Ester ma ṋanga ombara na Haman komukandi
1 Meyuva oritjatatu rokuritjaera kwe kovikurya, Ester wa zara ozombanda ze zombara oserekaze na kakurama morupanda rwomoukoto wondjuwo youhona ama tara ketuwo rotjihavero tjouhona. Ombara ya ri metuwo ndo aya haama kotjihavero tjouhona nu amai tara komahitiro. 2 Ombara ya muna ombara oserekaze Ester a kurama pendje, nu Ester arire tja munu ondjingonekero komurungu wombara, nombara ye mu ropororera okati kayo kouhona. Nu Ester weya na ṱunu kohonga yako. 3 Ombara ya pura ai tja: “Mbara oserekaze Ester, mo hepa ombatero ya tjike? Ndji raera otjiṋa tji movanga, nami me ku pe, nangarire kutja orumbembera rumwe rwouhona wandje.”
4 Ester wa zira a tja: “Tji mape tjata komuhona ombara ami me ningire kutja ove na Haman mu rire ovaṋangwa vandje ngurova komukandi ami mbu me ṱunine eṋe.”
5 Ombara ya rakiza Haman e ye tjimanga, kokutja ve rire ovaṋangwa va Ester. Ombara otji ya ya puna Haman komukandi wa Ester. 6 Nu ngunda amave nu omavinu, ombara otji ya pura Ester ai tja: “Ndji raera otjiṋa tji movanga, nami me ku pe atjihe tji mo ningire, nangarire orumbembera rumwe rwouhona wandje.”
7 Ester wa zira a tja: 8 “Omuhona ombara tje notjari okundjipa ihi tji me ningire, ami me ku ṋanga puna Haman muhuka komukandi warwe mbu me mu ṱunine. Moruveze ndo otji me ku raere imbi ami mbi me vanga.”
Haman me ripura okuzepa Mordekai
9 Haman tja za pomukandi wa ri nondjoroka nenyando momutima. Nungwari eye wa muna Mordekai pomahitiro wondjuwo youhona, nu Mordekai tje ha sekamene nu tje ha raisire ondengero yorive Haman ngunda ama kapita, eye arire tja pindikire Mordekai tjinene. 10 Nungwari Haman we ritjaera omuini na yaruka koye. Eye wa ṋanga omapanga we koye, na ningire omukazendu we Seres kutja e ye puna wo. 11 Nu Haman we rihiva kuwo kutja wa tumba tjinene, nokutja u novanatje ovengi ovazandu, nokutja ombara ye mu yera kotjiungura tjokombanda, nokutja eye omunanḓengu tjinene povahongore ovakwao avehe vombara. 12 Haman wa hungira komurungu a tja: “Nangarire ombara oserekaze Ester wa tjitirire ombara na ami porwetu uriri omukandi, nu twa ṋangwa rukwao okuyenda ngo muhuka. 13 Nungwari kape na tjimwe tjoviṋa mbi tji tji ri otjinanḓengu ku ami, ngunda ame munu Omujuda Mordekai a haama pomahitiro wondjuwo youhona.”
14 Omukazendu we Seres nomapanga we aehe otji va tja nai: “Okutjavi tji u hi nokuzika omuti wokuturika ko ovandu mbu noure wozometa omirongo vivari na mbari? Muhuka omunene ningira kombara kutja Mordekai a turikwe ku wo. Tjazumba otji mo yenene okuyenda komukandi nondjoroka.”
Haman we ripura kutja indji ondji ri ondunge osemba, notja zika omuti wokuturika ko ovandu.
Ester ma ṋanga ombara na Haman komukandi
1 Meyuva oritjatatu rokuritjaera kwe kovikurya, Ester wa zara ozombanda ze zombara oserekaze na kakurama morupanda rwomoukoto wondjuwo youhona ama tara ketuwo rotjihavero tjouhona. Ombara ya ri metuwo ndo aya haama kotjihavero tjouhona nu amai tara komahitiro. 2 Ombara ya muna ombara oserekaze Ester a kurama pendje, nu Ester arire tja munu ondjingonekero komurungu wombara, nombara ye mu ropororera okati kayo kouhona. Nu Ester weya na ṱunu kohonga yako. 3 Ombara ya pura ai tja: “Mbara oserekaze Ester, mo hepa ombatero ya tjike? Ndji raera otjiṋa tji movanga, nami me ku pe, nangarire kutja orumbembera rumwe rwouhona wandje.”
4 Ester wa zira a tja: “Tji mape tjata komuhona ombara ami me ningire kutja ove na Haman mu rire ovaṋangwa vandje ngurova komukandi ami mbu me ṱunine eṋe.”
5 Ombara ya rakiza Haman e ye tjimanga, kokutja ve rire ovaṋangwa va Ester. Ombara otji ya ya puna Haman komukandi wa Ester. 6 Nu ngunda amave nu omavinu, ombara otji ya pura Ester ai tja: “Ndji raera otjiṋa tji movanga, nami me ku pe atjihe tji mo ningire, nangarire orumbembera rumwe rwouhona wandje.”
7 Ester wa zira a tja: 8 “Omuhona ombara tje notjari okundjipa ihi tji me ningire, ami me ku ṋanga puna Haman muhuka komukandi warwe mbu me mu ṱunine. Moruveze ndo otji me ku raere imbi ami mbi me vanga.”
Haman me ripura okuzepa Mordekai
9 Haman tja za pomukandi wa ri nondjoroka nenyando momutima. Nungwari eye wa muna Mordekai pomahitiro wondjuwo youhona, nu Mordekai tje ha sekamene nu tje ha raisire ondengero yorive Haman ngunda ama kapita, eye arire tja pindikire Mordekai tjinene. 10 Nungwari Haman we ritjaera omuini na yaruka koye. Eye wa ṋanga omapanga we koye, na ningire omukazendu we Seres kutja e ye puna wo. 11 Nu Haman we rihiva kuwo kutja wa tumba tjinene, nokutja u novanatje ovengi ovazandu, nokutja ombara ye mu yera kotjiungura tjokombanda, nokutja eye omunanḓengu tjinene povahongore ovakwao avehe vombara. 12 Haman wa hungira komurungu a tja: “Nangarire ombara oserekaze Ester wa tjitirire ombara na ami porwetu uriri omukandi, nu twa ṋangwa rukwao okuyenda ngo muhuka. 13 Nungwari kape na tjimwe tjoviṋa mbi tji tji ri otjinanḓengu ku ami, ngunda ame munu Omujuda Mordekai a haama pomahitiro wondjuwo youhona.”
14 Omukazendu we Seres nomapanga we aehe otji va tja nai: “Okutjavi tji u hi nokuzika omuti wokuturika ko ovandu mbu noure wozometa omirongo vivari na mbari? Muhuka omunene ningira kombara kutja Mordekai a turikwe ku wo. Tjazumba otji mo yenene okuyenda komukandi nondjoroka.”
Haman we ripura kutja indji ondji ri ondunge osemba, notja zika omuti wokuturika ko ovandu.
