Saulus me ritanaura
(Oviu 22:6-16Oviu 26:12-18)1 Oruveze aruhe nai Saulus tjandje u panḓera pomatandero woutwe wokuzepa ovakongorere va Muhona. Eye wa ya kOmupristeri Otjiuru, 2 nu e kemuningira otutuu twokukeritjivisa kovanane vozosinagoge mOdamaskus, kokutja eye tja kavaza ko ovakongorere vOndjira ya Muhona, a yenene okukevekambura, ovarumendu novakazendu, nu e ve kotore kOjerusalem.
3 Nu Saulus tja vaza popezu notjihuro Damaskus, tjimanga arire tja kondorokwa i ondjerera ndja zira meyuru. 4 Eye wa wira pehi nu a zuu eraka nda tja nai ku ye: “Saul, Saul, mo ndji tjerere tjike okundjizepa?”
5 Eye wa pura a tja: “Oove aṋi, Muhona?”
Eraka ari ziri ari tja: “Owami Jesus ngu mo tjere okundjizepa. 6 Nungwari sekama u kahite motjihuro. Ingo oku mo karaererwa kutja mo sokutjita tjike.”
7 Ovarumendu mbaa ve kayenda puna Saul va kurama nokuhinokunyamukura; owo va zuva indi eraka, nungwari kave mwine omundu. 8 Saulus wa sekama pehi nu a paturura omeho we, nungwari ke na tjaa munu. Owo arire tji ve mu kambura pokuoko nave mu hitisa mOdamaskus. 9 Saulus wa kara oure womayuva yetatu nokuhinokumuna, nu moure woruveze ndwi eye ka rire nu ka nwine ko.
10 Nu mOdamaskus mwa ri omukongorere ngwa ri nena Ananias. Muhona we mu isana motjirimunikise a tja: “Ananias!”
Eye arire tja ziri a tja: “Owami ngwi, Muhona.”
11 Muhona a tja nai ku ye: “Sekama u yende komuvanda mbu ku za Omuvanda Omusembame, nu pondjuwo ya Judas nga rire pu wa kapurira omurumendu ngwa za kOtarsus, wena Saulus. Eye ma kumbu, 12 nu motjirimunikise wa munu omurumendu wena Ananias ama hiti nokuyambeka omake ku ye, kokutja eye a yenene okumuna rukwao.”
13 Ananias wa zira a tja: “Muhona, ovandu ovengi ve ndji serekarerera omurumendu ngwi noviṋa avihe oviyaukise eye mbya tjita kotjiwaṋa tjoye mOjerusalem. 14 Neye weya kOdamaskus nouvara mbwa pewa i ovapristeri oviuru okuyekukambura avehe mbe rikotamena kove.”
15 Muhona arire tja tja ku ye: “Twende, tjinga e ri ami ngu mbe mu toorora okundjikarera nokutjivisa ena randje ku imba mbe he ri Ovajuda na kozombara na kotjiwaṋa tja Israel. 16 Nu ami omuini me mu raisire imbi avihe eye mbi ma sokutatumisirwa ami.”
17 Ananias otja ya a kahita mondjuwo mu mwa ri Saulus na kayambeka omake ku ye, a tja: “Mukwetu Saul, mba tumwa i Muhona Jesus omuini ngwe rimunikisire kove mondjira tjiyo ya ngunongwi, ongwe ndji hindi kokutja u yenene okumuna rukwao nu u urisiwe nOmbepo Ondjapuke.” 18 Nu tjimanga kwa tatuka ovikotji ohamukwao novyohi komeho wa Saulus, neye wa uta okumuna rukwao. Saulus wa sekama na papitisiwa; 19 nu tja za nokurya, omasa we aye kotoka.
Saulus ma zuvarisa mOdamaskus
Saulus wa kara omayuva ouṱiṱi puna ovakambure mOdamaskus. 20 Eye wa ya tjimanga kozosinagoge na kauta okuzuvarisa kutja Jesus onguri Omuna wa Ndjambi.
21 Avehe mbe mu muna va himwa notji va pura ave tja: “Eye kangu ri omurumendu ngwi ngwaa zepa ovandu mOjerusalem mbaa ve rikotamene ku Jesus are? Neye ke ere nguno are okuyekuvekambura nokuvetwara kovapristeri oviuru?”
22 Nungwari Saulus wa panḓiparera ko momazuvarisiro we. Neye wa raisa oukahu kutja Jesus onguri Omutwirisiwa. Komuhingo mbwi Ovajuda mba turire mOdamaskus kave yenenene okumuzira.
23 Nu tji pa kapita omayuva omengi, Ovajuda va worongana nave tye ondunge yokuzepa Saulus, 24 nungwari eye wa tjivisiwa omeripura wawo nga. Nomutenya nouṱuku owo aave tjevere omivero vyotjihuro kokutja ve mu zepe. 25 Nungwari ouṱuku umwe ovakongorere va Saulus ve mu twa motjimbamba nave mu raurire pehi munda mbwina yorumbo rwotjihuro.
Saulus mOjerusalem
26 Saulus wa ya kOjerusalem na karora okurikuta kuna ovahongewa va Jesus. Nungwari owo avehe aave mu tira, tjinga ave ha kamburire kutja eye wa rira omuhongewa wa Jesus. 27 Barnabas we mu kambura ne mu twara kovaapostele. Barnabas we keveserekarerera kutja Saulus wa munu Muhona mondjira, nokutja Muhona wa hungire kuna ye. Wina we ve raera omuhingo auhe Saulus mbwa zuvarisa na wo noupandi mena ra Jesus mOdamaskus. 28 Saulus arire tja kara puna wo na ryanga mOjerusalem atjihe ama zuvarisa noupandi mena ra Muhona. 29 Eye wina aa hungire nokupatasana nOvajuda mbe hungira Otjigrike, nungwari owo va paha omuano wokumuzepa. 30 Novakambure tji va zuva otjiṋa hi, arire tji va twara Saulus kOsesarea nave kemuhinda kOtarsus.
31 Nombongo mehi arihe ra Judea nora Galilea nora Samaria ya kara mohange. Oyo ya zikama nai kara nondira ku Muhona. Ombongo ya pewa omasa i Ombepo Ondjapuke, narire tji ya takavarere ko motjivaro.
Petrus mOlida na Jope
32 Petrus aa ryanga akuhe, notjikando tjimwe otja kavarura ovakambure mOlida. 33 Motjirongo hi eye wa hakaena nomurumendu wena Eneas. Omurumendu ngwi wa remanene, neye wa kara momara oure wozombura hambondatu. 34 Petrus wa tja nai ku ye: “Eneas, Jesus Kristus me ku verukisa. Sekama u yare ombete tjoye.” Tjimanga Eneas arire tja sekama. 35 Novandu avehe mba turire mOlida na morutjandja rwa Saron ve mu muna, narire tji ve ritanaurire ku Muhona.
36 Nu mOjopa mwa ri omukazendu omukambure wena Tabita, wina ngwaa ku zu oDorkas mOtjigrike. Eye aruhe aa tjiti oviungura oviwa nokuvatera ovasyona. 37 Momayuva nga Petrus tja ri mOlida, omukazendu ngwi otja vera na koka. Ovandu va koha orutu rwe nu ave ru twa metuwo rokombanda. 38 Jope katja ri kokure na Lida, novakambure mOjopa tji va zuva kutja Petrus u ri mOlida, arire tji va hindi ovarumendu vevari ku ye nombuze ndji: “Arikana hakahana okuya ku eṱe.” 39 Petrus we rirongera na i puna wo. Nu tja vaza ngo, ve mu twara ketuwo rokombanda, novahepundu avehe ave mu kondoroka amave riri nokumuraisira ozombanda azehe Dorkas nḓa ya tatere ngunda e nomuinyo. 40 Petrus we ve raera kutja avehe ve pita metuwo, nu arire tja wora ozongoro na kumbu; tjazumba a tanaukire ku indwi orutu a tja: “Tabita, penduka!” Tabita arire tja paturura omeho we, nu tja munu Petrus ookukengama. 41 Petrus we mu pa eke ne mu yeura. Tjazumba a isana ovakambure avehe novahepundu, nu e mu kuramisa komurungu wawo e nomuinyo. 42 Notjiṋa hi tja zuvaka motjihuro atjihe Jopa, novandu ovengi va kambura mu Muhona. 43 Petrus wa kara omayuva omengi mOjopa puna omuṱuke womikova wena Simon.
Saulus me ritanaura
(Oviu 22:6-16Oviu 26:12-18)1 Oruveze aruhe nai Saulus tjandje u panḓera pomatandero woutwe wokuzepa ovakongorere va Muhona. Eye wa ya kOmupristeri Otjiuru, 2 nu e kemuningira otutuu twokukeritjivisa kovanane vozosinagoge mOdamaskus, kokutja eye tja kavaza ko ovakongorere vOndjira ya Muhona, a yenene okukevekambura, ovarumendu novakazendu, nu e ve kotore kOjerusalem.
3 Nu Saulus tja vaza popezu notjihuro Damaskus, tjimanga arire tja kondorokwa i ondjerera ndja zira meyuru. 4 Eye wa wira pehi nu a zuu eraka nda tja nai ku ye: “Saul, Saul, mo ndji tjerere tjike okundjizepa?”
5 Eye wa pura a tja: “Oove aṋi, Muhona?”
Eraka ari ziri ari tja: “Owami Jesus ngu mo tjere okundjizepa. 6 Nungwari sekama u kahite motjihuro. Ingo oku mo karaererwa kutja mo sokutjita tjike.”
7 Ovarumendu mbaa ve kayenda puna Saul va kurama nokuhinokunyamukura; owo va zuva indi eraka, nungwari kave mwine omundu. 8 Saulus wa sekama pehi nu a paturura omeho we, nungwari ke na tjaa munu. Owo arire tji ve mu kambura pokuoko nave mu hitisa mOdamaskus. 9 Saulus wa kara oure womayuva yetatu nokuhinokumuna, nu moure woruveze ndwi eye ka rire nu ka nwine ko.
10 Nu mOdamaskus mwa ri omukongorere ngwa ri nena Ananias. Muhona we mu isana motjirimunikise a tja: “Ananias!”
Eye arire tja ziri a tja: “Owami ngwi, Muhona.”
11 Muhona a tja nai ku ye: “Sekama u yende komuvanda mbu ku za Omuvanda Omusembame, nu pondjuwo ya Judas nga rire pu wa kapurira omurumendu ngwa za kOtarsus, wena Saulus. Eye ma kumbu, 12 nu motjirimunikise wa munu omurumendu wena Ananias ama hiti nokuyambeka omake ku ye, kokutja eye a yenene okumuna rukwao.”
13 Ananias wa zira a tja: “Muhona, ovandu ovengi ve ndji serekarerera omurumendu ngwi noviṋa avihe oviyaukise eye mbya tjita kotjiwaṋa tjoye mOjerusalem. 14 Neye weya kOdamaskus nouvara mbwa pewa i ovapristeri oviuru okuyekukambura avehe mbe rikotamena kove.”
15 Muhona arire tja tja ku ye: “Twende, tjinga e ri ami ngu mbe mu toorora okundjikarera nokutjivisa ena randje ku imba mbe he ri Ovajuda na kozombara na kotjiwaṋa tja Israel. 16 Nu ami omuini me mu raisire imbi avihe eye mbi ma sokutatumisirwa ami.”
17 Ananias otja ya a kahita mondjuwo mu mwa ri Saulus na kayambeka omake ku ye, a tja: “Mukwetu Saul, mba tumwa i Muhona Jesus omuini ngwe rimunikisire kove mondjira tjiyo ya ngunongwi, ongwe ndji hindi kokutja u yenene okumuna rukwao nu u urisiwe nOmbepo Ondjapuke.” 18 Nu tjimanga kwa tatuka ovikotji ohamukwao novyohi komeho wa Saulus, neye wa uta okumuna rukwao. Saulus wa sekama na papitisiwa; 19 nu tja za nokurya, omasa we aye kotoka.
Saulus ma zuvarisa mOdamaskus
Saulus wa kara omayuva ouṱiṱi puna ovakambure mOdamaskus. 20 Eye wa ya tjimanga kozosinagoge na kauta okuzuvarisa kutja Jesus onguri Omuna wa Ndjambi.
21 Avehe mbe mu muna va himwa notji va pura ave tja: “Eye kangu ri omurumendu ngwi ngwaa zepa ovandu mOjerusalem mbaa ve rikotamene ku Jesus are? Neye ke ere nguno are okuyekuvekambura nokuvetwara kovapristeri oviuru?”
22 Nungwari Saulus wa panḓiparera ko momazuvarisiro we. Neye wa raisa oukahu kutja Jesus onguri Omutwirisiwa. Komuhingo mbwi Ovajuda mba turire mOdamaskus kave yenenene okumuzira.
23 Nu tji pa kapita omayuva omengi, Ovajuda va worongana nave tye ondunge yokuzepa Saulus, 24 nungwari eye wa tjivisiwa omeripura wawo nga. Nomutenya nouṱuku owo aave tjevere omivero vyotjihuro kokutja ve mu zepe. 25 Nungwari ouṱuku umwe ovakongorere va Saulus ve mu twa motjimbamba nave mu raurire pehi munda mbwina yorumbo rwotjihuro.
Saulus mOjerusalem
26 Saulus wa ya kOjerusalem na karora okurikuta kuna ovahongewa va Jesus. Nungwari owo avehe aave mu tira, tjinga ave ha kamburire kutja eye wa rira omuhongewa wa Jesus. 27 Barnabas we mu kambura ne mu twara kovaapostele. Barnabas we keveserekarerera kutja Saulus wa munu Muhona mondjira, nokutja Muhona wa hungire kuna ye. Wina we ve raera omuhingo auhe Saulus mbwa zuvarisa na wo noupandi mena ra Jesus mOdamaskus. 28 Saulus arire tja kara puna wo na ryanga mOjerusalem atjihe ama zuvarisa noupandi mena ra Muhona. 29 Eye wina aa hungire nokupatasana nOvajuda mbe hungira Otjigrike, nungwari owo va paha omuano wokumuzepa. 30 Novakambure tji va zuva otjiṋa hi, arire tji va twara Saulus kOsesarea nave kemuhinda kOtarsus.
31 Nombongo mehi arihe ra Judea nora Galilea nora Samaria ya kara mohange. Oyo ya zikama nai kara nondira ku Muhona. Ombongo ya pewa omasa i Ombepo Ondjapuke, narire tji ya takavarere ko motjivaro.
Petrus mOlida na Jope
32 Petrus aa ryanga akuhe, notjikando tjimwe otja kavarura ovakambure mOlida. 33 Motjirongo hi eye wa hakaena nomurumendu wena Eneas. Omurumendu ngwi wa remanene, neye wa kara momara oure wozombura hambondatu. 34 Petrus wa tja nai ku ye: “Eneas, Jesus Kristus me ku verukisa. Sekama u yare ombete tjoye.” Tjimanga Eneas arire tja sekama. 35 Novandu avehe mba turire mOlida na morutjandja rwa Saron ve mu muna, narire tji ve ritanaurire ku Muhona.
36 Nu mOjopa mwa ri omukazendu omukambure wena Tabita, wina ngwaa ku zu oDorkas mOtjigrike. Eye aruhe aa tjiti oviungura oviwa nokuvatera ovasyona. 37 Momayuva nga Petrus tja ri mOlida, omukazendu ngwi otja vera na koka. Ovandu va koha orutu rwe nu ave ru twa metuwo rokombanda. 38 Jope katja ri kokure na Lida, novakambure mOjopa tji va zuva kutja Petrus u ri mOlida, arire tji va hindi ovarumendu vevari ku ye nombuze ndji: “Arikana hakahana okuya ku eṱe.” 39 Petrus we rirongera na i puna wo. Nu tja vaza ngo, ve mu twara ketuwo rokombanda, novahepundu avehe ave mu kondoroka amave riri nokumuraisira ozombanda azehe Dorkas nḓa ya tatere ngunda e nomuinyo. 40 Petrus we ve raera kutja avehe ve pita metuwo, nu arire tja wora ozongoro na kumbu; tjazumba a tanaukire ku indwi orutu a tja: “Tabita, penduka!” Tabita arire tja paturura omeho we, nu tja munu Petrus ookukengama. 41 Petrus we mu pa eke ne mu yeura. Tjazumba a isana ovakambure avehe novahepundu, nu e mu kuramisa komurungu wawo e nomuinyo. 42 Notjiṋa hi tja zuvaka motjihuro atjihe Jopa, novandu ovengi va kambura mu Muhona. 43 Petrus wa kara omayuva omengi mOjopa puna omuṱuke womikova wena Simon.
