Ndjambi me rimunikisa rukwao ku Salomo
(2Eku 7:11-22)1 Ombara Salomo tja mana okutunga ondjuwo ya Muhona nondjuwo youhona, noviṋa vyarwe avihe mbya vangere okutunga, 2 Muhona arire tje rimunikisa ku ye rukwao otja tje rimunikisire ku ye mOgibeon. 3 Muhona wa tja nai ku ye: “Ami mba zuva ongumbiro nomeriyarikaṋeno woye, mbi wa tjita ku ami. Ami mba yapura ondjuwo ndji ndji wa tunga otja moṋa mu mamu kara ena randje nga aruhe. Ami me i tjevere ne i ṱakamisa aruhe. 4 Nu nambano tji mo ndji karere tjimuna iho David tja tjitire, mouatjiri na mousemba, no tjiti atjihe tji mbe ku rakiza, noṱakamisa omatwako wandje, 5 Ami otji me yenenisa omakwizikiro ngu mba tjita ku iho David, indu tji mbe mu raera kutja ozondekurona ze maze honaparere Ovaisrael nga aruhe. 6 Nungwari ove poo ozondekurona zoye tji mwa isa okundjikongorera nu tji mu hi nokuṱakamisa omatwako nomazikamisiro ngu mbe mu pa, namu rikotamene koomukuru varwe, 7 otji me isa mo otjiwaṋa tjandje Israel mehi, ami ndi mbe ve pa. Wina me zu mo mondjuwo ndji, ndji mba yapurira okukumbirwa mo, novandu avehe mave nyekerere Ovaisrael nave ve nyengura. 8 Nondjuwo ndji mai rire otjitambatundu, nu auhe ngu ma kapita pu yo ma uruma na kumwa ne ripura nai: ‘Okutjavi Muhona tja tjiti nai kehi ndi na kondjuwo ndji?’ 9 Novandu varwe mave ziri nave tja: ‘Orondu otjiwaṋa tjinga atja poka ku Muhona, Ndjambi watjo, ngwa pitisire ooihe mukururume mOengipte. Owo va hondja koomukuru vovisenginina nave rikotamene ku wo nokuvekarera. Muhona opa etera oviwonga mbi avihe ku wo.’ ”
Omazuvasaneno wooSalomo na Hiram
(2Eku 8:1-2)10 Salomo wa tunga ondjuwo ya Muhona nondjuwo ye youhona moure wozombura omirongo vivari. 11 Hiram, ombara ya Tirus, we mu pa omiti vyotupapa novyomiparara avihe, nongoldo aihe ndja vanga koviungura mbi. Nombara Salomo tja mana, wa yandja ovihuro omirongo vivari mehi ra Galilea ku Hiram. 12 Hiram wa ka tara ovihuro mbi, neye ke vi vangere ko. 13 Neye opa tjera nai ku Salomo: “Mukwetu, ovingehuro mbi we ndji pe!” Komuhingo mbwi ehi ndo opu ra isanenwa Kabul nga ku ndinondi. 14 Hiram wa hindirire ombara Salomo ongoldo yondjinda yozokirograma mangara 4,000.
Oviungura vyarwe vya Salomo
(2Eku 8:3-18)15 Ombara Salomo wa ungurisa ovandu oviungura vyoṋiṋikizire okutunga ondjuwo ya Muhona nondjuwo ye youhona na Milo, norumbo rwa Jerusalem, nokutungurura ovihuro ooHasor na Megido na Geser. 16 Farao, ombara ya Engipte, wa rwisire otjihuro Geser ne tji kambura; eye wa zepere ovature vatjo na nyosa otjihuro hi. Tjazumba otje tji yandja komuatje we omusuko tji rire otjiyandjewa tjorukupo, eye tja kupwa i Salomo. 17 Salomo opa tungururira otjihuro Geser, nandarire Bet-Horon tjokehi, 18 na Baalat na Tamar mokuti onguza kwa Juda, 19 novihuro avihe muyamu pwikirwa ovihepwa vye, novihuro vyomatemba we wovita novyoukambe we, noviṋa avihe ngamwa Salomo mbya vanga okutunga mOjerusalem na kOlibanon na mehi arihe rouhona we. 20 Koviungura vyoṋiṋikizire ombara Salomo wa ungurisa ovandu mba mba sewa ko voviwaṋa mbi, okutja Ovaamori nOvahetite nOvaperesi nOvahevi nOvajebusi, mbe ha ri ovotjiwaṋa tja Israel, 21 okutja ozondekurona zavyo za karerera okurira ovakarere nga ku ndinondi. 22 Salomo ka ungurisire Ovaisrael oviungura vyoṋiṋikizire; owo va ri ovarwe ve wovita, novahongore ve, novatye, novanane vomatemba we wovita, novakavire voukambe.
23 Pa ri ovatjevere ovanene omasere yetano nomirongo vitano vovaungure voviungura vyoṋiṋikizire mbaa ve ungura momatungiro pekepeke wombara Salomo.
24 Omukazendu wa Salomo, omusuko wa Farao, tja za mOtjihuro tja David okutjindira kondjuwo ye youhona Salomo ndje mu tungisira, kamanga Salomo otja uta okutunga otjiṱunga Milo.
25 Salomo aa punguhire ozombunguhiro ozoningiririsiwa nozohange povikando vitatu mombura kotjipunguhiro tja tungira Muhona. Eye wina aa kangisire Muhona ovyomoro omuwa. Komuhingo mbwi Salomo otja mana okutunga ondjuwo ya Muhona.
26 Ombara Salomo wina wa tunga ozondjuwozomomeva mOesjon-Geber, tji tji ri popezu na Elat, komukuro wOmuronga wOtuu, mehi ra Edom. 27 Ombara Hiram wa hinda ovaungure ovatjiwe vomokuvare okuza kozondjuwozomomeva ze okukaungura puna ovarumendu va Salomo. 28 Nowo va ya kehi ra Ofir nave kaeterera Salomo ongoldo yondjinda ndja kapita ozokirograma 14,000.
Ndjambi me rimunikisa rukwao ku Salomo
(2Eku 7:11-22)1 Ombara Salomo tja mana okutunga ondjuwo ya Muhona nondjuwo youhona, noviṋa vyarwe avihe mbya vangere okutunga, 2 Muhona arire tje rimunikisa ku ye rukwao otja tje rimunikisire ku ye mOgibeon. 3 Muhona wa tja nai ku ye: “Ami mba zuva ongumbiro nomeriyarikaṋeno woye, mbi wa tjita ku ami. Ami mba yapura ondjuwo ndji ndji wa tunga otja moṋa mu mamu kara ena randje nga aruhe. Ami me i tjevere ne i ṱakamisa aruhe. 4 Nu nambano tji mo ndji karere tjimuna iho David tja tjitire, mouatjiri na mousemba, no tjiti atjihe tji mbe ku rakiza, noṱakamisa omatwako wandje, 5 Ami otji me yenenisa omakwizikiro ngu mba tjita ku iho David, indu tji mbe mu raera kutja ozondekurona ze maze honaparere Ovaisrael nga aruhe. 6 Nungwari ove poo ozondekurona zoye tji mwa isa okundjikongorera nu tji mu hi nokuṱakamisa omatwako nomazikamisiro ngu mbe mu pa, namu rikotamene koomukuru varwe, 7 otji me isa mo otjiwaṋa tjandje Israel mehi, ami ndi mbe ve pa. Wina me zu mo mondjuwo ndji, ndji mba yapurira okukumbirwa mo, novandu avehe mave nyekerere Ovaisrael nave ve nyengura. 8 Nondjuwo ndji mai rire otjitambatundu, nu auhe ngu ma kapita pu yo ma uruma na kumwa ne ripura nai: ‘Okutjavi Muhona tja tjiti nai kehi ndi na kondjuwo ndji?’ 9 Novandu varwe mave ziri nave tja: ‘Orondu otjiwaṋa tjinga atja poka ku Muhona, Ndjambi watjo, ngwa pitisire ooihe mukururume mOengipte. Owo va hondja koomukuru vovisenginina nave rikotamene ku wo nokuvekarera. Muhona opa etera oviwonga mbi avihe ku wo.’ ”
Omazuvasaneno wooSalomo na Hiram
(2Eku 8:1-2)10 Salomo wa tunga ondjuwo ya Muhona nondjuwo ye youhona moure wozombura omirongo vivari. 11 Hiram, ombara ya Tirus, we mu pa omiti vyotupapa novyomiparara avihe, nongoldo aihe ndja vanga koviungura mbi. Nombara Salomo tja mana, wa yandja ovihuro omirongo vivari mehi ra Galilea ku Hiram. 12 Hiram wa ka tara ovihuro mbi, neye ke vi vangere ko. 13 Neye opa tjera nai ku Salomo: “Mukwetu, ovingehuro mbi we ndji pe!” Komuhingo mbwi ehi ndo opu ra isanenwa Kabul nga ku ndinondi. 14 Hiram wa hindirire ombara Salomo ongoldo yondjinda yozokirograma mangara 4,000.
Oviungura vyarwe vya Salomo
(2Eku 8:3-18)15 Ombara Salomo wa ungurisa ovandu oviungura vyoṋiṋikizire okutunga ondjuwo ya Muhona nondjuwo ye youhona na Milo, norumbo rwa Jerusalem, nokutungurura ovihuro ooHasor na Megido na Geser. 16 Farao, ombara ya Engipte, wa rwisire otjihuro Geser ne tji kambura; eye wa zepere ovature vatjo na nyosa otjihuro hi. Tjazumba otje tji yandja komuatje we omusuko tji rire otjiyandjewa tjorukupo, eye tja kupwa i Salomo. 17 Salomo opa tungururira otjihuro Geser, nandarire Bet-Horon tjokehi, 18 na Baalat na Tamar mokuti onguza kwa Juda, 19 novihuro avihe muyamu pwikirwa ovihepwa vye, novihuro vyomatemba we wovita novyoukambe we, noviṋa avihe ngamwa Salomo mbya vanga okutunga mOjerusalem na kOlibanon na mehi arihe rouhona we. 20 Koviungura vyoṋiṋikizire ombara Salomo wa ungurisa ovandu mba mba sewa ko voviwaṋa mbi, okutja Ovaamori nOvahetite nOvaperesi nOvahevi nOvajebusi, mbe ha ri ovotjiwaṋa tja Israel, 21 okutja ozondekurona zavyo za karerera okurira ovakarere nga ku ndinondi. 22 Salomo ka ungurisire Ovaisrael oviungura vyoṋiṋikizire; owo va ri ovarwe ve wovita, novahongore ve, novatye, novanane vomatemba we wovita, novakavire voukambe.
23 Pa ri ovatjevere ovanene omasere yetano nomirongo vitano vovaungure voviungura vyoṋiṋikizire mbaa ve ungura momatungiro pekepeke wombara Salomo.
24 Omukazendu wa Salomo, omusuko wa Farao, tja za mOtjihuro tja David okutjindira kondjuwo ye youhona Salomo ndje mu tungisira, kamanga Salomo otja uta okutunga otjiṱunga Milo.
25 Salomo aa punguhire ozombunguhiro ozoningiririsiwa nozohange povikando vitatu mombura kotjipunguhiro tja tungira Muhona. Eye wina aa kangisire Muhona ovyomoro omuwa. Komuhingo mbwi Salomo otja mana okutunga ondjuwo ya Muhona.
26 Ombara Salomo wina wa tunga ozondjuwozomomeva mOesjon-Geber, tji tji ri popezu na Elat, komukuro wOmuronga wOtuu, mehi ra Edom. 27 Ombara Hiram wa hinda ovaungure ovatjiwe vomokuvare okuza kozondjuwozomomeva ze okukaungura puna ovarumendu va Salomo. 28 Nowo va ya kehi ra Ofir nave kaeterera Salomo ongoldo yondjinda ndja kapita ozokirograma 14,000.
