1 Okuza ku Paulus, omuapostele wa Kristus Jesus otja kombango ya Ndjambi, nu ngwa hindwa okuyekuzuvarisa omakwizikiro womuinyo mu Kristus Jesus.
2 Ami me tjanga ku Timoteus, omuatje wandje omusuverwa.
Ndjambi Tate na Kristus Jesus oMuhona wetu nge ku pe otjari nomutima omuwa nohange.
Ondangero nomayanḓiparisiro
3 Ami me tja okuhepa ku Ndjambi ngu mbi karera nomeritjiviro omakohoke otja ootate mukururume tjaave tjiti. Me mu tja okuhepa ami tji me ku zemburuka aruhe mozongumbiro zandje ouṱuku nomutenya. 4 Ami me zemburuka omahoze woye nu me zeri okukumuna rukwao tjinene kokutja mbi urisiwe nenyando. 5 Ami wina me zemburuka ongamburiro yoye onḓeu mu Ndjambi, indji ongamburiro nyoko mukurukaze Lois na nyoko Eunike ndji va ri na yo. Ami me tjiwa tjiri kutja ove wina u nongamburiro ndji. 6 Ami opu me zu okukuzemburukisa kutja otjiyandjewa hi Ndjambi tje ku pa, indu tji mba yambekere omake kove, u tji yakisire ko. 7 Orondu Ombepo Ndjambi ndje tu pa kai nokutumumaparisa; moruveze rwanao Ombepo ye mai tu urisa nomasa norusuvero nomeritjaerero.
8 Nu vari o ṱohoṋi okuhongonona oMuhona wetu; nu o ṱohoṋi na ami ngu mba pandekerwa Kristus. Nungwari tjinda uri ondatumisire motjimbe tjOmbuze Ombwa. Ndjambi me ku pe omasa motjiṋa hi. 9 Eye we tu yama nu we tu isanena okurira otjiwaṋa tje, nu e he ri mena rokutja eṱe twa ri noviungura oviwa, nungwari e ri mena rokutja a ri ombango ye omuini. Notjari tje eye we tu pa okuza korukuru mu Kristus Jesus. 10 Nungwari nambano otjari hi tja vandururirwa eṱe momeero wOmuyame wetu Kristus Jesus. Eye wa yandekere ouvara wonḓiro, nu mOmbuze Ombwa eye wa munikisa omuinyo mbu ha yanda.
11 Ndjambi we ndji zika omuapostele nomuhonge wokuzuvarisa Ombuze Ombwa ndji, 12 nami opu mbi zokutatumisirwa oviṋa mbi. Nungwari hi ṱohoṋi, tjinga ame tjiwa ingwi ami ku mbe riyameka. Nu me tjiwa, tjiri, kutja eye u nomasa okuṱakamisa nawa imbi mbya yandja ku ami nga kEyuva ndi eye ndi meya rukwao. 13 Kakatera komambo wouatjiri ngu mbe ku honga otja otjihorera tji mo panḓere po. Nu kara mongamburiro na morusuvero ndu tu na rwo moruwano na Kristus Jesus. 14 Ṱakamisa ouatjiri wembo mbu wa pewa. U ṱakamisa momasa wOmbepo Ondjapuke ndja tura mu eṱe.
15 Ove mo tjiwa kutja ovandu avehe morukondwa rwa Asie ve ndji esa ave i, nangarire Figelus na Hermogenes. 16 Muhona nga tjariparere onganda ya Onesiforus, eye tjinga e ndji yanḓiparisa potuingi; eye ka ṱire ohoṋi tji mba ri motjovakamburwa. 17 Nungwari tjimanga tje ere kOroma we ndji pahere nonḓero nga tje ndji muna. 18 Muhona nge mu pe otjari tje mEyuva romeero we! Ove mo tjiwa nawa tjinene imbi Onesiforus mbye ndji tjitira mOefese.
1 Okuza ku Paulus, omuapostele wa Kristus Jesus otja kombango ya Ndjambi, nu ngwa hindwa okuyekuzuvarisa omakwizikiro womuinyo mu Kristus Jesus.
2 Ami me tjanga ku Timoteus, omuatje wandje omusuverwa.
Ndjambi Tate na Kristus Jesus oMuhona wetu nge ku pe otjari nomutima omuwa nohange.
Ondangero nomayanḓiparisiro
3 Ami me tja okuhepa ku Ndjambi ngu mbi karera nomeritjiviro omakohoke otja ootate mukururume tjaave tjiti. Me mu tja okuhepa ami tji me ku zemburuka aruhe mozongumbiro zandje ouṱuku nomutenya. 4 Ami me zemburuka omahoze woye nu me zeri okukumuna rukwao tjinene kokutja mbi urisiwe nenyando. 5 Ami wina me zemburuka ongamburiro yoye onḓeu mu Ndjambi, indji ongamburiro nyoko mukurukaze Lois na nyoko Eunike ndji va ri na yo. Ami me tjiwa tjiri kutja ove wina u nongamburiro ndji. 6 Ami opu me zu okukuzemburukisa kutja otjiyandjewa hi Ndjambi tje ku pa, indu tji mba yambekere omake kove, u tji yakisire ko. 7 Orondu Ombepo Ndjambi ndje tu pa kai nokutumumaparisa; moruveze rwanao Ombepo ye mai tu urisa nomasa norusuvero nomeritjaerero.
8 Nu vari o ṱohoṋi okuhongonona oMuhona wetu; nu o ṱohoṋi na ami ngu mba pandekerwa Kristus. Nungwari tjinda uri ondatumisire motjimbe tjOmbuze Ombwa. Ndjambi me ku pe omasa motjiṋa hi. 9 Eye we tu yama nu we tu isanena okurira otjiwaṋa tje, nu e he ri mena rokutja eṱe twa ri noviungura oviwa, nungwari e ri mena rokutja a ri ombango ye omuini. Notjari tje eye we tu pa okuza korukuru mu Kristus Jesus. 10 Nungwari nambano otjari hi tja vandururirwa eṱe momeero wOmuyame wetu Kristus Jesus. Eye wa yandekere ouvara wonḓiro, nu mOmbuze Ombwa eye wa munikisa omuinyo mbu ha yanda.
11 Ndjambi we ndji zika omuapostele nomuhonge wokuzuvarisa Ombuze Ombwa ndji, 12 nami opu mbi zokutatumisirwa oviṋa mbi. Nungwari hi ṱohoṋi, tjinga ame tjiwa ingwi ami ku mbe riyameka. Nu me tjiwa, tjiri, kutja eye u nomasa okuṱakamisa nawa imbi mbya yandja ku ami nga kEyuva ndi eye ndi meya rukwao. 13 Kakatera komambo wouatjiri ngu mbe ku honga otja otjihorera tji mo panḓere po. Nu kara mongamburiro na morusuvero ndu tu na rwo moruwano na Kristus Jesus. 14 Ṱakamisa ouatjiri wembo mbu wa pewa. U ṱakamisa momasa wOmbepo Ondjapuke ndja tura mu eṱe.
15 Ove mo tjiwa kutja ovandu avehe morukondwa rwa Asie ve ndji esa ave i, nangarire Figelus na Hermogenes. 16 Muhona nga tjariparere onganda ya Onesiforus, eye tjinga e ndji yanḓiparisa potuingi; eye ka ṱire ohoṋi tji mba ri motjovakamburwa. 17 Nungwari tjimanga tje ere kOroma we ndji pahere nonḓero nga tje ndji muna. 18 Muhona nge mu pe otjari tje mEyuva romeero we! Ove mo tjiwa nawa tjinene imbi Onesiforus mbye ndji tjitira mOefese.
