1 Tjazumba arire tji mba munu rukwao inga omaṋiṋikiziro aehe nge tjitwa mouye mbwi. Tara, imba ovaṋiṋikiziwa ve ṱoruhoze, nungwari owo kave na ngu meve yarura omitima pehi, imba ovaṋiṋikize vawo tjinga e ri mbe nouvara, nu tjinga ape hi na ngu meve yama. 2 Ami otji me tanga ovaṱi mba koka rukuru; owo ombe ri ovaṋingandu pu imba mbe nomuinyo nga mba. 3 Nungwari omuṋingandu tjinene pu wo aveyevari eye ngwi ingee ngu hiya kwatwa, nu ngu hi na wa mwine ouhasemba mbu tjitwa mouye.
4 Ami wina mba muna kutja ongondjero aihe noviungura avihe vyovandu vi za mokuṱasana eruru. Nungwari imbi omungandjo; kwa sana nokurambera ombepo uriri. 5 Owo ve tja omundu eyova u nyuta omake we, nu e ritarere ama ṱondjara. 6 Okokuwa okukara noviṋa oviṱiṱi meke rimwe au nohange komeho yokukara nomake ayeyevari nge ura nozongondjero, nu tjandje okwo okurambera ombepo uriri.
7 Norukwao ami mba muna otjiṋa tjarwe tji tjiri omungandjo mouye mbwi: 8 Pe nomundu ngwa tura erike ṱii. Eye ke nomuatje nu ke nomuzamumwe, nungwari kongondjero yoviungura vye kaku nondjandero, nomeho we kaye kovisiwa i outumbe. Nungwari hapo eye u ungurira uṋe nouzeu nai, tje rikaerisa evyaro arihe? Imbi avihe omungandjo uriri, nu oviṋa vyoposyo.
9 Okokuwa tji mu ri mu vevari komeho yokurira umwe ṱii, orondu ovandu vevari ve nondjambi ombwa mongondjero yoviungura vyawo. 10 Orondu umwe tja u, omukwao me mu yeura; nungwari omundu tje ri erike na u, owee ku ye, tjinga ape hi na warwe ngu me mu vatere. 11 Rukwao, ovandu vevari tji va rara pamwe, mave pasana oupyu; nungwari omundu tja rara erike ma sora vi okumuna oupyu? 12 Nomundu worive tja rwisa umwe wawo, aveyevari mave sora okumupirukira; nongoze ndja mangwa pozongoze ndatu kamaai porwa oupupu.
13 Okokuwa okurira omutanda omusyona, nungwari onongo, komurungu wokurira ombara ongururume, nungwari eyova, nu ndji ha vanga okurongwa. 14 Ingwi omutanda ngwa piti motjovakamburwa rumwe ma karira ombara, nandarire kutja wa kwatwa omusyona mouhona eye mbu maa kahonaparera. 15 Ami mba muna kutja imba ovanamuinyo avehe mbe ryanga mouye auhe va ri komukuma womuzandu omutanda ngwi ngwa rira omupingene wombara. 16 Kapa ri ondjandero kotjivaro tjovandu avehe ombara mbu ya honaparera. Nungwari oyo tji ya zu po, inḓa ozondekurona tjandje kaze nohange noviungura vyayo. Wina avihe mbi omungandjo, nu okurambera ombepo uriri.
1 Tjazumba arire tji mba munu rukwao inga omaṋiṋikiziro aehe nge tjitwa mouye mbwi. Tara, imba ovaṋiṋikiziwa ve ṱoruhoze, nungwari owo kave na ngu meve yarura omitima pehi, imba ovaṋiṋikize vawo tjinga e ri mbe nouvara, nu tjinga ape hi na ngu meve yama. 2 Ami otji me tanga ovaṱi mba koka rukuru; owo ombe ri ovaṋingandu pu imba mbe nomuinyo nga mba. 3 Nungwari omuṋingandu tjinene pu wo aveyevari eye ngwi ingee ngu hiya kwatwa, nu ngu hi na wa mwine ouhasemba mbu tjitwa mouye.
4 Ami wina mba muna kutja ongondjero aihe noviungura avihe vyovandu vi za mokuṱasana eruru. Nungwari imbi omungandjo; kwa sana nokurambera ombepo uriri. 5 Owo ve tja omundu eyova u nyuta omake we, nu e ritarere ama ṱondjara. 6 Okokuwa okukara noviṋa oviṱiṱi meke rimwe au nohange komeho yokukara nomake ayeyevari nge ura nozongondjero, nu tjandje okwo okurambera ombepo uriri.
7 Norukwao ami mba muna otjiṋa tjarwe tji tjiri omungandjo mouye mbwi: 8 Pe nomundu ngwa tura erike ṱii. Eye ke nomuatje nu ke nomuzamumwe, nungwari kongondjero yoviungura vye kaku nondjandero, nomeho we kaye kovisiwa i outumbe. Nungwari hapo eye u ungurira uṋe nouzeu nai, tje rikaerisa evyaro arihe? Imbi avihe omungandjo uriri, nu oviṋa vyoposyo.
9 Okokuwa tji mu ri mu vevari komeho yokurira umwe ṱii, orondu ovandu vevari ve nondjambi ombwa mongondjero yoviungura vyawo. 10 Orondu umwe tja u, omukwao me mu yeura; nungwari omundu tje ri erike na u, owee ku ye, tjinga ape hi na warwe ngu me mu vatere. 11 Rukwao, ovandu vevari tji va rara pamwe, mave pasana oupyu; nungwari omundu tja rara erike ma sora vi okumuna oupyu? 12 Nomundu worive tja rwisa umwe wawo, aveyevari mave sora okumupirukira; nongoze ndja mangwa pozongoze ndatu kamaai porwa oupupu.
13 Okokuwa okurira omutanda omusyona, nungwari onongo, komurungu wokurira ombara ongururume, nungwari eyova, nu ndji ha vanga okurongwa. 14 Ingwi omutanda ngwa piti motjovakamburwa rumwe ma karira ombara, nandarire kutja wa kwatwa omusyona mouhona eye mbu maa kahonaparera. 15 Ami mba muna kutja imba ovanamuinyo avehe mbe ryanga mouye auhe va ri komukuma womuzandu omutanda ngwi ngwa rira omupingene wombara. 16 Kapa ri ondjandero kotjivaro tjovandu avehe ombara mbu ya honaparera. Nungwari oyo tji ya zu po, inḓa ozondekurona tjandje kaze nohange noviungura vyayo. Wina avihe mbi omungandjo, nu okurambera ombepo uriri.
