Samuel ma twirisa David a rire Ombara
1 Muhona wa tja ku Samuel: “Mo ṱoruhoze na Saul nga ruṋe? Ami mbe mu nakaura kutja a ha rire ombara mOisrael. Urisa onya yoye nomaze omatwirise, nu u yende kObetlehem! Ami me ku hindi komurumendu wena Isai, tjinga amba toorora umwe wovazandu ve okurira ombara.”
2 Nu Samuel we mu pura a tja: “Ami me sora vi okutjita nao? Saul tja zuu otjiṋa hi me ndji zepa.”
Nu Muhona wa zira nai: “Twaerera ondana ondume, u katje: ‘Ami mbe ya okupunguhira Muhona.’ 3 Ṋanga Isai komukandi wombunguhiro, nu ami me ku tjivisa imbi mbi mo pu pokutjita. Ove mo twirisa ingwi ngu me ku urikire kutja a rire ombara.”
4 Nu Samuel wa tjita ihi Muhona tje mu raera, na i kObetlehem; novanane votjihuro ve mu tjakanena nomburuma, nave mu pura ave tja: “Omeero woye nga omanahange?”
5 Eye wa zira a tja: “Ii, omanahange! Ami mbe ya okupunguhira Muhona ombunguhiro. Riyapureye oveni, nu mu ye puna ami kombunguhiro!” Eye wa raera Isai novazandu ve wina kutja ve riyapure, ne ve ṋanga kombunguhiro.
6 Nowo tji ve ya, Samuel wa muna Eliab, omuzandu wa Isai, ne ripura nai mu ye omuini: “Omurumendu ngwi ngwa kurama mba komurungu wa Muhona, tjiri, onguri ingwi Muhona ngwa toorora okutwirisiwa.” 7 Nungwari Muhona wa tja nai ku Samuel: “O tara ku ihi ovandu ku ve tara; ovandu ve tara kombunikiro yomuhapo, nungwari Muhona u tara omutima womundu.”
8 Tjazumba Isai wa isana omuzandu we Abinadab, ne mu eta ku Samuel. Nungwari Samuel wa tja: “Kako, ingwi ka toororerwe i Muhona.” 9 Tjazumba wa eta omuzandu we Sama. Nu Samuel wa tja: “Kako, ingwi wina ka toororerwe i Muhona.” 10 Komuhingo mbwi Isai otja eta ovazandu ve hambombari ku Samuel, nungwari Samuel wa tja ku ye: “Avehe mba Muhona ke ve toororere.” 11 Tjazumba Samuel wa pura Isai a tja: “Ovazandu voye mba owo avehe?”
Isai wa zira nai: “Ngunda pe nongero, nungwari eye u ri pendje, u risa ozonḓu.”
Samuel arire tja tja “Kemuete! Katu nokupunguha ombunguhiro eye ngunda e hiye ya.” 12 Nu Isai wa hinda omundu okukemupaha. Omuzandu ngwi wa ri omuwa mombunikiro nomeho omawa, nomuhapo omuwa. Nu Muhona wa tja ku Samuel: “Onguri ye ngwi, mu twirisa!” 13 Samuel otja toora onya yomaze womiṋinga na twirisire David momurungu womarumbi we. Nombepo ya Muhona ya hita mu David nai kara mu ye okuza keyuva ndo. Nu Samuel arire tja yaruka kOrama.
David ma ungurire Saul
14 Ombepo ya Muhona ya pita mu Saul, nombepo ombi Muhona ndja hinda ye mu zunga. 15 Ovakarere va Saul va tja nai ku ye: “Matu tjiwa kutja ombepo ombi ndja hindwa i Ndjambi mai ku zunga. 16 Tu raera, muhona, tu kapahe omundu ngu tjiwa okunyanda otjiharpe. Indji ombepo ombi tji mai hiti move, omurumendu ngwi otji ma nyanda otjiharpe, nove otji mo kara nawa rukwao.”
17 Saul otja rakiza nai kovakarere ve: “Kendjipahereye omurumendu ngu nyanda nawa, nu mu mu ete ku ami.”
18 Nu umwe wovakarere ve wa tja nai: “Tara, ami mba muna omuzandu wa Isai, Omubetlehem, ngwa sora okunyanda otjiharpe, neye ependa nomurwe wovita, omunamirya, wa hapa nawa, nu Muhona u ri puna ye.”
19 Saul otja tuma ovahindwa ku Isai, ve katje nai: “Ndji hindira omuzandu woye David, ingwi ngu risa ozonḓu.” 20 Isai wa kambura okasino na kutire ko omboroto nondjaṱu yomavinu nokangombona, na hindi omuzandu we David ku Saul puna oviṋa avihe mbi. 21 Nu David wa ungurira Saul. Saul we mu suverere tjinene ne mu toorora kutja a rire omutjinde wovirwise vye. 22 Saul otja hinda ombuze ku Isai a tja: “Ami me vanga David; mu esa a kare mba, e ndji ungurire.” 23 Nokuzambo ombepo ombi ndja hindwa i Ndjambi tji ya penduka mu Saul, David otjaa toora otjiharpe tje, na nyanda. Nombepo ombi otjaa i piti mu Saul, neye otjiye rimunu nawa, na kara nawa rukwao.Otjiharpe
Samuel ma twirisa David a rire Ombara
1 Muhona wa tja ku Samuel: “Mo ṱoruhoze na Saul nga ruṋe? Ami mbe mu nakaura kutja a ha rire ombara mOisrael. Urisa onya yoye nomaze omatwirise, nu u yende kObetlehem! Ami me ku hindi komurumendu wena Isai, tjinga amba toorora umwe wovazandu ve okurira ombara.”
2 Nu Samuel we mu pura a tja: “Ami me sora vi okutjita nao? Saul tja zuu otjiṋa hi me ndji zepa.”
Nu Muhona wa zira nai: “Twaerera ondana ondume, u katje: ‘Ami mbe ya okupunguhira Muhona.’ 3 Ṋanga Isai komukandi wombunguhiro, nu ami me ku tjivisa imbi mbi mo pu pokutjita. Ove mo twirisa ingwi ngu me ku urikire kutja a rire ombara.”
4 Nu Samuel wa tjita ihi Muhona tje mu raera, na i kObetlehem; novanane votjihuro ve mu tjakanena nomburuma, nave mu pura ave tja: “Omeero woye nga omanahange?”
5 Eye wa zira a tja: “Ii, omanahange! Ami mbe ya okupunguhira Muhona ombunguhiro. Riyapureye oveni, nu mu ye puna ami kombunguhiro!” Eye wa raera Isai novazandu ve wina kutja ve riyapure, ne ve ṋanga kombunguhiro.
6 Nowo tji ve ya, Samuel wa muna Eliab, omuzandu wa Isai, ne ripura nai mu ye omuini: “Omurumendu ngwi ngwa kurama mba komurungu wa Muhona, tjiri, onguri ingwi Muhona ngwa toorora okutwirisiwa.” 7 Nungwari Muhona wa tja nai ku Samuel: “O tara ku ihi ovandu ku ve tara; ovandu ve tara kombunikiro yomuhapo, nungwari Muhona u tara omutima womundu.”
8 Tjazumba Isai wa isana omuzandu we Abinadab, ne mu eta ku Samuel. Nungwari Samuel wa tja: “Kako, ingwi ka toororerwe i Muhona.” 9 Tjazumba wa eta omuzandu we Sama. Nu Samuel wa tja: “Kako, ingwi wina ka toororerwe i Muhona.” 10 Komuhingo mbwi Isai otja eta ovazandu ve hambombari ku Samuel, nungwari Samuel wa tja ku ye: “Avehe mba Muhona ke ve toororere.” 11 Tjazumba Samuel wa pura Isai a tja: “Ovazandu voye mba owo avehe?”
Isai wa zira nai: “Ngunda pe nongero, nungwari eye u ri pendje, u risa ozonḓu.”
Samuel arire tja tja “Kemuete! Katu nokupunguha ombunguhiro eye ngunda e hiye ya.” 12 Nu Isai wa hinda omundu okukemupaha. Omuzandu ngwi wa ri omuwa mombunikiro nomeho omawa, nomuhapo omuwa. Nu Muhona wa tja ku Samuel: “Onguri ye ngwi, mu twirisa!” 13 Samuel otja toora onya yomaze womiṋinga na twirisire David momurungu womarumbi we. Nombepo ya Muhona ya hita mu David nai kara mu ye okuza keyuva ndo. Nu Samuel arire tja yaruka kOrama.
David ma ungurire Saul
14 Ombepo ya Muhona ya pita mu Saul, nombepo ombi Muhona ndja hinda ye mu zunga. 15 Ovakarere va Saul va tja nai ku ye: “Matu tjiwa kutja ombepo ombi ndja hindwa i Ndjambi mai ku zunga. 16 Tu raera, muhona, tu kapahe omundu ngu tjiwa okunyanda otjiharpe. Indji ombepo ombi tji mai hiti move, omurumendu ngwi otji ma nyanda otjiharpe, nove otji mo kara nawa rukwao.”
17 Saul otja rakiza nai kovakarere ve: “Kendjipahereye omurumendu ngu nyanda nawa, nu mu mu ete ku ami.”
18 Nu umwe wovakarere ve wa tja nai: “Tara, ami mba muna omuzandu wa Isai, Omubetlehem, ngwa sora okunyanda otjiharpe, neye ependa nomurwe wovita, omunamirya, wa hapa nawa, nu Muhona u ri puna ye.”
19 Saul otja tuma ovahindwa ku Isai, ve katje nai: “Ndji hindira omuzandu woye David, ingwi ngu risa ozonḓu.” 20 Isai wa kambura okasino na kutire ko omboroto nondjaṱu yomavinu nokangombona, na hindi omuzandu we David ku Saul puna oviṋa avihe mbi. 21 Nu David wa ungurira Saul. Saul we mu suverere tjinene ne mu toorora kutja a rire omutjinde wovirwise vye. 22 Saul otja hinda ombuze ku Isai a tja: “Ami me vanga David; mu esa a kare mba, e ndji ungurire.” 23 Nokuzambo ombepo ombi ndja hindwa i Ndjambi tji ya penduka mu Saul, David otjaa toora otjiharpe tje, na nyanda. Nombepo ombi otjaa i piti mu Saul, neye otjiye rimunu nawa, na kara nawa rukwao.Otjiharpe
