Omayandekero wa Israel
1 Owee ku imba mbe ri morusuvo mOsion na ku imba mbe riyameka kondundu ya Samaria. Owee ku imba ovatjiukwa vOvaisrael, ihi otjiwaṋa otjitenga mokati koviwaṋa avihe, ovandu ku mave kapaha ombatero! 2 Twendeye mu katare otjihuro Kalne; okuza ngo ryameye kotjihuro otjinene Hamat, nu mu punde kOgat mOfilisti! Ouhona wawo hapo mau ngara ohee pu imbwi oweṋu? Ehi rawo ra ri enene pu indi oreṋu are? 3 Owee ku eṋe mbu mu tjangovasi indi eyuva rotjiwonga ri ri kokure, nungwari eṋe mu ri eta popezu nozondjito zeṋu zoutwe! 4 Owee ku imba mbe rangavara koviraro mbya ungurwa pomayo wozondjou, mbe rinanena kovihavero vyomasuviro, nu mbe rya ozondjona morupanda rwozonḓu, nozondana ozondume motjunda! 5 Owee ku imba mbe tjanga omaimburiro tjimuna David nave ye nyanda kovinangoma. 6 Owee ku imba mbe nwina omavinu movikuve vyombunguhiro nave rivava omaze omawa tjinene, nungwari mbe ha ningi ko na tja nomawiro wa Israel. 7 Komuhingo mbwi owo mave rire ovatenga okutwarewa kouhuura, nomikandi vya imba mba vyara mavi yanda.
8 Muhona Ndjambi Omunamasaaehe we riyanena omuini a tja: “Ami mba tonda omeritongamisiro wa Israel, nu mbi yaukisiwa i oviṱunga vyawo ovinamasa. Punao, ami me nakaura otjihuro tjawo ohongora na avihe, mbi ri mu tjo.”
9 Nu tji pa hupu ovarumendu omurongo mondjuwo imwe, avehe mbo mave ṱu. 10 Nomuzamumwe waingwi omuṱi tje ya okutoora orurova okurupitisa mondjuwo okukerupaka, eye ma tja nai ku ingwi ngwa hupu mokuara kwondjuwo: “Inga pa sewa ngamwa omundu puna ove?” Neraka mari ziri ari tja: “Kako!”
Tjazumba ingwi ngu ri mondjuwo ma ziri a tja: “Mwina! Orondu pa zerikwa okutamuna ena ra Muhona.”
11 Tareye, Muhona tja yandja erakiza, nondjuwo onene nonḓiṱi mai nyanyaurwa. 12 Oukambe indu ngwari u tupuka kombanda yotuuwa are? Ovandu ve taura okuvare novitaure vyehi vyozonduwombe are? Notjikwatjike eṋe tji mamu tjitukisa ousemba u rire ouzuwo, nomausemba ye rire omauhasemba?
13 Eṋe mamu yoroka mena rokutja mwa kambura otjihuro Lo-Dabar amu tja: “Katu kamburire Karnajim nomasa wetu oveni are?”
14 Muhona Ndjambi Omunamasaaehe omuini ma tja nai: “Tareye, tjiwaṋa tja Israel, ami me mu sekamisire otjiwaṋa; otjo matji mu ṋiṋikiza okuza pomakapitiro wa Hamat keyuva kokunene nga korutjandja rwa Araba keyuva kokumuho.”
Omayandekero wa Israel
1 Owee ku imba mbe ri morusuvo mOsion na ku imba mbe riyameka kondundu ya Samaria. Owee ku imba ovatjiukwa vOvaisrael, ihi otjiwaṋa otjitenga mokati koviwaṋa avihe, ovandu ku mave kapaha ombatero! 2 Twendeye mu katare otjihuro Kalne; okuza ngo ryameye kotjihuro otjinene Hamat, nu mu punde kOgat mOfilisti! Ouhona wawo hapo mau ngara ohee pu imbwi oweṋu? Ehi rawo ra ri enene pu indi oreṋu are? 3 Owee ku eṋe mbu mu tjangovasi indi eyuva rotjiwonga ri ri kokure, nungwari eṋe mu ri eta popezu nozondjito zeṋu zoutwe! 4 Owee ku imba mbe rangavara koviraro mbya ungurwa pomayo wozondjou, mbe rinanena kovihavero vyomasuviro, nu mbe rya ozondjona morupanda rwozonḓu, nozondana ozondume motjunda! 5 Owee ku imba mbe tjanga omaimburiro tjimuna David nave ye nyanda kovinangoma. 6 Owee ku imba mbe nwina omavinu movikuve vyombunguhiro nave rivava omaze omawa tjinene, nungwari mbe ha ningi ko na tja nomawiro wa Israel. 7 Komuhingo mbwi owo mave rire ovatenga okutwarewa kouhuura, nomikandi vya imba mba vyara mavi yanda.
8 Muhona Ndjambi Omunamasaaehe we riyanena omuini a tja: “Ami mba tonda omeritongamisiro wa Israel, nu mbi yaukisiwa i oviṱunga vyawo ovinamasa. Punao, ami me nakaura otjihuro tjawo ohongora na avihe, mbi ri mu tjo.”
9 Nu tji pa hupu ovarumendu omurongo mondjuwo imwe, avehe mbo mave ṱu. 10 Nomuzamumwe waingwi omuṱi tje ya okutoora orurova okurupitisa mondjuwo okukerupaka, eye ma tja nai ku ingwi ngwa hupu mokuara kwondjuwo: “Inga pa sewa ngamwa omundu puna ove?” Neraka mari ziri ari tja: “Kako!”
Tjazumba ingwi ngu ri mondjuwo ma ziri a tja: “Mwina! Orondu pa zerikwa okutamuna ena ra Muhona.”
11 Tareye, Muhona tja yandja erakiza, nondjuwo onene nonḓiṱi mai nyanyaurwa. 12 Oukambe indu ngwari u tupuka kombanda yotuuwa are? Ovandu ve taura okuvare novitaure vyehi vyozonduwombe are? Notjikwatjike eṋe tji mamu tjitukisa ousemba u rire ouzuwo, nomausemba ye rire omauhasemba?
13 Eṋe mamu yoroka mena rokutja mwa kambura otjihuro Lo-Dabar amu tja: “Katu kamburire Karnajim nomasa wetu oveni are?”
14 Muhona Ndjambi Omunamasaaehe omuini ma tja nai: “Tareye, tjiwaṋa tja Israel, ami me mu sekamisire otjiwaṋa; otjo matji mu ṋiṋikiza okuza pomakapitiro wa Hamat keyuva kokunene nga korutjandja rwa Araba keyuva kokumuho.”
