Ovita pokati kOvaisrael nOvamoab
1 Mombura oitjamurongo na hambondatu youhona wa Josafat, ombara ya Juda, Joram, omuzandu wa Ahab, otja rira ombara mOisrael; neye wa honapara mOsamaria oure wozombura omurongo na mbari. 2 Eye wa tura ondjo komurungu wa Muhona; nungwari eye ka ri omuvi otja ihe poo ina Isebel; eye wa teya ongunḓe onḓere ndja ungurirwe i ihe yokukumbira po komukuru wotjisenginina Baal. 3 Otja Jerobeam, omuzandu wa Nebat, ngwa ri po komurungu we, eye wa katukisa Ovaisrael, nu ka isire okutjita ouvi.
4 Mesa, ombara ya Moab, wa ri omutumbe wozonḓu. Eye aa ṋiṋikiziwa okuyandja ozondjona omayovi esere rimwe, nomainya wozondwezu zozonḓu omayovi esere rimwe kombara ya Israel ombura aihe. 5 Nungwari Ahab, ombara ya Israel, tja koka, Mesa wa sekamena Ovaisrael. 6 Moruveze ndo Joram, ombara ya Samaria, otja woronganisa otjimbumba tje atjihe tjovita. 7 Eye wa hinda ombuze ku Josafat, ombara ya Juda, na tja: “Ombara ya Moab ye ndji sekamene; mo rikutu kuna ami okukemurwisa?”
Nombara Josafat wa zira a tja: “Ii, ami me vanga; ngatu kumuke! Ove tji we rirongere, ami wina me rirongere puna otjimbumba tjandje tjovita noukambe wandje. 8 Matu twara ondjira iṋe okuyenda kovita?”
Joram wa zira a tja: “Matu twara ondjira ndji onde yomokuti onguza kwa Edom.”
9 Nombara Joram nozombara za Juda noya Edom otji va kumuka. Nu tji va kayenda oure womayuva hambombari, omeva wawo otji ya manuka, nu kapa ri omeva kotjimbumba tjovita na kovikutirwa. 10 Nombara Joram wa ravaera na tja: “Owee! Muhona we tu twa atuyetatu momake wombara ya Moab!”
11 Ombara Josafat wa pura a tja: “Kamu nomuprofete muno ngu me tu purire Muhona are?”
Nomuhongore umwe wotjimbumba tja Joram tjovita wa zira na tja: “Elisa, omuzandu wa Safat, u ri muno; eye wa ri omuvatere wa Elia.”
12 Ombara Josafat wa tja nai: “Eye omuprofete wakatjotjiri.” Ozombara ndatu nḓa opu za ira ku Elisa.
13 Elisa wa tja nai kombara ya Israel: “Ami mbi na tjike na ove? Twende kovaprofete ooiho na nyoko kaave kapura!”
Nu Joram wa zira na tja: “Kako! Muhona ongwe tutwa momake wOvamoab eṱe ozombara atuyetatu.”
14 Elisa wa zira a tja: “Tjimbe tja Muhona Omunamasaaehe, ngu mbi karera, ami hitje kara notjiṋa okutjita na ove, andakuzu himba ri nondengero na Josafat, ombara ya Juda. 15 Nambano ndji etera omunyande wotjihumba.”
Ingwi omunyande ngunda ama nyanda otjihumba tje, omasa wa Muhona otji ye ya ku Elisa, 16 neye wa tja: “Muhona ma tja nai: ‘Hupureye oturora okukondorokisa otjana tji tja pwira hi. 17 Nandarire kutja kamu nokumuna otjivepo nombura, otjana hi matji urisiwa nomeva, neṋe novinamuinyo vyeṋu mamu kara nomeva omengi okunwa.’ ” 18 Elisa wa hungira komurungu a tja: “Nungwari ihi otjiṋa otjipupu ku Muhona okutjitjita; eye wina me mu pe outoṋi kOvamoab. 19 Eṋe mamu huura ovihuro vyawo oviwa novinamasa avihe; mamu ke omiti vyawo avihe vyovihape, namu pata otuharwi twawo atuhe, namu nyono omahi wawo aehe omahapise amamu ye vandeke nomawe.”
20 Omuhuka wependukirwa raindo, moruveze ombunguhiro yomuhuka ndu i punguhwa, omeva ya pupa okuza komukuma wa Edom naye nyandavara kombanda yehi.
21 NOvamoab tji va zuva kutja ozombara nḓa ndatu ze ya okuverwisa, ovarumendu avehe mba yenena okutjinda ovirwise, okuza komunene nga komutanda, va isanewa nave kakuramisiwa pomuruko. 22 Nu mependukirwa owo tji va penduka, eyuva otjiyari yere kombanda yomeva, nomeva aaye munika omaserandu tjimuna ombinḓu! 23 Nowo va ravaera nave tja: “Indji ombinḓu! Imbi ovimbumba vitatu vyovanavita ngahino vya ru, notji vya zepasana! Ngatu yende tu kahuure ozondanda zavyo!”
24 Nungwari owo tji va vaza ozondanda nḓa, Ovaisrael otji ve ve rwisa nave ve ramba. Ovaisrael va kara pokuveramba amave zepa Ovamoab, 25 nave nyono ovihuro vyawo. Nowo ngunda amave kapita ehi ehapise, Omuisrael auhe otjaa yumbu ewe mu ro nga omahi aehe womakunino tji ya vandekwa; wina va pata otuharwi nave ke omiti vyovihape. Korusenina otjihuro ohongora Kir-Heres porwatjo otji tja sewa po; novayumbe womawe ve tji kovera nave tji rwisa.
26 Ombara ya Moab tji ya muna kutja i ri pokuhaverwa, arire tji ya toora ovarumendu omasere hambombari ovanamangaruvyo nai kondjo okutuurunga otuteto twovanavita nokutaurira kombara ya Sirie, nungwari kai sorere. 27 Oyo otji ya toora omuzandu wayo everi ngwetje i pingena okurira ombara, nai mu punguhire korumbo rwotjihuro a rire ombunguhiro oningiririsiwa komukuru wotjisenginina wOvamoab. Ovaisrael va urumisiwa tjinene, notji va za ko kotjihuro nave yaruka kehi rawo oveni.
Ovita pokati kOvaisrael nOvamoab
1 Mombura oitjamurongo na hambondatu youhona wa Josafat, ombara ya Juda, Joram, omuzandu wa Ahab, otja rira ombara mOisrael; neye wa honapara mOsamaria oure wozombura omurongo na mbari. 2 Eye wa tura ondjo komurungu wa Muhona; nungwari eye ka ri omuvi otja ihe poo ina Isebel; eye wa teya ongunḓe onḓere ndja ungurirwe i ihe yokukumbira po komukuru wotjisenginina Baal. 3 Otja Jerobeam, omuzandu wa Nebat, ngwa ri po komurungu we, eye wa katukisa Ovaisrael, nu ka isire okutjita ouvi.
4 Mesa, ombara ya Moab, wa ri omutumbe wozonḓu. Eye aa ṋiṋikiziwa okuyandja ozondjona omayovi esere rimwe, nomainya wozondwezu zozonḓu omayovi esere rimwe kombara ya Israel ombura aihe. 5 Nungwari Ahab, ombara ya Israel, tja koka, Mesa wa sekamena Ovaisrael. 6 Moruveze ndo Joram, ombara ya Samaria, otja woronganisa otjimbumba tje atjihe tjovita. 7 Eye wa hinda ombuze ku Josafat, ombara ya Juda, na tja: “Ombara ya Moab ye ndji sekamene; mo rikutu kuna ami okukemurwisa?”
Nombara Josafat wa zira a tja: “Ii, ami me vanga; ngatu kumuke! Ove tji we rirongere, ami wina me rirongere puna otjimbumba tjandje tjovita noukambe wandje. 8 Matu twara ondjira iṋe okuyenda kovita?”
Joram wa zira a tja: “Matu twara ondjira ndji onde yomokuti onguza kwa Edom.”
9 Nombara Joram nozombara za Juda noya Edom otji va kumuka. Nu tji va kayenda oure womayuva hambombari, omeva wawo otji ya manuka, nu kapa ri omeva kotjimbumba tjovita na kovikutirwa. 10 Nombara Joram wa ravaera na tja: “Owee! Muhona we tu twa atuyetatu momake wombara ya Moab!”
11 Ombara Josafat wa pura a tja: “Kamu nomuprofete muno ngu me tu purire Muhona are?”
Nomuhongore umwe wotjimbumba tja Joram tjovita wa zira na tja: “Elisa, omuzandu wa Safat, u ri muno; eye wa ri omuvatere wa Elia.”
12 Ombara Josafat wa tja nai: “Eye omuprofete wakatjotjiri.” Ozombara ndatu nḓa opu za ira ku Elisa.
13 Elisa wa tja nai kombara ya Israel: “Ami mbi na tjike na ove? Twende kovaprofete ooiho na nyoko kaave kapura!”
Nu Joram wa zira na tja: “Kako! Muhona ongwe tutwa momake wOvamoab eṱe ozombara atuyetatu.”
14 Elisa wa zira a tja: “Tjimbe tja Muhona Omunamasaaehe, ngu mbi karera, ami hitje kara notjiṋa okutjita na ove, andakuzu himba ri nondengero na Josafat, ombara ya Juda. 15 Nambano ndji etera omunyande wotjihumba.”
Ingwi omunyande ngunda ama nyanda otjihumba tje, omasa wa Muhona otji ye ya ku Elisa, 16 neye wa tja: “Muhona ma tja nai: ‘Hupureye oturora okukondorokisa otjana tji tja pwira hi. 17 Nandarire kutja kamu nokumuna otjivepo nombura, otjana hi matji urisiwa nomeva, neṋe novinamuinyo vyeṋu mamu kara nomeva omengi okunwa.’ ” 18 Elisa wa hungira komurungu a tja: “Nungwari ihi otjiṋa otjipupu ku Muhona okutjitjita; eye wina me mu pe outoṋi kOvamoab. 19 Eṋe mamu huura ovihuro vyawo oviwa novinamasa avihe; mamu ke omiti vyawo avihe vyovihape, namu pata otuharwi twawo atuhe, namu nyono omahi wawo aehe omahapise amamu ye vandeke nomawe.”
20 Omuhuka wependukirwa raindo, moruveze ombunguhiro yomuhuka ndu i punguhwa, omeva ya pupa okuza komukuma wa Edom naye nyandavara kombanda yehi.
21 NOvamoab tji va zuva kutja ozombara nḓa ndatu ze ya okuverwisa, ovarumendu avehe mba yenena okutjinda ovirwise, okuza komunene nga komutanda, va isanewa nave kakuramisiwa pomuruko. 22 Nu mependukirwa owo tji va penduka, eyuva otjiyari yere kombanda yomeva, nomeva aaye munika omaserandu tjimuna ombinḓu! 23 Nowo va ravaera nave tja: “Indji ombinḓu! Imbi ovimbumba vitatu vyovanavita ngahino vya ru, notji vya zepasana! Ngatu yende tu kahuure ozondanda zavyo!”
24 Nungwari owo tji va vaza ozondanda nḓa, Ovaisrael otji ve ve rwisa nave ve ramba. Ovaisrael va kara pokuveramba amave zepa Ovamoab, 25 nave nyono ovihuro vyawo. Nowo ngunda amave kapita ehi ehapise, Omuisrael auhe otjaa yumbu ewe mu ro nga omahi aehe womakunino tji ya vandekwa; wina va pata otuharwi nave ke omiti vyovihape. Korusenina otjihuro ohongora Kir-Heres porwatjo otji tja sewa po; novayumbe womawe ve tji kovera nave tji rwisa.
26 Ombara ya Moab tji ya muna kutja i ri pokuhaverwa, arire tji ya toora ovarumendu omasere hambombari ovanamangaruvyo nai kondjo okutuurunga otuteto twovanavita nokutaurira kombara ya Sirie, nungwari kai sorere. 27 Oyo otji ya toora omuzandu wayo everi ngwetje i pingena okurira ombara, nai mu punguhire korumbo rwotjihuro a rire ombunguhiro oningiririsiwa komukuru wotjisenginina wOvamoab. Ovaisrael va urumisiwa tjinene, notji va za ko kotjihuro nave yaruka kehi rawo oveni.
