Ovita kuna Ovafilisti
1 Saul wa ri nozombura omirongo vitatu tja rira ombara. Neye tja honaparera Ovaisrael oure wozombura mbari, 2 otje ritoororera ovarumendu omayovi yetatu mOvaisrael; pu ye omuini pa ri omayovi yevari mOmikmas na mehi rozondundu ra Betel, neyovi rimwe ra ri pu Jonatan mOgibea mehi romuhoko wa Benjamin. Nu ihi otjihupe tjovarwe wovita we tji esa kutja tji yaruke kozonganda zatjo.
3 Jonatan wa zepa omuhongore wovita wOvafilisti mOgeba, nOvafilisti avehe va zuva otjiṋa hi. Nu Saul wa tuma ovahindwa ve kaposise onya mehi arihe okuisana Ovaheberi kutja ve ye kovita. 4 NOvaisrael avehe va zuva kutja Saul wa zepa omuhongore wovita wOvafilisti, nokutja Ovaisrael ve rihumisa kOvafilisti. Ovarwe avehe wovita otji va isanewa okukongorera Saul kOgilgal.
5 NOvafilisti va worongana okurwisa Ovaisrael; owo va ri nomatemba wovita omayovi yetatu, novakavire voukambe omayovi hamboumwe, novandu vopehi votjivaro tji tja ṱekire peheke romukuro wokuvare. Owo va katona ozondanda mOmikmas, komukuma wokomuhuka wa Bet-Awen. 6 Ovaisrael tji va muna kutja ve ri mombamisiro, otji va kaṱara mozondimba na momina na motupoko na motuhoro na mozombu. 7 Novengi vawo va konda onḓonḓu Jordan ave i kehi ra Gad nora Gilead.
Nungwari Saul tjandje ingee u ri mOgilgal, novarwe wovita avehe, mba ri pu ye, va urumine tjinene. 8 Neye wa undja Samuel omayuva hambombari otja koruveze Samuel ndwa twa po. Nungwari Samuel tjandje ingee kee ya kOgilgal, novarwe va Saul wovita va uta okurimbara. 9 Nu Saul arire tja tja: “Ndji etereye ozombunguhiro ozoningiririsiwa nozohange!” Neye wa punguha ombunguhiro oningiririsiwa. 10 Nu Saul tja za nokupunguha ombunguhiro oningiririsiwa ndji, kamanga Samuel arire tje ya mbo; nu Saul wa pita okukemutjakanena nokumuminika. 11 Nu Samuel we mu pura nai: “Ove wa ungura tjike?”
Saul wa zira a tja: “Ami mba munu ovarwe wovita kutja ve ndji esa nave rimbara nokutja ove wina ko ere moruveze ndu wa twa po; nOvafilisti va woronganena mOmikmas. 12 Otji mbe ripura nai: ‘Nambano Ovafilisti mave ndji rwisire mOgilgal, ngunda ambi hiya kondja okumuna ondjingonekero ku Muhona.’ Otji mbe ripura kutja me sokupunguha ombunguhiro.”
13 Samuel wa zira nai ku Saul: “Ove wa tjita ouyova, ko ṱakamisire etwako ra Muhona, Ndjambi woye, nde ku rakiza. Andakuzu wa ṱakamisa ro, Muhona atja zikamisa ouhona woye kombanda ya Israel nga aruhe. 14 Nungwari nambano ouhona woye kau nokukarerera. Muhona we ripahera omurumendu ngu ma vanga, a honaparere otjiwaṋa tje, ove tjinga au ha tjitire imbi Muhona mbye ku rakiza.”
15 Samuel wa za mOgilgal na twara ondjira ye. Otjihupe tjovandu tja kongorera Saul, indu eye tja ya okukawana novarwe ve wovita. Owo va za mOgilgal nave i kOgibea kehi ra Benjamin. Nu Saul wa vara otjimbumba tje tjovita tji tja ri pu ye, ovarumendu mangara omasere hamboumwe. 16 Saul nomuzandu we Jonatan novarwe vawo wovita va kara mOgeba mehi romuhoko wa Benjamin; nOvafilisti va tona ozondanda zawo mOmikmas. 17 Novarwe vOvafilisti wovita va pita mozondanda zawo motupa tutatu okukahuura: Orupa rumwe rwa hungama kOfra mehi rOvashual; 18 norupa rwarwe rwa hungama Bet-Horon, nu indwi orutjatatu rwa hungama omuruko mbwa tara kotjana tja Sebojim mokuti onguza.
19 Nu kapa ri omuhambure mehi arihe ra Israel, orondu Ovafilisti tji va tja nai: “Ngatu tjaere Ovaheberi kutja ave ha hambura omangaruvyo nomanga.” 20 Ovaisrael otjaave i kOvafilisti okukaupika ovitaure vyehi, nomatemo nomakuva, novikonde vyomahozu. 21 Omaningiriro wotjimariva ya ri okamariva kemwe komaupikiro wovitaure vyehi nomakuva, novimariva vivari komaupikiro womatemo na komaṱunino womipiṋe. 22 Nu komuhingo mbwi meyuva rovita kapa ri umwe ngwa ri nengaruvyo poo nenga meke re movarwe wovita avehe mba, mba ri pu Saul na Jonatan, posi ya Saul nomuzandu we Jonatan porwe.
23 Notjimbumba tjovatjevere tjOvafilisti tja ryama komurungu okukayeura omeero wa Mikmas.
Ovita kuna Ovafilisti
1 Saul wa ri nozombura omirongo vitatu tja rira ombara. Neye tja honaparera Ovaisrael oure wozombura mbari, 2 otje ritoororera ovarumendu omayovi yetatu mOvaisrael; pu ye omuini pa ri omayovi yevari mOmikmas na mehi rozondundu ra Betel, neyovi rimwe ra ri pu Jonatan mOgibea mehi romuhoko wa Benjamin. Nu ihi otjihupe tjovarwe wovita we tji esa kutja tji yaruke kozonganda zatjo.
3 Jonatan wa zepa omuhongore wovita wOvafilisti mOgeba, nOvafilisti avehe va zuva otjiṋa hi. Nu Saul wa tuma ovahindwa ve kaposise onya mehi arihe okuisana Ovaheberi kutja ve ye kovita. 4 NOvaisrael avehe va zuva kutja Saul wa zepa omuhongore wovita wOvafilisti, nokutja Ovaisrael ve rihumisa kOvafilisti. Ovarwe avehe wovita otji va isanewa okukongorera Saul kOgilgal.
5 NOvafilisti va worongana okurwisa Ovaisrael; owo va ri nomatemba wovita omayovi yetatu, novakavire voukambe omayovi hamboumwe, novandu vopehi votjivaro tji tja ṱekire peheke romukuro wokuvare. Owo va katona ozondanda mOmikmas, komukuma wokomuhuka wa Bet-Awen. 6 Ovaisrael tji va muna kutja ve ri mombamisiro, otji va kaṱara mozondimba na momina na motupoko na motuhoro na mozombu. 7 Novengi vawo va konda onḓonḓu Jordan ave i kehi ra Gad nora Gilead.
Nungwari Saul tjandje ingee u ri mOgilgal, novarwe wovita avehe, mba ri pu ye, va urumine tjinene. 8 Neye wa undja Samuel omayuva hambombari otja koruveze Samuel ndwa twa po. Nungwari Samuel tjandje ingee kee ya kOgilgal, novarwe va Saul wovita va uta okurimbara. 9 Nu Saul arire tja tja: “Ndji etereye ozombunguhiro ozoningiririsiwa nozohange!” Neye wa punguha ombunguhiro oningiririsiwa. 10 Nu Saul tja za nokupunguha ombunguhiro oningiririsiwa ndji, kamanga Samuel arire tje ya mbo; nu Saul wa pita okukemutjakanena nokumuminika. 11 Nu Samuel we mu pura nai: “Ove wa ungura tjike?”
Saul wa zira a tja: “Ami mba munu ovarwe wovita kutja ve ndji esa nave rimbara nokutja ove wina ko ere moruveze ndu wa twa po; nOvafilisti va woronganena mOmikmas. 12 Otji mbe ripura nai: ‘Nambano Ovafilisti mave ndji rwisire mOgilgal, ngunda ambi hiya kondja okumuna ondjingonekero ku Muhona.’ Otji mbe ripura kutja me sokupunguha ombunguhiro.”
13 Samuel wa zira nai ku Saul: “Ove wa tjita ouyova, ko ṱakamisire etwako ra Muhona, Ndjambi woye, nde ku rakiza. Andakuzu wa ṱakamisa ro, Muhona atja zikamisa ouhona woye kombanda ya Israel nga aruhe. 14 Nungwari nambano ouhona woye kau nokukarerera. Muhona we ripahera omurumendu ngu ma vanga, a honaparere otjiwaṋa tje, ove tjinga au ha tjitire imbi Muhona mbye ku rakiza.”
15 Samuel wa za mOgilgal na twara ondjira ye. Otjihupe tjovandu tja kongorera Saul, indu eye tja ya okukawana novarwe ve wovita. Owo va za mOgilgal nave i kOgibea kehi ra Benjamin. Nu Saul wa vara otjimbumba tje tjovita tji tja ri pu ye, ovarumendu mangara omasere hamboumwe. 16 Saul nomuzandu we Jonatan novarwe vawo wovita va kara mOgeba mehi romuhoko wa Benjamin; nOvafilisti va tona ozondanda zawo mOmikmas. 17 Novarwe vOvafilisti wovita va pita mozondanda zawo motupa tutatu okukahuura: Orupa rumwe rwa hungama kOfra mehi rOvashual; 18 norupa rwarwe rwa hungama Bet-Horon, nu indwi orutjatatu rwa hungama omuruko mbwa tara kotjana tja Sebojim mokuti onguza.
19 Nu kapa ri omuhambure mehi arihe ra Israel, orondu Ovafilisti tji va tja nai: “Ngatu tjaere Ovaheberi kutja ave ha hambura omangaruvyo nomanga.” 20 Ovaisrael otjaave i kOvafilisti okukaupika ovitaure vyehi, nomatemo nomakuva, novikonde vyomahozu. 21 Omaningiriro wotjimariva ya ri okamariva kemwe komaupikiro wovitaure vyehi nomakuva, novimariva vivari komaupikiro womatemo na komaṱunino womipiṋe. 22 Nu komuhingo mbwi meyuva rovita kapa ri umwe ngwa ri nengaruvyo poo nenga meke re movarwe wovita avehe mba, mba ri pu Saul na Jonatan, posi ya Saul nomuzandu we Jonatan porwe.
23 Notjimbumba tjovatjevere tjOvafilisti tja ryama komurungu okukayeura omeero wa Mikmas.
