Okuhupa otja ovandu vondjerera
1 Eṋe tjinga amu ri ovanatje ovasuverwa va Ndjambi, kondjeye okuhorera ku ye. 2 Ongarero yeṋu ngai rire oyorusuvero otja Kristus tje tu suverere notja tja yandjere eṱe omuinyo we otja otjiyandjewa tjombunguhiro ndji tjata ku Ndjambi.
3 Nu tjinga amu ri otjiwaṋa tja Ndjambi, ombakirasaneno nouhakohoke nomunenetima au ha tamunwa mokati keṋu. 4 Omatuka nomambo omavi nomanyando ohunga nomararero wapamwe aye zuvaka mu eṋe; tjinene itjeye okuhepa ku Ndjambi. 5 Nu tjiweye nawa kutja ingwi ngu ri omuvakire nowombonḓi nu ngu nomunenetima (omunenetima owo omerikotameneno kovisenginina) kamaa pewa otjirumatwa mouhona wa Kristus na Ndjambi.
6 Ape ningi omundu ngu me mu pukisa nomambo wounongo, orondu mena roviṋa avihe mbi omazenge wa Ndjambi maye ya kombanda ya imba mbe hi nonḓuviro ku ye. 7 Otji mu hi nokusokuwana novandu otja imba. 8 Rukuru eṋe oveni mwa ri monḓorera, nungwari tjinga amwa rira otjiwaṋa tja Muhona, nambano mu ri mondjerera. Otji mamu sokukara otja ovandu vondjerera. 9 Mondjerera omu mu za oviṋa ngamwa avihe vyouwa nousemba nouatjiri, 10 nu aruhe kondjeye okutjiwa imbi Muhona mbi ma vanga kutja mu tjite. 11 Amu kara norupa moviungura vyomungandjo vyonḓorera, nungwari vi eteye kondjerera. 12 Nu oko ohoṋi nangarire ingwi okuhungira oviṋa owo mbi ve tjita mongumumu. 13 Navihe vi hororwa ondjerera tji ya wire ko. 14 Atjihe tji tja horoka ongahukiro matji rire ondjerera. Eimburiro opu mari zu okutja:
“Yanḓimuka, munazomboṱu,
nu u penduke movakoke;
nu Kristus ma yerisa ondjerera
kombanda yoye.”
15 Ṱakamiseye kutja mamu kara nongarero ndja sana pi. Amu kara otja ovandu mbe hi nozondunge, nungwari kareye otja ovanazondunge. 16 Ungurireye oruveze ndu mu na ro okutjita ousemba, tjinga atu ri momayuva omavi. 17 Opu mu ha sokurira omayova, nungwari kondjeye okutjiwa imbi Muhona mbi ma vanga kutja mu tjite.
18 Amu ripurukisa nomanuwa omazeu, orondu owo maye mu nyono uriri; nungwari Ombepo Ondjapuke nga i hupe mu eṋe. 19 Imburirasaneye omapsalme nomaimburiro nomatangero omayapuke; imburireye Muhona nomutima auhe. 20 Ndjambi Tate aruhe ngamu mu tjere okuhepa koviṋa avihe mena ra Muhona wetu Jesus Kristus.
Ovakazendu novarumendu
21 Auhe nge riwiseye kehi yomukwao mondira ku Kristus. 22 Vakazendu, mbu mwa kupwa, riwise kehi yovarumendu veṋu otja tjinga amu riwisa kehi ya Muhona. 23 Orondu omurumendu eye otjiuru tjomukazendu otja Kristus tjinga e ri otjiuru tjombongo; Kristus omuini eye onguri omuyame wovandu mbe ri mombongo, ndji ri orutu rwe. 24 Notja ombongo punga ai riwisa kehi ya Kristus, ovakazendu wina opunga ave sokuriwisa kehi yovarumendu vawo moviṋa avihe.
25 Varumendu mbu mwa kupa, suvereye ovakazendu veṋu otja Kristus punga a suverere ombongo ne riyandjere yo omuinyo we. 26 Eye wa tjita nai kutja a yapurire Ndjambi ombongo, indu tja za nokuikohorora nembo nomeva wombapitisimo, 27 kokutja e i zikamisire ye omuini mongeṋangeṋeno yayo aihe, nokuhineṋi nomawonya noviṋa ohamukwao na imbyo, nungwari i kare ondjapuke nokuhinatjipo. 28 Momuhingo tjingewo ovarumendu mba kupa ve sokusuvera ovakazendu vawo otja tjinga ava suvera otutu twawo oveni. Omurumendu ngwa suvera omukazendu we we risuvera omuini. 29 Nu kape nomundu ngwa tondere orutu rwe omuini. Nungwari eye u ru parura ne ru hungu otja Kristus tjinga e tjita kombongo ye, 30 eṱe tjinga atu ri ouṋepo worutu rwe. 31 Nomatjangwa maye tja: “Omurumendu opu ma zu okuisa ihe na ina na kakakatera komukazendu we, nu aveyevari mave rire onyama imwe.” 32 Momatjangwa nga mu na omahorekero omanene; nami me hee Kristus nombongo ye. 33 Nungwari ihi wina otjinanḓengu ku eṋe: Omurumendu auhe ngwa kupa nga suvere omukazendu we otja tje risuvera omuini, nomukazendu auhe ngwa kupwa nga yozike omurumendu we.
Okuhupa otja ovandu vondjerera
1 Eṋe tjinga amu ri ovanatje ovasuverwa va Ndjambi, kondjeye okuhorera ku ye. 2 Ongarero yeṋu ngai rire oyorusuvero otja Kristus tje tu suverere notja tja yandjere eṱe omuinyo we otja otjiyandjewa tjombunguhiro ndji tjata ku Ndjambi.
3 Nu tjinga amu ri otjiwaṋa tja Ndjambi, ombakirasaneno nouhakohoke nomunenetima au ha tamunwa mokati keṋu. 4 Omatuka nomambo omavi nomanyando ohunga nomararero wapamwe aye zuvaka mu eṋe; tjinene itjeye okuhepa ku Ndjambi. 5 Nu tjiweye nawa kutja ingwi ngu ri omuvakire nowombonḓi nu ngu nomunenetima (omunenetima owo omerikotameneno kovisenginina) kamaa pewa otjirumatwa mouhona wa Kristus na Ndjambi.
6 Ape ningi omundu ngu me mu pukisa nomambo wounongo, orondu mena roviṋa avihe mbi omazenge wa Ndjambi maye ya kombanda ya imba mbe hi nonḓuviro ku ye. 7 Otji mu hi nokusokuwana novandu otja imba. 8 Rukuru eṋe oveni mwa ri monḓorera, nungwari tjinga amwa rira otjiwaṋa tja Muhona, nambano mu ri mondjerera. Otji mamu sokukara otja ovandu vondjerera. 9 Mondjerera omu mu za oviṋa ngamwa avihe vyouwa nousemba nouatjiri, 10 nu aruhe kondjeye okutjiwa imbi Muhona mbi ma vanga kutja mu tjite. 11 Amu kara norupa moviungura vyomungandjo vyonḓorera, nungwari vi eteye kondjerera. 12 Nu oko ohoṋi nangarire ingwi okuhungira oviṋa owo mbi ve tjita mongumumu. 13 Navihe vi hororwa ondjerera tji ya wire ko. 14 Atjihe tji tja horoka ongahukiro matji rire ondjerera. Eimburiro opu mari zu okutja:
“Yanḓimuka, munazomboṱu,
nu u penduke movakoke;
nu Kristus ma yerisa ondjerera
kombanda yoye.”
15 Ṱakamiseye kutja mamu kara nongarero ndja sana pi. Amu kara otja ovandu mbe hi nozondunge, nungwari kareye otja ovanazondunge. 16 Ungurireye oruveze ndu mu na ro okutjita ousemba, tjinga atu ri momayuva omavi. 17 Opu mu ha sokurira omayova, nungwari kondjeye okutjiwa imbi Muhona mbi ma vanga kutja mu tjite.
18 Amu ripurukisa nomanuwa omazeu, orondu owo maye mu nyono uriri; nungwari Ombepo Ondjapuke nga i hupe mu eṋe. 19 Imburirasaneye omapsalme nomaimburiro nomatangero omayapuke; imburireye Muhona nomutima auhe. 20 Ndjambi Tate aruhe ngamu mu tjere okuhepa koviṋa avihe mena ra Muhona wetu Jesus Kristus.
Ovakazendu novarumendu
21 Auhe nge riwiseye kehi yomukwao mondira ku Kristus. 22 Vakazendu, mbu mwa kupwa, riwise kehi yovarumendu veṋu otja tjinga amu riwisa kehi ya Muhona. 23 Orondu omurumendu eye otjiuru tjomukazendu otja Kristus tjinga e ri otjiuru tjombongo; Kristus omuini eye onguri omuyame wovandu mbe ri mombongo, ndji ri orutu rwe. 24 Notja ombongo punga ai riwisa kehi ya Kristus, ovakazendu wina opunga ave sokuriwisa kehi yovarumendu vawo moviṋa avihe.
25 Varumendu mbu mwa kupa, suvereye ovakazendu veṋu otja Kristus punga a suverere ombongo ne riyandjere yo omuinyo we. 26 Eye wa tjita nai kutja a yapurire Ndjambi ombongo, indu tja za nokuikohorora nembo nomeva wombapitisimo, 27 kokutja e i zikamisire ye omuini mongeṋangeṋeno yayo aihe, nokuhineṋi nomawonya noviṋa ohamukwao na imbyo, nungwari i kare ondjapuke nokuhinatjipo. 28 Momuhingo tjingewo ovarumendu mba kupa ve sokusuvera ovakazendu vawo otja tjinga ava suvera otutu twawo oveni. Omurumendu ngwa suvera omukazendu we we risuvera omuini. 29 Nu kape nomundu ngwa tondere orutu rwe omuini. Nungwari eye u ru parura ne ru hungu otja Kristus tjinga e tjita kombongo ye, 30 eṱe tjinga atu ri ouṋepo worutu rwe. 31 Nomatjangwa maye tja: “Omurumendu opu ma zu okuisa ihe na ina na kakakatera komukazendu we, nu aveyevari mave rire onyama imwe.” 32 Momatjangwa nga mu na omahorekero omanene; nami me hee Kristus nombongo ye. 33 Nungwari ihi wina otjinanḓengu ku eṋe: Omurumendu auhe ngwa kupa nga suvere omukazendu we otja tje risuvera omuini, nomukazendu auhe ngwa kupwa nga yozike omurumendu we.
