Avihe omungandjo
1 Inga owo omambo wOmuzuvarise, omuna wa David, ngwa ri ombara mOjerusalem.
2 Avihe omungandjo, omungandjo, Omuzuvarise ma tja nao. Avihe omungandjo, avihe mbi omungandjo! 3 Hapo omundu ma munine po ondjambi yatjike moviungura vye na mongondjero ye aihe yeyuva arihe? 4 Omuhoko u ya na u kapita, nomukwao warwe au ya, nungwari ouye owo u kara omuano umwe uriri. 5 Eyuva ri tja, nari toko, nu tjazumba ari hakahana okuyaruka koṋa ku ri pitira. 6 Ombepo i hinga keyuva kokumuho, nai tanaukire keyuva kokunene amai yende amai tanauka, nai yaruka amai rikondoroka. 7 Ozonḓonḓu azehe ze kahita mokuvare, nungwari oko kaku ura; omeva ye yaruka koṋa ozonḓonḓu ku ze utira, narire tji ya kauta okupupa rukwao. 8 Oviṋa avihe ovikendise, ovikendise tjinene nga omundu tje hi nokusora okuviserekarera. Omeho wetu kamaaye munu okuyenena nga tji ya kowa; nomatwi wetu kamaaye zuu okuyenena nga tji ya pama. 9 Mbya ri po mavi kara po rukwao; mbya tjitirwe mavi tjitwa rukwao; kape notjiṋa otjipe mouye auhe. 10 Hapo pe notjiṋa tjorive omundu tji ma tja tara, ihi otjipe! Otjo tjandje tja ri po rukuru, eṱe ngunda atu hiya kwatwa. 11 Kape nomundu ngu zemburuka imbi mbya tjitirwe moruveze ndwa kapita; nu kape nomundu momayuva wokomurungu ngu maa kazemburuka imbi mbi mavi tjitwa nambano.
Okukondjera ounongo okwo omungandjo
12 Ami, Omuzuvarise, mba ri ombara ya Israel mOjerusalem. 13 Nombatero younongo ami mba kondja okukonḓonona nokurihonga avihe mbi tjitwa mouye mbwi.
Indji oyo ongondjero onḓeu Ndjambi ndja yandja kovandu okukondja na yo. 14 Ami mba muna otjiṋa ngamwa atjihe tji tji tjitwa mouye mbwi, nu tara, avihe ovyo omungandjo, nu ku ri tjimuna okurora okurambera ombepo. 15 Tji tjiri otjinauvi kamaatji ririsiwa otjisemba, nu tji tji he ri po kamaatji yenene okuvarwa.
16 Ami mbe ripura e tja: “Tara, ami mba hara ounongo ounene pu avehe mba honaparere mOjerusalem komurungu wandje; nomutima wandje wa hara ounongo ouingi nondjiviro onyingi.”
17 Ami otji mbe ripura okurihonga ombangu pokati kondjiviro nounongo na pokati kouyova nokuhinozondunge. Nungwari arire tji mba munu kutja ingwi wina oko okurora okurambera ombepo uriri. 18 Tjiri, tji una ounongo tjinene u kara nongurunguse tjinene, nu tji una ondjiviro tjinene u ryamisira ko oruhoze.
Avihe omungandjo
1 Inga owo omambo wOmuzuvarise, omuna wa David, ngwa ri ombara mOjerusalem.
2 Avihe omungandjo, omungandjo, Omuzuvarise ma tja nao. Avihe omungandjo, avihe mbi omungandjo! 3 Hapo omundu ma munine po ondjambi yatjike moviungura vye na mongondjero ye aihe yeyuva arihe? 4 Omuhoko u ya na u kapita, nomukwao warwe au ya, nungwari ouye owo u kara omuano umwe uriri. 5 Eyuva ri tja, nari toko, nu tjazumba ari hakahana okuyaruka koṋa ku ri pitira. 6 Ombepo i hinga keyuva kokumuho, nai tanaukire keyuva kokunene amai yende amai tanauka, nai yaruka amai rikondoroka. 7 Ozonḓonḓu azehe ze kahita mokuvare, nungwari oko kaku ura; omeva ye yaruka koṋa ozonḓonḓu ku ze utira, narire tji ya kauta okupupa rukwao. 8 Oviṋa avihe ovikendise, ovikendise tjinene nga omundu tje hi nokusora okuviserekarera. Omeho wetu kamaaye munu okuyenena nga tji ya kowa; nomatwi wetu kamaaye zuu okuyenena nga tji ya pama. 9 Mbya ri po mavi kara po rukwao; mbya tjitirwe mavi tjitwa rukwao; kape notjiṋa otjipe mouye auhe. 10 Hapo pe notjiṋa tjorive omundu tji ma tja tara, ihi otjipe! Otjo tjandje tja ri po rukuru, eṱe ngunda atu hiya kwatwa. 11 Kape nomundu ngu zemburuka imbi mbya tjitirwe moruveze ndwa kapita; nu kape nomundu momayuva wokomurungu ngu maa kazemburuka imbi mbi mavi tjitwa nambano.
Okukondjera ounongo okwo omungandjo
12 Ami, Omuzuvarise, mba ri ombara ya Israel mOjerusalem. 13 Nombatero younongo ami mba kondja okukonḓonona nokurihonga avihe mbi tjitwa mouye mbwi.
Indji oyo ongondjero onḓeu Ndjambi ndja yandja kovandu okukondja na yo. 14 Ami mba muna otjiṋa ngamwa atjihe tji tji tjitwa mouye mbwi, nu tara, avihe ovyo omungandjo, nu ku ri tjimuna okurora okurambera ombepo. 15 Tji tjiri otjinauvi kamaatji ririsiwa otjisemba, nu tji tji he ri po kamaatji yenene okuvarwa.
16 Ami mbe ripura e tja: “Tara, ami mba hara ounongo ounene pu avehe mba honaparere mOjerusalem komurungu wandje; nomutima wandje wa hara ounongo ouingi nondjiviro onyingi.”
17 Ami otji mbe ripura okurihonga ombangu pokati kondjiviro nounongo na pokati kouyova nokuhinozondunge. Nungwari arire tji mba munu kutja ingwi wina oko okurora okurambera ombepo uriri. 18 Tjiri, tji una ounongo tjinene u kara nongurunguse tjinene, nu tji una ondjiviro tjinene u ryamisira ko oruhoze.
