1 “Tji wa munu ongombe poo onyanda yOmuisrael omukweṋu aya pandjara, i ṱakamisa nu i yarura komukweṋu. 2 Nungwari ingwi omuini wayo tja tura kokure na ove poo tji u hi nakumutjiwa, i twara konganda yoye. Nomuini wayo tje ya okuipaha, mu pa. 3 Tjita nao wina kokasino ke, na kombanda ye, na ku ngamwa atjihe omukweṋu tja pandjarisa; nu tji we vi munu, o panḓa okuviyarura.
4 “Okasino poo ongombe yOmuisrael omukweṋu tji ya wotamene mondjira, o panḓa okumuvatera okuiyeura.
5 “Omukazendu ke nakusokuzara ozombanda zovarumendu, nomurumendu ke nakusokuzara inḓa zovakazendu; Muhona, Ndjambi woye, tjinga e yaukisiwa i auhe ngu tjita nao.
6 “Momaryangero woye tji wa munu otjiruwo tjonḓera tji tji ri komuti poo pehi, mu mu nouzerona poo omai, ngunda oina aya haama kouzerona poo komai, ko nakusokutoora oina puna ouzerona. 7 Oina yesa i tuke, nungwari imbwi ouzerona auyerike nga rire mbu wa toora kutja ove u kare nombwiro nomuinyo orure kombanda yehi.
8 “Tji mo tungu ondjuwo ombe, o zembi okutwa ko otjiriṱiziro komututu, kutja o ha tura ondjo, tji pe nomundu ngwa wire pehi.
9 “Ko nakukuna ko ozondwi mbari, omihoko pekepeke, motjikunino tjoye tjomivite; tji wa tjiti nao, imbi ovinikorwa avihe mavi rire ovyotjouyapuke; nangarire ovikunwa nangarire omandjembere womivite.
10 “Ko nakutaura ehi awa kutire onduwombe nokasino pamwe.
11 “Ko nakuzara ko ombanda ndja wozewa pomainya nozosepa mumwe. 12 Mo sokuyatata ozosinga kovikoro vine vyombanda yoye, ndji u rikutjira.
Omatwako woukohoke morukupo
13 “Ngatu tje pe nomurumendu ngwa kupu omukazendu nu kombunda arire tje mu yara. 14 Eye otji me mu kuminine oviṋa ovivi nu vyoposyo, kutja ‘Ami tji mba za nokukupa omukazendu ngwi hi munine otjiraisiro tjousuko.’
15 “Tji pa tjitwa nao, ina na ihe yomukazendu ngwi ngave toore ihi otjiraisiro tjousuko, nu ve tji tware kovanane votjihuro pombanguriro. 16 Ingwi ihe yomusuko nga tje nai kovanane: ‘Ami mba kupisa omuatje wandje komurumendu ngwi nu nambano otje mu yara. 17 Eye me mu kuminine oviṋa ovivi ama tja: “Ami hi munine otjiraisiro tjousuko momuatje woye.” Nungwari otjiraisiro tjousuko we otjo hi.’ Nowo ngave nyaturure indi erapi pa tjitira ousuko we, momurungu wovanane votjihuro. 18 Nu ovanane votjihuro hi ngave tone omurumendu ngwi. 19 Wina ngave mu sutise ovimariva ovisilveri esere rimwe nu ve vi yandje ku ihe yomukazendu, tjinga a ryangisira omusuko Omuisrael ombuze ombi. Komeho yanao, nga karerere omukazendu we, neye a ha yenene okumuesa ngunda e nomuinyo.
20 “Nungwari inga omakuminino tji ye ri ouatjiri kutja otjiraisiro tjousuko katji munikire komukazendu ngwi, 21 ngave tware omukazendu ngwi pomahitiro wondjuwo ya ihe, ovarumendu votjihuro pu mave kemuzepera nomawe, tjinga a tjita otjiṋa tjondjambu mOisrael mokurara puna omurumendu ngunda e hiya kupwa, nu ngunda a tura moya ihe. Komuhingo mbwi otji mo yandeke ouvi mbwi mokati keṋu.
22 “Omurumendu tja kamburwa pomukazendu ngwa kupwa, aveyevari ngave ṱe. Komuhingo mbwi otji mo yandeke ouvi mokati keṋu.
23 “Ngatu tje nai: Omurumendu wa kamburwa motjihuro pomusuko ngwa varekwa. 24 Ve twareye aveyevari kotjombanguriro motjihuro hi, mu kevezepe nomawe. Ingwi omusuko nga ṱe, mena rokutja ka kwire ombatero ngunda e ri motjihuro; nu ingwi omurumendu mena rokutja wa rara pomusuko ngwa varekwa i Omuisrael omukwao. Komuhingo mbwi otji mo yandeke ouvi mbwi mokati keṋu.
25 “Nungwari omurumendu tja tjerere omusuko ngwa varekwa mokuti, omurumendu erike nga rire ngwa ṱu; 26 nu ku ingwi omusuko aku tjitwa otjiṋa, eye tjinga e ha tjitire ouvi wokuṱa. Otjiṋa otja ihi tja sana na ihi tjomurumendu ngwa zepa omukwao. 27 Omurumendu wa tjerera omusuko omuvarekwa mokuti, nu nandarire kutja ingwi omusuko wa ura, kapa ri omundu ngwa sokumuvatera.
28 “Ngatu tje nai: Omurumendu wa kamburwa ama tjere omusuko ngu hiya varekwa. 29 Eye nga sute ovisilveri omirongo vitano ku ihe yomusuko, neye otji ma sokurira omukazendu we mena rokutja we mu tjera. Neye kamaa yenene okumuesa, ngunda e nomuinyo.
30 “Omuzandu ke nakusokurara povakazendu vaihe nokuyamburura ihe komuhingo mbwi.
1 “Tji wa munu ongombe poo onyanda yOmuisrael omukweṋu aya pandjara, i ṱakamisa nu i yarura komukweṋu. 2 Nungwari ingwi omuini wayo tja tura kokure na ove poo tji u hi nakumutjiwa, i twara konganda yoye. Nomuini wayo tje ya okuipaha, mu pa. 3 Tjita nao wina kokasino ke, na kombanda ye, na ku ngamwa atjihe omukweṋu tja pandjarisa; nu tji we vi munu, o panḓa okuviyarura.
4 “Okasino poo ongombe yOmuisrael omukweṋu tji ya wotamene mondjira, o panḓa okumuvatera okuiyeura.
5 “Omukazendu ke nakusokuzara ozombanda zovarumendu, nomurumendu ke nakusokuzara inḓa zovakazendu; Muhona, Ndjambi woye, tjinga e yaukisiwa i auhe ngu tjita nao.
6 “Momaryangero woye tji wa munu otjiruwo tjonḓera tji tji ri komuti poo pehi, mu mu nouzerona poo omai, ngunda oina aya haama kouzerona poo komai, ko nakusokutoora oina puna ouzerona. 7 Oina yesa i tuke, nungwari imbwi ouzerona auyerike nga rire mbu wa toora kutja ove u kare nombwiro nomuinyo orure kombanda yehi.
8 “Tji mo tungu ondjuwo ombe, o zembi okutwa ko otjiriṱiziro komututu, kutja o ha tura ondjo, tji pe nomundu ngwa wire pehi.
9 “Ko nakukuna ko ozondwi mbari, omihoko pekepeke, motjikunino tjoye tjomivite; tji wa tjiti nao, imbi ovinikorwa avihe mavi rire ovyotjouyapuke; nangarire ovikunwa nangarire omandjembere womivite.
10 “Ko nakutaura ehi awa kutire onduwombe nokasino pamwe.
11 “Ko nakuzara ko ombanda ndja wozewa pomainya nozosepa mumwe. 12 Mo sokuyatata ozosinga kovikoro vine vyombanda yoye, ndji u rikutjira.
Omatwako woukohoke morukupo
13 “Ngatu tje pe nomurumendu ngwa kupu omukazendu nu kombunda arire tje mu yara. 14 Eye otji me mu kuminine oviṋa ovivi nu vyoposyo, kutja ‘Ami tji mba za nokukupa omukazendu ngwi hi munine otjiraisiro tjousuko.’
15 “Tji pa tjitwa nao, ina na ihe yomukazendu ngwi ngave toore ihi otjiraisiro tjousuko, nu ve tji tware kovanane votjihuro pombanguriro. 16 Ingwi ihe yomusuko nga tje nai kovanane: ‘Ami mba kupisa omuatje wandje komurumendu ngwi nu nambano otje mu yara. 17 Eye me mu kuminine oviṋa ovivi ama tja: “Ami hi munine otjiraisiro tjousuko momuatje woye.” Nungwari otjiraisiro tjousuko we otjo hi.’ Nowo ngave nyaturure indi erapi pa tjitira ousuko we, momurungu wovanane votjihuro. 18 Nu ovanane votjihuro hi ngave tone omurumendu ngwi. 19 Wina ngave mu sutise ovimariva ovisilveri esere rimwe nu ve vi yandje ku ihe yomukazendu, tjinga a ryangisira omusuko Omuisrael ombuze ombi. Komeho yanao, nga karerere omukazendu we, neye a ha yenene okumuesa ngunda e nomuinyo.
20 “Nungwari inga omakuminino tji ye ri ouatjiri kutja otjiraisiro tjousuko katji munikire komukazendu ngwi, 21 ngave tware omukazendu ngwi pomahitiro wondjuwo ya ihe, ovarumendu votjihuro pu mave kemuzepera nomawe, tjinga a tjita otjiṋa tjondjambu mOisrael mokurara puna omurumendu ngunda e hiya kupwa, nu ngunda a tura moya ihe. Komuhingo mbwi otji mo yandeke ouvi mbwi mokati keṋu.
22 “Omurumendu tja kamburwa pomukazendu ngwa kupwa, aveyevari ngave ṱe. Komuhingo mbwi otji mo yandeke ouvi mokati keṋu.
23 “Ngatu tje nai: Omurumendu wa kamburwa motjihuro pomusuko ngwa varekwa. 24 Ve twareye aveyevari kotjombanguriro motjihuro hi, mu kevezepe nomawe. Ingwi omusuko nga ṱe, mena rokutja ka kwire ombatero ngunda e ri motjihuro; nu ingwi omurumendu mena rokutja wa rara pomusuko ngwa varekwa i Omuisrael omukwao. Komuhingo mbwi otji mo yandeke ouvi mbwi mokati keṋu.
25 “Nungwari omurumendu tja tjerere omusuko ngwa varekwa mokuti, omurumendu erike nga rire ngwa ṱu; 26 nu ku ingwi omusuko aku tjitwa otjiṋa, eye tjinga e ha tjitire ouvi wokuṱa. Otjiṋa otja ihi tja sana na ihi tjomurumendu ngwa zepa omukwao. 27 Omurumendu wa tjerera omusuko omuvarekwa mokuti, nu nandarire kutja ingwi omusuko wa ura, kapa ri omundu ngwa sokumuvatera.
28 “Ngatu tje nai: Omurumendu wa kamburwa ama tjere omusuko ngu hiya varekwa. 29 Eye nga sute ovisilveri omirongo vitano ku ihe yomusuko, neye otji ma sokurira omukazendu we mena rokutja we mu tjera. Neye kamaa yenene okumuesa, ngunda e nomuinyo.
30 “Omuzandu ke nakusokurara povakazendu vaihe nokuyamburura ihe komuhingo mbwi.
