1 Vahona, tjiteye ihi tji tji ri otjisemba nu tji tja pwira ovakarere veṋu. Zemburukeye kutja eṋe wina mu ri kehi youvara wa Muhona meyuru.
Omarongero
2 Panḓereye pongumbiro nu mu kare katumba tji mamu kumbu amamu tja okuhepa ku Ndjambi. 3 Nu wina tu kumbireye kokutja Ndjambi e tu pe oruveze oruwa okuzuvarisa Ombuze ya Kristus ndji mba haamena imwi motjovakamburwa. 4 Kumbeye kutja ami mbi sore okuhungira otja tji mbi sokuzuvarisa momuano omukahu. 5 Mongarero yeṋu ku imba mbe he ri ovakambure ritjindeye nounongo, nu aruhe unguriseye oruveze ndu mu na rwo. 6 Omambo weṋu aruhe ngaye rire omananyuṋe nomatjate; nu mu tjiwe okuyandja eziriro esemba komundu auhe.
Ozombinika
7 Tikikus, omukwetu omusuverwa, ngu ri omuungure omuṱakame nomukarere omukwetu motjiungura tja Muhona, me mu tjivisa avihe kutja pe ri vi na ami. 8 Ami opu me zokumuhinda ku eṋe kokutja e mu yarure pehi omitima tji me mu serekarerere kutja eṱe atuhe tu ri vi. 9 Nu Onesimus, omukwetu omusuverwa nomuṱakame, nu ngu ri oweṋu, meya puna ye. Owo mave yokumuraera avihe mbi tjitwa nguno.
10 Aristarkus ngu ri puna ami mba motjovakamburwa me mu minike; nu Markus, omuramwe wa Barnabas, wina me mu minike. Eṋe mwa raerwa rukuru kutja mu sekirise Markus tji meya ku eṋe. 11 Nu Jesus, wina ngu ku za Justus, me mu minike. Ovandu vetatu mba ombe ri Ovajuda mba porwe mbe ritanaurira koukriste nu mbe ungurira ouhona wa Ndjambi puna ami. Owo ve ndji tarareka omutima tjinene.
12 Epafras, omukweṋu nomukarere wa Kristus Jesus, me mu minike. Eye aruhe u mu kumbira tjinene kutja mu zikame nu mu rire ovapwe nu mu yenene mu avihe monḓuviro kombango ya Ndjambi. 13 Ami me mu hongononene kutja eye u ungurira eṋe tjinene novakambure va Laodisea nova Hirapolis wina. 14 Lukas, onganga yetu osuverwa, na Demas mave mu minike.
15 Minikeye ovakwetu tjinene mOlaodisea nomukazendu Nimfa nombongo ndji woronganena moye. 16 Tji mwa zu nokuresa orutuu ndwi, kondjeye kutja orwo wina ru kareserwe ombongo mOlaodisea, nu momuhingo tjingewo mamu rese orutuu ndwi ovakweṋu mOlaodisea ndu mave hindi ku eṋe. 17 Nu raereye Arkipus mu tje: “Ṱakama motjiungura tja Muhona nu u tji yenenise.”
18 Me tjanga neke randje omuini: Ozombinika, owami Paulus. Zemburukeye omapando wandje.
Otjari tja Ndjambi ngatji kare na eṋe.
1 Vahona, tjiteye ihi tji tji ri otjisemba nu tji tja pwira ovakarere veṋu. Zemburukeye kutja eṋe wina mu ri kehi youvara wa Muhona meyuru.
Omarongero
2 Panḓereye pongumbiro nu mu kare katumba tji mamu kumbu amamu tja okuhepa ku Ndjambi. 3 Nu wina tu kumbireye kokutja Ndjambi e tu pe oruveze oruwa okuzuvarisa Ombuze ya Kristus ndji mba haamena imwi motjovakamburwa. 4 Kumbeye kutja ami mbi sore okuhungira otja tji mbi sokuzuvarisa momuano omukahu. 5 Mongarero yeṋu ku imba mbe he ri ovakambure ritjindeye nounongo, nu aruhe unguriseye oruveze ndu mu na rwo. 6 Omambo weṋu aruhe ngaye rire omananyuṋe nomatjate; nu mu tjiwe okuyandja eziriro esemba komundu auhe.
Ozombinika
7 Tikikus, omukwetu omusuverwa, ngu ri omuungure omuṱakame nomukarere omukwetu motjiungura tja Muhona, me mu tjivisa avihe kutja pe ri vi na ami. 8 Ami opu me zokumuhinda ku eṋe kokutja e mu yarure pehi omitima tji me mu serekarerere kutja eṱe atuhe tu ri vi. 9 Nu Onesimus, omukwetu omusuverwa nomuṱakame, nu ngu ri oweṋu, meya puna ye. Owo mave yokumuraera avihe mbi tjitwa nguno.
10 Aristarkus ngu ri puna ami mba motjovakamburwa me mu minike; nu Markus, omuramwe wa Barnabas, wina me mu minike. Eṋe mwa raerwa rukuru kutja mu sekirise Markus tji meya ku eṋe. 11 Nu Jesus, wina ngu ku za Justus, me mu minike. Ovandu vetatu mba ombe ri Ovajuda mba porwe mbe ritanaurira koukriste nu mbe ungurira ouhona wa Ndjambi puna ami. Owo ve ndji tarareka omutima tjinene.
12 Epafras, omukweṋu nomukarere wa Kristus Jesus, me mu minike. Eye aruhe u mu kumbira tjinene kutja mu zikame nu mu rire ovapwe nu mu yenene mu avihe monḓuviro kombango ya Ndjambi. 13 Ami me mu hongononene kutja eye u ungurira eṋe tjinene novakambure va Laodisea nova Hirapolis wina. 14 Lukas, onganga yetu osuverwa, na Demas mave mu minike.
15 Minikeye ovakwetu tjinene mOlaodisea nomukazendu Nimfa nombongo ndji woronganena moye. 16 Tji mwa zu nokuresa orutuu ndwi, kondjeye kutja orwo wina ru kareserwe ombongo mOlaodisea, nu momuhingo tjingewo mamu rese orutuu ndwi ovakweṋu mOlaodisea ndu mave hindi ku eṋe. 17 Nu raereye Arkipus mu tje: “Ṱakama motjiungura tja Muhona nu u tji yenenise.”
18 Me tjanga neke randje omuini: Ozombinika, owami Paulus. Zemburukeye omapando wandje.
Otjari tja Ndjambi ngatji kare na eṋe.
