
31 Notjiwaṋa tjOvaisrael tja ruka ozomboroto nḓa kutja “otjimana”. Nu tja ri otjivapa tjimuna ondwi yotjihape Koriander, nu aatji tjata tjimuna ehira rouitji wokuti. 32 Komurungu Moses wa tja nai: “Muhona we tu rakiza kutja otjikuve tjimwe okuura tjozorita mbari tjaimbi turikireye ozondekurona zeṋu kutja ze mune indji omboroto ami ndji mbe mu risa mokuti onguza, indu tji mbe mu pitisa mOengipte.” 33 Moses arire tja tja ku Aron: “Toora ondjupa yekende, nu u pakere mo ozorita mbari zovimana, nu u i zike momurungu wa Muhona okupwikira ozondekurona zeṋu.” 34 Muhona otja pa raera Moses, Aron kombunda otja twa ondjupa pehi momurungu womawe womatwako okupwikwa. 35 Nu Ovaisrael va rya ovimana mbi oure wozombura omirongo vine, nga tji va kavaza mehi mu mwa tura ovandu. Owo va rya ovimana mbi, nga tji va kavaza komukuro wehi ra Kanaan. 36 Nu ihi otjikuve tjimwe tjo Gomer omurya watjo u ṱeki pozorita omirongo vivari.
Otjimana nouzera
1 Notjimbumba atjihe tjOvaisrael tja za mOelim, nu tje ya mokuti onguza Sin, ku kwa ri pokati ka Elim nondundu Sinai, meyuva oritjamurongo na yetano komueze outjavari, kombunda yokupita kwawo mOengipte. 2 Nu ihi otjimbumba atjihe tjOvaisrael tja unaunina ooMoses na Aron mokuti onguza. 3 NOvaisrael va tja ku wo: “Andakuzu twa ṱa i eke ra Muhona mOengipte, ingo eṱe atja tu haamene okurya ozonyama novikurya vyarwe natu ri okukuta otja pu matu vanga. Nungwari eṋe mwe tu eta mokuti ngwi onguza kutja otjimbumba atjihe hi tji ye okuṱa ondjara.”
4 Muhona arire tja tja ku Moses: “Tara, ami me mu rokisire ozomboroto okuza meyuru, otjiwaṋa matji piti okukawonga pu pe ṱeki otja keyuva arihe. Komuano mbwi ami otji meve roro kutja mave ṱakamisa etwako randje. 5 Nu meyuva oritjahamboumwe, tji mave ṱunu inḓa nḓu mave wongo, ozo maze rire potuvari komurungu wainḓa nḓu ve wonga eyuva arihe.”
6 OoMoses na Aron arire tji va tja kOvaisrael avehe: “Ngurova ndinondi mamu tjiwa kutja Muhona ongwe mu pitisa mOengipte. 7 Nu muhuka omunene mamu munu ongeṋangeṋeno youkarepo wa Muhona, orondu eye tja zuva, tji mwe mu unaunina. Eṱe oweṱe ovakwatjike kutja mamu tu unaunine?” 8 Kombunda yanao Moses wa tja: “Ihi matji tjitwa, Muhona tje mu pe onyama ongurova okurya, nozomboroto omuhuka okukuta, orondu Muhona tja zuva, tji mwe mu unaunina. Eṱe oweṱe ovakwatjike? Omaunaunino weṋu kaye ri ku eṱe, nungwari ye ri ku Muhona.”
9 Norukwao Moses wa hungira ku Aron a tja: “Raera kotjiwaṋa atjihe tjOvaisrael nu itja: ‘Ryameye popezu komurungu wa Muhona, orondu eye wa zuva omaunaunino weṋu.’ ” 10 Nu ngunda Aron ama hungire kotjimbumba atjihe tjOvaisrael, owo va tanauka okutara mokuti onguza, nu mokamanga ongeṋangeṋeno youkarepo wa Muhona ya munika motjikamba. 11 Nu Muhona wa hungira ku Moses a tja: 12 “Ami mba zuva omaunaunino wOvaisrael; keveraere kutja kuṱa kongurova mamu ri onyama, nu omuhuka mamu kutisiwa nozomboroto; neṋe mamu tjiwa kutja owami ngu mbi ri Muhona, Ndjambi weṋu.”
13 Nu mongurova kweya ouzera mbu kuza ozongwiririmba, nowo wa wirire pozondanda; nu omuhuka kwa ri omueme mbwa kondoroka ozondanda. Ozongwiririmba 14 Nomueme tji wa za ko, mokuti onguza mwa rimbara ouṋa ouṱiṱi ounyanyawe tjimuna omakende wombepera pehi. 15 NOvaisrael tji va muna imbi, verihungirire oveni ave tja: “Imbi ovikeṋa.”
Moses opa tjera ku wo: “Inḓa ozomboroto Muhona nḓe mu pe okurya. 16 Muhona wa rakiza kutja mu ze wonge auhe otja puma hepa okurya, otjikuve tjimwe okuura tjozorita mbari komundu otja potjivaro tjeṋu. Auhe nga wongere imba mbe kara mondanda ye.”
17 Ovaisrael va tjita nao: Owo va wonga, umwe ovingi na warwe oviṱiṱi. 18 Nungwari owo tji va saneka notjikuve tjozorita mbari, ingwi ngwa wonga ovingi, ka hupisire otjiṋa, nu ingwi ngwa wonga oviṱiṱi, wa yenena. Auhe wa wonga otja kouhepe we. 19 Nu Moses wa tja ku wo: “Amu turike otjiṋa tjamuhuka warwe, kako!” 20 Nungwari owo kave puratenene ku Moses; tjiva va turika ouṋa wamuhuka. Nu muhuka otji mwa hita omativa, nau woro; Moses otje ve pindikira tjinene. 21 Nowo va wonga omuhuka auhe, auhe otja puma hepa. Nomutenya tji wa tu, aavi zuzuka.
22 Nu meyuva oritjahamboumwe va wonga ozomboroto potuvari, okutja ovikuve vivari komundu auhe. Nu imba ovanane votjimbumba ve ya nave serekarere ku Moses. 23 Neye wa tja ku wo: “Muhona wa rakiza kutja muhuka oro eyuva rokusuva, esabata, eyuva eyapuke ra Muhona. Tji mamu vanga okutereka ozomboroto, terekeye, nu mbi mamu vanga okuyareka, yarekeye. Nu avihe, mbi mwa hupisa, turikeye nga ku muhuka.” 24 Nowo ve vi turika nga ku muhuka otja Moses pe ve raera. Nu kavi zunḓakere, nu kamwa ri omativa. 25 Nu Moses wa tja: “Vi ryee ndino! Orondu ndino ondi ri esabata ra Muhona. Ndinondi kamu nokukamuna ovikurya mokuti. 26 Oure womayuva hamboumwe mamu sokuviwonga; nungwari eyuva oritjahambombari oro esabata, nu kavi nokukara ko.”
27 Nu meyuva oritjahambombari ovandu tjiva va ya okukawonga ovikurya, nu kave kevimunine ko. 28 Muhona opa tjera ku Moses: “Mamu panḓa nga ruṋe okuṱakamisa omatwako nomazikamisiro wandje? 29 Tareye, Muhona tjinga e mu pa esabata, eye opu me mu pere ozomboroto zomayuva yevari meyuva oritjahamboumwe, Auhe nga kare poṋa pe ri; ape ningi omundu ngu ma zu po pomaturiro we meyuva ndi oritjahambombari.” 30 Otjiwaṋa otji tja suva meyuva ndi oritjahombombari.
31 Notjiwaṋa tjOvaisrael tja ruka ozomboroto nḓa kutja “otjimana”. Nu tja ri otjivapa tjimuna ondwi yotjihape Koriander, nu aatji tjata tjimuna ehira rouitji wokuti. 32 Komurungu Moses wa tja nai: “Muhona we tu rakiza kutja otjikuve tjimwe okuura tjozorita mbari tjaimbi turikireye ozondekurona zeṋu kutja ze mune indji omboroto ami ndji mbe mu risa mokuti onguza, indu tji mbe mu pitisa mOengipte.” 33 Moses arire tja tja ku Aron: “Toora ondjupa yekende, nu u pakere mo ozorita mbari zovimana, nu u i zike momurungu wa Muhona okupwikira ozondekurona zeṋu.” 34 Muhona otja pa raera Moses, Aron kombunda otja twa ondjupa pehi momurungu womawe womatwako okupwikwa. 35 Nu Ovaisrael va rya ovimana mbi oure wozombura omirongo vine, nga tji va kavaza mehi mu mwa tura ovandu. Owo va rya ovimana mbi, nga tji va kavaza komukuro wehi ra Kanaan. 36 Nu ihi otjikuve tjimwe tjo Gomer omurya watjo u ṱeki pozorita omirongo vivari.
