David ma rire ombara mOjuda
1 Kombunda yoviṋa mbi David wa pura Ndjambi a tja: “Hi yende ku tjimwe tjovihuro vya Juda?”
Muhona wa zira nai: “Ii, twende.”
David wa pura a tja: “Hi yende ku tjiṋe?”
Muhona arire tje mu ziri nai: “Twende kOhebron!” 2 David otja ya ngo puna ovakazendu ve vevari Ahinoam wa Jesreel, na Abigail, omuhepundu wa Nabal, ngwa zire kOkarmel. 3 Eye wina wa twaerera ovarwe ve wovita puna omaṱunḓu wawo, nowo va katura movirongo mbya kondoroka Hebron. 4 Tjazumba ovarumendu Ovajuda otji ve ya kOhebron nave twirisa David okurira ombara mOjuda.
Nu David tja zuva kutja ovature va Jabes mOgilead va paka Saul, 5 arire tja tumu ko ovahindwa nombuze ndji: “Muhona nge mu sere ondaya kutja mwa raisa ondengero komuhona weṋu Saul, indu tji mwe mu paka. 6 Nambano Muhona nge mu ṱire otjari, nu nga kare omuṱakame ku eṋe, nami wina me mu tjitire ouwa mena rokutja mwa tjita otjiṋa hi. 7 Nambano rireye ovanamasa nu mu panḓipare! Omuhona weṋu Saul wa koka, nungwari ovarumendu Ovajuda ve ndji twirisa okurira ombara yawo.”
Isboset ma rire ombara mOisrael
8 Nu Abner, omuzandu wa Ner, omuhongore wotjimbumba tja Saul tjovita, wa twara Isboset, omuzandu wa Saul, kOmahanaim, 9 ne kemuzika okurira ombara yOvagilead noyOvaaser noyOvabenjamin, okutja yOvaisrael avehe. 10 Isboset, omuzandu wa Saul, wa ri nozombura omirongo vine tja rira ombara mOisrael, nu wa honapara ozombura mbari.
Nungwari imba Ovajuda porwe omba kakatera ku David. 11 David wa honaparera Ovajuda mOhebron oure wozombura hambombari nomieze hamboumwe.
Ovita pokati kOvaisrael nOvajuda
12 Abner, omuzandu wa Ner, wa kumuka puna ovarwe wovita va Isboset, omuzandu wa Saul, okuza mOmahanaim okuyenda kOgibeon. 13 Joab, omuzandu wa Seruja, wina wa kumuka puna ovarwe wovita va David. Novimbumba vivari mbi vyovita tji vya hakaenena perindi ra Gibeon vya kara pehi, tjimwe komunda mbuno, notjikwao komunda mbwina werindi. 14 Tjazumba Abner wa tja nai ku Joab: “Ovazandu tjiva ngave sekame okuza kominda aviyevari ve tjite enyando romarwiro momurungu wetu.”
Joab otja zira a tja: “Osemba, ngave sekame.”
15 Notji va sekama nave varwa omurongo na vevari va Isboset okuza kOvabenjamin, nomurongo na vevari okuza kovakarere va David. 16 Auhe wa kambura omukwao ngwa hungamasana na ye kotjiuru, nave twerasana nomangaruvyo mozombati, notji va wira pamwe avehe ave koka. Poṋa mbo opu pa za okuisanewa kutja “Okuti kwOmangaruvyo Omatwe,” nokwo ku ri popezu na Gibeon.
17 Meyuva tjingero ndo pa tjitwa omarwiro omazeu; nu Abner novarwe wovita vOvaisrael va haverwa i ovarumendu va David. 18 Nu pa ri ovazandu vetatu va Seruja motjimbumba tja David, okutja oJoab na Abisai na Asahel. Nu Asahel wa ri omunatjikara tjimuna omenye. 19 Eye wa ramba Abner, nokuhinokuyepa kokunene poo kokumuho. 20 Abner wa taviza kombunda na tja: “Oove Asahel are?”
Neye a ziri a tja: “Ii, owami.”
21 Abner arire tja tja ku ye: “Yepa kokunene poo kokumuho kwoye, nu kambura umwe womitanda u mu yeke ovirwise.” Nungwari Asahel kaa vanga okumuesa. 22 Tjazumba Abner otje mu raera nai porutjavari: “Za ko kombunda yandje! Me sokukuzepera tjike? Me sora vi okutara momurungu werumbi roye Joab?” 23 Nungwari Asahel wa panḓa okuyepa. Abner otje mu twera nenga mezumo, noro ra tuvakaṋa nga kongotwe, nu Asahel wa wira pehi na koka. Nu avehe mbe ya poṋa Asahel pa kokera, va kurama mbo.
24 Nungwari Joab na Abisai va ramba Abner, nu mokutoka kweyuva arire tji va kavaza kondundu Ama, ndji ri ombarakana na Giah mondjira yokuti onguza kwa Gibeon. 25 Ovabenjamin va woronganena pu Abner nave rire otjimbumba tjimwe, nowo va kurama kondomba yondunda yorive. 26 Abner wa ravaera omambo nga ku Joab: “Matu karerere pokurwa nga aruhe are? Ko nokutjiwa kutja omarwiro nga korusenina maye karira omavi are? Mo undju nga ruṋe okuraera ovarumendu woye kutja ve ise okutjera ovazamumwe vawo?”
27 Joab arire tja tja: “Tjimbe tja Ndjambi omunamuinyo, tjiri, andakuzu ko hungirire nai, ovarumendu vandje mba katjave isa okuramba momuhoko wawo nga komuhuka wependukirwa.” 28 Tjazumba Joab wa posisa onya yondwezu yonḓu, notjimbumba atjihe tjovita tja hirimana, atji ha ramba Ovaisrael natji he ve rwisa rukwao komurungu.
29 Nu Abner wa ka wondja puna ovarumendu ve ouṱuku auhe, nave katuurunga orutjandja rwa Jordan. Va kakonda onḓonḓu Jordan, ave katuurunga orupoko nave kavaza kOmahanaim.
30 Joab tja isa okuramba Abner otja woronganisa otjimbumba tje tjovita rukwao, nu pa varurwa ovarumendu va David omurongo na muvyu kumwe na Asahel. 31 Nungwari ovarumendu va David va zepere ovarwe va Abner wovita 360 vomuhoko wa Benjamin. 32 Nowo va toora orurova rwa Asahel nave kerupaka meyendo ra ihe kObetlehem. Tjazumba ooJoab novarumendu ve va ka wondja ouṱuku auhe, nga tji va kavaza kOhebron menyunguhuka.
David ma rire ombara mOjuda
1 Kombunda yoviṋa mbi David wa pura Ndjambi a tja: “Hi yende ku tjimwe tjovihuro vya Juda?”
Muhona wa zira nai: “Ii, twende.”
David wa pura a tja: “Hi yende ku tjiṋe?”
Muhona arire tje mu ziri nai: “Twende kOhebron!” 2 David otja ya ngo puna ovakazendu ve vevari Ahinoam wa Jesreel, na Abigail, omuhepundu wa Nabal, ngwa zire kOkarmel. 3 Eye wina wa twaerera ovarwe ve wovita puna omaṱunḓu wawo, nowo va katura movirongo mbya kondoroka Hebron. 4 Tjazumba ovarumendu Ovajuda otji ve ya kOhebron nave twirisa David okurira ombara mOjuda.
Nu David tja zuva kutja ovature va Jabes mOgilead va paka Saul, 5 arire tja tumu ko ovahindwa nombuze ndji: “Muhona nge mu sere ondaya kutja mwa raisa ondengero komuhona weṋu Saul, indu tji mwe mu paka. 6 Nambano Muhona nge mu ṱire otjari, nu nga kare omuṱakame ku eṋe, nami wina me mu tjitire ouwa mena rokutja mwa tjita otjiṋa hi. 7 Nambano rireye ovanamasa nu mu panḓipare! Omuhona weṋu Saul wa koka, nungwari ovarumendu Ovajuda ve ndji twirisa okurira ombara yawo.”
Isboset ma rire ombara mOisrael
8 Nu Abner, omuzandu wa Ner, omuhongore wotjimbumba tja Saul tjovita, wa twara Isboset, omuzandu wa Saul, kOmahanaim, 9 ne kemuzika okurira ombara yOvagilead noyOvaaser noyOvabenjamin, okutja yOvaisrael avehe. 10 Isboset, omuzandu wa Saul, wa ri nozombura omirongo vine tja rira ombara mOisrael, nu wa honapara ozombura mbari.
Nungwari imba Ovajuda porwe omba kakatera ku David. 11 David wa honaparera Ovajuda mOhebron oure wozombura hambombari nomieze hamboumwe.
Ovita pokati kOvaisrael nOvajuda
12 Abner, omuzandu wa Ner, wa kumuka puna ovarwe wovita va Isboset, omuzandu wa Saul, okuza mOmahanaim okuyenda kOgibeon. 13 Joab, omuzandu wa Seruja, wina wa kumuka puna ovarwe wovita va David. Novimbumba vivari mbi vyovita tji vya hakaenena perindi ra Gibeon vya kara pehi, tjimwe komunda mbuno, notjikwao komunda mbwina werindi. 14 Tjazumba Abner wa tja nai ku Joab: “Ovazandu tjiva ngave sekame okuza kominda aviyevari ve tjite enyando romarwiro momurungu wetu.”
Joab otja zira a tja: “Osemba, ngave sekame.”
15 Notji va sekama nave varwa omurongo na vevari va Isboset okuza kOvabenjamin, nomurongo na vevari okuza kovakarere va David. 16 Auhe wa kambura omukwao ngwa hungamasana na ye kotjiuru, nave twerasana nomangaruvyo mozombati, notji va wira pamwe avehe ave koka. Poṋa mbo opu pa za okuisanewa kutja “Okuti kwOmangaruvyo Omatwe,” nokwo ku ri popezu na Gibeon.
17 Meyuva tjingero ndo pa tjitwa omarwiro omazeu; nu Abner novarwe wovita vOvaisrael va haverwa i ovarumendu va David. 18 Nu pa ri ovazandu vetatu va Seruja motjimbumba tja David, okutja oJoab na Abisai na Asahel. Nu Asahel wa ri omunatjikara tjimuna omenye. 19 Eye wa ramba Abner, nokuhinokuyepa kokunene poo kokumuho. 20 Abner wa taviza kombunda na tja: “Oove Asahel are?”
Neye a ziri a tja: “Ii, owami.”
21 Abner arire tja tja ku ye: “Yepa kokunene poo kokumuho kwoye, nu kambura umwe womitanda u mu yeke ovirwise.” Nungwari Asahel kaa vanga okumuesa. 22 Tjazumba Abner otje mu raera nai porutjavari: “Za ko kombunda yandje! Me sokukuzepera tjike? Me sora vi okutara momurungu werumbi roye Joab?” 23 Nungwari Asahel wa panḓa okuyepa. Abner otje mu twera nenga mezumo, noro ra tuvakaṋa nga kongotwe, nu Asahel wa wira pehi na koka. Nu avehe mbe ya poṋa Asahel pa kokera, va kurama mbo.
24 Nungwari Joab na Abisai va ramba Abner, nu mokutoka kweyuva arire tji va kavaza kondundu Ama, ndji ri ombarakana na Giah mondjira yokuti onguza kwa Gibeon. 25 Ovabenjamin va woronganena pu Abner nave rire otjimbumba tjimwe, nowo va kurama kondomba yondunda yorive. 26 Abner wa ravaera omambo nga ku Joab: “Matu karerere pokurwa nga aruhe are? Ko nokutjiwa kutja omarwiro nga korusenina maye karira omavi are? Mo undju nga ruṋe okuraera ovarumendu woye kutja ve ise okutjera ovazamumwe vawo?”
27 Joab arire tja tja: “Tjimbe tja Ndjambi omunamuinyo, tjiri, andakuzu ko hungirire nai, ovarumendu vandje mba katjave isa okuramba momuhoko wawo nga komuhuka wependukirwa.” 28 Tjazumba Joab wa posisa onya yondwezu yonḓu, notjimbumba atjihe tjovita tja hirimana, atji ha ramba Ovaisrael natji he ve rwisa rukwao komurungu.
29 Nu Abner wa ka wondja puna ovarumendu ve ouṱuku auhe, nave katuurunga orutjandja rwa Jordan. Va kakonda onḓonḓu Jordan, ave katuurunga orupoko nave kavaza kOmahanaim.
30 Joab tja isa okuramba Abner otja woronganisa otjimbumba tje tjovita rukwao, nu pa varurwa ovarumendu va David omurongo na muvyu kumwe na Asahel. 31 Nungwari ovarumendu va David va zepere ovarwe va Abner wovita 360 vomuhoko wa Benjamin. 32 Nowo va toora orurova rwa Asahel nave kerupaka meyendo ra ihe kObetlehem. Tjazumba ooJoab novarumendu ve va ka wondja ouṱuku auhe, nga tji va kavaza kOhebron menyunguhuka.
