Outoṋi wa David movita
(1Eku 18:1-17)1 Kombunda yanao ombara David wa rwisa Ovafilisti ne ve havere, notja yandeka ouhona wawo.
2 David wina wa havera Ovamoab. Eye we ve rarisa pehi ne ve saneke nongoze, nu movarumendu vetatu avehe wa zepa mo vevari, na hupisa po umwe. Komuhingo mbwi Ovamoab otji va rira ovakarere ve; nowo ave mu sutu otjisuta tjouhona.
3 Tjazumba David otja havera ombara ya Soba, Hadad-Eser, omuzandu wa Rekob, Hadad-Eser tja kayarura ko ouhona we konḓonḓu Eufrat yokombanda. 4 David wa huura ovakavire 1,700, novarwe wovita vopehi 20,000; neye wa konda omisepa vyovikoti vyoukambe womatemba, ne rihupisire oukambe womatemba esere rimwe.
5 Ovasirie mba turire mOdamaskus, ve ya okuvatera Hadad-Eser, nungwari David wa zepa ovarumendu 22,000 vawo. 6 Tjazumba David wa zika ovatjevere mOaram, morukondwa rwehi ra Damaskus; nOvasirie mba va rira ovakarere va David nave mu sutu otjisuta tjouhona. Muhona otja yandja outoṋi ku David ngamwa akuhe kuya i. 7 David wina wa huura otuvao twongoldo tuyatu tjindwa i ovahongore va Hadad-Eser ne tu twara kOjerusalem. 8 Nu mObetak na mOberotai, ovihuro Hadad-Eser mbya honaparere, David wa toora mo ongoporo onyingi tjinene.
9 Toi, ombara ya Hamat, wa zuva kutja David wa haverere otjimbumba atjihe tja Hadad-Eser tjovita. 10 Toi otja hinda omuzandu we Joram kombara David okukemuminika nokukemuzerira po ouṋingandu mena rokutja wa havera Hadad-Eser, ngwa rwisirwe i Toi potuingi. Nu Joram wa pewa oviyandjewa mbya ungurwa posilveri na pongoldo na pongoporo okukeviyandja ku David. 11 Nombara ye vi yapurira Muhona puna osilveri nongoldo ndji ndji ya huura koviwaṋa imbi oyo mbi ya havera, 12 okutja okOvaedom na kOvamoab na kOvaamoni na kOvafilisti na kOvaamalek, na indji ndji ya huura ku Hadad-Eser, omuzandu wa Rekob, ombara ya Soba.
13 Nu David wa ririra ko omutjiukwa tjinene, indu tja kotoka, tja za nokuzepa Ovaedom 18,000 mOtjana tjOmongwa. 14 Neye wina wa zika ovatjevere mOedom arihe, nOvaedom avehe va rira ovakarere ve. Muhona wa yandja outoṋi ku David ngamwa akuhe kuya i.
15 David wa honaparera Israel atjihe, na zikamisa kutja ousemba nouatjiri a rire mbwa tjitwa aruhe kotjiwaṋa tje. 16 Nu Joab, omuzandu womukazendu Seruja, wa ri omuhongore wotjimbumba tjovita; nu Josafat, omuzandu wa Ahilud, wa ri omuṱakamise wovitjangwa vyouhona. 17 Sadok omuzandu wa Ahitub, na Ahimelek, omuzandu wa Abiatar, va ri ovapristeri; nu Seraja wa ri omutjangerepo wouhona. 18 Nu Benaja, omuzandu wa Jehojada, wa ri omunane wovatjevere va David wokorutu, okutja imba Ovakreti nOvapeleti; novazandu va David va ri ovapristeri.
Outoṋi wa David movita
(1Eku 18:1-17)1 Kombunda yanao ombara David wa rwisa Ovafilisti ne ve havere, notja yandeka ouhona wawo.
2 David wina wa havera Ovamoab. Eye we ve rarisa pehi ne ve saneke nongoze, nu movarumendu vetatu avehe wa zepa mo vevari, na hupisa po umwe. Komuhingo mbwi Ovamoab otji va rira ovakarere ve; nowo ave mu sutu otjisuta tjouhona.
3 Tjazumba David otja havera ombara ya Soba, Hadad-Eser, omuzandu wa Rekob, Hadad-Eser tja kayarura ko ouhona we konḓonḓu Eufrat yokombanda. 4 David wa huura ovakavire 1,700, novarwe wovita vopehi 20,000; neye wa konda omisepa vyovikoti vyoukambe womatemba, ne rihupisire oukambe womatemba esere rimwe.
5 Ovasirie mba turire mOdamaskus, ve ya okuvatera Hadad-Eser, nungwari David wa zepa ovarumendu 22,000 vawo. 6 Tjazumba David wa zika ovatjevere mOaram, morukondwa rwehi ra Damaskus; nOvasirie mba va rira ovakarere va David nave mu sutu otjisuta tjouhona. Muhona otja yandja outoṋi ku David ngamwa akuhe kuya i. 7 David wina wa huura otuvao twongoldo tuyatu tjindwa i ovahongore va Hadad-Eser ne tu twara kOjerusalem. 8 Nu mObetak na mOberotai, ovihuro Hadad-Eser mbya honaparere, David wa toora mo ongoporo onyingi tjinene.
9 Toi, ombara ya Hamat, wa zuva kutja David wa haverere otjimbumba atjihe tja Hadad-Eser tjovita. 10 Toi otja hinda omuzandu we Joram kombara David okukemuminika nokukemuzerira po ouṋingandu mena rokutja wa havera Hadad-Eser, ngwa rwisirwe i Toi potuingi. Nu Joram wa pewa oviyandjewa mbya ungurwa posilveri na pongoldo na pongoporo okukeviyandja ku David. 11 Nombara ye vi yapurira Muhona puna osilveri nongoldo ndji ndji ya huura koviwaṋa imbi oyo mbi ya havera, 12 okutja okOvaedom na kOvamoab na kOvaamoni na kOvafilisti na kOvaamalek, na indji ndji ya huura ku Hadad-Eser, omuzandu wa Rekob, ombara ya Soba.
13 Nu David wa ririra ko omutjiukwa tjinene, indu tja kotoka, tja za nokuzepa Ovaedom 18,000 mOtjana tjOmongwa. 14 Neye wina wa zika ovatjevere mOedom arihe, nOvaedom avehe va rira ovakarere ve. Muhona wa yandja outoṋi ku David ngamwa akuhe kuya i.
15 David wa honaparera Israel atjihe, na zikamisa kutja ousemba nouatjiri a rire mbwa tjitwa aruhe kotjiwaṋa tje. 16 Nu Joab, omuzandu womukazendu Seruja, wa ri omuhongore wotjimbumba tjovita; nu Josafat, omuzandu wa Ahilud, wa ri omuṱakamise wovitjangwa vyouhona. 17 Sadok omuzandu wa Ahitub, na Ahimelek, omuzandu wa Abiatar, va ri ovapristeri; nu Seraja wa ri omutjangerepo wouhona. 18 Nu Benaja, omuzandu wa Jehojada, wa ri omunane wovatjevere va David wokorutu, okutja imba Ovakreti nOvapeleti; novazandu va David va ri ovapristeri.
