Abija ma rire ombara mOjuda
(2Eku 13:1—14:1)1 Mombura oitjamurongo na hambondatu youhona wa Jerobeam, ombara ya Israel, Abija otja rira ombara mOjuda. 2 Eye wa honapara oure wozombura ndatu mOjerusalem. Ina wa ri Maaka, omusuko wa Absalom. 3 Ahija wa tura ondjo otja ihe, na ha kara nouṱakame oparukaze ku Muhona, Ndjambi we otja ihe mukururume David tjiye mu karere nouṱakame. 4 Nungwari mena ra David, Muhona, Ndjambi we wa yandja omuatje omuzandu ku Abija kutja a honapare kombunda ye mOjerusalem nokutjizeuparisa. 5 Muhona wa tjita ihi mena rokutja David wa tjitire imbi mbya tjata ku ye, nu wa karere nonḓuviro komarakiza we posi yo tjiṋa ihi tjOmuhetite Urija. 6 OoRehabeam na Jerobeam va kara novita kumwe aruhe moruveze rwouhona wa Abija. 7 Notjiṋa ngamwa atjihe Abija tja tjita tja tjangwa mEkuruhungi rOzombara za Juda.
8 Abija wa koka na pakwa nOtjihuro tja David nomuzandu we Asa we mu pingena okurira ombara.
Asa ma rire ombara mOjuda
(2Eku 15:16—16:6)9 Mombura oitjamirongo vivari youhona wa Jerobeam, ombara ya Israel, Asa otja rira ombara mOjuda. 10 Eye wa honapara oure wozombura omirongo vivari na imwe mOjerusalem. Ina mukurukaze wa ri Maaka, omusuko wa Absalom. 11 Asa wa tjita imbi mbya tjata ku Muhona otja ihe mukururume David pa tjitire. 12 Eye wa ramba ovakorondu avehe ovarumendu novakazendu mehi, mbaa ve karere poṋa pomerikotameneno kovisenginina, na isa po ovisenginina avihe mbya ungurirwe i imba mba ri po komurungu we. 13 Eye wa yeka ombara oserekaze ina mukurukaze Maaka ouhona, orondu ina ngwi wa ungurire otjiserekarera otjiyaukise tja Asera, ingwi omukuru oserekaze. Asa wa ka otjiserekarera hi tjotjisenginina e tji wisire pehi ne tji nyosire moruronḓu Kidron. 14 Nandarire kutja Asa ka nyonene otuveze atuhe twomerikotameneno kovisenginina, eye wa karerera nouṱakame ku Muhona ngunda e nomuinuyo. 15 Eye wa twa oviṋa avihe mondjuwo ya Muhona ihe mbya yapuririre Ndjambi we.
16 Nu pa kara ovita aruhe pokati ka Asa, ombara ya Juda, na Basa, ombara ya Israel, ngunda ava ri ovahona. 17 Basa wa rwisa Juda na zeuparisa otjihuro Rama kokutja a pate ozondjira azehe zokuhita nozokupita mOjuda. 18 Ombara Asa otja toora osilveri nongoldo aihe mbya sewa mondjuwo ya Muhona na mondjuwo youhona ne vi hindi puna ovakarere ve tjiva kOdamaskus, ku Benhadad, ombara ya Sirie, omuzandu wa Tabrimon, ondekurona ya Hesjon, nombuze ndji: 19 “Ngatu rikute kumwe otja ootate tji va tjitire. Osilveri nongoldo ndji ovyo oviyandjewa, mbi mba hindi kove. Nambano teya omakutasaneno woye kuna Basa, ombara ya Israel, kutja a ise mo ovimbumba vye vyovita mehi randje.”
20 Ombara Benhadad wa itavera kembo ra Asa, na hindi ovahongore ovatye ve novimbumba vyawo vyovita okukarwisa ovihuro vya Israel. Owo va havera ooIjon na Dan na Abel-Bet-Maaka, norukondwa rwehi ndwa ri popezu nOmuronga wa Galilea, nehi arihe ra Naftali. 21 Nombara Basa tja zuva imbi mbya tjitwa, otja isa okuzeuparisa otjihuro Rama na yaruka kOtirsa.
22 Tjazumba ombara Asa otja hinda ombuze mehi arihe ra Juda okukaningira omundu auhe nokuhinakutoorora kutja a vatere okutwara omawe nomiti okuza kOrama, Basa mbya ungurire na vyo okuzeuparisa otjihuro hi. Noviungurise mbi Asa wa zeuparisa na vyo otjihuro Mispa notjihuro Geba tji tji ri mehi ra Benjamin.
23 Otjiṋa ngamwa atjihe ombara Asa tja tjita; ozondjito ze zouvanḓe, novihuro eye mbya zeuparisa, avihe mbi vya tjangwa mEkuruhungi rOzombara za Juda. Nungwari moukurundu we omutjise wozombaze we mu remanisa. 24 Asa wa koka na pakwa mOjerusalem, otjihuro tjaihe David. Nomuzandu we Josafat we mu pingena okurira ombara.
Nadab ma rire ombara mOisrael
25 Mombura oitjavari youhona wa Asa, ombara ya Juda, Nadab, omuzandu wombara Jerobeam, otja rira ombara ya Israel; neye wa honapara oure wozombura mbari. 26 Eye wina wa tura ondjo komurungu wa Muhona na turisa Ovaisrael ondjo otja ihe ngwa ri po komurungu we tjaa tjiti.
27 Basa, omuzandu wa Ahija, womuhoko wa Isakar, we rikuta kumwe novakwao okusekamena Nadab nave mu zepa, Nadab notjimbumba tje tjovita ngunda ava kovere otjihuro Gibeton tji tji ri mOfilisti. 28 Ihi tja tjitwa mombura oitjatatu youhona wa Asa, ombara ya Juda. Komuhingo mbwi Basa otja pingena Nadab okurira ombara ya Israel. 29 Kamanga eye wa zepa ovandu avehe veṱunḓu ra Jerobeam. Indi eṱunḓu arihe ra Jerobeam ra ṱa otja Muhona pa hungirire notjinyo tjomukarere we, omuprofete Ahija wa Silo; kape na umwe ngwa hupa. 30 Ihi tja tjitwa mena rokutja Jerobeam wa pindikisa Muhona, Ndjambi wa Israel, mokutjita omauvi nokupukisa Ovaisrael.
31 Otjiṋa ngamwa atjihe Nadab tja tjita tja tjangwa mEkuruhungi rOzombara za Israel. 32 Nu aruhe pa kara ovita pokati ka Asa, ombara ya Juda, na Basa, ombara ya Israel, ngunda ava ri ovahona.
Basa ma rire ombara mOisrael
33 Mombura oitjatatu youhona wa Asa, ombara ya Juda, Basa, omuzandu wa Ahija, otja rira ombara ya Israel arihe; neye wa honapara mOtirsa oure wozombura omirongo vivari na ine. 34 Eye wina wa tura ondjo komurungu wa Muhona na turisa Ovaisrael ondjo otja ombara Jerobeam ngwa ri po komurungu we tjaa tjiti.
Abija ma rire ombara mOjuda
(2Eku 13:1—14:1)1 Mombura oitjamurongo na hambondatu youhona wa Jerobeam, ombara ya Israel, Abija otja rira ombara mOjuda. 2 Eye wa honapara oure wozombura ndatu mOjerusalem. Ina wa ri Maaka, omusuko wa Absalom. 3 Ahija wa tura ondjo otja ihe, na ha kara nouṱakame oparukaze ku Muhona, Ndjambi we otja ihe mukururume David tjiye mu karere nouṱakame. 4 Nungwari mena ra David, Muhona, Ndjambi we wa yandja omuatje omuzandu ku Abija kutja a honapare kombunda ye mOjerusalem nokutjizeuparisa. 5 Muhona wa tjita ihi mena rokutja David wa tjitire imbi mbya tjata ku ye, nu wa karere nonḓuviro komarakiza we posi yo tjiṋa ihi tjOmuhetite Urija. 6 OoRehabeam na Jerobeam va kara novita kumwe aruhe moruveze rwouhona wa Abija. 7 Notjiṋa ngamwa atjihe Abija tja tjita tja tjangwa mEkuruhungi rOzombara za Juda.
8 Abija wa koka na pakwa nOtjihuro tja David nomuzandu we Asa we mu pingena okurira ombara.
Asa ma rire ombara mOjuda
(2Eku 15:16—16:6)9 Mombura oitjamirongo vivari youhona wa Jerobeam, ombara ya Israel, Asa otja rira ombara mOjuda. 10 Eye wa honapara oure wozombura omirongo vivari na imwe mOjerusalem. Ina mukurukaze wa ri Maaka, omusuko wa Absalom. 11 Asa wa tjita imbi mbya tjata ku Muhona otja ihe mukururume David pa tjitire. 12 Eye wa ramba ovakorondu avehe ovarumendu novakazendu mehi, mbaa ve karere poṋa pomerikotameneno kovisenginina, na isa po ovisenginina avihe mbya ungurirwe i imba mba ri po komurungu we. 13 Eye wa yeka ombara oserekaze ina mukurukaze Maaka ouhona, orondu ina ngwi wa ungurire otjiserekarera otjiyaukise tja Asera, ingwi omukuru oserekaze. Asa wa ka otjiserekarera hi tjotjisenginina e tji wisire pehi ne tji nyosire moruronḓu Kidron. 14 Nandarire kutja Asa ka nyonene otuveze atuhe twomerikotameneno kovisenginina, eye wa karerera nouṱakame ku Muhona ngunda e nomuinuyo. 15 Eye wa twa oviṋa avihe mondjuwo ya Muhona ihe mbya yapuririre Ndjambi we.
16 Nu pa kara ovita aruhe pokati ka Asa, ombara ya Juda, na Basa, ombara ya Israel, ngunda ava ri ovahona. 17 Basa wa rwisa Juda na zeuparisa otjihuro Rama kokutja a pate ozondjira azehe zokuhita nozokupita mOjuda. 18 Ombara Asa otja toora osilveri nongoldo aihe mbya sewa mondjuwo ya Muhona na mondjuwo youhona ne vi hindi puna ovakarere ve tjiva kOdamaskus, ku Benhadad, ombara ya Sirie, omuzandu wa Tabrimon, ondekurona ya Hesjon, nombuze ndji: 19 “Ngatu rikute kumwe otja ootate tji va tjitire. Osilveri nongoldo ndji ovyo oviyandjewa, mbi mba hindi kove. Nambano teya omakutasaneno woye kuna Basa, ombara ya Israel, kutja a ise mo ovimbumba vye vyovita mehi randje.”
20 Ombara Benhadad wa itavera kembo ra Asa, na hindi ovahongore ovatye ve novimbumba vyawo vyovita okukarwisa ovihuro vya Israel. Owo va havera ooIjon na Dan na Abel-Bet-Maaka, norukondwa rwehi ndwa ri popezu nOmuronga wa Galilea, nehi arihe ra Naftali. 21 Nombara Basa tja zuva imbi mbya tjitwa, otja isa okuzeuparisa otjihuro Rama na yaruka kOtirsa.
22 Tjazumba ombara Asa otja hinda ombuze mehi arihe ra Juda okukaningira omundu auhe nokuhinakutoorora kutja a vatere okutwara omawe nomiti okuza kOrama, Basa mbya ungurire na vyo okuzeuparisa otjihuro hi. Noviungurise mbi Asa wa zeuparisa na vyo otjihuro Mispa notjihuro Geba tji tji ri mehi ra Benjamin.
23 Otjiṋa ngamwa atjihe ombara Asa tja tjita; ozondjito ze zouvanḓe, novihuro eye mbya zeuparisa, avihe mbi vya tjangwa mEkuruhungi rOzombara za Juda. Nungwari moukurundu we omutjise wozombaze we mu remanisa. 24 Asa wa koka na pakwa mOjerusalem, otjihuro tjaihe David. Nomuzandu we Josafat we mu pingena okurira ombara.
Nadab ma rire ombara mOisrael
25 Mombura oitjavari youhona wa Asa, ombara ya Juda, Nadab, omuzandu wombara Jerobeam, otja rira ombara ya Israel; neye wa honapara oure wozombura mbari. 26 Eye wina wa tura ondjo komurungu wa Muhona na turisa Ovaisrael ondjo otja ihe ngwa ri po komurungu we tjaa tjiti.
27 Basa, omuzandu wa Ahija, womuhoko wa Isakar, we rikuta kumwe novakwao okusekamena Nadab nave mu zepa, Nadab notjimbumba tje tjovita ngunda ava kovere otjihuro Gibeton tji tji ri mOfilisti. 28 Ihi tja tjitwa mombura oitjatatu youhona wa Asa, ombara ya Juda. Komuhingo mbwi Basa otja pingena Nadab okurira ombara ya Israel. 29 Kamanga eye wa zepa ovandu avehe veṱunḓu ra Jerobeam. Indi eṱunḓu arihe ra Jerobeam ra ṱa otja Muhona pa hungirire notjinyo tjomukarere we, omuprofete Ahija wa Silo; kape na umwe ngwa hupa. 30 Ihi tja tjitwa mena rokutja Jerobeam wa pindikisa Muhona, Ndjambi wa Israel, mokutjita omauvi nokupukisa Ovaisrael.
31 Otjiṋa ngamwa atjihe Nadab tja tjita tja tjangwa mEkuruhungi rOzombara za Israel. 32 Nu aruhe pa kara ovita pokati ka Asa, ombara ya Juda, na Basa, ombara ya Israel, ngunda ava ri ovahona.
Basa ma rire ombara mOisrael
33 Mombura oitjatatu youhona wa Asa, ombara ya Juda, Basa, omuzandu wa Ahija, otja rira ombara ya Israel arihe; neye wa honapara mOtirsa oure wozombura omirongo vivari na ine. 34 Eye wina wa tura ondjo komurungu wa Muhona na turisa Ovaisrael ondjo otja ombara Jerobeam ngwa ri po komurungu we tjaa tjiti.
