Omaronga omasenina nozombinika
1 Nambano ihi otjikando otjitjatatu ami okuya ku eṋe nu otja omatjangwa tji maye tja: “Omahongonona wovandu vevari poo vetatu ongu maye raisa kutja omundu u nondjo poo ke nondjo.” 2 Ku imba mba katuka momayuva nga kapita, na kovakwao avehe, ami rukuru mba hungirire ko omambo nga, tji mba ri puna eṋe, nu nambano me ye hungire rukwao ngunda ambi he ri puna eṋe: Ami nambano tji meya rukwao ku eṋe, kape nomundu ngu ma taurire omberero. 3 Eṋe hapo mu paha otjiraisiro tjokutja Kristus u hungira mu ami. Kristus mokati keṋu ka raisa oungundi, nungwari u raisa omasa we. 4 Orondu nangarire kutja eye wa paperwa kotjikoroise moungundi woundu, eye u nomuinyo momasa wa Ndjambi. Nu mu ye eṱe wina oweṱe ovingundi, nungwari pamwe na ye matu kara nomuinyo momasa wa Ndjambi. Ihi eṋe mamu tji munu.
5 Riroreye oveni nu mu rikonḓonone oveni kutja mu nomuinyo mongamburiro! Kamu nakuritjiwa oveni kutja Kristus Jesus u ri mu eṋe are? Tje he ri nao, okutja inga omarorero kamuye ye ura. 6 Ami me tjangovasi mamu tjiwa kutja inga omarorero eṱe twe ye ura. 7 Matu kumbu ku Ndjambi kutja amu ha tataiza. Katu nakukumba okuraisa kutja eṱe inga omarorero twe ye ura. Matu vanga kutja eṋe mu tjite ouwa, nangarire kutja eṱe matu ngara inga omarorero katuye ye ura. 8 Orondu eṱe katu nomasa okupirukira ouatjiri wa Ndjambi, nungwari avihe matu vi tjitire ouatjiri. 9 Neṱe tu nenyando kutja oweṱe ovingundi nu eṋe oweṋe ovanamasa. Eṱe wina matu kumbu kutja eṋe mu kure mombepo. 10 Opu me zu okutjanga oviṋa mbi ngunda ambi he ri po pu eṋe, orondu tji mbe ya, ouvara Muhona mbwe ndji pa hi nokuvanga okuuungurisa oukukutu ku eṋe. Nu nouvara mbwi me tungu, hi nokuhaṋa.
11 Nambano, vakwetu, nyandeye momitima, paheye omekurisiro wombepo, yakureye omaronga, twareye kumwe omitima, karasaneye nohange. Nu Ndjambi worusuvero nowohange ma kara puna eṋe.
12 Minikasaneye noruhupito roukriste.
Ombongo aihe ya Ndjambi mai mu minike.
13 Otjari tja Muhona Jesus Kristus, norusuvero rwa Ndjambi, noruwano rOmbepo Ondjapuke ngaru kare na eṋe amuhe.
Omaronga omasenina nozombinika
1 Nambano ihi otjikando otjitjatatu ami okuya ku eṋe nu otja omatjangwa tji maye tja: “Omahongonona wovandu vevari poo vetatu ongu maye raisa kutja omundu u nondjo poo ke nondjo.” 2 Ku imba mba katuka momayuva nga kapita, na kovakwao avehe, ami rukuru mba hungirire ko omambo nga, tji mba ri puna eṋe, nu nambano me ye hungire rukwao ngunda ambi he ri puna eṋe: Ami nambano tji meya rukwao ku eṋe, kape nomundu ngu ma taurire omberero. 3 Eṋe hapo mu paha otjiraisiro tjokutja Kristus u hungira mu ami. Kristus mokati keṋu ka raisa oungundi, nungwari u raisa omasa we. 4 Orondu nangarire kutja eye wa paperwa kotjikoroise moungundi woundu, eye u nomuinyo momasa wa Ndjambi. Nu mu ye eṱe wina oweṱe ovingundi, nungwari pamwe na ye matu kara nomuinyo momasa wa Ndjambi. Ihi eṋe mamu tji munu.
5 Riroreye oveni nu mu rikonḓonone oveni kutja mu nomuinyo mongamburiro! Kamu nakuritjiwa oveni kutja Kristus Jesus u ri mu eṋe are? Tje he ri nao, okutja inga omarorero kamuye ye ura. 6 Ami me tjangovasi mamu tjiwa kutja inga omarorero eṱe twe ye ura. 7 Matu kumbu ku Ndjambi kutja amu ha tataiza. Katu nakukumba okuraisa kutja eṱe inga omarorero twe ye ura. Matu vanga kutja eṋe mu tjite ouwa, nangarire kutja eṱe matu ngara inga omarorero katuye ye ura. 8 Orondu eṱe katu nomasa okupirukira ouatjiri wa Ndjambi, nungwari avihe matu vi tjitire ouatjiri. 9 Neṱe tu nenyando kutja oweṱe ovingundi nu eṋe oweṋe ovanamasa. Eṱe wina matu kumbu kutja eṋe mu kure mombepo. 10 Opu me zu okutjanga oviṋa mbi ngunda ambi he ri po pu eṋe, orondu tji mbe ya, ouvara Muhona mbwe ndji pa hi nokuvanga okuuungurisa oukukutu ku eṋe. Nu nouvara mbwi me tungu, hi nokuhaṋa.
11 Nambano, vakwetu, nyandeye momitima, paheye omekurisiro wombepo, yakureye omaronga, twareye kumwe omitima, karasaneye nohange. Nu Ndjambi worusuvero nowohange ma kara puna eṋe.
12 Minikasaneye noruhupito roukriste.
Ombongo aihe ya Ndjambi mai mu minike.
13 Otjari tja Muhona Jesus Kristus, norusuvero rwa Ndjambi, noruwano rOmbepo Ondjapuke ngaru kare na eṋe amuhe.
