David ma rire ombara mOisrael na Juda
(1Eku 11:1-91Eku 14:1-7)1 Omihoko avihe vya Israel vye ere ku David mOhebron navi tja ku ye: “Tara, oweṱe onyama nombinḓu yoye omuini! 2 Momayuva nga kapita, nangarire ngunda Saul e ri ombara yetu, oove ngu wa hongorera Ovaisrael movita. Nu Muhona we ku kwizikira kutja mo hongorere otjiwaṋa tje nokutja mo rire omuhongore watjo.” 3 Ovanane avehe vOvasirael otji ve ya kombara David mOhebron; neye wa tjita omazuvasaneno na wo komurungu wa Muhona, nowo arire tji ve mu twirisa kutja a rire ombara mOisrael. 4 David wa ri nozombura omirongo vitatu, tja rira ombara; neye wa honapara oure wozombura omirongo vine. 5 Eye wa honaparera Ovajuda mOhebron oure wozombura hambombari nohinga, nu mOjerusalem wa honaparera Ovaisrael avehe nOvajuda avehe oure wozombura omirongo vitatu nandatu.
6 Ombara David novarwe ve wovita va ya kOjerusalem okukarwisa Ovajebusi, mba ri ovature vehi ndo. Nungwari Ovajebusi va tjangovasi David kamaa sora okuhavera otjihuro, notji va tja nai ku David: “Ove komoo hiti muno; nangarire ovapoṱu novaremane mave ku ramba.” 7 Nungwari David wa kambura otjiṱunga tjawo tjena Sion; ihi otji tja rira “Otjihuro tja David.”
8 Nu meyuva ndo David wa tja nai kovarwe ve wovita: “Auhe ngu ma zepa Omujebusi, nge mu yumbe morurora, nangarire kutja omuremane poo omupoṱu, ngu mba tonda.” Opu pe herwa nai: “Omupoṱu nomuremane kave nakuhita mondjuwo ya Muhona.”
9 Tjazumba David arire tja katura motjiṱunga hi, ne tji ruku kutja “Otjihuro tja David.” Nu David wa tunga orumbo orunamasa okukondorokisa otjihuro, okuza kOmilo nga kondjuwo youhona. 10 David otja ririra ko omunamasa, Muhona, Ndjambi Omunamasaaehe tjinga a ri puna ye.
11 Hiram, ombara ya Tirus, wa tuma ovahindwa ku David okumutwarera omiti vyotupapa, novahonge womiti, novatunge womawe kutja ve katungire David ondjuwo youhona. 12 David otja tjiwa kutja Muhona we mu zika okurira ombara mOisrael, nokutja wa ṋingaparisa ouhona we mena rotjiwaṋa tje Israel.
13 Nu David tja tjindire mOhebron okukatura kOjerusalem otja kakupira ko ovakazendu ovambanda novakazendu varwe; nowo ve mu pandukira ovazandu novakazona ovengi. 14 Ovanatje va David mba pandukirwa mOjerusalem, owo mba: OoShamua na Sobab na Natan na Salomo, 15 na Jibhar na Elisua na Nefeg na Jafia, 16 na Elisama na Eliada na Elifelet.
David ma havere Ovafilisti
(1Eku 14:8-17)17 Ovafilisti tji va zuva kutja David wa twirisiwa okurira ombara mOisrael, otjimbumba tjawo tjovita arire tji tja sekama okukemukambura. Nungwari David wa zuva ombuze ndji na i kotjiṱunga tjorive. 18 Imba Ovafilisti ve ya nave tandavara mOrutjandja rwa Refaim. 19 David wa pura Muhona a tja: “Hi karwise Ovafilisti? Mo ve yandja meke randje poo?”
Nu Muhona wa zira nai ku David: “Ii, karwise Ovafilisti; meve yandja meke roye.”
20 David otja ya kObaal-Perasim na kahavera Ovafilisti koṋa ngo, na tja: “Muhona wa taurire mokati kovanavita na ami tjimuna omupupo.” Poṋa mbo otji pa rukwa kutja Baal-Perasim. 21 Ovafilisti va isa oomukuru vawo vovisenginina koṋa ngo, nu David novarumendu ve arire tji ve ve twara.
22 Tjazumba Ovafilisti va hinga ovita rukwao, nave katandavara mOrutjandja rwa Refaim. 23 Nu David wa kapura Muhona rukwao, nu Muhona we mu zira a tja: “O ve rwisire mba, nungwari kondoroka u keverwisire kongotwe, popezu nehwa romiti omivawa. 24 Nu tji wa zuu ombosiro kozondomba zomiti, hakahana okuverwisa, orondu ami me ku hongorere movita okuhavera otjimbumba tjOvafilisti tjovita.” 25 David wa tjita otja Muhona pa rakizire, na ramba Ovafilisti okuza kOgibeon nga kOgeser.
David ma rire ombara mOisrael na Juda
(1Eku 11:1-91Eku 14:1-7)1 Omihoko avihe vya Israel vye ere ku David mOhebron navi tja ku ye: “Tara, oweṱe onyama nombinḓu yoye omuini! 2 Momayuva nga kapita, nangarire ngunda Saul e ri ombara yetu, oove ngu wa hongorera Ovaisrael movita. Nu Muhona we ku kwizikira kutja mo hongorere otjiwaṋa tje nokutja mo rire omuhongore watjo.” 3 Ovanane avehe vOvasirael otji ve ya kombara David mOhebron; neye wa tjita omazuvasaneno na wo komurungu wa Muhona, nowo arire tji ve mu twirisa kutja a rire ombara mOisrael. 4 David wa ri nozombura omirongo vitatu, tja rira ombara; neye wa honapara oure wozombura omirongo vine. 5 Eye wa honaparera Ovajuda mOhebron oure wozombura hambombari nohinga, nu mOjerusalem wa honaparera Ovaisrael avehe nOvajuda avehe oure wozombura omirongo vitatu nandatu.
6 Ombara David novarwe ve wovita va ya kOjerusalem okukarwisa Ovajebusi, mba ri ovature vehi ndo. Nungwari Ovajebusi va tjangovasi David kamaa sora okuhavera otjihuro, notji va tja nai ku David: “Ove komoo hiti muno; nangarire ovapoṱu novaremane mave ku ramba.” 7 Nungwari David wa kambura otjiṱunga tjawo tjena Sion; ihi otji tja rira “Otjihuro tja David.”
8 Nu meyuva ndo David wa tja nai kovarwe ve wovita: “Auhe ngu ma zepa Omujebusi, nge mu yumbe morurora, nangarire kutja omuremane poo omupoṱu, ngu mba tonda.” Opu pe herwa nai: “Omupoṱu nomuremane kave nakuhita mondjuwo ya Muhona.”
9 Tjazumba David arire tja katura motjiṱunga hi, ne tji ruku kutja “Otjihuro tja David.” Nu David wa tunga orumbo orunamasa okukondorokisa otjihuro, okuza kOmilo nga kondjuwo youhona. 10 David otja ririra ko omunamasa, Muhona, Ndjambi Omunamasaaehe tjinga a ri puna ye.
11 Hiram, ombara ya Tirus, wa tuma ovahindwa ku David okumutwarera omiti vyotupapa, novahonge womiti, novatunge womawe kutja ve katungire David ondjuwo youhona. 12 David otja tjiwa kutja Muhona we mu zika okurira ombara mOisrael, nokutja wa ṋingaparisa ouhona we mena rotjiwaṋa tje Israel.
13 Nu David tja tjindire mOhebron okukatura kOjerusalem otja kakupira ko ovakazendu ovambanda novakazendu varwe; nowo ve mu pandukira ovazandu novakazona ovengi. 14 Ovanatje va David mba pandukirwa mOjerusalem, owo mba: OoShamua na Sobab na Natan na Salomo, 15 na Jibhar na Elisua na Nefeg na Jafia, 16 na Elisama na Eliada na Elifelet.
David ma havere Ovafilisti
(1Eku 14:8-17)17 Ovafilisti tji va zuva kutja David wa twirisiwa okurira ombara mOisrael, otjimbumba tjawo tjovita arire tji tja sekama okukemukambura. Nungwari David wa zuva ombuze ndji na i kotjiṱunga tjorive. 18 Imba Ovafilisti ve ya nave tandavara mOrutjandja rwa Refaim. 19 David wa pura Muhona a tja: “Hi karwise Ovafilisti? Mo ve yandja meke randje poo?”
Nu Muhona wa zira nai ku David: “Ii, karwise Ovafilisti; meve yandja meke roye.”
20 David otja ya kObaal-Perasim na kahavera Ovafilisti koṋa ngo, na tja: “Muhona wa taurire mokati kovanavita na ami tjimuna omupupo.” Poṋa mbo otji pa rukwa kutja Baal-Perasim. 21 Ovafilisti va isa oomukuru vawo vovisenginina koṋa ngo, nu David novarumendu ve arire tji ve ve twara.
22 Tjazumba Ovafilisti va hinga ovita rukwao, nave katandavara mOrutjandja rwa Refaim. 23 Nu David wa kapura Muhona rukwao, nu Muhona we mu zira a tja: “O ve rwisire mba, nungwari kondoroka u keverwisire kongotwe, popezu nehwa romiti omivawa. 24 Nu tji wa zuu ombosiro kozondomba zomiti, hakahana okuverwisa, orondu ami me ku hongorere movita okuhavera otjimbumba tjOvafilisti tjovita.” 25 David wa tjita otja Muhona pa rakizire, na ramba Ovafilisti okuza kOgibeon nga kOgeser.
