1 Ombara na Haman otji va karya na Ester 2 potjikando otjitjavari. Nu ngunda ava haama pomavinu, ombara ya pura Ester rukwao, ai tja: “Nambano, mbara oserekaze Ester, movanga tjike? Ndji raera, mbi ku pe. Ami me ku pe nandarire orumbembera rumwe rwouhona wandje.”
3 Ombara oserekaze Ester wa zira a tja: “Tji mape tjata kove, muhona ombara, okundjipa omeriyarikaṋeno wandje omerisusuparise, onḓero yandje okongwi kutja ami mbi hupe, novandu vandje wina ve hupe. 4 Ami novandu vandje twa randisiwa konḓiro. Andakuzu kapa ri otjiṋa tjarwe otjihimise tji tji ri komeho yokurandisiwa mouhuura, ami etje mwina, nu hitje ku kendisa motjiṋa hi; nungwari eṱe tu ri pokuyandekwa, matu ṱu okumanuka!”
5 Tjazumba ombara Kerkes wa pura ombara oserekaze Ester a tja: “Owaṋi ngu ma roro okutjita otjiṋa tji tja sana ngo? Omurumendu ngwi u ri pi?”
6 Ester wa zira nai: “Omunavita na eṱe nomunangore na eṱe eye ngwi omurumendu omurunde ngwi Haman!”
Haman wa tara nomburuma kombara na kombara oserekaze. 7 Ombara ya sekama momazenge ai piti metuwo nai i pendje kovikunino vyondjuwo youhona. Haman wa muna kutja ombara ye rimana okumuverera otjiṋa hi, notja senina metuwo okuriyarikaṋa kombara oserekaze Ester kutja arikana a ha ṱu. 8 Haman tja za nokuriyumba omuini kotjihavero tja Ester tjomasuviro e riyarikaṋe kutja a ṱirwe otjari, ombara arire tji ya kotoka metuwo okuza kovikunino. Nu tji ya muna otjiṋa hi, otji ya ravaera nai: “Omurumendu ngwi ma tjere ombara oserekaze imba momurungu wandje mondjuwo yandje omuini youhona are?”
Ombara ngunda ai hiya mana okuhungira omambo nga, ovakarere ozombondo tjandje va kutjire otjiuru tja Haman. 9 Tjazumba umwe wawo, wena Harbona, wa tja nai: “Haman wina wa zika omuti wokuturika ko ovandu pondjuwo ye, kokutja a turike ko Mordekai, ngwa yama omuinyo woye, muhona ombara. Omuti mbwi u noutonga wozometa omirongo vivari na mbari!”
Nombara ya rakiza ai tja: “Katurikeye Haman komuti mbo.”
10 Haman otja katurikwa komuti eye mbwa zikira Mordekai. Nomazenge wombara arire tji ya u pehi.
1 Ombara na Haman otji va karya na Ester 2 potjikando otjitjavari. Nu ngunda ava haama pomavinu, ombara ya pura Ester rukwao, ai tja: “Nambano, mbara oserekaze Ester, movanga tjike? Ndji raera, mbi ku pe. Ami me ku pe nandarire orumbembera rumwe rwouhona wandje.”
3 Ombara oserekaze Ester wa zira a tja: “Tji mape tjata kove, muhona ombara, okundjipa omeriyarikaṋeno wandje omerisusuparise, onḓero yandje okongwi kutja ami mbi hupe, novandu vandje wina ve hupe. 4 Ami novandu vandje twa randisiwa konḓiro. Andakuzu kapa ri otjiṋa tjarwe otjihimise tji tji ri komeho yokurandisiwa mouhuura, ami etje mwina, nu hitje ku kendisa motjiṋa hi; nungwari eṱe tu ri pokuyandekwa, matu ṱu okumanuka!”
5 Tjazumba ombara Kerkes wa pura ombara oserekaze Ester a tja: “Owaṋi ngu ma roro okutjita otjiṋa tji tja sana ngo? Omurumendu ngwi u ri pi?”
6 Ester wa zira nai: “Omunavita na eṱe nomunangore na eṱe eye ngwi omurumendu omurunde ngwi Haman!”
Haman wa tara nomburuma kombara na kombara oserekaze. 7 Ombara ya sekama momazenge ai piti metuwo nai i pendje kovikunino vyondjuwo youhona. Haman wa muna kutja ombara ye rimana okumuverera otjiṋa hi, notja senina metuwo okuriyarikaṋa kombara oserekaze Ester kutja arikana a ha ṱu. 8 Haman tja za nokuriyumba omuini kotjihavero tja Ester tjomasuviro e riyarikaṋe kutja a ṱirwe otjari, ombara arire tji ya kotoka metuwo okuza kovikunino. Nu tji ya muna otjiṋa hi, otji ya ravaera nai: “Omurumendu ngwi ma tjere ombara oserekaze imba momurungu wandje mondjuwo yandje omuini youhona are?”
Ombara ngunda ai hiya mana okuhungira omambo nga, ovakarere ozombondo tjandje va kutjire otjiuru tja Haman. 9 Tjazumba umwe wawo, wena Harbona, wa tja nai: “Haman wina wa zika omuti wokuturika ko ovandu pondjuwo ye, kokutja a turike ko Mordekai, ngwa yama omuinyo woye, muhona ombara. Omuti mbwi u noutonga wozometa omirongo vivari na mbari!”
Nombara ya rakiza ai tja: “Katurikeye Haman komuti mbo.”
10 Haman otja katurikwa komuti eye mbwa zikira Mordekai. Nomazenge wombara arire tji ya u pehi.
