1 Ozonḓe nḓa koka ze worisa naze zunḓa omaze omavawa monya; nouyova ouṱiṱi u nomasa pounongo na pondjozikiro.
2 Omutima wonongo u mu twara kousemba, nu imbwi weyova u mu twara kombandjarero. 3 Nandarire eyova tji mari kayenda mondjira ri raisa kutja kari nozondunge; ri tjivisa kovandu avehe kutja oro eyova.
4 Omuhona woye tje ku pindikire, o isa oviungura vyoye; orondu ozondataiziro ozonene ze isirwa tji wa porimana.
5 Pe nouvi mbu mba muna mouye, ondataiziro ndji tjitwa i ovanauvara: 6 Ovandu omayova ve zikwa motuveze otunanḓengu twounane, imba ovatumbe ngunda ave tuwa motuveze twokehi. 7 Ami mba muna ovakarere mbaa ve kavire oukambe, ozohivirikwa ngunda aaze ka wondja pehi otja ovakarere.
8 Ngu ma se otjitoto ma wire mu tjo; nu ingwi ngu ma haṋa orumbo ma rumatwa i onyoka. 9 Ngu ma teya omawe ma hihamisiwa i wo; ngu ma ke ozonguṋe ma yenene okumuna otjipo. 10 Ekuva roye tji ri ri eṱi, nove tji u hi nokuriupika, mo ungura nomasa tjinene komeho; nungwari okutenga okuripura oko ounongo. 11 Onyoka tji ya rumata ngunda ai hiya worerwa, inga omaworero kaye nombatero. 12 Omambo nge hungirwa i omundu onongo ye mu etera otjari, nungwari omundu eyova u nyonwa i omambo we omuini. 13 Eye u uta okuhungira omambo wouyova na kayanda ama hungire omambo wovizeze. 14 Eyova ri nyomborora tjinene; kape na ngu tjiwa kutja mape katjitwa tjike moruveze ndu maru ya; nu kape na ngu ma serekarerere indi eyova imbi mbi mavi katjitwa kombunda yonḓiro yaro.
15 Ovandu omayova ve muna oviungura ovizeu mbi ve putauza; ingwi ngu hi nokutjiwa ondjira kamaa sora okuyenda kotjihuro.
16 O wee kove, hi, tji u nombara ndji ri otja okanatje, nu tji u nozohivirikwa nḓe tjita omikandi omuhuka omunene! 17 Omuṋingandu ove, hi, tji mo kara nombara oingona, nu tji u nozohivirikwa nḓe rya omariro wawo moruveze orusemba kutja ve hare omasa, nokutja ave he ripurukisa oveni nomavinu.
18 Omundu tje notjirweyo tjinene okuṱuna omututu wondjuwo ye, owo mau roko nu ondjuwo mai wire.
19 Omikandi vi tjitirwa ombyarero, omavinu owo omayorokise wehupiro, nu ovimariva ombi eta oviṋa mbi avihe.
20 O sengi ombara nangarire momeripuriro woye, nu o yamba ko omutumbe nangarire tji u ri metuwo roye romara, tjapo ozonḓera zeyuru ngaaze twara ombuze, naze karaera ovandu imbi ove mbi wa hungire.
1 Ozonḓe nḓa koka ze worisa naze zunḓa omaze omavawa monya; nouyova ouṱiṱi u nomasa pounongo na pondjozikiro.
2 Omutima wonongo u mu twara kousemba, nu imbwi weyova u mu twara kombandjarero. 3 Nandarire eyova tji mari kayenda mondjira ri raisa kutja kari nozondunge; ri tjivisa kovandu avehe kutja oro eyova.
4 Omuhona woye tje ku pindikire, o isa oviungura vyoye; orondu ozondataiziro ozonene ze isirwa tji wa porimana.
5 Pe nouvi mbu mba muna mouye, ondataiziro ndji tjitwa i ovanauvara: 6 Ovandu omayova ve zikwa motuveze otunanḓengu twounane, imba ovatumbe ngunda ave tuwa motuveze twokehi. 7 Ami mba muna ovakarere mbaa ve kavire oukambe, ozohivirikwa ngunda aaze ka wondja pehi otja ovakarere.
8 Ngu ma se otjitoto ma wire mu tjo; nu ingwi ngu ma haṋa orumbo ma rumatwa i onyoka. 9 Ngu ma teya omawe ma hihamisiwa i wo; ngu ma ke ozonguṋe ma yenene okumuna otjipo. 10 Ekuva roye tji ri ri eṱi, nove tji u hi nokuriupika, mo ungura nomasa tjinene komeho; nungwari okutenga okuripura oko ounongo. 11 Onyoka tji ya rumata ngunda ai hiya worerwa, inga omaworero kaye nombatero. 12 Omambo nge hungirwa i omundu onongo ye mu etera otjari, nungwari omundu eyova u nyonwa i omambo we omuini. 13 Eye u uta okuhungira omambo wouyova na kayanda ama hungire omambo wovizeze. 14 Eyova ri nyomborora tjinene; kape na ngu tjiwa kutja mape katjitwa tjike moruveze ndu maru ya; nu kape na ngu ma serekarerere indi eyova imbi mbi mavi katjitwa kombunda yonḓiro yaro.
15 Ovandu omayova ve muna oviungura ovizeu mbi ve putauza; ingwi ngu hi nokutjiwa ondjira kamaa sora okuyenda kotjihuro.
16 O wee kove, hi, tji u nombara ndji ri otja okanatje, nu tji u nozohivirikwa nḓe tjita omikandi omuhuka omunene! 17 Omuṋingandu ove, hi, tji mo kara nombara oingona, nu tji u nozohivirikwa nḓe rya omariro wawo moruveze orusemba kutja ve hare omasa, nokutja ave he ripurukisa oveni nomavinu.
18 Omundu tje notjirweyo tjinene okuṱuna omututu wondjuwo ye, owo mau roko nu ondjuwo mai wire.
19 Omikandi vi tjitirwa ombyarero, omavinu owo omayorokise wehupiro, nu ovimariva ombi eta oviṋa mbi avihe.
20 O sengi ombara nangarire momeripuriro woye, nu o yamba ko omutumbe nangarire tji u ri metuwo roye romara, tjapo ozonḓera zeyuru ngaaze twara ombuze, naze karaera ovandu imbi ove mbi wa hungire.
