Ovita kuna Ovaamalek
1 Samuel wa tja nai ku Saul: “Muhona we ndji hinda okukutwirisa u rire ombara yotjiwaṋa tje Israel; nambano puratena komambo wa Muhona ngu ma hungire. 2 Muhona Omunamasaaehe, ma tja nai: ‘Ami me sutisa ouhasemba Ovaamalek mbu va tjitire kOvaisrael, tji ve rityakaṋene mondjira mokupita kwawo mOengipte. 3 Twende u karwise Ovaamalek, nu u kanyone oviṋa avihe okumana, mbi ve na vyo. O sye po otjiṋa; kazepe ovarumendu avehe novakazendu novanatje ovanyame, nozongombe nozonyanda nozongamero nousino!’ ”
4 Saul wa woronganisa ovarwe ve wovita ne ve varere mOtelaim. Nu pa ri ovarwe wovita vOvaisrael omayovi omasere yevari, novarumendu omayovi omurongo vOvajuda. 5 Saul novandu ve va ya kotjihuro tjOvaamalek nave katjita otutatwa motjana. 6 Nu Saul wa tjivisa nai kOvakeni: “Twendeye, mu ze mo mokati kOvaamalek kutja e he mu nyonene puna wo; orondu eṋe mwa ṱira Ovaisrael otjari, indu tji va zire mOengipte.” NOvakeni otji va za mo mokati kOvaamalek.
7 Nu Saul wa havera Ovaamalek okuza kOhawila nga kOsur, tji tji ri komukuma wokomuhuka wa Engipte. 8 Neye wa kambura Agag, ombara yOvaamalek, na zepa otjiwaṋa atjihe. 9 Nungwari Saul novarwe ve wovita va yama omuinyo wa Agag, nu kave zepere ozonyanda inḓa ozombwa, nozongombe nozondjona, na avihe mbya ri ovinanḓengu. Nungwari va zepa ovinamuinyo imbi ovirambi novihinahepero.
Saul kenokuyakurwa otjOmbara
10 Muhona wa hungira ku Samuel a tja: 11 “Ami mba hihamwa omutima kutja mba zika Saul okurira ombara; eye wa poka ku ami nu ka ṱakamisire omatwako wandje.” Samuel we rikenda tjinene, ne riheke ouṱuku auhe ku Muhona. 12 Nu menyunguhuka rependukirwa Samuel wa sekama okukatjakanena Saul. Nu Samuel wa tjivisiwa kutja Saul wa ire kotjihuro Karmel, ke keritungirira ewe rotjizemburukiro, nu okuzambo a i kOgilgal. 13 Nu Samuel tje ya ku Saul, Saul wa tja ku ye: “Ngo serwe ondaya i Muhona. Ami mba yenenisa omarakiza wa Muhona.”
14 Samuel wa pura a tja: “Okutjavi tji me zuu omavandarero wozonyanda nowozongombe?”
15 Saul wa zira nai: “Ovarwe vandje wovita ve ze huura kOvaamalek. Owo va ṱakamisa ozonyanda nozongombe inḓa ozombwa tjinene okuzepunguhira Muhona, Ndjambi woye; nu inḓa nḓa sewa po twe ze nyona.”
16 Nu Samuel wa rakiza a tja ku Saul: “Mwina, mbi ku tjivise imbi Muhona mbya hungire ku ami mouṱuku mbunombwi.”
Saul wa zira a tja: “Hungira!”
17 Samuel wa zira nai: “Kape ri nao ngwari? Ove nandi we rimunu omuini kutja oove omuhinanḓengu, oove ngu u ri omunane womihoko vya Israel, orondu Muhona we ku twirisa u rire ombara mOisrael. 18 Muhona we ku hinda ama tja: ‘Twende, u karwise ovarunde, imba Ovaamalek, nga tji we ve nyono avehe!’ 19 Okutjavi tji u ha zuvire ku ye? Nu okutjavi tji wa taurira mokukambura ovihuurwa, no tjiti imbi Muhona mbye ha vanga?”
20 Saul wa tja nai ku Samuel: “Ami mba kara nonḓuviro ku Muhona, nu mba tjita otja pe ndji raera, ne kakotora Agag, ombara yOvaamalek; nu imba Ovaamalek avehe mba zepa. 21 Nungwari ovarwe vandje wovita kave zepere ozonyanda nozongombe inḓa ozombwa tjinene nḓu va huura; owo ve ze eta kOgilgal okuyekuzepunguhira Muhona, Ndjambi woye.”
22 Samuel otja tja nai: “Otjikeṋa Muhona tje vanga komeho? Onḓuviro poo ozombunguhiro ozoningiririsiwa nozovinamuinyo? Kokuwa okongwi okukara nonḓuviro ku ye komurungu wokumupunguhira ozonḓu ozombwa, nḓa ṋuna. 23 Okupirukira Muhona okokuvi tjimuna oundjai, nourangaranga owo ourunde tjimuna okukarera ovisenginina. Ove tjinga awa nakaura omarakiza wa Muhona, eye wina otjinga e ku nakaura kutja o ha rire ombara rukwao.”
24 Saul wa zira Samuel a tja: “Ami mba tjita ouvi mena rokutja hi ṱakamisire omarakiza wa Muhona nomaraerero woye, tjinga amba tira ovarwe vandje wovita namba zuva ku wo. 25 Nambano, arikana, ndji isira ozondjo zandje, nu ngatu yaruke pamwe kutja mbi kerikotamene ku Muhona.”
26 Samuel wa zira nai: “Ami hi nakuyaruka puna ove. Ove wa nakaura omarakiza wa Muhona, nu Muhona nambano we ku nakaura kutja o ha rire ombara ya Israel rukwao.”
27 Samuel tje rivingurura okuyenda, Saul arire tja kambura otjikoro tjombanda ya Samuel, notjo tja poka okuza ko. 28 Samuel wa tja nai ku ye: “Ndinondi Muhona wa nyondororora ouhona wa Israel okuisa ko kove, ne u yandja komundu warwe ngu ri omusemba pove. 29 Ndjambi wa Israel, Omuhivirikwa, kakora ovizeze nu ka rundurura omeripuriro we. Eye kamundu, nu ka rundurura omeripuriro we.”
30 Nu Saul wa zira a tja: “Ami mba tura ondjo; nungwari ndji raisira ondengero komurungu wovanane votjiwaṋa tjandje na komurungu wOvaisrael avehe. Ngatu yaruke pamwe kutja mbi kerikotamene ku Muhona, Ndjambi woye.” 31 Samuel otja yaruka puna Saul, nu Saul we rikotamena ku Muhona.
32 Nu Samuel otja rakiza a tja: “Eteye Agag, ombara yOvaamalek, ku ami!” Agag weya ama tira, ne ripura nai mu ye omuini: “Tjiri, onḓiro oyo otjiṋa otjitetarise!” 33 Nungwari Samuel wa tja: “Otja engaruvyo roye punga ara tjita ooina okukara nokuhinovanatje, opunga amape tjitwa ku nyoko okukara nokuhinomuatje.” Neye wa hahaura Agag movindimbu komurungu wotjipunguhiro tja Muhona mOgilgal.
34 Samuel wa ya kOrama, nu Saul wa yaruka koye kOgibea. 35 Samuel ke na pa kahakaena na Saul rukwao ngunda e nomuinyo; nungwari eye wa kara noruhoze na Saul. Muhona wa hihamwa omutima kutja wa zikire Saul okurira ombara mOisrael.
Ovita kuna Ovaamalek
1 Samuel wa tja nai ku Saul: “Muhona we ndji hinda okukutwirisa u rire ombara yotjiwaṋa tje Israel; nambano puratena komambo wa Muhona ngu ma hungire. 2 Muhona Omunamasaaehe, ma tja nai: ‘Ami me sutisa ouhasemba Ovaamalek mbu va tjitire kOvaisrael, tji ve rityakaṋene mondjira mokupita kwawo mOengipte. 3 Twende u karwise Ovaamalek, nu u kanyone oviṋa avihe okumana, mbi ve na vyo. O sye po otjiṋa; kazepe ovarumendu avehe novakazendu novanatje ovanyame, nozongombe nozonyanda nozongamero nousino!’ ”
4 Saul wa woronganisa ovarwe ve wovita ne ve varere mOtelaim. Nu pa ri ovarwe wovita vOvaisrael omayovi omasere yevari, novarumendu omayovi omurongo vOvajuda. 5 Saul novandu ve va ya kotjihuro tjOvaamalek nave katjita otutatwa motjana. 6 Nu Saul wa tjivisa nai kOvakeni: “Twendeye, mu ze mo mokati kOvaamalek kutja e he mu nyonene puna wo; orondu eṋe mwa ṱira Ovaisrael otjari, indu tji va zire mOengipte.” NOvakeni otji va za mo mokati kOvaamalek.
7 Nu Saul wa havera Ovaamalek okuza kOhawila nga kOsur, tji tji ri komukuma wokomuhuka wa Engipte. 8 Neye wa kambura Agag, ombara yOvaamalek, na zepa otjiwaṋa atjihe. 9 Nungwari Saul novarwe ve wovita va yama omuinyo wa Agag, nu kave zepere ozonyanda inḓa ozombwa, nozongombe nozondjona, na avihe mbya ri ovinanḓengu. Nungwari va zepa ovinamuinyo imbi ovirambi novihinahepero.
Saul kenokuyakurwa otjOmbara
10 Muhona wa hungira ku Samuel a tja: 11 “Ami mba hihamwa omutima kutja mba zika Saul okurira ombara; eye wa poka ku ami nu ka ṱakamisire omatwako wandje.” Samuel we rikenda tjinene, ne riheke ouṱuku auhe ku Muhona. 12 Nu menyunguhuka rependukirwa Samuel wa sekama okukatjakanena Saul. Nu Samuel wa tjivisiwa kutja Saul wa ire kotjihuro Karmel, ke keritungirira ewe rotjizemburukiro, nu okuzambo a i kOgilgal. 13 Nu Samuel tje ya ku Saul, Saul wa tja ku ye: “Ngo serwe ondaya i Muhona. Ami mba yenenisa omarakiza wa Muhona.”
14 Samuel wa pura a tja: “Okutjavi tji me zuu omavandarero wozonyanda nowozongombe?”
15 Saul wa zira nai: “Ovarwe vandje wovita ve ze huura kOvaamalek. Owo va ṱakamisa ozonyanda nozongombe inḓa ozombwa tjinene okuzepunguhira Muhona, Ndjambi woye; nu inḓa nḓa sewa po twe ze nyona.”
16 Nu Samuel wa rakiza a tja ku Saul: “Mwina, mbi ku tjivise imbi Muhona mbya hungire ku ami mouṱuku mbunombwi.”
Saul wa zira a tja: “Hungira!”
17 Samuel wa zira nai: “Kape ri nao ngwari? Ove nandi we rimunu omuini kutja oove omuhinanḓengu, oove ngu u ri omunane womihoko vya Israel, orondu Muhona we ku twirisa u rire ombara mOisrael. 18 Muhona we ku hinda ama tja: ‘Twende, u karwise ovarunde, imba Ovaamalek, nga tji we ve nyono avehe!’ 19 Okutjavi tji u ha zuvire ku ye? Nu okutjavi tji wa taurira mokukambura ovihuurwa, no tjiti imbi Muhona mbye ha vanga?”
20 Saul wa tja nai ku Samuel: “Ami mba kara nonḓuviro ku Muhona, nu mba tjita otja pe ndji raera, ne kakotora Agag, ombara yOvaamalek; nu imba Ovaamalek avehe mba zepa. 21 Nungwari ovarwe vandje wovita kave zepere ozonyanda nozongombe inḓa ozombwa tjinene nḓu va huura; owo ve ze eta kOgilgal okuyekuzepunguhira Muhona, Ndjambi woye.”
22 Samuel otja tja nai: “Otjikeṋa Muhona tje vanga komeho? Onḓuviro poo ozombunguhiro ozoningiririsiwa nozovinamuinyo? Kokuwa okongwi okukara nonḓuviro ku ye komurungu wokumupunguhira ozonḓu ozombwa, nḓa ṋuna. 23 Okupirukira Muhona okokuvi tjimuna oundjai, nourangaranga owo ourunde tjimuna okukarera ovisenginina. Ove tjinga awa nakaura omarakiza wa Muhona, eye wina otjinga e ku nakaura kutja o ha rire ombara rukwao.”
24 Saul wa zira Samuel a tja: “Ami mba tjita ouvi mena rokutja hi ṱakamisire omarakiza wa Muhona nomaraerero woye, tjinga amba tira ovarwe vandje wovita namba zuva ku wo. 25 Nambano, arikana, ndji isira ozondjo zandje, nu ngatu yaruke pamwe kutja mbi kerikotamene ku Muhona.”
26 Samuel wa zira nai: “Ami hi nakuyaruka puna ove. Ove wa nakaura omarakiza wa Muhona, nu Muhona nambano we ku nakaura kutja o ha rire ombara ya Israel rukwao.”
27 Samuel tje rivingurura okuyenda, Saul arire tja kambura otjikoro tjombanda ya Samuel, notjo tja poka okuza ko. 28 Samuel wa tja nai ku ye: “Ndinondi Muhona wa nyondororora ouhona wa Israel okuisa ko kove, ne u yandja komundu warwe ngu ri omusemba pove. 29 Ndjambi wa Israel, Omuhivirikwa, kakora ovizeze nu ka rundurura omeripuriro we. Eye kamundu, nu ka rundurura omeripuriro we.”
30 Nu Saul wa zira a tja: “Ami mba tura ondjo; nungwari ndji raisira ondengero komurungu wovanane votjiwaṋa tjandje na komurungu wOvaisrael avehe. Ngatu yaruke pamwe kutja mbi kerikotamene ku Muhona, Ndjambi woye.” 31 Samuel otja yaruka puna Saul, nu Saul we rikotamena ku Muhona.
32 Nu Samuel otja rakiza a tja: “Eteye Agag, ombara yOvaamalek, ku ami!” Agag weya ama tira, ne ripura nai mu ye omuini: “Tjiri, onḓiro oyo otjiṋa otjitetarise!” 33 Nungwari Samuel wa tja: “Otja engaruvyo roye punga ara tjita ooina okukara nokuhinovanatje, opunga amape tjitwa ku nyoko okukara nokuhinomuatje.” Neye wa hahaura Agag movindimbu komurungu wotjipunguhiro tja Muhona mOgilgal.
34 Samuel wa ya kOrama, nu Saul wa yaruka koye kOgibea. 35 Samuel ke na pa kahakaena na Saul rukwao ngunda e nomuinyo; nungwari eye wa kara noruhoze na Saul. Muhona wa hihamwa omutima kutja wa zikire Saul okurira ombara mOisrael.
